Tag: ویرات کوہلی

بھارت کے ورلڈکپ فاتح کپتان روہت شرما اور بیٹر ویرات کوہلی ریٹائرمنٹ کے بعد کیا منصوبہ بندی کررہے ہیں، نئی میڈیا رپورٹس سامنے آگئیں۔

آئی سی ٹی ٹوئنٹی ورلڈکپ 2024 جیتنے کے بعد کوہلی اور روہت میں سے کسی کی بھی ریٹائرمنٹ حیران کن نہیں تھی کیوں کہ روہت 37 سال کے ہوچکے ہیں جبکہ کوہلی نومبر میں 36 سال کے ہوں گے، دونوں نے کم از کم ڈیڑھ دہائی انٹرنیشنل کرکٹ میں بھارت کی نمائندگی کرتے ہوئے گزاری ہے۔

ٹی ٹوئنٹی سے ریٹائرمنٹ کے بعد دونوں نے نوجوان کرکٹرز کو موقع فراہم کردیا ہے، تاہم یقینی طور پر دونوں اب بھی T20 فرنچائز کرکٹ میں نظر آئیں گے، وہ مکمل طور پر اس فارمیٹ سے دور نہیں ہو رہے ہیں شائقین انھیں آئی پی ایل میں کھیلتا دیکھ سکیں گے۔

بھارت کے دونوں سپراسٹار پلیئرز ٹیسٹ اور ون ڈے میچز کے لیے اب بھی قومی ٹیم کو دستیاب ہونگے جبکہ ٹیسٹ اور ایک روزہ بین الاقوامی میچز میں دونوں ابھی بھی بھارت کے لیے اہم ہیں۔

بھارت کو آئندہ سال پاکستان میں 50 اوور کی چیمپئنز ٹرافی میں شرکت کرنا ہے اور روہت اور کوہلی دونوں ہی اس ٹیم کا لازمی حصہ ہونگے۔

کرکٹ کے سب سے مشکل فارمیٹ ٹیسٹ میں بھی دونوں بھارت کی نمائندگی کریں گے، بھارت کا اگلا ٹیسٹ اسائنمنٹ بنگلہ دیش کے خلاف دو ٹیسٹ کی ہوم سیریز ہے اس کے بعد نیوزی لینڈ کے خلاف مزید تین ٹیسٹ میچز کی سریرز ہے

اس کے بعد بھارتی ٹیم آسٹریلیا کے لیے روانہ ہوجائے گی جہاں اسے پانچ ٹیسٹ میچز کھیلنے ہیں، اگر وہ ان میچز میں کامیابی حاصل کرتی ہے تو لگاتار تیسری بار عالمی ٹیسٹ چیمپئن شپ کا فائنل کھیل سکتی ہے۔

ان تمام ٹیسٹ سیریز اور چیمپئنز ٹرافی میں شائقین کرکٹ اب بھی روہت شرما اور ویرات کوہلی کو انٹرنیشنل کرکٹ کھیلتا دیکھ سکیں گے۔

بھارتی کپتان روہت شرما کی ورلڈکپ میں کپتانی کی ہر طرف واہ واہ ہورہی ہے، اب ان کی والدہ نے بھی بیٹے کے لیے نہایت جذباتی پوسٹ شیئر کی ہے۔

جنوبی افریقہ کے خلاف آئی سی سی ٹی ٹوئنٹی ورلڈکپ کا فائنل جیتنے کے بعد ویرات کوہلی اور روہت شرما نے ریٹائرمنٹ کا اعلان کیا تھا، اس افسانوی ریٹائرمنٹ کے بعد بھارتی کپتان روہت کی والدہ نے بیٹے اور کوہلی کے لیے پیغام شیئر کرتے ہوئے دونوں کی تصوری بھی پوسٹ کی ہے۔

روہت کی والدہ پورنیما شرما نے اپنے بیٹے کی ٹی ٹوئنٹی انٹرنیشنل کرکٹ کے حوالے سے ایک تصویر پوسٹ کی۔

انسٹاگرام پر شیئر کی گئی پوسٹ میں سب سے اوپر کیپشن درج تھا ’ٹی ٹوئنٹی کرکٹ میں عظیم پلیئرز کی جوڑی‘، ساتھ ہی خصوصی پیغام میں تصوری کی مناسبت سے پورنیما شرما نے لکھا کہ ’بیٹی روہت شرما کے کندھوں پر ہے، قوم اس کے پیچھے ہے جبکہ بھائی اس کے ساتھ کھڑا ہے‘۔

ٹی 20 ورلڈ کپ جیتنے کے بعد جہاں ہر بھارتی کھلاڑی خوشی سے مسکرا رہا تھا وہیں ان کے آنکھیں مسکراتے چہروں کے ساتھ خوشی کے آنسوؤں سے نم بھی تھیں جبکہ روہت اور کوہلی کو بھی روتے ہوئے دیکھا گیا تھا۔

ٹی 20 ورلڈ کپ 2024 کے فائنل میں جنوبی افریقہ کو سنسنی خیز مقابلے میں ہرا کر بھارتی ٹیم عالمی چیمپئن بننے میں کامیاب ہوئی تھی اور کوہلی کو مرد میدان قرار دیا گیا تھا۔

