Tag: وکرانت گپتا

پاکستان کے سابق کرکٹر محمد عامر کا ماننا ہے کہ رضوان کو کپتانی دی گئی تھی، وہ اسکواڈ میں تبدیلی لاسکتے تھے پر ایسا نہیں ہوسکا۔

بھارت کے نامور صحافی وکرانت گپتا سے گفتگو کرتے ہوئے محمد عامر نے کہا کہ کپتان نے کہا کہ میرے پاس پاور نہیں تھی تو یہ جھوٹ ہے، کپتان کے پاس پاور ہوتی ہے، رضوان کو جس طرح کپتانی دی گئی تھی وہ اسکواڈ میں تبدیلی کرسکتے تھے مگر یہ انھوں نے کیوں نہیں کیا،

محمد عامر کا کہنا تھا کہ میں دوچار مہینوں سے ان کے ساتھ ڈریسنگ روم شیئر نہیں کیا، اس لیے مجھے نہیں پتا کہ ان کے فیصلے بھی کیوں عجیب سے آنا شروع ہوگئے ہیں۔

چیمپئنزٹرافی سے پہلے ہر بندے نے کہا کہ یہ اسکواڈ ٹھیک نہیں ہے آپ کے پاس جینوئن اوپنر نہیں ہیں، آپ اس اسکواڈ میں اسپنرز کو شامل کریں۔

محمد عامر نے کہا کہ ایسا کیوں ہونا شروع ہوگیا کہ ان کے فیصلے بھی عجیب سے آنا شروع ہوگئے اور اس کے پیچھے کیا راز ہے۔

نامور بھارتی اسپورٹس صحافی وکرانت گپتا نے جنوبی افریقہ کیخلاف پاکستان کی شاندار جیت اور ریکارڈ ہدف کے کامیاب تعاقب پر اظہار خیال کیا ہے۔

یوٹیوب اسپورٹس چینل پر پاکستان اور جنوبی افریقہ کے میچ پر گفتگو کرتے ہوئے وکرانت گپتا نے کہا کہ محمد رضوان نے جنوبی افریقہ کے خلاف کپتان کی باری کھیلی، کپتان نے میچ جتوانے والی سنچری بنائی، ان کی بیٹنگ میں بہت بہتری آگئی ہے، پاکستان نے آج غیرمعمولی کارکردگی دکھائی ہے۔

انھوں نے کہا کہ پاکستان چیمپئنزٹرافی میں دفاعی چیمپئن ہے اور اپنے ہوم گراؤنڈ پر کھیل رہا ہے، اگر آپ پاکستان کی اس ٹیم کو دیکھیں تو اوپر فخر اچھا کھیلتے ہیں اور نیچے سلمان علی آغا اور محمد رضوان اچھی کارکردگی دکھا رہے ہیں۔

وکرانت گپتا کا کہنا تھا کہ سلمان علی آغا ان کو بہت اچھے پلیئر ملے ہیں، پاکستان کو ایک ایسا پلیئر ملا ہے جو گیم کو فنش کرتا ہے۔

پاکستان اچھے مومنٹیم کے ساتھ فائنل میں گیا ہے، پاکستان اور نیوزی لینڈ ٹرائی سیریز کا فائنل کھیل رہے ہیں بلکہ 19 فروری کو دونوں کے درمیان چیمپئنزٹرافی کا پہلا میچ بھی ہے۔

بھارت اور پاکستان میں زیادہ تر لوگ روڈ پچز لکھ رہے ہیں، مگر جیسی مرضی پچ ہو مگر 90 پر تین کھلاڑی آؤٹ ہوجائیں پھر 300 رنز سے اوپر اسکور کرنا کوئی معمولی بات نہیں۔

بھارت کے اسپورٹس صحافی وکرانت گپتا نے روہت شرما سے ٹیسٹ کرکٹ کی کپتانی چھوڑنے کا مطالبہ کردیا۔

بھارتی میڈیا رپورٹس کے مطابق صحافی وکرانت گپتا نے روہت شرما کے مستقبل کے بارے میں بڑھتی ہوئی قیاس آرائیوں کے درمیان ان سے ٹیسٹ کرکٹ ٹیم کی کپتانی چھوڑنے کا مطالبہ کیا ہے۔

انہوں نے کہا کہ اگر روہت شرما ریٹائرمنٹ کا اعلان نہیں کرتے تو یہ میرے لیے سرپرائز ہوگا۔

وکرانت گپتا نے کہا کہ بچہ بچہ آکر بول رہا ہے تو اب روہت شرما کو ٹیسٹ کرکٹ چھوڑ دینی چاہیے آپ ون ڈے تو کھیل ہی رہے ہیں، ایشون کو دیکھیں وہ واپس آگئے اور اب نیا رول تلاش کریں گے۔

واضح رہے کہ روہت شرما سے متعلق یہ تبصرے ایسے وقت میں سامنے آئے ہیں جب باکسنگ ڈے ٹیسٹ کے دوسرے روز ہندوستانی کی کارکردگی متاثر کن نہیں رہی۔

View this post on Instagram

A post shared by Sports Tak (@sportstakofficial)

انہوں نے مزید کہا کہ جب رنز نہیں آتے ہیں تو ڈریسنگ روم میں کپتان کی عزت کم ہونے لگتی ہے، کرکٹ میں کوئی بھی زندگی بھر کپتان نہیں رہتا۔

روہت شرما نے چار اننگز میں صرف 22 رنز بنائے ہیں جن میں 3، 6، 10 اور 3 رنز شامل ہیں، میلبرن ٹیسٹ کی پہلی اننگز میں روہت کو پیٹ کمنز نے 3 رنز پر پویلین کی راہ دکھائی۔

