Tag: ون ڈے رینکنگ

دبئی: آئی سی سی نے ون ڈے کی نئی رینکنگ جاری کردی جس کے مطابق محمد عامر نے کیریئر کی بہترین پوزیشن حاصل کرلی ہے اور بابر اعظم نے تیسری پوزیشن مزید مستحکم بنالی۔

تفصیلات کے مطابق آئی سی سی نے پاکستان اور سری لنکا کے درمیان کھیلی جانے والی ون ڈے سیریز کے اختتام پر ون ڈے رینکنگ جاری کی ہے، محمد عامر کیریئر کی بہترین ساتویں پوزیشن پر آگئے ہیں، بابر اعظم تیسرے نمبر پر براجمان ہیں۔

فاسٹ بولر محمد عامر نے 6 درجہ لمبی چھلانگ لگائی اور ساتویں پوزیشن پر پہنچ گئے، فاسٹ بولر عثمان شنواری کی رینکنگ بھی بہتر ہوئی وہ 28 درجہ ترقی کے ساتھ 43ویں نمبر پر آگئے ہیں۔

بھارتی کرکٹ ٹیم کے کپتان ویرات کوہلی اب بھی دنیا کے بہترین بیٹسمین ہیں اور ان کا پہلی پوزیشن پر قبضہ برقرار ہے، بھارت کے روہت شرما دوسرے نمبر پر موجود ہیں۔

Amir reaches career-best seventh place in @MRFWorldwide ICC Men's ODI Player Rankings https://t.co/upzBfrEnRr via @ICC

— ICC Media (@ICCMediaComms) October 3, 2019

بولرز رینکنگ میں بھارت کے جسپریت بمراہ کی پہلی پوزیشن برقرار ہے، بیٹسمینوں میں پاکستان کے بابر اعظم کی تیسری پوزیشن پر برقرار ہیں جبکہ فخر زمان 16ویں نمبر پر براجمان ہیں۔

ٹیم رینکنگ میں انگلینڈ کی پہلی پوزیشن برقرار ہے، بھارت دوسرے، نیوزی لینڈ تیسرے، آسٹریلیا چوتھے، جنوبی افریقا پانچویں، پاکستان چھٹے، بنگلہ دیش ساتویں، سری لنکا آٹھویں، ویسٹ انڈیز نویں اور افغانستان دسویں نمبر پر براجمان ہے۔

ٹاپ فائیو آل راؤنڈرز کی رینکنگ میں بنگلہ دیش کے شکیب الحسن پہلے، انگلینڈ کے بین اسٹوکس دوسرے، افغانستان کے محمد نبی تیسرے، پاکستان کے عماد وسیم چوتھے اور افغانستان کے راشد خان پانچویں نمبر پر موجود ہیں۔

دبئی: انٹرنیشنل کرکٹ کونسل (آئی سی سی) نے نئی ون ڈے رینکنگ جاری کردی جس کے مطابق ورلڈ کپ میں عمدہ پرفارمنس کے بعد بابراعظم تیسرے نمبر پر براجمان ہیں۔

تفصیلات کے مطابق آئی سی سی نے ون ڈے کی نئی پلیئر رینکنگ جاری کردی ہے، بھارتی کپتان ویرات کوہلی کا پہلی پوزیشن پر قبضہ برقرار ہے، بابر اعظم چار درجے ترقی کے بعد تیسرے نمبر پر پہنچ گئے ہیں۔

بھارت کے روہت شرما دوسرے نمبر پر موجود ہیں، بابر اعظم تیسرے، جنوبی افریقہ کے فاف ڈوپلیسی چوتھے اور نیوزی لینڈ کے راس ٹیلر پانچویں نمبر پر موجود ہیں۔

Babar Azam breaks into top 3#FafduPlessis enters top 5#KaneWilliamson moves into top 10
David Warner ➔ No. 6️⃣

Latest @MRFWorldwide ICC ODI Rankings update: https://t.co/rr3TxdQHL5 pic.twitter.com/yutjylg5RP

— ICC (@ICC) July 7, 2019

بولرز رینکنگ میں بھارت کے جسپریت بمراہ پہلی پوزیشن پر براجمان ہیں، نیوزی لینڈ کے ٹرینٹ بولٹ دوسرے، آسٹریلیا کے پیٹ کمنز تیسرے، جنوبی افریقہ کے ربادا چوتھے اور جنوبی افریقہ کے عمران طاہر پانچویں نمبر پر براجمان ہیں۔

پاکستان کے امام الحق ون ڈے رینکنگ میں 11 نمبر پر براجمان ہیں جبکہ بولرز رینکنگ میں کوئی پاکستانی بولرز ٹاپ ٹین میں جگہ نہیں بنا سکا۔

واضح رہے کہ پاکستان کے فاسٹ بولر محمد عامر نے ورلڈ کپ 2019 میں 17 وکٹیں حاصل کی تھیں۔

