ARYNews.tv | Urdu – Har Lamha Bakhabar

Tag: وقار یونس

  • سرفراز احمد نے ایک اور بڑا اعزاز اپنے نام کرلیا

    سرفراز احمد نے ایک اور بڑا اعزاز اپنے نام کرلیا

    ایڈلیڈ: آئرلینڈ کے خلاف میچ میں سرفراز احمد نے شاندار سینچری بناکر ایک بار پھر ٹیم کو سرفراز کردیا، سرفراز ورلڈ کپ میں سینچری بنانے والے پہلے پاکستانی وکٹ کیپر بیٹسمین بن گئے۔

    ایڈیلیڈ میں پاکستان کو سرفراز نے سرفراز کیا، آئرش بولرز کے سامنے وکٹ کیپر بیٹسمن ڈٹ گئے، سرفراز ایک بار پھر آئے اور چھاگئے۔

     سرفرازاحمد کی شاندار بیٹنگ نے شائقین کو جھومنے پر مجبور کردیا، سرفراز نے ایک سو بیس گیندوں پر چھ چوکوں کی مدد سے کیرئیر کی پہلی سینچری اسکور کی۔

    ورلڈ کپ میں وہ سینچری بنانے والے پہلے پاکستانی وکٹ کیپر بھی بن گئے، سینچری بنانے پر سرفراز میچ کے بہترین کھلاڑی قرار پائے۔

     سرفراز کا کہنا تھا کہ کوچ نے سینچری بنانے کے لئے حوصلہ بڑھایا تھا، دوہزار سات کے عالمی کپ کے بعد سرفراز ورلڈ کپ میں سینچری بنانے والے واحد پاکستانی کھلاڑی ہیں۔

  • کامیابی کاکریڈٹ وقار یونس کو دوں گا، سرفراز احمد

    کامیابی کاکریڈٹ وقار یونس کو دوں گا، سرفراز احمد

    آکلینڈ: جنوبی افریقہ کے خلاف میچ کے ہیرو سرفراز احمدکا کہنا ہےکہ کسی سے کوئی جھگڑا نہیں، وقاریونس بہت اعتماددیتےہیں،کامیابی کاکریڈٹ انہیں دوں گا۔

    جنوبی افریقہ کیخلاف جارحانہ اننگز اور تاریخی فتح میں بولرز کا ساتھ دینے والے سرفراز احمد کی آل راؤنڈ کارکردگی نے تاریخ بدل دی۔

    سرفراز احمد کا کہنا ہے کہ جنوبی افریقہ کےخلاف بڑامیچ تھا، نصف سنچری مکمل نہ کرنے پر بہت افسوس ہے، لیکن ٹیم میچ جیت گئی اس بات کی زیادہ خوشی ہے۔

    سرفراز احمد نے کہا کہ کوچ اور کپتان نے بھرپور اعتماد دیا تھا کہ اپنا نیچرل گیم کھیلو، میدان میں اترا تو جنوبی افریقی بولرز کو دباؤ میں آئے بغیر کھیلا جس کا فائدہ ہوا۔

    ورلڈ کپ میں سب سے زیادہ کیچز کا عالمی ریکارڈ برابر کرنے پر سرفراز نے کہا کہ وکٹ کیپنگ ریکارڈ برابر کرنے پرخوشی ہے،کسی سےکوئی جھگڑانہیں ہوا،وقاریونس بہت اعتماد دیتےہیں،کامیابی کاکریڈٹ انہیں دوں گا۔

  • سرفراز سے اوپننگ کراکے ان کا کیرئیر تباہ نہیں کرنا چاہتے، وقار یونس

    سرفراز سے اوپننگ کراکے ان کا کیرئیر تباہ نہیں کرنا چاہتے، وقار یونس

    نیپیئر: سرفراز احمد کو ٹیم میں شامل کرنے پر ہیڈ کوچ نے نرالی منتق اپنالی ہے، وقار یونس کا کہنا تھا کہ سرفراز کو اوپنر کھلا کر ان کا کیرئیر داؤ پر نہیں لگانا چاہتے۔

    پاکستان کرکٹ ٹیم کے ہیڈ کوچ وقار یونس نے میڈیا سے سرفراز کی شمولیت کے حوالے سے انوکھی منتق اپناتے ہوئے کہا سرفراز سے اوپننگ کراکے ان کا کیرئیر تباہ نہیں کرنا چاہتے۔

