Tag: ون ڈے

گیانا: پاکستان نےویسٹ انڈیز کو تین ایک روزہ میچ کے آخری میچ میں ویسٹ انڈیزکو چھ وکٹوں سےشکست دے کرسیریز اپنےنام کرلی۔

تفصیلات کےمطابق ویسٹ انڈیز کے خلاف ایک روزہ سیریز کے تیسرے اور فیصلہ کن میچ میں ہدف کے تعاقب میں پاکستان کا آغاز انتہائی اچھا نہ رہا،کامران اکمل اننگز کی پہلی ہی گیند پر آؤٹ ہوگئے۔

احمد شہزاد تین اور بابراعظم سولہ رنز بناسکے،چھتیس رنزپر تین وکٹیں گرجانےکےبعد محمدحفیظ اور شعیب ملک نےشاندار بیٹنگ کرتےہوئےٹیم کی پوزیشن مستحکم کی۔

شعیب ملک نےناقابل شکست 101 اورمحمد حفیظ نے81 رنز کی اننگز کھیلی۔دونوں بلےبازوں نےچوتھی وکٹ کی شراکت میں 113 رنز بنائے۔

شعیب ملک نے دس چوکوں اور دو چھکوں کی مدد سے سنچری مکمل کی جبکہ محمد حفیظ کی نصف سنچری میں آٹھ چوکےاوردو چھکے شامل رہے۔

اس سے قبل ویسٹ انڈیز کی ٹیم نے پہلے بیٹنگ کرتے ہوئے مقررہ 50 اوورز میں نو وکٹوں کے نقصان پر 233 رنز بنائے تھے۔

میزبان ٹیم ویسٹ انڈیزکی جانب سے ہوپ نے 71 اور جیسن محمد 59 رنز کے ساتھ نمایاں بلے باز رہے۔

دوسراون ڈے: پاکستان نےویسٹ انڈیزکوشکست دےدی

پاکستان کی طرف سےجنید خان،محمد عامراور شاداب خان نےدو،دوجبکہ حسن علی اورعماد وسیم نےایک،ایک وکٹ حاصل کی۔

واضح رہےکہ پاکستان اورویسٹ انڈیز ٹیسٹ سیریز کا آغاز21 اپریل سے کنگسٹن میں کھیلےجانےوالےپہلےٹیسٹ میچ سےہوگا۔

پرتھ: پاکستان اور آسٹریلیا کے درمیان پانچ ایک روزہ میچوں کی سیریز کے تیسرے ون ڈے میں آسٹریلیا نے پاکستان کو بآسانی سات وکٹوں سے شکست دیکر سیریز میں 1-2 کی برتری قائم کر لی۔

تفصیلات کےمطابق پرتھ میں کھیلے جانے والے تیسرے ایک روزہ میچ میں پاکستان نے آسٹریلیا کو 264 رنز کا ہدف دیا جسے آسٹریلوی ٹیم نے اپنے کپتان کی شاندار سینچری کے باعث بآسانی تین وکٹوں کے نقصان پر مکمل کر کے پانچ میچوں کی سیریز میں 1-2 سے برتری حاصل کر لی۔

قبل ازیں تیسرے ون ڈے میں آسٹریلیا نے ٹاس جیت کر پہلے فیلڈنگ کا فیصلہ کیا، اس میچ کے لیے میزبان ٹیم میں دو تبدیلیاں کی گئی تھیں۔
تیسرے ون ڈے میں پاکستان کے خلاف اسٹیو اسمتھ (کپتان)، ڈیوڈ وارنر، عثمان خواجہ، پیٹرہینڈزکومب، ٹریوس ہیڈ، گلین میکسیویل، میتھیو ویڈ، جیمز فلکنر، پیٹ کمنز، جوش ہیزل ووڈ، بلی اسٹین لیک ٹیم کا حصہ ہیں۔

میزبان ٹیم آسٹریلیا کی جانب سے مچل اسٹارک اور مچل مارش کو آرام دیاگیاہے،جبکہ پیٹرہینڈز کب اور بلی اسٹین لیک آسٹریلو ی اسکواڈ کا حصہ ہیں۔پاکستان نے ٹیم میں کوئی تبدیلی نہیں کی ہے۔

پاکستان کی جانب سے شرجیل خان اور محمد حفیظ نے اننگز کا آغاز کیاکپتان محمد حفیظ 4رنز کےانفرادی اسکور پرجوش ہیزل ووڈ کی گیند پر آؤٹ ہوئے۔

جب کہ پاکستان کی دوسری وکٹ 85رنزکےاسکور پرگری جب شرجیل خان 50کے انفرادی اسکور پرٹریوس ہیڈ کی گیند پر آؤٹ ہوئے۔قومی ٹیم کے تیسری وکٹ 98 پرگری،اسد شفیق 5رنز بناکرجیمز فلکنرکی گیند پرکیچ آؤٹ ہوئے۔

