Tag: ویرات کوہلی

یوراج سنگھ کے چیریٹی ایونٹ میں ویرات کوہلی سے انوشکا شرما اور بچوں کے بارے میں پوچھا گیا، کرکٹر کے جواب نے مداح کو حیران کردیا۔

ویرات کوہلی کو ٹیسٹ کرکٹ سے ریٹائرمنٹ کا اعلان کیے ایک ماہ سے زیادہ کا عرصہ گزر چکا ہے لیکن بھارت کے سابق کپتان اب بھی میدان سے باہرکافی فین فالونگ رکھتے ہیں، کوہلی 3 جون کو رائل چیلنجرز بنگلورو کےلیے پہلی بار آئی پی ایل جیتنے کے بعد ایک ماہ سے زیادہ عرصے سے برطانیہ میں مقیم ہیں۔

حال ہی میں کوہلی کی یوراج کے چیریٹی ایونٹ سے ایک ویڈیو وائرل ہوئی، جس میں کوہلی کو اپنے ہاتھوں سے اشارہ کرتے ہوئے دیکھا گیا جب ان کے ایک قریبی دوست نے ان کی اہلیہ انوشکا شرما اور بچوں وامیکا اور اکا کے بارے میں پوچھا۔

I want to know the person who made Kohli smile like this!! pic.twitter.com/fmCxDZqi1g

— Gaurav (@Melbourne__82) July 12, 2025

اس دوران انگلینڈ کے سابق کپتان کیون پیٹرسن کے ساتھ بیٹھے کوہلی نے ایک لفظ بھی نہیں بولا لیکن دوست کو اشارہ کرتے ہوئے بتایا کہ انوشکا اور بچے گھر میں ہیں اور بچے سو رہے ہیں۔

چیریٹی ایونٹ سے پہلے کوہلی اور انوشکا کو ومبلڈن 2025 میں دیکھا گیا تھا، کوہلی نے اسٹار اسپورٹس سے گفتگو کرتے ہوئے کہنا تھا کہ سینٹر کورٹ پر کھلاڑیوں کو بہت زیادہ دباؤ کا تجربہ کرنا پڑتا ہے۔

انھوں نے کہا کہ میں ٹینس پلیئرز کا بہت زیادہ احترام کرتا ہوں، اس وجہ سے کہ ان کا اپنے آپ کو پرسکون رکھنا، فٹ رکھنا اور اس طرح کی ذہنی طاقت کا مظاہرہ کرنا واقعی متاثر کن ہے۔

حال ہی میں ٹیسٹ کرکٹ سے ریٹائرمنٹ لینے والے بھارتی اسٹار کرکٹر ویرات کوہلی قانون کی گرفت میں آ گئے ہیں اور ایف آئی آر بھی درج ہو گئی ہے۔

ویرات کوہلی جو صرف بھارتی سپر اسٹار کرکٹر ہی نہیں بلکہ اچھے بزنس مین بھی ہیں اور انہوں نے اپنی دولت میں اضافے کے لیے کئی شعبوں میں سرمایہ کاری کر رکھی ہے۔

ویرات کوہلی کا ایک مشہور ریسٹورنٹ One8 Commune بھی ہے جس کی وجہ سے کرکٹر مصیبت میں پھنس گئے ہیں کیونکہ ان کے اس ریسٹورنٹ کی بنگلور برانچ کے خلاف باقاعدہ طور پر پولیس نے ایف آئی اؔر درج کر لی ہے۔

بھارتی میڈیا کےمطابق بنگلورو پولیس نے 29 مئی کو مذکورہ ریسٹورنٹ پر چھاپہ مارا تو وہاں تمباکو نوشی کے قوانین کی کھلم کھلا خلاف ورزی ہو رہی تھی جب کہ ریسٹورنٹ میں کوٹپا ایکٹ کے تحت اسموکنگ زون بھی نہیں تھا۔

