Tag: وکی کوشل

بالی ووڈ کی باربی ڈول کترینہ کیف کے ماں بننے کی خبروں میں کتنی سچائی ہے، اس حوالے سے ان کے شوہر وکی کوشل نے راز سے پردہ اٹھا دیا۔

وکی کوشل سے ان کی اہلیہ کترینہ کیف کی 16 جولائی کو سالگرہ منانے اور خوشخبری سنانے کے حوالے سے سوال کیا گیا تھا جس پر ’بیڈ نیوز‘ کے اداکار کا کہنا تھا کہ یہ ایک بہت خاص دن ہے اور پلان یہی ہے کہ ہم ایک ساتھ کچھ بہترین وقت گزاریں کیوں کہ بہت عرصے سے میری فلم کی پرموشن چل رہی ہے۔۔

کترینہ کیف کے شوہر وکی نے واضح کرتے ہوئے کہا کہ جہاں تک خوشخبری کی بات ہے وہ جب آئے گی تو ہم اسے آپ کے ساتھ شیئر کرتے ہوئے بہت خوشی محسوس کریں گے۔

وکی کوشل کا کہنا تھا کہ کتریہ کے حاملہ ہونے کے حوالے سے جو خبریں میڈیا میں گردش کررہی ہیں وہ صرف افواہ ہیں اور ان میں کوئی سچائی نہیں ہے۔

خیال رہے کہ وکی کوشل ان دنوں اپنی نئی فلم ’ یبڈ نیوز‘ کی پروموشن میں مصروف ہیں، انھوں نے اس فلم میں اداکارہ ترپتی ڈمری اور ایمی ورک کے ساتھ کام کیا ہے۔

اس سے قبل ممبئی میں منعقدہ فلم کے ٹریلر لانچ ایونٹ میں وکی کوشل سے ان کی حقیقی زندگی میں ’گُڈ نیوز‘ کے بارے میں پوچھا گیا، جس پر اداکار نے کہا کہ ’ جب گڈ نیوز آئے گا تو سب سے پہلے ہم بالی ووڈ کی ہیلپ لائن کو کال کرکے بتائیں گے‘۔

وکی کوشل کا کہنا تھا کہ ابھی جو ہم ’بیڈ نیوز‘ لا رہے ہیں آپ وہی انجوائے کرلو، جب گُڈ نیوز کا ٹائم آئے گا تو بغیر شرمائے سب کو بتادیں گے۔

واضح رہے کہ کافی ہفتوں سے بالی وڈ کی معروف اداکارہ کترینہ کیف کے حاملہ ہونے کی خبریں بھارتی میڈیا میں سرگرم تھیں جس کے بعد کترینہ کی پی آر ٹیم نے بھی اس کی تردید کی تھی۔

نئی دہلی: بالی وڈ اداکارہ کترنیہ کیف نے شادی کی دوسری سالگرہ پر اداکار رکی کوشل کے ہمراہ ایک خوصورت تصویر شیئر کی ہے۔

فوٹو اینڈ شیئرنگ ایپ انسٹاگرام پر اداکارہ کترینہ کیف نے اپنی شادی کی دوسری سالگرہ پر اپنے شوہر وکی کوشل کے ساتھ ایک تصویر شیئر کی ہے، ٹائیگر اسٹار نے ایک پیاری اور مختصر کیپشن کے ساتھ ایک دلکش تصویر شیئر کی۔

پوسٹ کی گئی نئی تصویر میں اداکرہ کترینہ اور وکی کو ایک دوسرے کو گلے لگاتے ہوئے اپنی وسیع ترین مسکراہٹ چمکاتے ہوئے دیکھا جاسکتا ہے۔

 

View this post on Instagram

 

A post shared by Katrina Kaif (@katrinakaif)

تصویر کو شیئر کرتے ہوئے کترینہ نے کیپشن میں ’’میرا دل‘‘ لکھا ہے، اس پوسٹ پر پریانکا چوپڑا، شویتا بچن اور زویا اختر نے پیار کا اظہار کیا ہے۔

شادی کی دوسری سالگرہ کے موقع پر اداکار وکی کوشل نے بھی کترینہ کی ایک ویڈیو شیئر کی تھی، جس میں وکی کوشل ہیڈ فون لگائے خاموشی سے اہلیہ کو تک رہے ہیں جبکہ ساتھ ہی بیٹھی کترینہ کیف فلائٹ میں ڈانس کرتی نظر آرہی ہیں۔

 

View this post on Instagram

 

A post shared by Vicky Kaushal (@vickykaushal09)

دلکش ویڈیو پر اداکار وکی کوشل  نے لکھاکہ ‘دوران پرواز اور زندگی میں تفریح، میں ہر لمحہ تم سے محبت کرتا ہوں‘۔

واضح  رہے کہ وکی اور کترینہ  نے دسمبر 2021 میں  قریبی خاندان اور فلم انڈسٹری کے چند دوستوں کی موجودگی میں اپنی زندگی کے نئے سفر آغاز کیا۔

نئی دہلی: بالی وڈ کے اداکار وکی کوشل نے اپنی اہلیہ و اداکارہ کترینہ کیف اور ان کی فیملی سے پہلی ملاقات کا احوال بتایا ہے۔

کافی ود کرن 8 کے نئی ایپی سوڈ میں، اداکار وکی کوشل اور اداکارہ کیارا اڈوانی مہمان بنے جہاں انہوں نے اپنی ذاتی زندگی کے بارے میں بڑے پیمانے پر بات کی۔

اداکار وکی کوشل نے انکشاف کیا انہوں نے کترنیہ کو کسی فلمی طریقے سے پروپوز نہیں کیا بلکہ شادی سے صرف ایک دن قبل پرپوز کیا تھا، وہ بہت آخری لمحہ تھا رات کے کھانے کا وقت تھا۔

اداکار وکی نے بتایا کہ مجھے سب نے کہا تھا کہ اگر پرپوز نہیں کیا تو پوری زندگی اس بات پر آپ کو سننا پڑے گا اس لیے میں نے شادی سے ایک دن پہلے جب ٹیبل ہر کوئی نہیں تھا اس وقت کترینہ کو پروپوز کیا۔

وکی کوشل نے یہ بھی انکشاف کیا کہ وہ کترینہ کیف کی والدہ سوزین ٹورکوٹ اور اداکارہ کے بہن بھائیوں سے پہلی بار شادی سے ایک ہفتہ پہلے ملے تھے۔

وکی نے کہا کہ میں کرونا کی وجہ سے دو سال تک ان سے نہیں مل سکا، ہم نے اپنی ایک پارٹی رکھی تھی اور ہم سب ناچ رہے تھے، اس دوران میں ان کی فیملی سے ملا، دو گھنٹے کے دورانیے میں، میں اہلیہ کی فیملی سے گھل مل گیا۔

کترینہ کیف اور وکی کوشل 9 دسمبر 2021 کو راجستھان کے شہر سوائی مادھو پور کے ایک ریزورٹ میں رشتۂ ازدواج میں منسلک ہوئے تھے۔

اس اداکار جوڑی کی شادی کی تقریب کے حوالے سے ہر طرح کی معلومات کو میڈیا سے دور رکھا گیا تھا اور اس وقت تک اس شادی کی تصدیق نہیں ہوسکی  تھی جب تک کہ کترینہ اور وکی نے خود سوشل میڈیا اکاؤنٹس پر اپنی شادی کی تصاویر شیئر نہیں کیں۔