قومی ٹیم کی چوتھی وکٹ شعیب ملک کی گری،انہوں نے 41گیندوں پر 39رنزاسکور کیے اوربلی اسٹین لیک کی گیند پر کیچ آؤٹ ہوئے۔پاکستان کی جانب سےبابراعظم 84رنز بناکرجوش ہیزل ووڈ کی گیند پر آؤٹ ہوئے۔

عمراکمل 39رنزبناکر ہیزل ووڈ کی گیند پر کیچ آؤٹ ہوئے اس کے اگلے ہی اوور میں عماد وسیم 9رنز کے انفرادی اسکور پر آؤٹ ہوئے۔

پاکستان کی جانب سے محمدرضوان نے 19گیندوں پر14 اور محمد عامرنے 6گیندوں پر 4رنز اسکور کیے۔

یاد رہے کہ گزشتہ روز پرتھ کے ویسٹرن آسٹریلیا کرکٹ ایسوسی ایشن (واکا) گراؤنڈ میں پریس کانفرنس کرتے ہوئےقائم مقام کپتان محمد حفیظ کا کہنا تھاکہ آسٹریلیا کے خلاف پہلی ہار کےبعد دوسرے میچ میں جارحانہ کھیل کے لیے میدان میں آئے جس کو ہم اگلے میچ میں بھی جاری رکھیں گے۔

محمد حفیظ کا کہناتھا کہ آسٹریلیا کے خلاف آئندہ میچوں میں کامیابی حاصل کرنے کے لیے بلے بازوں کو بھی وہی کرنا ہوگاجو باؤلرز کر رہے ہیں۔

واضح رہے کہ آسٹریلیا نے سیریز کے پہلے میچ میں 92 رنز سے کامیابی حاصل کی تھی جبکہ پاکستان نے دوسرے میچ میں 6 وکٹوں سے میزبان ٹیم کو زیر کرکے سیریز کو 1-1 سے برابر کردیا تھا۔

برسبین : پاکستان اور آسٹریلیا کے درمیان پہلے ون ڈے میں میزبان ٹیم آسٹریلیا نے پاکستان کو جیت کے لیے 269رنزکا ہذف دیا ہے۔

تفصیلات کےمطابق برسبین میں پاکستان اور آسٹریلیا کے درمیان پانچ ایک روزہ کرکٹ میچوں کی سیریز کے پہلے ون ڈے میں میزبان ٹیم نے ٹاس جیت کر پہلے بیٹنگ کی اور مقررہ 50 اوورز میں نو وکٹوں کے نقصان پر 268 رنز بنائے۔

محمد عامر نے وارنر کو7رنزکے اسکور پر بولڈ کر کے پاکستان کو پہلی کامیابی دلائی اور اس کی اگلی ہی گیند پر اسمتھ کو صفر پر آؤٹ کر دیا۔

آسٹریلیا کی تیسری وکٹ 52 کے اسکور پر گری جب حسن علی نے کرس لین کو پویلین کی راہ دکھائی۔میزبان ٹیم کے چوتھے آؤٹ ہونے والے کھلاڑی ٹریوس ہیڈ تھے جو 39 رنز بنا کر عماد وسیم کی گیند پر آؤٹ ہوئے۔

آسٹریلوی بلے باز مارش 5رنزبناکر آؤٹ ہوئے جبکہ میکسویل نے 60 رنز کی عمدہ اننگز کھیلی اور حسن علی نے انہیں آؤٹ کیا۔

جیمز فالکنر بھی مشکل وقت میں ٹیم کے کام نہ آ سکے اور پانچ رنز بنانے کے بعد محمد نواز کا شکار بنے۔

پاکستان کی جانب سے حسن علی تین وکٹیں لے کر سب سے کامیاب باؤلر رہے جبکہ عماد وسیم اور محمد عامر نے دو دو وکٹیں حاصل کیں۔

آسڑیلیا کی جانب سے کرس لین اور بلی اسٹین لیک اپنا ون ڈے میچ کھیل رہے ہیں جبکہ دیگر کھلاڑیوں میں وارنر،ہیڈ،اسمتھ،مارش میکسویل، ویڈ، فلکنر،کمنز اور سٹارک شامل ہیں۔

پاکستان کی جانب سے ٹیم میں اظہر علی، شرجیل خان، محمد حفیظ، بابر اعظم، کامران اکمل، محمد رضوان، عماد وسیم، محمد نواز، محمد عامر، وہاب ریاض اور علی حسن شامل ہیں۔

خیال رہےکہ پاکستان کو آسٹریلیا کے خلاف اس سیریر میں 2019 میں ہونے والے آئی سی سی کرکٹ ورلڈ کپ کے لیے براہ راست کوالیفائی کرنے کی کوشش کرنی ہے۔

واضح رہے کہ اس سے قبل آسٹریلیا نے ٹیسٹ میچوں کی سیریز میں پاکستان کو 0-3سےفیصلہ کن شکست دی تھی۔