سنیل گواسکر نے بھی پیش گوئی کی کہ اگر روہت شرما کی فارم آئندہ میچوں میں بحال نہ ہوئی تو وہ عہدہ چھوڑ سکتے ہیں، اگر روہت میلبرن اور سڈنی میں فلاپ ہوجاتے ہیں تو وہ استعفیٰ دے دیں گے اور سلیکٹرز کے فیصلے کا انتظار نہیں کریں گے۔

ورلڈکپ میں بھارت کی شکست کے بعد انڈین شائقین کے ساتھ وہاں کے صحافی بھی اسے ہضم نہیں کرپارہے اور طرح طرح سے مایوسی کا اظہار کررہے ہیں۔

معروف اسپورٹس صحافی وکرانت گپتا نے آسٹریلیا کے ہاتھوں ورلڈکپ فائنل میں بھارت کی شکست پر اپنی ٹیم کو آڑے ہاتھوں لیا ہے۔ انھوں نے کہا کہ انڈین کرکٹ ٹیم لگاتار 5 آئی سی سی ایونٹ کا فائنلز ہار چکی ہے۔

انھوں نے ٹیم کی کوتاہیوں کی طرف اشارہ کرتے ہوئے یہ بھی کہا کہ یہ ناکامی کا خوف ہے یا نفسیاتی وجوہات کی بنا پر ایسا ہورہا ہے۔

وکرانت گپتا کا سوشل میڈیا پلیٹ فارم ’ایکس‘ پر کہا کہ اگر ہمیں اب بھی ورلڈ کپ فائنل میں شکست کا سامنا رہا ہے، اور یہ کہ بھارت نے 2013 کے بعد سے تمام 5 آئی سی سی فائنلز (ہر گیم یک طرفہ) شکست کھائی ہے، تو یقینی طورکمی موجود ہے۔

انھوں نے مزید لکھا کہ ’ان شکستوں کی کوئی نفسیاتی وجہ بھی ہونی چاہیے، کیا یہ میچ کی تیاری کے دوران یا میچ والے دن ناکامی کا خوف ہے‘۔

If we are still on the World Cup final defeat, and that India have played and lost all 5 ICC Finals (every game one sided) post 2013, it certainly can’t be basis skill. There must also be a psychological reason: the fear of failure, both during the build up and match day. This…

— Vikrant Gupta (@vikrantgupta73) November 20, 2023

وکرانت نے کہا کہ ’ اس بار یہ ورلڈ کپ جیتنے کا بہترین موقع تھا، جو آپ کے اپنے گھر کے پچھواڑے میں کھیلا جا رہا تھا۔ اب انتظار مزید طویل اور تکلیف دہ ہوگیا ہے۔

واضح رہے کہ احمد آباد کے نریندر مودی اسٹیڈیم میں ایک لاکھ سے زائد بھارتی شائقین کے سامنے آسٹریلیا نے میزبان کو فائنل میں باآسانی ہزیمت سے دوچار کیا تھا۔ بھارتی بولرز اور بیٹرز آسٹریلین ٹیم کے سامنے کافی بے بس نظر آئے تھے۔

آئی سی سی مینز ون ڈے ورلڈکپ فائنل میں جیسے ہی بھارت کی شکست کے آثار واضح ہوئے، وکرانت گپتا نے میزبانی سائیڈ کی غلطیوں کی نشاندہی کردی۔

معروف بھارتی صحافی وکرانت گپتا کا عالمی کپ فائنل میچ کے دوران ہی اپنی ٹوئٹ میں اظہار خیال کرتے ہوئے کہنا تھا کہ ہماری ٹیم نے فائنل جیسے میچ میں 40 رنز کم اسکور کیے۔ بھارت نے جب پہلے بیٹنگ کرتے ہوئے اتنا کم اسکور بنایا تھا وہ اسی وقت میچ ہار گیا تھا۔

وکرانت نے اپنی ٹوئٹ میں کہا کہ ’سچ پوچھیں تو بھارت اسی وقت ہار گیا تھا جب اس نے صرف 240 رنز کا مجموعہ ترتیب دیا تھا۔ بھارتی ٹیم نے کم از کم 40 رنز کم بنائے۔

ان کا مزید کہنا تھا کہ جب آسٹریلیا کے 47 رنز پر تین کھلاڑی آؤٹ تھے تو شاید امید کی ایک کرن جاگی تھی لیکن آسٹریلیا جانتا تھا کہ وہ ورلڈ کپ جیتنے سے صرف ایک پارٹنرشپ کی دوری پر ہے۔

To be honest India lost when they could manage just 240 – at least 40 runs too short. At 47-3 there may have been a sliver of hope but Australia knew they were just one partnership away from winning the World Cup #INDvAUS #INDvAUSFinal #WorldCup2023

— Vikrant Gupta (@vikrantgupta73) November 19, 2023

واضح رہے کہ ورلڈکپ فائنل میں آسٹریلیا نے ٹاس جیت کر پہلے بھارت کو بیٹنگ کی دعوت دی تھی۔ بھارتی ٹیم نے احمد آباد کے نریندر مودی کرکٹ اسٹیڈیم میں پہلے بیٹنگ کرتے ہوئے 240 رنز بنائے تھے۔

میچ میں ایک مرحلے پر کینگروز کے تین کھلاڑی محض 47 رنز کے اسکور پر پویلی لوٹ گئے تھے لیکن پھر ٹریوس ہیڈ اور مارنس لیبوشن سنچری شاندار سنچری شراکت کے ذریعے اپنی ٹیم کو میچ میں واپس لے آئے۔