    یو اے ای کیخلاف ایک سو انتیس رنز کی کامیابی پر وقار یونس نے کہا کہ عرفان کے انجرڈ ہونے سے نقصان ہوا، یو اے ای کیخلاف میچ ایک سو پچاس سے زائد رنز سے جیتنا چاہتے تھے۔

    وقار یونس نےکہا کہ دو میچز جیت کا ٹیم کو مورال بلند ہے، کوارٹرفائنل میں باآسانی جگہ بنانے کیلئے جنوبی افریقہ کو ہرانا ہماری ضرورت بن گیا ہے۔

     وقار یونس کا کہنا ہےکہ میگاایونٹ میں پاکستان کی کارکردگی کو بہتر نہیں کہا جارہا ہے لیکن تنقید کرنے والے اس بات کو بھی مد نظر رکھیں کہ اس وقت ٹیم کے دو اہم کھلاڑی سعید اجمل اور محمد حفیظ موجود نہیں ہیں۔

    ہیڈ کوچ نے کہا کہ ہم نے ماضی میں کئی مرتبہ جنوبی افریقا کو شکست دی اور اب بھی دے سکتے ہیں۔

  • یونس خان سے اوپننگ کا تجربہ ناکام ہوا، وقار یونس

    یونس خان سے اوپننگ کا تجربہ ناکام ہوا، وقار یونس

    کرائسٹ چرچ : پاکستان کرکٹ ٹیم کے ہیڈ کوچ وقار یونس کا کہنا ہے کہ یونس خان سے اوپننگ کرانے کا تجربہ کامیاب نہیں ہوا۔ بھارت کی شکست کو بھلا کر ویسٹ انڈیز کے خلاف دوسرے میچ میں پوری تیاری کے ساتھ میدان میں اتریں گے۔

    تفصیلات کے مطابق کرائسٹ چرچ میں میڈیا سے گفتگو کرتے ہوئے وقار یونس کا کہنا تھا کہ بھارت کے خلاف شکست افسوس ناک ہے۔ تین سو ایک رنز کا ہدف حاصل کرنا مشکل نہیں تھا لیکن اب اس ناکامی کو بھلانا ہوگا۔

    ان کا کہنا تھا کہ یونس خان سے اوپننگ کرانے کا تجربہ کامیاب نہیں ہوا۔آؤٹ آف فارم کسی بھی سینئیر کھلاڑی کو ڈراپ کرنا مشکل نہیں ہے۔ کوشش کی جاتی ہے کہ سینئیر کھلاڑیوں کو زیادہ سے زیادہ موقع دیا جائے۔

    وقار یونس نے کہا کہ وہ اب بھی اس بات پر قائم ہیں کہ پاکستان ٹورنامنٹ میں فیورٹ نہیں۔ فیورٹ کو ہمیشہ دباؤ کا سامنا کرنا پڑتا ہے۔ ہیڈ کوچ نے کہا کہ ویسٹ انڈیز کے خلاف دوسرے میچ میں مثبت سوچ کے ساتھ میدان میں اتریں گے۔

  • ورلڈ کپ کیلئے بہترین ٹیم کا انتخاب کیا ہے، وقار یونس

    ورلڈ کپ کیلئے بہترین ٹیم کا انتخاب کیا ہے، وقار یونس

    لاہور: قومی کرکٹ ٹیم کے ہیڈ کوچ وقار یونس کا کہنا ہے کہ ورلڈ کپ میں ٹیم کو فیورٹ قرار نہیں دیا جارہا، فیورٹ ہونے کا پریشر ہوتا ہے، ہم بڑا سوچ رہے ہیں، جیت کی پوری کوشش کریں گے۔

    قذافی اسٹیڈیم لاہور میں میڈیا سے گفتگو کرتے ہوئے وقار یونس کا کہنا تھا کہ ورلڈ کپ کے لئے تمام کھلاڑی سخت محنت کر رہے ہیں۔ مصباح الحق اور شاہد آفریدی کے ریٹائرمنٹ کے اعلان کے بعد دونوں کھلاڑی ٹیم کو کامیاب کروانے کے لئے کچھ مختلف کرنا چاہتے ہیں۔

    وقار یونس کا مزید کہنا تھا کہ قوم کو مایوس نہیں کریں گے، ورلڈ کپ جیتنے کی پوری کوشش کریں گے، ورلڈ کپ کیلئے بہترین ٹیم کا انتخاب کیا ہے،جیت کے لئے متحد ہوکر کھیلنا ہوگا۔

