Tag: وٹامن اے

چہرے کی تازگی کیلئے وٹامن اے اور بی کیوں ضروری ہے؟

جدید دور میں چاہے مرد ہوں یا خواتین اپنے چہرے کو ترو تازہ رکھنے کے لئے مختلف کریموں کا استعمال کرتے ہیں، مگر آپ کے لئے یہ جاننا انتہائی ضروری ہے کہ وٹامن ’اے‘ جِلد کی تازگی کے لیے انتہائی اہم ہے۔

وٹامن اے کی خاص بات یہ ہے کہ یہ آپ کی جِلد کی تھکاوٹ کو ختم کردیتا ہے، اگر آپ میں وٹامن اے کی کمی ہے توجِلد خشک ہوجاتی ہے اور خشکی سے جِلد میں پپڑیاں جمنے کا عمل شروع ہوجاتا ہے۔ وٹامن اے بڑھتی عمر کی وجہ سے پیدا ہونے والے جِلدی مسائل کی روک تھام کے لئے انتہائی اہم ہے۔

سب سے زیادہ وٹامن اے دودھ، گاجروں اور مچھلی میں موجود ہوتا ہے، جبکہ یہ آپ کی جِلد کو کیل مہاسوں، چھائیوں اور جھریوں سے بھی بچاتا ہے۔

وٹامن اے جِلد کے کھلے مسام کو بند کرنے اور چربی پیدا کرنے والے گلینڈز کی رفتار کم کرتا ہے، جبکہ اگر اس کو جِلد پر رگڑا جائے تو یہ کلینزر کے امور بھی انجام دیتا ہے۔

وٹامن ’بی‘بھی کی جِلد کی رنگ کو حسین بنانے کے لئے انتہائی اہمیت کا حامل ہے، وٹامن بی کمپلیکس جِلد کو ضروری تیل کی فراہمی میں اہم کردار ادا کرتا ہے، جس سے آپ کی جلد ہمیشہ جوان اور ترو تازہ رہتی ہے۔

وٹامن بی کی کمی سے جِلد پر دھبے، خشکی، جُھریاں اور ہونٹ پھٹنا شروع ہوجاتے ہیں۔

اگست 18, 2023
یہ وٹامن آپ کو نقصان بھی پہنچا سکتا ہے

جسم میں تمام وٹامنز اور معدنیات کی متوازن مقدار ہونا ضروری ہے تاکہ جسم صحت مند رہ سکے، لیکن کچھ وٹامنز کی زیادتی آپ کو نقصان بھی پہنچا سکتی ہے۔

ماہرین کے مطابق وٹامن اے کی زیادتی آپ کو بے شمار بیماریوں میں مبتلا کر سکتی ہے۔ یہ وٹامن شکر قندی، سی فوڈ، پپیتا، مٹر، گوشت، دودھ اور انڈوں وغیرہ میں موجود ہوتا ہے۔

وٹامن اے کے زیادہ استعمال سے ہائپروٹامنوسس نامی بیماری ہوتی ہے۔ اس بیماری میں آپ کو متلی، الٹی، اور پیٹ کا درد ہوسکتا ہے، علاوہ ازیں وٹامن اے کی زیادتی سے بالوں کا جھڑنا، جلد کی حساسیت، ناخنوں کا ٹوٹنا، نظر کی دھندلاہٹ یہاں تک کہ منہ کا السر بھی ہوسکتا ہے۔

اس کی زیادتی ہڈیوں کے کیلشیئم جذب کرنے کے عمل میں بھی مداخلت کرتی ہے جس کا نتیجہ یہ ہوتا ہے کہ ہڈیاں پھول جاتی ہے اور ہڈیوں میں شدید درد محسوس ہوسکتا ہے۔

وٹامن اے سے جگر بھی متاثر ہوسکتا ہے، وٹامن اے کی زیادہ مقدار دیگر اعضا کی کارکردگی میں بھی خلل پیدا کر سکتی ہے جس سے موت بھی واقع ہوسکتی ہے۔

بچوں میں وٹامن اے کی زیادتی سے وہ کوما میں بھی جاسکتے ہیں۔

کہاوت ہے کہ ہر اچھی چیز کی زیادتی بری چیز ہے۔ چنانچہ اگر آپ بھی سمجھتے ہیں کہ وٹامن اے کی زیادہ مقدار فائدہ مند ہے تو اس خیال کو دل سے نکال دیں اور وٹامن اے کی مقدار کم کردیں۔m

اپریل 13, 2022
خوب صورتی کے لیے انتہائی ضروری وٹامن کون سا ہے؟

ماہرین صحت کا کہنا ہے کہ وٹامن ای قوت مدافعت بڑھانے کے ساتھ ساتھ جلد اور بالوں کی صحت کو بہتر بنانے کے لیے ضروری ہے، یہ ایک ایسا وٹامن ہے جسے نہ صرف کھایا جا سکتا ہے بلکہ اسے خوب صورتی کے لیے بالوں اور جلد پر بھی لگایا جا سکتا ہے۔

وٹامن ای جلد، ناخن اور بالوں کے لیے فائدہ مند

وٹامن ای کا استعمال ہماری جلد، ناخن اور بالوں کے لیے بہت کارآمد ہے، اسے خوراک کی شکل میں لینا فائدہ مند تو ہے ہی لیکن اسے بالوں اور جلد پر بھی لگایا جا سکتا ہے، یہ چہرے سے بڑھتی عمر کے اثرات کو کم کرنے کے علاوہ ہائپر پگمینٹیشن کو بھی کم کرتا ہے۔

