Tag: ویدانت پٹیل

واشنگٹن : امریکا کا چیمینز ٹرافی میں بھارت کے پاکستان آنے سے انکار پر ردعمل آگیا ، ترجمان نے کہا کہ پاکستان اور بھارت کے تعلقات سے متعلق دونوں ملک خود بات کرسکتے ہیں، ہمارے لئے درمیان میں آنے کیلئے کچھ نہیں۔

تفصیلات کے مطابق امریکی محکمہ خارجہ کے نائب ترجمان ویدانت پٹیل کی پریس کانفرنس کے دوران ویدانت اے آر وائی نیوز کے صحافی نے بھارتی ٹیم کی پاکستان میں چیمپیئنزٹرافی میں شرکت نہ کرنے پر سوال کرتے ہوئے کہا آپ کے خیال میں کیا سیاست کوکھیلوں سے ملانا درست ہے؟

ترجمان نے کہا کہ پاکستان اور بھارت کے تعلقات سےمتعلق دونوں ملک خودبات کرسکتےہیں، پاک بھارت تعلقات پر ہمارے لئے درمیان میں آنے کیلئےکچھ نہیں۔

امریکی ترجمان کا کہنا تھا کہ کھیل یقینی طور پر ایک طاقتور اور مربوط قوت ہے، امریکا نے ہمیشہ کھیلوں کی سفارتکاری کو ترجیح دی یہ لوگوں کو جوڑے رکھتا ہے اور یہ وہ چیز ہے جو ہمارے پبلک افیئرز اور پبلک ڈپلومیسی کیلئے اہم ہے۔

انھوں نے مزید کہا کہ کھیل بہت سارےلوگوں کوآپس میں جوڑتی ہے، امریکا نے ہمیشہ کھیلوں کی سفارتکاری کو ترجیح دی ہے۔

امریکی ترجمان سے افغان طالبان کی ڈونلڈ ٹرمپ کو مبارکباد پر سوال کرتے ہوئے صحافی نے کہا افغان طالبان نے تہنیتی پیغام میں امریکی عوام کوخاتون منتخب نہ کرنےپرمبارکباددی تو کا جواب دیتے ہوئے ویدانت پٹیل نے کہا کہ افغان معاشرےمیں خواتین کی قیادت اورکردارپربات ہونی چاہیے، توقع نہیں تھی افغان طالبان خواتین سے متعلق اس طرح کی سوچ رکھتےہیں۔

واشنگٹن : امریکا نے پاکستان میں حالیہ دہشت گردی کے واقعات کی شدید مذمت کرتے ہوئے کہا کہ دہشتگردی کیخلاف جنگ میں پاکستان کیساتھ ہیں۔

تفصیلات کے مطابق امریکی محکمہ خارجہ کے نائب ترجمان ویدانت پٹیل نے پریس کانفرنس کرتے ہوئے پاکستان میں دہشت گردی کےواقعات کی شدید مذمت کی۔

ترجمان کا کہنا تھا کہ دہشت گردی کےخلاف جنگ میں پاکستان کیساتھ کندھے سے کندھا ملاکرکھڑے رہیں گے۔

ویدانت پٹیل نے بی ایل اے کے 9 نومبر کو ریلوے اسٹیشن پر حملےکی مذمت کرتے ہوئے کہا کہ ہم متاثرین اوران کے اہل خانہ کے ساتھ تعزیت کا اظہار کرتے ہیں۔

ان کا کہنا تھا کہ اس قسم کے خطرات سے نمٹنا پاکستان اورامریکا کا مشترکہ مفاد ہے، علاقائی سلامتی کیلئے پاکستان اور ہمارا مشترکہ عزم ہے، امریکا نے خود بی ایل اے کوعالمی دہشت گرد تنظیم قرار دیا ہے۔

واشنگٹن : امریکا نے سعودی وزیرخار جہ اورایرانی صدر کے ممکنہ دورہ پاکستان ردعمل دیتے ہوئے کہا ان دوروں پر بیان ان ممالک کی لیڈر شپ پر چھوڑتے ہیں۔

