Tag: ون ڈے انٹرنیشنل

بنگلہ دیشی سینئر بیٹر مشفق الرحیم نے ون ڈے انٹرنیشنل سے ریٹائرمنٹ ہوگئے، انھوں نے سوشل میڈیا پر اپنی ریٹائرمنٹ کا اعلان کیا۔

چیمپئنزٹرافی 2025 میں گروپ اسٹیج سے باہر ہونے کے بعد بنگلہ دیشی بیٹر مشفق الرحیم نے ون ڈے فارمیٹ سے ریٹائرمنٹ لے لی، اپنے ملک کی طرف سب سے زیادہ 274 ون ڈے میچز کھیلنے والے مشفق نے سپورٹ کرنے پر اپنے مداحوں کا شکریہ بھی ادا کیا۔

مشفق نے اپنے آفیشل فیس بک پیج پر لکھا کہ "الحمدللہ ہر چیز کے لیے، اگرچہ عالمی سطح پر ہماری کامیابیاں محدود رہی ہونگی لیکن ایک بات یقینی ہے کہ جب بھی میں نے اپنے ملک کے لیے میدان میں قدم رکھا، میں نے لگن اور ایمانداری کے ساتھ 100 فیصد سے زیادہ دینے کی کوشش کی۔

مشفق الرحیم نے کہا کہ میں آخر میں اپنی فیملی، دوستوں اور مداحوں کا تہہ دل سے شکریہ ادا کرتا ہوں جن کے لیے میں 19 سال سے کرکٹ کھیل رہا تھا۔

مشفق الرحیم ٹی ٹوئنٹی کرکٹ سے 2 سال قبل ہی ریٹائر ہوچکے ہیں جب کہ وہ ٹیسٹ کرکٹ کھیلتے رہیں گے، انھیں 100 ٹیسٹ میچز کی کائونٹنگ پوری کرنے کے لیے مزید 6 ٹیسٹ درکار ہیں۔

وکٹ کیپر بیٹر مشفق الرحیم کو بنگلادیشی ٹیم کی قیادت کرنے کا اعزاز بھی حاصل ہے، انھوں نے 274 ون ڈے میچز میں 9 سنچریوں اور 49 نصف سنچریا اسکور کرتے ہوئے 7795 رنز اسکور کیے۔

وکٹوں کے پیچھے مشفق الرحیم نے بنگلادیش کی جانب سے سب سے زیادہ 299 شکار کیے جن میں 243 کیچ اور 56 اسٹمپ شامل ہیں۔

سابق پاکستانی کرکٹرز نے مطالبہ کیا ہے کہ بابراعظم، رضوان، شاہین آفریدی کو ٹی ٹوئنٹی نہ کھلایا جائے، تینوں کی ٹی 20 ٹیم میں جگہ نہیں بنتی۔

اے آر وائی نیوز کے پروگرام ہرلمحہ پُرجوش میں گفتگو کرتے ہوئے سابق ٹیسٹ کرکٹر باسط علی نے کہا کہ بابر اعظم، کپتان محمد رضوان، شاہین شاہ آفریدی کی ٹی ٹوئنٹی ٹیم میں جگہ نہیں بنتی، محمد رضوان نے قوم کے سامنے اپنی ہار کو تسلیم کیا ہے۔

باسط علی نے کہا کہ رضوان نے ایک ہی بات اچھی کی کہ اپنی ہار کو تسلیم کیا، رضوان نیوزی لینڈ کےخلاف اچھی پرفارمنس کا کہہ رہےہیں، دنیا ملکی سیریز نہیں بلکہ آئی سی سی ایونٹس کو دیکھتی ہے۔

انھوں نے کہا کہ ہم 1988 سے سن رہے ہیں کہ طویل مدتی منصوبہ بندی کریں گے، طویل مدتی منصوبہ بندی نہیں دیکھی لیکن پیراشوٹ سے کھلاڑی آتے دیکھے۔

اسی پروگرام میں اظہار خیال کرتے ہوئے سابق کرکٹر کامران اکمل نے کہا کہ بابر اعظم، محمد رضوان، شاہین آفریدی کو ٹی ٹوئنٹی نہ کھلایا جائے، بابر اعظم، رضوان، شاہین آفریدی کو ٹیسٹ کرکٹ کھلائی جائے۔

کامران اکمل نے کہا کہ بابر، رضوان، شاہین ون ڈے ٹیم میں بڑی ٹیموں کےخلاف آئیں، متبادل کھلاڑی چاہیے تو پی سی بی کو فیصلے لینے پڑیں گے۔

چیمپئنز ٹرافی میں بابر اعظم ہی اوپن کریں گے، محمد رضوان کا یوٹرن

انھوں نے کہا کہ بابر، رضوان، شاہین کو اب ٹی ٹوئنٹی کھیلنے کی ضرورت بھی نہیں، مختلف سیریز میں نئے کھلاڑیوں کو ٹیم میں کھلانا چاہیے، انگلینڈ جوروٹ کو صرف آئی سی سی ایونٹ میں لےکر آتی ہے، پی سی بی کو اب ٹیم میں نئے کھلاڑیوں کو لانا پڑےگا

