Tag: وکرانت گپتا

پاکستانی کی جانب سے ورلڈکپ میں تاریخ کاکردگی دکھانے کے بعد مشہور بھارتی صحافی بھی پاکستانی ٹیم اور بالخصوص رضوان کی تعریف کیے بنا نہ رہ سکے۔

سری لنکا کے خلاف پاکستان کی فتح کے بعد وکرانت گپتا نے سوشل میڈیا پلیٹ فارم ’ایکس‘ پر پیغام جاری کرتے ہوئے محمد رضوان کو حقیقی میچ ونر قرار دیا جب کہ 14 اکتوبر کو ہونے والے پاک بھارت میچ اب دیکھنے والا ہوگا۔

اسپورٹس صحافی نے اپنی ٹوئٹ میں لکھا کہ ’رضوان پاکستان کے لیے حقیقی طور پر میچ ونر ہیں جو کہ کبھی ہار نہیں مانتے، کھیل میں جدت لاتے ہیں اور انھوں نے اپنی طاقت سوئپ شاٹس کا بھرپور مظاہرہ کیا۔‘

انھوں نے مزید لکھا کہ اب پاک بھارت میچ کے لیے اسٹیج سیٹ ہوگیا ہے، ساتھ ہی وکرانت گپتا نے انڈیا ورسز پاک کا ہیش ٹیگ بھی استعمال کیا۔

Rizwan is the real match winner for Pakistan. Never gives up. Innovates. Backs his strength – the sweep shot.
What a set up now the #INDvPAK will be. #PAKvSL #ICCCricketWorldCup23

— Vikrant Gupta (@vikrantgupta73) October 10, 2023

واضح رہے کہ پاکستان نے سری لنکا کےخلاف ورلڈ کپ کی تاریخ کا سب سے بڑا ہدف حاصل کیا ہے۔ محمد رضوان نے ناقابل شکست 131 رنز کی اننگز کھیلی جب کہ اوپنر عبداللہ شفیق نے بھی 113 رنز کی دلکش اننگز کھیلی۔

سری لنکا نے پاکستان کو جیت کے لیے 345 رنز کا ہدف دیا تھا جسے پاکستان نے باآسانی حاصل کرلیا۔ سری لنکا نے ورلڈ کپ میں پہلی بار پاکستان کے خلاف 300 سے زائد رنز بنائے۔

بھارت کے معروف صحافی وکرانت گپتا کی ایک ٹوئٹ وائرل ہورہی ہے جس میں وہ بابر اعظم سے یہ درخواست کرتے پائے گئے کہ اس بار ہمارے خلاف 10 وکٹوں سے میچ نہ جیتیں۔

پاکستان کے قومی کرکٹ ٹیم کے کپتان بابر اور بھارتی اسپورٹس صحافی وکرانت کی تصویر کے ساتھ مذکورہ ٹوئٹ کی گئی تھی، تاہم اسپورٹس کے حوالے سے جانے مانے صحافی نے پیغام کو جعلی قرار دیتے ہوئے شائقین سے اس اکاؤنٹ کو رپورٹ کرنے کی درخواست کی ہے۔

وکرانت گپتا کی جانب سے کی گئی جعلی ٹوئٹ میں کہا گیا تھا ’’میری پاکستان کے کپتان بابر اعظم سے گفتگو کافی اچھی رہی، میں نے ان سے ان کی تیاریوں کے بارے میں پوچھا، جواب میں ان کا کہنا تھا کہ ہماری تیاری مکمل ہے۔ میں نے ان سے ہنستے ہوئے درخواست کی کہ اس بار ہمارے خلاف 10 وکٹوں سے میچ مت جیت جائیے گا۔‘‘

Fake account report @X https://t.co/ToLnyqtThu

— Vikrant Gupta (@vikrantgupta73) September 9, 2023

صحافی نے اپنے آفیشل اکاؤنٹ سے مذکوہ ٹوئٹ شیئر کی اور اسے فیک قرار دیتے ہوئے مداحوں سے رپورٹ کرنے کا کہا ہے۔

واضح رہے کہ وکرانت بھارت کے شہرت یافتہ اسپورٹس صحافی ہیں جنھیں کرکٹ کے حوالے سے غیرجانبدارانہ تجزیوں کے لیے جانا جاتا ہے جب کہ وہ بھارتی چینل ’اسپورٹس تک‘ سے وابستہ ہیں۔