پولیس نے اس خلاف ورزی پر ابتدائی طور پر رپورٹ درج کی۔ بعد ازاں جب یہ معاملہ عدالت پہنچا تو عدالتی حکام پر ریسٹورنٹ کے خلاف باضابطہ ایف آئی آر درج کر لی گئی ہے۔اس ایف آئی آر میں ریسٹورنٹ کے منیجر اور عملے کو نامزد کیا ہے۔ تاہم حیران کن طور پر ریسٹورنٹ مالک ویرات کوہلی کا نام ایف آئی آر میں شامل نہیں ہے۔

اس حوالے سے اب تک ویرات کوہلی اور ان کی ٹیم کی جانب سے کوئی وضاحتی بیان جاری نہیں کیا گیا ہے۔

واضح رہے کہ یہ پہلی بار نہیں جب ویرات کوہلی اپنے اس ریسٹورنٹ کی وجہ سے تنازع کا شکار بنے ہوں۔گزشتہ سال جولائی میں بنگلورو کی اسی برانچ پر اہل علاقہ نے مقدمہ درج کرایا تھا جب کہ دسمبر میں آگ سے تحفظ کے قوانین کی خلاف ورزی پر بھی ہوٹل کو نوٹس جاری کیا گیا تھا۔

اس سے قبل 2023 میں ممبئی برانچ میں ایک شہری کو روایتی لباس پہنا ہونے کی وجہ سے ہوٹل میں داخل ہونے سے روکنے پر کرکٹ سپر اسٹار پر ملک بھر میں بڑی تنقید ہوئی تھی۔

بھارت کے مایہ ناز بلے باز ویرات کوہلی کی ٹیسٹ کرکٹ سے اچانک ریٹائرمنٹ پر دہلی کے کوچ نے چونکا دینے والا انکشاف کر دیا ہے۔

بھارت کے کپتان روہت شرما کے ٹیسٹ کرکٹ سے ریٹائرمنٹ لینے کے صرف دو دن بعد مایہ ناز بلے باز ویرات کوہلی نے بھی طویل دورانیے کی کرکٹ سے اچانک ریٹائرمنٹ کا اعلان کر دیا۔

کوہلی جو کچھ دن قبل تک ٹیسٹ کرکٹ جاری رکھنے کا واضح عندیہ دے چکے تھے۔ کرکٹر کا اچانک اعلان ان کے کسی مداح سے ہضم نہیں ہو رہا اور سب حیران ہیں۔ ایسے میں سابق بھارتی کرکٹر اور دہلی رانجی ٹرافی کے کوچ سرندیپ سنگھ نے چونکا دینے والا انکشاف کر کے نیا پنڈورا باکس کھول دیا ہے۔

بھارتی میڈیا کےمطابق سرندیپ سنگھ نے دعویٰ کیا ہے کہ ویرات نے گزشتہ دنوں انہیں بتایا تھا کہ وہ انگلینڈ کے خلاف پانچ میچوں کی ٹیسٹ سیریز کی تیاری کر رہے ہیں اور جون میں انڈیا اے کے ساتھ پریکٹس میچ کھیلنے کو بھی تیار ہیں۔

کوہلی کے اس واضح بیان کے بعد ان کے اس طرح سے اچانک ریٹائرمنٹ کا فیصلہ میرے لیے بھی حیران کن ہے۔

روہت شرما کی ریٹائرمنٹ کے بعد بھارت کا اگلا ٹیسٹ کپتان کون؟

واضح رہے کہ بھارت کے سینئر کھلاڑیوں روہت شرما اور ویرات کوہلی کے ٹیسٹ کرکٹ سے ریٹائرمنٹ کے بعد بھارت آئندہ ماہ جون میں 5 ٹیسٹ میچوں کی سیریز کھیلنے کے لیے انگلینڈ جائے گا اور میڈیا رپورٹ کے مطابق سلیکشن کمیٹی اس دورے کے لیے شبھمن گل کو کپتان مقرر کر سکتی ہے۔

https://urdu.arynews.tv/virat-kohlis-sudden-retirement-the-most-serious-reason-has-been-revealed/