اگر آپ اس کا استعمال روزانہ کرتے ہیں تو آپ کے طویل وقت تک جوان نظر آنے کا امکان ہے، وٹامن ای کا تیل خشک جلد والوں کے لیے موئسچرائزر کی طرح کام کرتا ہے۔

استعمال کرنے کا طریقہ

وٹامن ای آئیل کلینزر کے طور پر بہت مؤثر ہے، وٹامن ای کے تیل کے چند قطرے کو چہرے پر لگا کر ہلکے ہاتھوں سے مالش کرنے سے جلد صاف اور ملائم ہو جاتی ہے، ساتھ میں یہ جلد کے کھلے سوراخوں میں موجود تمام گندگیوں کو دور کرتی ہے۔

یہ آنکھوں کے گرد سیاہ حلقوں کے لیے بھی اچھا ہے، اس کے لیے رات کو سونے سے پہلے آنکھوں کے نیچے وٹامن ای کے تیل سے ہلکے ہاتھوں سے مالش کریں۔

کمزور اور خشک ناخن سے چھٹکارا پانے کے لیے وٹامن ای کے تیل کا بھی استعمال کیا جا سکتا ہے۔

رات کو سونے سے پہلے جلد پر وٹامن ای کے تیل سے ہلکا مالش کرنا بہت فائدہ مند ہے، اسے سیدھے جلد پر لگایا جا سکتا ہے یا آپ اسے ایلو ویرا جیل کے ساتھ ملا کر پورے چہرے پر مالش کرنے کے بعد اسے دھو سکتے ہیں، امید ہے کہ آپ کو بہتر نتائج دیکھنے کو ملیں گے۔

جلد پر داغوں کو ہلکا کرنے کے لیے وٹامن ای کے کیپسول کو سیدھا لگا سکتے ہیں، یہ کولیجن کی پیداوار کو بڑھاتا ہے اور داغ دھبوں کو ہلکا کرتا ہے۔

گھر میں دن بھر کام کرنے سے اگر آپ کے ہاتھ خشک رہتے ہیں تو وٹامن ای کے تیل سے ہاتھوں میں ہلکی مالش کرنے سے آپ نمی کو واپس لا سکتے ہیں۔

وٹامن ای کیپسول سے تیل نکالیں اور اس میں تھوڑا سا شہد ملا دیں۔ جلد پر اس سے مالش کریں، لیکن آپ روزانہ سونے سے پہلے یہ کرنا نہ بھولیں تب ہی آپ کو بہتر نتائج حاصل ہوں گے۔

وٹامن ای سے بھرپور غذائیں

سویا بین کا تیل، بادام، مونگ پھلی، ایواکاڈو، اخروٹ، سورج مکھی کے بیچ اور دیگر میوے، انڈے، شکرقند، پالک، سرسوں، شلجم، بروکولی، پپیتا، کدو اور پاپ کارن وغیرہ کا استعمال کیا جا سکتا ہے۔

ستمبر 10, 2021
وٹامن اے کی زیادتی نقصان کا سبب

ہم نے اپنے بڑوں سے سنا ہے کہ گاجر کھانا نظر تیز کرنے کے لیے بہترین ہے۔ گاجر میں وٹامن اے ہوتا ہے۔ لیکن کیا آپ جانتے ہیں کہ وٹامن اے کی زیادہ مقدار آپ کی موت کا سبب بھی بن سکتی ہے؟

ماہرین کے مطابق وٹامن اے کی زیادتی آپ کو بے شمار بیماریوں میں مبتلا کر سکتی ہے۔ یہ وٹامن شکر قندی، سی فوڈ، پپیتا، مٹر اور گوشت وغیرہ میں موجود ہوتا ہے۔

وٹامن اے کے زیادہ استعمال سے ہائپروٹامنوسس نامی بیماری ہوتی ہے۔ اس بیماری میں آپ کو متلی، الٹی، اور پیٹ کا درد ہوسکتا ہے۔

وٹامن اے کی زیادتی سے بالوں کا جھڑنا، جلد کی حساسیت، ناخنوں کا ٹوٹنا، نظر کی دھندلاہٹ یہاں تک کہ منہ کا السر بھی ہوسکتا ہے۔

اس کی زیادتی آپ کی ہڈیوں کے کیلشیئم جذب کرنے کے عمل میں بھی مداخلت کرتی ہے جس کا نتیجہ یہ ہوتا ہے کہ ہڈیاں پھول جاتی ہے اور آپ کو ہڈیوں میں شدید درد محسوس ہوسکتا ہے۔

وٹامن اے سے آپ کا جگر بھی متاثر ہوسکتا ہے۔

وٹامن اے کی زیادہ مقدار دیگر اعضا کی کارکردگی میں بھی خلل پیدا کر سکتی ہے جس سے آپ کی موت بھی واقع ہوسکتی ہے۔

بچوں میں وٹامن اے کی زیادتی سے وہ کومہ میں بھی جاسکتے ہیں۔

کہاوت ہے کہ ہر اچھی چیز کی زیادتی بری چیز ہے۔ چنانچہ اگر آپ بھی سمجھتے ہیں کہ وٹامن اے کی زیادہ مقدار فائدہ مند ہے تو اس خیال کو دل سے نکال دیں اور وٹامن اے کی مقدار کم کردیں۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

جون 28, 2018

Tag: وٹامن اے

چہرے کی تازگی کیلئے وٹامن اے اور بی کیوں ضروری ہے؟

یہ وٹامن آپ کو نقصان بھی پہنچا سکتا ہے

خوب صورتی کے لیے انتہائی ضروری وٹامن کون سا ہے؟

وٹامن اے کی زیادتی نقصان کا سبب