Tag: ویرات کوہلی

سابق بھارتی اسپنر ہربھجن سنگھ نے کوہلی کے بارے میں اپنے خیالات کا اظہار کرتے ہوئے کہا ہے کہ کرکٹر کو اس وقت اچھی طرح سے آرام کی ضرورت ہے۔

ہربھجن سنگھ نے کہا کہ ویرات کوہلی گراؤنڈ میں نظر نہیں آرہے کیوں کہ انھیں آرام کی ضرورت تھی۔ 2011 میں وہ ٹیم میں شامل تھے اور انھوں نے اپنے پہلے ہی ایونٹ میں ورلڈ کپ جیت لیا تھا جبکہ ہم پہلے ہی تین چار ورلڈ کپ کھیل چکے تھے۔

انھوں نے کہا کہ یہ ان کی قسمت تھی اور اس کے بعد ویرات ایک بڑے کھلاڑی بن گئے لیکن 2015، 2019 اور 2023 ورلڈکپ کھیلنے کے باوجود وہ ٹرافی نہیں اٹھا سکے۔

کوہلی کی بھوک کے بارے میں مزید بات کرتے ہوئے ہربھجن نے کہا کہ ایک بڑا ٹائٹل جیتنا اسٹار کرکٹر کا حتمی مقصد ہوگا اور وہ اس وقت تک مطمئن نہیں ہوں گے جب تک کہ وہ دوسرا ورلڈ کپ نہیں جیت لیتے۔

سابق کرکٹر نے کہا کہ ویرات نے بہت سارے ریکارڈ توڑے ہیں اور بہت زیادہ رنز بنائے ہیں۔ ان کی بھوک تب ہی پوری ہو گی جب وہ ورلڈ کپ ٹرافی کو اپنے ہاتھوں میں اٹھائیں گے۔ؤ۔

خیال رہے کہ ویرات کوہلی 2011 میں ورلڈ کپ جیتنے والی بھارتی سائیڈ کا حصہ تھے جبکہ ابھی تک ان کی موجودگی میں انڈین ٹیم دوسری بار کوئی عالمی ٹرافی جیتنے میں کامیاب نہیں ہوسکی۔

کوہلی انگلینڈ کے خلاف نجی وجوہات کی بنا پر ٹیسٹ سیریز سے دستبردار ہوگئے تھے۔ وہ آخری بار افغانستان کے خلاف تین میچوں کی ٹی ٹوئنٹی سیریز میں کھیلتے ہوئے دکھائی دیے تھے، جہاں انھوں نے دو اننگز میں 29 اور 0 اسکور کیے تھے۔

معروف کرکٹر ویرات کوہلی بھی ڈیپ فیک کرائم کا شکار ہوگئے، جعلسازی سے بنائی گئی ان کی ویڈیو سوشل میڈیا پر وائرل ہوگئی۔

بھارتی ٹیم کے سابق کپتان ویرات کوہلی آرٹیفیشل انٹیلیجنس اور ڈیپ فیک ٹیکنالوجی کا شکار ہونے والی تازہ ترین مشہور شخصیت ہیں۔ ان کی ایک ویڈیو سوشل میڈیا پر وائرل ہورہی ہے جس میں ایک غیرقانونی بیٹنگ ایپ کو فروغ دیا گیا ہے۔

کوہلی کے ڈیپ فیک اشتہار کو بنانے کے لیے ماضی کی ان کی کچھ ویڈیوز سے ان کی نکالی گئی فوٹیج کو استعمال کیا گیا ہے۔

اے آئی کی مدد سے تیار کردہ ویڈیو حال ہی میں سوشل میڈیا پر وائرل ہوئی جس میں کوہلی کو یہ دعویٰ کرتے ہوئے دیکھا جا سکتا ہے کہ انھوں نے بیٹنگ ایپ کے ذریعے کم سرمایہ کاری پر زیادہ منافع کمایا۔

اشتہار کو مزید معتبر بنانے کے لیے ایک مشہور نیوز اینکر کی فوٹیج بھی اشتہار میں شامل کی گئی ہے۔ اشتہار میں ایسا منظر دکھایا گیا ہے جیسے کوہلی ایک لائیو نیوز شو میں موجود ہیں جہاں وہ صارفین کو بیٹنگ ایپ کے ذریعے پیسہ کمانے کا مشورہ دیتے نظر آرہے ہیں۔

