ARYNews.tv | Urdu – Har Lamha Bakhabar

Tag: ولی عہد محمد بن سلمان

  • سعودی فرمانروا شاہ سلمان، ولی عہد محمد بن سلمان کی یوم آزادی پر مبارکباد

    سعودی فرمانروا شاہ سلمان، ولی عہد محمد بن سلمان کی یوم آزادی پر مبارکباد

    سعودی فرمانروا خادم حرمین شریفین شاہ سلمان اور ولی عہد محمد بن سلمان نے پاکستان کے یوم آزادی پر مبارکباد دی ہے۔

    تفصیلات کے مطابق پاکستان کے 78 ویں یوم آزادی کے موقع پر سعودی شاہ سلمان اور ولی عہد محمد بن سلمان نے مبارکباد پیش کی ہے، سعودی قیادت کی جانب سے پاکستان کی ترقی و خوشحالی کے لیے نیک خواہشات کا اظہار کیا گیا۔

    ولی عہد محمد بن سلمان نے صدر مملکت آصف زرداری کے نام تہنیتی پیغام دیا، سعودی قیادت پیغام میں کہا کہ وہ حکومت و پاکستانی عوام کےلیے دعاگو ہیں۔

    معرکہ حق کی فتح اور جشن آزادی کے اس شاندار موقع پر سعودی قیادت نے سعودی عرب اور پاکستان کے تعلقات مزید مستحکم بنانے کا عزم ظاہر کیا۔

    دریں اثنا پاکستان کے 78ویں یومِ آزادی پر امریکی وزیر خارجہ مارکو روبیو نے بھی مبارکباد دیتے ہوئے کہا کہ پاکستانی عوام یوم آزادی منا رہے ہیں، انھیں مبارکباد پیش کرتے ہیں۔

    امریکی وزیر خارجہ مارکو روبیو نے جاری پیغام میں کہا کہ امریکا انسداد دہشت گردی اور تجارت میں پاکستان کی کوششوں کو قدر کی نگاہ سے دیکھتا ہے۔

    اسٹیٹ ڈیپارٹمنٹ کے جاری کردہ بیان میں انھوں نے اس عزم کا اظہار کیا کہ دونوں ممالک اقتصادی تعاون کے نئے مواقع تلاش کرنے کے لیے مل کر کام کریں گے۔

    https://urdu.arynews.tv/president-asif-zardari-prime-minister-shehbaz-sharifs-message-nation-78th-independence-day/

  • ولئ عہد محمد بن سلمان کا آرامکو سے متعلق بڑا فیصلہ

    ولئ عہد محمد بن سلمان کا آرامکو سے متعلق بڑا فیصلہ

    ریاض: سعودی حکومت نے تیل کی بڑی سعودی کمپنی آرامکو کے 4 فی صد حصص انویسٹمنٹ فنڈ کو منتقل کرنے کا فیصلہ کیا ہے۔

    سعودی سرکاری نیوز ایجنسی کے مطابق ولئ عہد و وزیر دفاع شہزادہ محمد بن سلمان نے آرامکو کمپنی کے چار فی صد حصص سعودی انویسٹمنٹ فنڈ کو منتقل کرنے کا اعلان کیا ہے۔

    پبلک انوسٹمنٹ فنڈ کے بورڈ آف ڈائریکٹرز کے سربراہ محمد بن سلمان نے کہا کہ آرامکو کے حصص کی مذکورہ شرح کی منتقلی ملکی معیشت کی بہتری اور وژن 2030 کے اہداف کے حصول میں معاون ہوگی۔

    ان کا کہنا تھا چار فی صد حصص کی منتقلی سے 2025 تک انویسٹمنٹ فنڈ کی مالیت کا حجم 4 ٹریلین ریال تک ہو جائے گی، یہ فنڈ اپنے طویل المیعاد اور درمیانے میعاد کے اہداف کی تکمیل کر رہا ہے۔

    ولئ عہد کے مطابق حصص انویسٹمنٹ فنڈ 2025 تک مقامی طور پر نئے منصوبوں پر کام کرے گا۔ خیال رہے کہ آرامکو کمپنی کے حصص میں حکومت کا ابھی تک حصہ 94 فی صد ہے۔

  • سعودی صحافی جمال خاشقجی قتل میں ملوث ایک ملزم گرفتار

    سعودی صحافی جمال خاشقجی قتل میں ملوث ایک ملزم گرفتار

    پیرس/انقرہ/ریاض : معروف سعودی صحافی جمال خاشقجی کے قتل میں ملوث ملزم فرانس سے گرفتار ہوگیا۔