کامران اکمل نے کہا کہ بابراعظم سے بڑے ریکارڈ بنوانے ہیں، ٹیسٹ اور ون ڈے کھلائیں، ہمیں ٹی ٹوئنٹی میں نئے کھلاڑیوں کو کھلانا پڑےگا، ڈومیسٹک کے پرفارمرز کو ٹیم میں لانا چاہیے۔

https://urdu.arynews.tv/babar-drops-shaheen-and-rizwan-soar-in-icc-t20i-rankings/

پاکستان کے اسٹار بیٹر بابر اعظم نے ون ڈے انٹرنیشنل میں 6000 رنز مکمل کر کے لیجنڈری ہاشم آملہ کے ہم پلہ ہوگئے ویرات کوہلی کو پیچھے چھوڑ دیا

نیشنل اسٹیڈیم میں نیوزی لینڈ کے خلاف کھیلے جا رہے ٹرائی نیشن سیریز کے فائنل میں بابر اعظم نے ایک اور سنگ میل عبور کر لیا اور وہ ون ڈے انٹرنیشنل میں 6000 ہزار رنز مکمل کرنے والے 11 ویں پاکستانی کرکٹر بن گئے ہیں۔

بابر اعظم نے یہ سنگ میل 123 ویں اننگ میں حاصل کیا۔ اس کے ساتھ ہی وہ تیز ترین 6000 رنز مکمل کرنے والے پہلے پاکستانی بیٹر جب کہ عالمی سطح پر لیجنڈ پروٹیز بلے باز ہاشم آملہ کے ہم پلہ ہو گئے ہیں۔

قومی بیٹر نے یہ سنگ میل عبور کرتے ہوئے ویرات کوہلی سمیت کئی نامور کرکٹرز کو پیچھے چھوڑ دیا۔

قابل ذکر بات یہ ہے کہ بابراعظم نے محض 97 اننگز میں تیز ترین 5000 ون ڈے رنز بنانے کا ریکارڈ اپنے نام کیا تھا۔

بابر اعظم اگر آج کے میچ میں تھری فیگر اننگ کھیلنے میں کامیاب ہوگئے تو یہ ان کی ون ڈے انٹرنیشنل میں 20 ویں سنچری ہوگی اور اس کے ساتھ ہی وہ سابق اسٹائلش اوپنر سعید انور کا ریکارڈ برابر کر دیں گے۔

اس کے ساتھ ہی وہ 20 سنچریاں بنانے والے ون ڈے کرکٹ کی تاریخ کے دوسرے تیز ترین بلے باز بھی بن جائیں گے۔ سابق جنبوی افریقی بیٹر ہاشم آملہ 108 اننگز مین 20 سنچریاں بنانے کا اعزاز رکھتے ہیں۔

انگلینڈ کے سابق کرکٹر مارک نکولس نے حیران کن مشورہ دیتے ہوئے کہا ہے کہ ون ڈے کرکٹ کو صرف ورلڈکپ ایونٹ تک محدود کردیا جائے۔

سابق کرکٹر نے مزید وضاحت کرتے ہوئے کہا کہ آج کل کے دور میں پلیئرز فرنچائز کرکٹ اور ٹی ٹوئنٹی کرکٹ کو زیادہ ترجیح دیتے ہیں، نکولس کو یقین ہے کہ موجودہ دور میں کرکٹ کی حرکیات بدل چکی ہیں۔

انھوں نے کہا کہ ہم سمجھتے ہیں کہ ون ڈے کے لیے صرف ورلڈ کپ ہونا چاہیے کیوں کہ یہ میچز اپنا جواز کھو رہے ہیں اور کئی ممالک میں گراؤنڈ تماشائیوں سے نہیں بھرتے۔

اس وقت ٹی ٹوئنٹی کرکٹ میں ایک ایسی طاقت ہے جو کافی زوروں پر ہے۔ اس میں صرف میچز کی ٹکٹیں ہی فروخت نہیں ہوتی بلکہ لوگوں کی بڑی تعداد فرنچائزز کو اوون کرتی ہے۔

نکولس نے کہا کہ ٹی ٹوئنٹی میں ایک غیرمعمولی کشش ہے، اور میں سمجھتا ہوں کہ اس کے ساتھ ساتھ 50 اوور کی کرکٹ کو شیڈول کرنا ون ڈے کرکٹ کی موت کے مترادف ہوگا۔

حالیہ ادوار میں ون ڈے کرکٹ کا مستقبل زیر بحث رہا ہے اور کئی سابق کرکٹرز نے اس پر اپنی آرا دی ہے جب کہ کئی بڑے اور نامور کرکٹرز بھی ایک روزہ فارمیٹ سے ریٹائرمنٹ لے چکے ہیں۔

66 سالہ مارک نکولس کا ماننا ہے کہ اس وقت کرکٹ کا مختصر ترین فارمیٹ، 50 اوورز کے فارمیٹ پر بازی لے جاچکا ہے۔