تفصیلات کے مطابق امریکی محکمہ خارجہ کے نائب ترجمان ویدانت پٹیل کی پریس کانفرنس کے دوران وزیر خزانہ محمد اورنگزیب کی ڈونلڈلو سے ملاقات پر سوال کیا ، جس پر ویدانت پٹیل نے کہا کہ پاکستانی وزیرخزانہ نےمحکمہ خارجہ کےاعلیٰ عہدیداروں سے ملاقات کی ، پاکستان معاشی چیلنجزسےنمٹنے کیلئے اقتصادی اصلاحات کوترجیح دے اور اقتصادی اصلاحات میں توسیع کرنے کی ضرورت ہے۔

امریکی محکمہ خارجہ کے نائب ترجمان نے سعودی وزیرخارجہ اورایرانی صدر کے ممکنہ دورہ پاکستان کے سوال پر کہا کہ ان دوروں پر بیان ان ممالک کی لیڈرشپ پرچھوڑتا ہوں۔

ان کا کہنا تھا کہ ایران نے حال ہی میں سیکڑوں بلیسٹک میزائل،ڈرون اسرائیل پربھیجے،:یہ کوئی ایساعمل نہیں جو فلسطینیوں کے مفاد میں ہو، ہم اس وقت کشیدگی کم کرنے پر توجہ مرکوز رکھے ہوئے ہیں اور ہم نےجنگ بندی کا مطالبہ کررکھا ہے۔

صحافی نے سوال کیا کہ ایران، پاکستان اورسعودیہ کی مشترکہ امن کوششوں پر کیا کہیں گے؟ جس پر ویدانت پٹیل نے کہا کہ ایران کے جاری عدم استحکام اورخراب رویےکو دیکھ رہے ہیں، ایران کےارادوں سے متعلق کافی شکوک و شبہات کا شکار ہیں۔

نائب ترجمان نے مزید کہا کہ پاکستان متعددشعبوں میں ایک اہم شراکت دار ہے، پاکستان کے ساتھ سیکورٹی تعاون اہم ہے، حکومت پاکستان کےساتھ تعاون جاری رکھیں گے، معاشی چیلنجزسےنمٹنے کیلئے پاکستان کےساتھ شراکت داری ہے، پاکستان کے ساتھ کام جاری رکھنے کے لئے پر عزم ہیں۔

واشنگٹن : نائب ترجمان امریکی محکمہ خارجہ ویدانت پٹیل کا کہنا ہے کہ امریکی سائفر معاملے پر گہری نظر رکھے ہوئے ہیں، کسی ایک خاص معاملے کے بارے میں نہیں بولیں گے۔

تفصیلات کے مطابق نائب ترجمان امریکی محکمہ خارجہ ویدانت پٹیل سے پریس کانفرنس کے دوران پی ٹی آئی چیئرمین کی گرفتاری اور سائفر معاملے پر سوال کیا گیا، پوچھا گیا کیا امریکی کانگریس نے سائفر معاملے پر تحقیقات کا کہا؟

ویدانت پٹیل نے کہا کہ محکمہ خارجہ کانگریس شراکت داروں سے کئی معاملات پر مشورہ کرتے ہیں، صورتحال پر گہری نظر رکھے ہوئے ہیں تاہم کسی ایک خاص معاملے کے بارے میں نہیں بولیں گے۔

یاد رہے امریکی محکمہ خارجہ کئی بار سائفر سے متعلق الزامات کو بے بنیاد قرار دے چکی ہے، امریکی محکمہ خارجہ کے ترجمان میتھیو ملر نے پریس کانفرنس میں کہا تھا کہ سائفر سے متعلق سوال کا میں ایک ہی جواب دے سکتا ہوں کہ یہ الزامات بالکل بے بنیاد ہیں۔

انھوں نے کہا تھا ہم پاکستان یا کسی دوسرے ملک کی سیاسی جماعتوں کا ساتھ نہیں دیتے اور نہ ہی ہم پاکستان میں کسی سیاسی جماعت یا رہنما کے ساتھ ہیں، میتھیو ملر نے واضح کیا کہ امریکا خود کو کسی ملک کی سیاست میں شامل نہیں کرتا۔