Onto the bowling rankings:

🔸 Jasprit Bumrah retains his top spot
🔹 Pat Cummins enters top 3️⃣
🔸 Mujeeb ur Rahman jumps to No. 6️⃣
🔹 Mitchell Starc and Lockie Ferguson leap into top 🔟

Latest @MRFWorldwide ICC ODI Rankings update: https://t.co/rr3TxdQHL5 pic.twitter.com/TtuohDsHca

— ICC (@ICC) July 7, 2019

یاد رہے کہ آئی سی سی کی جانب سے ورلڈ کپ کے گروپ میچز ختم ہونے کے بعد ون ڈے رینکنگ جاری کی گئی ہے، ورلڈ کپ کے سیمی فائنل 9 جولائی اور 11 جولائی کو کھیلے جائیں گے جبکہ فائنل 14 جولائی کو کھیلا جائے گا۔

پہلے سیمی فائنل میں بھارت اور نیوزی لینڈ کی ٹیمیں مدمقابل ہوں گی جبکہ دوسرا سیمی فائنل انگلینڈ اور آسٹریلیا کے درمیان کھیلا جائے گا۔

دبئی: انٹرنیشنل کرکٹ کونسل (آئی سی سی) نے نئی ون ڈے رینکنگ جاری کردی جس کے مطابق بھارت نے انگلینڈ سے پہلی پوزیشن چھین لی ہے۔

تفصیلات کے مطابق آئی سی سی نے ون ڈے کی نئی رینکنگ جاری کی ہے، بھارت کی ٹیم آئی سی سی ون ڈے رینکنگ میں نمبر ون پوزیشن پر آگئی، آسٹریلیا سے شکست نے انگلینڈ کو دوسرے نمبر پر دھکیل دیا۔

بھارت کی ٹیم 127 پوائنٹس کے ساتھ پہلی پوزیشن پر موجود ہے، انگلینڈ 122 پوائنٹس کے ساتھ دوسرے، نیوزی لینڈ کی ٹیم 114 پوائنٹس کے ساتھ تیسرے نمبر پر براجمان ہے۔

India are the top side in the @MRFWordwide ICC ODI Team Rankings https://t.co/rIShNdbCgP via @ICC @BCCI

— ICC Media (@ICCMediaComms) June 27, 2019

ورلڈ کپ میں انگلینڈ، پاکستان کو شکست دینے والی آسٹریلوی ٹیم 112 پوائنٹس کے ساتھ 4 نمبر پر موجود ہے، جنوبی افریقہ کی ٹیم 109 پوائنٹس کے ساتھ چھٹے نمبر پر موجود ہے۔

قومی کرکٹ ٹیم 96 پوائنٹس کے ساتھ چھٹے نمبر پر موجود ہے، بنگلہ دیش کی ٹیم 92 پوائنٹس کے ساتھ ساتویں نمبر پر موجود ہے۔

اسی طرح سری لنکا کی ٹیم 78 پوائنٹس حاصل کرکے 8ویں پوزیشن پر موجود ہے، ورلڈ کپ میں مایوس کن کارکردگی دکھانے والی ویسٹ انڈیز کی ٹیم 9ویں نمبر پر براجمان ہے۔

حال ہی میں ون ڈے اسٹیٹس حاصل کرنے والی افغانستان کی ٹیم 60 پوائنٹس کے ساتھ دسویں نمبر پر موجود ہے۔

دبئی: انٹرنیشنل کرکٹ کونسل (آئی سی سی) کی جانب سے جاری کردہ ون ڈے رینکنگ میں پاکستان ٹیم آسٹریلیا کے ہاتھوں کلین سویپ شکست کے باوجود چھٹی پوزیشن بچانے میں کامیاب ہوگئی ہے۔

تفصیلات کے مطابق آئی سی سی نے ایک روزہ کرکٹ کی عالمی رینکنگ کا اعلان کر دیا، آئی سی سی ون ڈے رینکنگ میں پاکستان ٹیم کلین سویپ شکست کے باوجود چھٹی پوزیشن بچانے میں کامیاب رہی ہے۔

[bs-quote quote=”ٹی ٹوینٹی رینکنگ میں پاکستان 135 پوائنٹس کے ساتھ پہلی پوزیشن پر براجمان ہے۔” style=”style-8″ align=”left”][/bs-quote]

آسٹریلیا نے عرب امارات میں پاکستان کو ون ڈے سیریز میں 0-5 سے شکست دی لیکن اس سے ٹیم کے پوائنٹس ٹیبل میں کسی قسم کا اضافہ نہیں ہوا اور وہ 108 پوائنٹس کے ساتھ پانچویں پوزیشن پر ہی براجمان ہے۔