    ہیڈ کوچ کا کہنا تھا کہ بھارت کے خلاف پہلے میچ کو پریشر لینے کی بجائے مثبت لے رہے ہیں، اگر پاکستان ٹیم پہلے میچ میں کامیاب ہوگئی تو پورے ٹورنامنٹ کے لئے کھلاڑیوں کے اعتماد میں اضافہ ہوجائے گا۔

  • آسٹریلیا کیخلاف کلین سوئپ بدلہ نہیں، وقار یونس

    آسٹریلیا کیخلاف کلین سوئپ بدلہ نہیں، وقار یونس

    شارجہ : قومی ٹیم کے ہیڈ کوچ وقار یونس کا کہنا ہے کہ آسٹریلیا کے خلاف ٹیسٹ سیریز میں کلین سوئپ بدلہ نہیں ہے، کھلاڑیوں نے بہترین ڈسپلن کا مظاہرہ کرتے ہوئے سیریز اپنے نام کی ہے۔

    وقار یونس کا کہنا ہے کہ ٹیسٹ سیریز میں قومی ٹیم نے آسٹریلیا کو تینوں شعبوں میں آؤٹ کلاس کیا، کپتان مصباح الحق نے مثبت کپتانی اور بہترین بیٹنگ کی، سیریز میں کلین سوئپ بدلہ نہیں ہے۔۔ دوہزار دو میں آسٹریلیا کیخلاف شکست مختلف صورتحال تھی۔

    یونس کی کارکردگی قابل تعریف ہے، یونس کی وجہ سے نوجوان کھلاڑیوں کو حوصلہ ملتا ہے۔ ان کا کہنا تھا کہ نیوزی لینڈ کے خلاف سیریز میں بھی جیت کے تسلسل کو برقرار رکھنے کی کوشش کریں گے۔

  • پی سی بی نے دوسرے ٹیسٹ کیلئے قومی ٹیم کا اعلان کردیا

    پی سی بی نے دوسرے ٹیسٹ کیلئے قومی ٹیم کا اعلان کردیا

    لاہور: پاکستان کرکٹ بورڈ نے آسٹریلیا کیخلاف تیس اکتوبر سے شروع ہونے والے دوسرے ٹیسٹ کیلئے قومی ٹیم کا اعلان کردیا۔

    تیس اکتوبر سے شروع ہونے والے دوسرے اور آخری ٹیسٹ کیلئے پی سی بی نے پاکستان ٹیم کا اعلان کردیا، سولہ رکنی اسکواڈ میں سے گیارہ کھلاڑیوں کا حتمی اعلان ہوگیا۔ دو سو اکیس رنز سے کامیابی سمیٹنے والی قومی ٹیم میں دوسرے میچ کیلئے کوئی تبدیلی نہیں کی جائے گی۔

    پی سی بی کا کہنا ہے کہ قومی ٹیم وننگ کمبینشن ساتھ میدان میں اترے گی، کرکٹ بورڈ فاسٹ بولر راحت علی اور عمران خان کی کارکردگی سے خوش ہے۔ ذوالفقار بابر اور محمد حفیظ کی انجری معمولی نوعیت کی ہے دونوں آخری میچ میں ٹیم کا حصہ ہونگے۔

  • سری لنکا سے شکست: کپتان اورہیڈ کوچ کی پی سی بی میں طلبی

    سری لنکا سے شکست: کپتان اورہیڈ کوچ کی پی سی بی میں طلبی

     لاہور: پاکستان کرکٹ بورڈ کے چیئرمین شہریار خان نے سری لنکا کے خلاف ٹیسٹ اور ون ڈے سیریز کی شکست کی وجوہات جاننے کے لئے آج ہیڈ کوچ وقار یونس اور کپتان مصباح الحق کو قذافی اسٹیڈیم لاہور میں طلب کرلیاہے۔

    دورہِ سری لنکا میں پاکستان کو ٹیسٹ اور ون ڈے میں ناکامی کا سامنا کرنا پڑا تھا۔ ٹیم کے ہیڈ کوچ وقار یونس اور کپتان مصباح الحق نو منتخب چئیرمین کرکٹ بورڈ شہریار خان سے ون آن ون ملاقات کرکے شکست کی وجوہات سے آگاہ کریں گے۔

    چئیرمین پی سی بی بدھ کو ٹیم مینجر معین خان سے بھی ملاقات کریں گے۔ سری لنکا میں ٹیم ناقص کارکردگی نے مصباح الحق کی کپتانی پر سوالیہ نشان لگادیا ہے۔ شہریار خان کا کہنا ہے کہ ورلڈ کپ اہم ایونٹ ہے، اس سے قبل تمام فیصلے بہت سوچ سمجھ کر کئے جائیں گے