View this post on Instagram

A post shared by Purnima Sharma (@purnima_1203)

وزیراعظم مودی نے بھی بھارتی ٹیم کو ورلڈ کپ جیتنے پر مبارکباد پیش کی تھی اور چیمپئن بننے کے بعد ریٹائرمنٹ لینے والے بھارتی کپتان روہت شرما، ویرات کوہلی اور ہیڈ کوچ ڈریوڈ کو الگ الگ فون کر کے مبارکباد پیش کی تھی۔

بھارتی بیٹنگ لیجنڈ سچن ٹنڈولکر نے سپراسٹار ویرات کوہلی اور کپتان روہت شرما کی ریٹائرمنٹ پر ان کے لیے زبردست خیالات کا اظہار کیا ہے۔

ٹی ٹوئنٹی عالمی کپ میں بھارت کی فتح کے ساتھ ہی ریٹائرمنٹ کا اعلان کرنے والے کوہلی اور روہت کو لٹل ماسٹر نے بھرپور خراج تحسین پیش کیا ہے، اپنے ایکس اکاؤنٹ پر ٹنڈولکر نے روہت کی قیادت کی تعریف کرتے ہوئے کہا کہ ٹی ٹوئنٹی ورلڈ کپ جیت ان کے لیے بہترین اختتام تھا۔

اپنی پوسٹ میں ٹنڈولکر کا کہنا تھا کہ روہت شرما کو میں نے ایک ہونہار نوجوان سے ورلڈ کپ جیتنے والا کپتان بنتے قریب سے دیکھا ہے۔ آپ کے غیر متزلزل عزم اور غیر معمولی صلاحیتوں نے قوم کا سر فخر سے بلند کیا ہے۔

بھارتی کرکٹ ٹیم کو آئی سی سی ٹی ٹوئنٹی ورلڈ کپ میں فتح دلانا آپ کے شاندار کیریئر کا بہترین خاتمہ ہے۔ شاباش، روہت!

ٹنڈولکر نے ویرات کوہلی کے حوالے سے خیالات کا اظہار کرتے ہوئے کہا کہ کوہلی آپ اس کھیل کے حقیقی چیمپئن ہیں، شروع میں آپ نے ٹورنامنٹ میں مشکل وقت گزرا لیکن کل رات آپ نے ثابت کر دیا کہ آپ واقعی جینٹل مین گیم کے عظیم کھلاڑیوں میں سے ایک ہیں۔

لٹل ماسٹر نے لکھا کہ چھ ورلڈ کپ میں مقابلہ کرنا اور آخری ایونٹ میں فتح حاصل کرنا ایک ایسا تجربہ ہے جسے میں اچھی طرح جانتا ہوں، مجھے امید ہے کہ آپ کھیل کے طویل فارمیٹس میں بھارت کے لیے میچ جیتتے رہیں گے۔

خیال رہے کہ ویرات کوہلی ٹنڈولکر کے ساتھی اس ٹیم کا حصہ تھے جس نے 2011 میں ون ڈے ورلڈ کپ کا ٹائٹل اپنے نام کیا تھا۔

بھارتی کرکٹ بورڈ کے سابق سربراہ ساروو گنگولی نے کہا ہے کہ میں ویرات کوہلی کے بارے میں بات بھی نہیں کرنا چاہتا۔

خبر رساں ایجنسی سے گفتگو میں سابق بھارتی کپتان کا ویرا کوہلی کی ناکامی پر بات کرتے ہوئے کہنا تھا کہ ویرات کوہلی کے بارے میں بات نہ کریں، وہ صدیوں میں ایک بار پید ہونے والا کھلاڑی ہے، ویرات کو اوپننگ جاری رکھنی چاہیے۔

گنگولی نے کہا کہ ابھی سات ماہ قبل کولی نے ون ڈے ورلڈکپ میں 700 رنزبنائے تھے، وہ انسان ہے۔ کبھی کبھی پلیئرز ناکام بھی ہوتے ہیں اور آپ کو اسے قبول کرنا پڑے گا۔

بی سی سی آئی کے سابق صدر نے کہا کہ کوہلی، ٹنڈولکر اور ڈریوڈ جیسے لوگ یہ بھارتی کرکٹ میں خود ادارے کی حیثیت رکھتے ہیں۔ تین چار میچ انھیں کمزور کھلاڑی نہیں بناتے، آپ انھیں فائنل میں نظرانداز نہ کریں۔

اس سے قبل جمعرات کو بھارتی کپتان روہت شرما نے بھی کوہلی کا دفاع کیا تھا جب وہ انگلینڈ کے خلاف محض 9 رن بنا کر ریسی ٹوپلے کی بال پر آؤٹ ہوگئے تھے۔

خیال رہے کہ اس ٹی ٹوئنٹی ورلڈکپ میں وریرات کوہلی اب تک ناکام ثابت ہوئے ہیں، بھارتی ٹیم میں بطور اوپنر اس بار انکا بلا بالکل خاموش ہے اور وہ اس ایونٹ میں بالکل آف کلر ہیں۔