    غیر ملکی خبر رساں ادارے کی رپورٹ کے مطابق سعودی عرب سے تعلق رکھنے والے مقتول صحافی جمال خاشقجی کے بہیمانہ قتل میں ملوث ملزم خالد الاوطیبی کو فرانس کے چارلس دی گولے ایئرپورٹ سے کچھ دیر قبل ہی گرفتار کیا گیا ہے۔

    مذکورہ شخص امریکی اخبار دی واشنگٹن پوسٹ سے وابستہ صحافی کو قتل کرنے والے 26 افراد میں سے ایک ہے جن کی گرفتاری کےلیے ترکی کی جانب سے کوششیں جاری ہیں۔

    رپورٹ کے مطابق 33 سالہ شخص سابق سعودی شاہی گارڈ رہ چکا ہے جو عدالتی حراست تھا اور اپنے اصل نام سے سفر کررہا تھا۔

    واضح رہے کہ صحافی جمال خاشقجی سعودی حکومت باالخصوص ولی عہد محمد بن سلمان کے شدید ناقد تھے جنہیں اکتوبر 2018 میں استنبول میں واقع سعودی سفارت خانے میں بےدردی سے قتل کرکے لاش کو تیزاب میں ڈال دیا تھا۔

    جمال خاشقجی کے قتل سے متعلق سعودی حکومت نے کہا تھا کہ جاسوسوں کی ایک ٹیم واشنگٹن پوسٹ سے وابستہ صحافی کو ریاست واپس لانے کےلیے گئی تھی تاہم آپریشن کے دوران انہوں نے خاشقجی کو قتل کردیا لیکن ترکش حکام نے کہا تھا کہ جاسوسوں نے صحافی کو سعودی حکومت کے اعلیٰ حکام کے حکم پر قتل کیا تھا۔

  • سعودی فرمانروا اور ولی عہد کا پاکستان میں ٹرین حادثے پر اظہارِ افسوس

    سعودی فرمانروا اور ولی عہد کا پاکستان میں ٹرین حادثے پر اظہارِ افسوس

    اسلام آباد : سعودی فرمانروا شاہ سلمان اورولی عہد محمد بن سلمان نے ٹرین حادثے پر اظہارافسوس کرتے ہوئے جاں بحق افراد کے لواحقین سے اظہارتعزیت کیا۔

    تفصیلات کے مطابق سعودی عرب کے فرمانروا شاہ سلمان اور ولی عہد محمد بن سلمان نے صدر ڈاکٹر عارف علوی سے خصوصی رابطہ کیا ، رابطے میں دونوں نے ٹرین حادثے پر افسوس کا اظہار کیا اور جاں بحق ہونے والے افراد کے لواحقین سے اظہارتعزیت کیا۔

    شاہ سلمان نے صدر عارف علوی کو بھیجے گئے اپنے پیغام میں کہا ہے کہ پاکستانی ٹرین میں آتشزدگی کے واقعے میں لوگوں کی اموات اور زخمی ہونے کی اطلاع ملی ہے ، ہم جاں بحق ہونے والے افراد کے اہل خانہ اور پاکستان کے عوام سے ہمدردی کا اظہار کرتے ہیں۔

    اسی پیغام میں شہزادہ محمد بن سلمان کی جانب سے تعزیت کا اظہار کرتے ہوئے کہا گیا ہے کہ حادثے میں زخمی ہونے والے مسافروں کی جلد صحت یابی اور جاں بحق ہونے والوں کی مغفرت کیلئے دعاگو ہیں۔

    یاد رہے گذشتہ روز ملت ایکسپریس اور سر سید احمد ایکسپریس کے درمیان تصادم کا خوفناک حادثہ ہوا ، جس میں اب تک 62 افراد جاں بحق ہوچکے ہیں جبکہ متعدد زخمی ہے۔

  • سعودی عرب کی نہر کھود کر قطر کو جزیرہ بنانے کے منصوبے کی تصدیق

    سعودی عرب کی نہر کھود کر قطر کو جزیرہ بنانے کے منصوبے کی تصدیق

    ریاض‌ : سعودی عرب نے  نہر کھود کر قطرکو جزیرہ بنانے کے منصوبے کی تصدیق کردی ہے ، مشیر ولی عہد محمد بن سلمان کا کہنا ہے کہ عظیم منصوبے سے خطے کا جغرافیہ تبدیل ہوجائے گا۔

    غیر ملکی خبر رساں ایجنسی کے مطابق سعودی عرب قطر کے گرد نہر کھود کر اسے جزیرہ بنانے کی منصوبہ بندی کررہا ہے، مشیرولی عہد محمد بن سلمان نے قطر کو جزیرہ بنانے کے منصوبے کی تصدیق کردی ہے۔

