کراچی : صوبائی وزیرداخلہ سہیل خان کا کہنا ہے کہ صرف دو دریا نہیں پورے شہرمیں ونگ ویلنگ پرپابندی عائد کی ہے۔
تفصیلات کے مطابق وزیرداخلہ سندھ سہیل انور سیال نے دو دریا پرمیڈیا سے گفتگوکرتے ہوئے کہا کہ ون ویلنگ سے ایک بھی جان بچالی تو یہ ہماری کامیابی ہوگی۔
سہیل انور سیال نے کہا کہ صرف دودریا نہیں پورے شہرمیں ونگ ویلنگ پرپابندی عائد کی ہے۔
صوبائی وزیرداخلہ نے کہا کہ ہم اپنی جانب سے تمام ترکوششیں کر رہے ہیں، کراچی میں اسٹریٹ کرائم اور سی ویو پر بائیک ریسنگ کی وجہ سے جو حادثات اور جانی نقصان ہوجاتے ہیں ان پرقابو پایا جا سکے۔
دوسری جانب پولیس نے گزشتہ رات اسنیپ چیکنگ کےدوران متعدد موٹر سائیکلوں اور گاڑیوں کوقبضے لے کر 34 افراد کو حراست میں لے لیا۔
پولیس حکام کے مطابق گاڑیوں کو نامکمل کاغذات ہونے پر قبضے میں لیا گیا، حراست میں لیے گئے 2 افراد سے اسلحہ بھی برآمد ہوا۔
سی ویو: ریس کے دوران اوورٹیک کرنے پر فائرنگ، نوجوان جاں بحق
یاد رہے کہ گزشتہ ہفتے کراچی میں گاڑیوں کی ریس میں اوور ٹیک کرنے کے دوران ٹکر لگنے کے تنازعے پر فائرنگ سے نوجوان جاں بحق اور ساتھی زخمی ہوگیا تھا۔
