لندن: شوہر سے تنگ ایک خاتون نے ایک ایسی ویب سائٹ بنائی ہے، جو دوسری خواتین کو انکے ہونے والے شوہروں کے ماضی کے بارے میں خبردار کرتے ہوئے انہیں بہترین جیون ساتھی تلاش کرنے میں مدد کریں گی۔
یہ ویب سائیٹ ایک ایسی خاتون نے بنائی ہے، جو اپنے بنگلادیشی نژاد شوہر کے ظلم سہتی رہی ہے اور اب وہ دوسری عورتوں کو ایسے مسئلے سے دوچار ہونے سے بچانا چاہتی ہے۔
لارا لیونز کو اس کے سابق شوہر فاروق علی نے کافی تشدد کا نشانہ بنایا تھا اور اسے یہ بعد میں علم ہوا تھا کہ اس کا شوہر کریمینل ریکارڈ کا حامل ہے اور اس وہ کئی خواتین سے برا سلوک بھی کر تا رہا ہے۔
لارا کا کہنا ہے کہ وہ یہ کام کسی مالی فائدے کے لئے نہیں کر رہی بلکہ وہ خواتین کی خدمت کرنا چاہتی ہے اور انہیں کسی بھی طرح کی تکلیف سے دوچار ہونے سے بچانا چاہتی ہے۔اس کا کہنا تھا کہ صرف 200پاﺅنڈ دے کرآپ کسی مرد کا تمام ریکارڈ ماضی سمیت معلوم کرسکتے ہیں۔
اس کا کہنا تھا کہ اس تحقیق میں کوئی غیر قانونی کام نہیں کیا جائے گا کیونکہ گھریلو لڑائیوں کو روکنے کے لئے برطانیہ میں پہلے ہی ’کلارا لاء‘ موجود ہے، جو اس وجہ سے بنایا گیا تھا کہ مردوں کی جانب سے عورتوں پر ہونے والے تشدد کو کم کیا جاسکے لیکن یہ لاء اتنی بہتری سے کام نہیں کررہا جتنا اچھے طریقے سے اس کی ویب سائٹ کام کرے گی۔
آر دے سیو اپنی نوعیت کی پہلی ویب سائیٹ ہے، جو خواتین کو ان کے ہونے والے شوہروں کے ماضی کے ریکارڈ، مالی حالت یا کسی بھی جرم کے بارے میں بتا سکے گی۔