بھارتی میڈیا رپورٹس کے مطابق سچن ٹنڈولکر کی طرح ویرات کوہلی کی بھی مصنوعی ذہانت سے تیار کردہ جعلی ویڈیو منظر عام پر آئی ہے جس میں انہیں بیٹنگ ایپ کی تشہیر کرتے ہوئے دیکھا جاسکتا ہے جس کے ذریعے کم وقت میں زیادہ پیسے کمانے کا جھانسا دیا جارہا ہے۔

اس جعلی ویڈیو کو دیکھ کر صارفین کافی حیرت زدہ ہیں کیونکہ اس کی صرف ویڈیو کو ہی نہیں بلکہ آوازوں کو بھی اتنی مہارت سے ایڈیٹ کیا گیا ہے کہ وہ اصل معلوم ہورہی ہیں۔

اس سے قبل بالی وڈ حسیناؤں عالیہ بھٹ، رشمیکا مندانہ اور دیگر ہیرؤن کے ساتھ ساتھ سابق بھارتی کپتان سچن ٹنڈولکر کی ڈیپ فیک ویڈیو بھی منظرعام پر آچکی ہے۔

بھارتی ٹیم کو انگلینڈ کے خلاف ٹیسٹ سیریز کے لیے اسٹار بلے باز کوہلی کی خدمات حاصل ہونگی یا نہیں، اس حوالے سے اہم خبر آگئی۔

بین الاقوامی کرکٹ سے کوہلی کی دوری مزید بڑھنے کے خدشات پیدا ہوگئے ہیں۔ قوی امکان ہے کہ انگلینڈ کے خلاف تیسرے اور چوتھے ٹیسٹ میں بھی بھارتی ٹیم سابق کپتان کی خدمات سے محروم رہے گی۔

کوہلی نے ذاتی وجوہات کی بنا پر حیدرآباد اور وشاکاپٹنم میں سیریز کے پہلے دو ٹیسٹ میچوں سے دستبرداری اختیار کر لی تھی۔ تاہم اب اطلاعات ہیں کہ وہ راجکوٹ اور رانچی میں بھی نہیں کھیل پائیں گے۔

کوہلی کی غیر حاضری پر بڑے پیمانے پر قیاس آرائیاں کی جا رہی تھیں، اس حوالے سے ان کی والدہ کے بیمار ہونے کی خبریں بھی پھیلنا شروع ہو گئی تھیں۔

تاہم ان افواہوں کو ان کے بھائی وکاس کوہلی نے مسترد کرتے ہوئے انکشاف کیا تھا کہ ان کی والدہ ٹھیک ہیں۔

تاہم کہانی میں نیا موڑ اس وقت آیا جب سابق جنوبی افریقہ بیٹر اور کوہلی کے قریبی دوست اے بی ڈی ویلیئرز نے اپنے یوٹیوب لائیو سیشن میں انکشاف کیا تھا کہ اسٹار بیٹر دوسری بار باپ بننے جارہے ہیں۔

تاہم ابھی تک ویرات کوہلی اور ان کی اداکارہ بیوی انوشکا شرما نے اس حوالے سے خاموشی اختیار کی ہوئی ہے اور اس پر تبصرے سے گریز کررہے ہیں۔

مہمان انگلینڈ کے خلاف تیسرے ٹیسٹ میچ سے بھی بھارتی اسٹار بیٹر ویرات کوہلی کے باہر ہونے کا امکان ہے۔

بھارت اور انگلینڈ اس وقت پانچ میچوں کی ٹیسٹ سیریز میں مصروف ہیں جبکہ دنوں ٹیموں کے درمیان دوسرا ٹیسٹ فیصلہ کن مرحلے میں داخل ہوچکا ہے۔ سیریز کے پہلے دو مقابلوں میں بھارت کو اسٹار بلے باز ویرات کوہلی کی خدمات حاصل نہیں تھیں۔

تاہم اب بھارتی ذرائع ابلاغ پر خبریں آئی ہیں کہ کوہلی انگلینڈ کے خلاف 15 فروری سے راجکوٹ میں ہونے والا تیسرا میچ بھی نہیں کھیل پائیں گے۔