ون ڈے کی نئی عالمی درجہ بندی میں انگلینڈ کی ٹیم 123 پوائنٹس کے ساتھ پہلے جب کہ انڈیا 120 پوائنٹس سے دوسرے نمبر پر ہے، نیوزی لینڈ 112 پوائنٹس کے ساتھ تیسرے، جنوبی افریقہ بھی 112 پوائنٹس کے ساتھ چوتھے نمبر پر ہے۔

آسٹریلیا سے کلین سویپ شکست کے بعد پاکستانی ٹیم 100 پوائنٹس سے 97 پوائنٹس پر سرک گئی لیکن اس کی چھٹی پوزیشن برقرار رہی۔ دوسری جانب ٹیسٹ رینکنگ میں بدستور بھارت سر فہرست ہے جب کہ پاکستانی ٹیم ساتویں پوزیشن پر قبضہ جمائے ہوئے ہے۔

یہ بھی پڑھیں:  ون ڈے سیریز، آسٹریلیا نے پاکستان کو وائٹ واش کردیا

بنگلا دیش کے خلاف سیریز میں کام یابی کے بعد نیوزی لینڈ 108 پوائنٹس کے ساتھ دوسرے نمبر پر ہے، 105 پوائنٹس کے ہم راہ جنوبی افریقا کی تیسری پوزیشن ہے۔ آسٹریلیا اور انگلینڈ دونوں کے 104 پوائنٹس ہیں اور یہ عالمی رینکنگ میں بالترتیب چوتھے اور پانچویں پوزیشن پر براجمان ہیں۔

سری لنکا کی 93 پوائنٹس کے ساتھ چھٹی پوزیشن ہے جب کہ پاکستان 88 پوائنٹس کے ساتھ ساتویں پوزیشن پر ہے، 77 پوائنٹس کے ساتھ ویسٹ انڈیز آٹھویں، 69 پوائنٹس کے ساتھ بنگلا دیش نویں اور 13 پوائنٹس کے ساتھ زمبابوے دسویں نمبر پر ہے۔

دوسری طرف آئی سی سی ٹی ٹوینٹی رینکنگ میں پاکستان 135 پوائنٹس کے ساتھ پہلی پوزیشن پر براجمان ہے، انڈیا 122 پوائنٹس کے ساتھ دوسری اور انگلینڈ 121 پوائنٹس کے ساتھ تیسری پوزیشن پر ہے۔

دبئی: انٹرنیشنل کرکٹ کونسل (آئی سی سی) نے ون ڈے پلیئرز رینکنگ جاری کردی جس کے مطابق قومی مڈل آرڈر بلے باز پانچویں نمبر پر موجود ہیں۔

تفصیلات کے مطابق بنگلہ دیش اور ویسٹ انڈیز کے درمیان سیریز ختم ہونے کے بعد آئی سی سی نے ون ڈے رینکنگ جاری کی جس کے مطابق بھارتی کپتان ویرات کوہلی کا بلے بازوں کی رینکنگ میں پہلی پوزیشن پر قبضہ ہے۔

بھارتی بلے باز روہت شرما دوسرے نمبر پر موجود ہیں جبکہ نیوزی لینڈ کے روس ٹیلر کا تیسرا نمبر ہے، پاکستان کے بابر اعظم پانچویں نمبر پر موجود ہیں جبکہ فخر زمان بارہویں نمبر پر براجمان ہیں۔

Mustafizur, Mehidy and Hope have achieved career-high rankings in @MRFWorldwide ICC ODI Player Rankings #BDvWIhttps://t.co/ZnNuY4POIP pic.twitter.com/PTP4pYfohY

— ICC Media (@ICCMediaComms) December 16, 2018

بولرز رینکنگ میں بھارت کے فاسٹ بولر بمرا کا پہلی پوزیشن پر قبضہ ہے، افغانستان کے راشد خان دوسرے، بھارت کے کلدیپ یادیو تیسرے نمبر پر موجود ہیں، جنوبی افریقہ کے ربادا کا چوتھا اور بنگلہ دیشی فاسٹ بولر مستفیض الرحمان کا پانچواں نمبر ہے، قومی بولر حسن علی کا 13واں نمبر ہے۔

آل راؤنڈر رینکنگ میں افغانستان کے راشد خان پہلے، بنگلہ دیش کے شکیب الحسن دوسرے نمبر پر موجود ہیں، افغانستان کے محمد نبی تیسرے، قومی آل راؤنڈر محمد حفیظ چوتھے اور آسٹریلیا کے مچل اسٹارک پانچویں نمبر پر براجمان ہیں۔

واضح رہے کہ آئی سی سی نے پلیئرز رینکنگ بنگلہ دیش اور ویسٹ انڈیز کے درمیان ون ڈے سیریز ختم ہونے کے بعد جاری کی ہے جس میں بنگلہ دیش نے ویسٹ انڈیز کو 2-1 سے شکست دے کر سیریز جیت لی ہے۔