    سعودی ولی عہد محمد بن سلمان کے مشیر سعود القحطاتی نے سماجی رابطے کی ویب سائٹ ٹوئٹر پر اپنے بیان میں کہا ہے کہ اس عظیم منصوبے سے خطے کا جغرافیہ تبدیل ہوجائے گا، میں بےچینی سے منصوبے کی تکمیل کی تفصیلات کا انتظار کر رہا ہوں۔

    اس منصوبے کا مقصد قطر کو سعودی سرزمین سے الگ کر دینا ہے اور اس پر 75 کروڑ ڈالر لاگت آئے گی۔

    یاد رہے قطر اور سعودی عرب کے تعلقات 14 ماہ سے کشیدہ ہیں، جون 2017 میں سعودی عرب، عرب امارات، بحرین اور مصر نے قطر پر دہشت گردوں کی معاونت اور سہولت کاری کا الزام لگا کر سفارتی تعلقات منقطع کردئیے تھے اور قطر پر اپنی زمینی، فضائی اور سمندری سرحدوں کو بند کردیا تھا اور قطر کے شہریوں کو جلد ازجلد ملک چھوڑنے کی ہدایت کردی تھی۔

     مزید پڑھیں : سعودی عرب سمیت 7 عرب ممالک نےقطرسےسفارتی تعلقات منقطع کردیے

    قطر نے الزامات کی تردید کرتے ہوئے سعودی عرب اور متحدہ عرب امارات سمیت 4 ملکوں کی اشیاء کی درآمد پر پابندی عائد کردی تھی۔

    تعلقات میں کشیدگی کے بعد رواں سال اپریل میں کہا گیا تھا کہ خلیجی بحران کے بعد سعودی عرب نے قطر کے ساتھ اپنی سرحد پر نہر کھدوانے کا منصوبہ بنالیا ہے جس کے بعد قطر ایک تنہا جزیرہ بن جائے گا۔

  • سعودی عرب کی پہلی خاتون ’ ٹور گائیڈ ‘ مریم الحربی کا نیا اعزاز

    سعودی عرب کی پہلی خاتون ’ ٹور گائیڈ ‘ مریم الحربی کا نیا اعزاز

    جدہ : سعودی عرب کی پہلی خاتون ’’ ٹور گائیڈ ‘‘ مریم الحربی سال 2017 کی بہترین گائیڈ کا اعزاز حاصل کرنے میں کامیاب ہو گئی ہیں۔

    تفصیلات کے مطابق مریم الحربی کو نمایاں کارکردگی دکھانے پر ’’ بہترین ٹور گائیڈ ‘‘ کا اعزاز سعودی کمیشن برائے سیاحت و قومی ورثہ کی جانب سے دیا گیا ہے جب کہ بہترین کارکردگی دکھانے پر تعریفی سند بھی پیش کی گئی۔

    عرب میڈیا سے بات کرتے ہوئے مریم الحربی کا کہنا تھا کہ ’’ ٹور گائیڈ ‘‘ کے شعبے کو سعودی عرب میں متعارف کرانے کا خواب لے کر اپنے کام کا آغاز کیا تھا اور آج میں اپنے خواب کی تعبیر پا کر نہایت خوشی محسوس کررہی ہوں۔

    مریم الحربی نے مزید کہا کہ میری کامیابیاں نئی نسل کے لیے حوصلہ افزا ثابت ہوں گی اور وہ نوجوانوں کی بڑی تعداد اس شعبے سے منسلک ہو جائے گی جس سے نہ صرف سیاحت کو فروغ حاصل ہوگا بلکہ نوجوانوں کو بھی روزگار کے نئے اور پُر کشش مواقع میسر آئیں گے۔

    انہوں نے مزید کہا کہ ایک ٹور گائیڈ اپنے ملک کے سفارت کار کے طور پر کام کرتا ہے اور اپنے ملک آنے والے مہمانوں کو خطے کی ثقافت، تہذیب اور ورثے سے روشناس کراتا ہے جس سے سیاح ملک کا ایک روشن، مثبت اور جدید پہلو لے کر اپنے ملک واپس جائے گا اور اپنے عزیز و اقرباء کو اپنے تجربے کی بناء پر سیاحت کے لیے سعودی عرب تجویز کریں گے۔

    خیال رہے کہ روایت پسند سعودی عرب میں خواتین کے کام کرنے کو معیوب سمجھا جاتا تھا یہاں تک کہ خواتین کے گاڑی چلانے پر بھی پابندی عائد تھی تاہم نئے ولی عہد محمد بن سلمان کے وژن 2023 کے تحت سعودی قوانین میں تبدیلی لاتے ہوئے خواتین کو بھی قومی دھارے میں شامل کیا جارہا ہے اور چند مشروط شرائد کے ساتھ خواتین کو ملازمت کرنے کی اجازت بھی دے دی گئی ہے.