Tag: ووٹ کی رازداری کا معاملہ

اسلام آباد : الیکشن کمیشن نے ووٹ کی رازداری سے متعلق کیس میں چیئرمین پی ٹی آئی عمران خان کی معافی قبول کرتے ہوئے ان کے خلاف نوٹس واپس لے لیا۔

تفصیلات کے مطابق چیف الیکشن کمشنر کی سربراہی میں 4 رکنی بینچ عمران خان کے خلاف ووٹ کی رازداری سے متعلق کیس کی سماعت کی۔

چیئرمین پی ٹی آئی عمران خان کے وکیل بابراعوان نے اپنے مؤکل کا دستخط شدہ بیان حلفی جمع کرایا جس کے بعد الیکشن کمیشن نے فیصلہ محفوظ کیا جو کچھ دیر بعد سنایا گیا۔

الیکشن کمیشن نے پاکستان تحریک انصاف کے چیئرمین عمران خان کی معافی قبول کرتے ہوئے ان کے خلاف نوٹس واپس لے لیا۔

الیکشن کمیشن آف پاکستان نے 1-3 سے چیئرمین پی ٹی آئی عمران خان کی معافی قبول کی۔

دوسری جانب الیکشن کمیشن نے این اے 53 سے عمران خان کی کامیابی کا نوٹیفکیشن جاری کرنے کا حکم بھی دے دیا۔

خیال رہے کہ گزشتہ روز چیئرمین پاکستان تحریک انصاف کے وکیل بابراعوان نے الیکشن کمیشن میں تحریری جواب جمع کرایا تھا جس میں کہا گیا تھا کہ عمران خان نے جان بوجھ کرووٹ نہیں دکھایا۔

بابراعوان کی جانب سے جمع کرائے گئے جواب میں کہا گیا تھا کہ ان کی مرضی سے ووٹ کی تصاویر بھی نہیں لی گئیں، رش کے باعث مہرلگانے والی جگہ پردہ گرگیا تھا۔

الیکشن کمیشن آف پاکستان میں جمع کرائے گئے جواب میں کہا گیا تھا کہ عمران خان نے پوچھا تھا کہاں کھڑے ہوکرمہرلگاؤں ، لہذا ووٹ کی رازداری ظاہر کرنے والا کیس ختم کرکے این اے 53 سے روکا گیا نوٹیفکیشن جاری کیا جائے۔

ووٹ کی رازداری کا معاملہ: بابراعوان کا تحریری جواب مسترد

بعدازاں الیکشن کمیشن نے چیئرمین پی ٹی آئی کے وکیل بابراعوان کی جانب سے جمع کرائے گئے جواب کومسترد کرتے ہوئےعمران خان کو بیان حلفی سمیت ان کا دستخط شدہ معافی نامہ جمع کرانے کی ہدایت کی تھی۔

اسلام آباد: الیکشن کمیشن نے چیئرمین پی ٹی آئی کے خلاف ووٹ کی رازداری سے متعلق کیس میں بابراعوان کا تحریری جواب مسترد کرتے ہوئےعمران خان کو بیان حلفی اوران کا دستخط شدہ معافی نامہ جمع کرانےکی ہدایت کردی۔

تفصیلات کے مطابق چیف الیکشن کمشنرکی سربراہی میں بینچ نے پاکستان تحریک انصاف کے سربراہ عمران خان کے خلاف ووٹ کی رازداری کے معاملے پرازخود نوٹس کی سماعت کی۔

چیئرمین پی ٹی آئی کے وکیل بابراعوان نے الیکشن کمیشن میں تحریری جواب جمع کرایا جس میں کہا گیا ہے کہ عمران خان نے جان بوجھ کرووٹ نہیں دکھایا۔

بابراعوان کی جانب سے جمع کرائے گئے جواب میں کہا گیا ہے ان کی مرضی سے ووٹ کی تصاویر بھی نہیں لی گئیں، رش کے باعث مہرلگانے والی جگہ پردہ گرگیا تھا۔

الیکشن کمیشن آف پاکستان میں جمع کرائے گئے جواب میں کہا گیا کہ عمران خان نے پوچھا تھا کہاں کھڑے ہوکرمہرلگاؤں ، لہذا ووٹ کی رازداری ظاہر کرنے والا کیس ختم کرکے این اے 53 سے روکا گیا نوٹیفکیشن جاری کیا جائے۔

تحریری جواب مسترد

الیکشن کمیشن نے چیئرمین پی ٹی آئی کے وکیل بابراعوان کی جانب سے جمع کرائےگئے جواب کومسترد کرتے ہوئےعمران خان کو بیان حلفی سمیت ان کا دستخط شدہ معافی نامہ جمع کرانے کی ہدایت کردی۔

بعدازاں الیکشن کمیشن آف پاکستان نے پاکستان تحریک انصاف کے سربراہ عمران خان کے خلاف کیس کی سماعت کل تک ملتوی کردی۔

اس سے قبل آج عمران خان کی جانب سے ان کے وکیل بابراعوان الیکشن کمیشن میں پیش ہوئے۔ ان کا کہنا تھا کہ معاملہ لمبا نہیں کرنا چاہیے، پہلے ہی معذرت کرچکے ہیں۔

چیف الیکشن کمشنر کا کہنا تھا کہ ضابطہ اخلاق کی خلاف ورزی کا معاملہ اپنی جگہ ہے، ووٹ کی راز داری پرتحریری جواب دینا پڑے گا۔

خیال رہے کہ اس سے قبل اسلام آباد میں عمران خان کی اپنے وکیل بابراعوان سے ملاقات ہوئی جس میں الیکشن کمیشن میں زیر سماعت معاملے کے آئینی و قانونی نکات پرمشاورت کی گئی۔

پاکستان تحریک انصاف کے سربراہ عمران خان نے بابراعوان کو اپنے موقف سے آگاہ کیا۔

واضح رہے 25 جولائی کو انتخابات میں چیئرمین پی ٹی آئی عمران خان کواین اے 53 اسلام آباد کے پولنگ اسٹیشن میں میڈیا کے سامنے بیلٹ پیپرپرمہرلگانے پرالیکشن کمیشن نے نوٹس لیا تھا۔