بورڈ آف کنٹرول فار کرکٹ ان انڈیا کو ابھی تک ویرات کوہلی کی دستیابی کے حوالے سے کوئی اندازہ نہیں ہے۔

بی سی سی آئی کے حکام نے کہا کہ کھیلنے کا فیصلہ مکمل طور پر کوہلی کریں گے بورڈ ان کی ذاتی وجوہات کا احترم کریگا۔ اگر وہ سیریز کھیلنا چاہیں گے تو ان کے دروازے کھلے ہیں اور یہ بنیادی طور پر ان پر منحصر ہے۔

واضح رہے کہ اس سے قبل بی سی سی آئی کا کہنا تھا کہ ویرات کوہلی نے ذاتی وجوہات کا حوالہ دیتے ہوئے انگلینڈ کے خلاف پہلے دو ٹیسٹ سے دستبرداری اختیار کرلی ہے۔

بی سی سی آئی نے ایک بیان میں کہا تھا کہ ویرات نے کپتان روہت شرما، ٹیم مینجمنٹ اور سلیکٹرز سے بات کی ہے اور نجی مصروفیات کی وجہ سے وہ ابتدائی دو ٹیسٹ نہیں کھیلیں گے۔

جنوبی افریقہ کے سابق لیجنڈ بیٹر اے بی ڈی ویلیئرز نے ویرات کوہلی کے اچانک دو ٹیسٹ میچ سے دستبردار ہونے پر تشویش کا اظہار کیا ہے۔

یوٹیوب چینل پر اپنے خیالات کا اظہار کرتے ہوئے مسٹر 360 کا کہنا تھا کہ وہ بھی نہیں جانتے کہ اس موقع پر ایسی کونسی نجی وجوہات تھیں جن کی بنا پر کوہلی پہلے دو ٹیسٹ میچز کے لیے ٹیم کو دستیاب نہیں ہیں۔

انھوں نے کہا کہ ابھی کوئی بھی یہ بات نہیں جانتا ہے کہ کیا ہوا ہے تاہم مجھے امید ہے کہ جلد حقیقت سامنے آجائے گی۔

اے بی ڈی ویلیئرز نے کہا کہ میں جلد پتا لگا لوں کہ کس وجہ سے وہ پہلے دو میچز نہیں کھیل رہے مگر دوستوں میں یہ آپ کو نہیں بتاؤں گا کیوں کہ میرے لیے ویرات کی دوستی بہت اہمیت کی حامل ہے۔

سابق جنوبی افریقی کرکٹر نے کہا کہ اگر کوہلی کسی نجی وجہ کی بنا پر میچز سے دستبردار ہوئے ہیں تو یقیناً یہ کوئی انتہائی مناسب وجہ ہی ہوگی۔

انھوں نے کہا کہ ہوسکتا ہے کہ بھارتی کرکٹر تھکے ہوئے ہوں ویسے بھی انھوں نے کافی کرکٹ کھیلی ہے۔ یا ہوسکتا ہے کہ ان کی کوئی فیملی کا مسئلہ ہو۔

واضح رہے کہ انگلینڈ کے خلاف پانچ ٹیسٹ میچز کی ہوم سیریز کے پہلے دو مقابلوں سے ویرات کوہلی نجی وجوہات کی بنا پر دستبردار ہوگئے ہیں۔

ویرات کوہلی کے نمبر تین پر بیٹنگ کرنے کے حوالے سے سابق جنوبی افریقی بیٹر اے بی ڈیویلیئرز نے اہم انکشاف کیا ہے۔

سابق بھارتی کپتان کوہلی نے 2022 کے بعد اپنے پہلے ٹی ٹوئنٹی میچ میں افغانستان کے خلاف تیسرے نمبر پر بیٹنگ کی تھی جو کہ ان کی سابقہ پوزیشن بھی ہے۔

وہ ذاتی وجوہات کی بنا پر افغانستان کے خلاف پہلے ٹی ٹوئنٹی مقابلے کے لیے دستیاب نہیں تھے، تاہم وہ سیریز کے باقی دونوں میچز میں بھارتی پلیئنگ الیون کا حصہ تھے۔

جنبوبی افریقی لیجنڈ نے بھارتی بیٹر کے ون ڈاؤن پر بیٹنگ کرنے پر اپنے خیالات کا اظہار کرتے ہوئے کہا کہ دوسروں کے مقابلے میں میری رائے مختلف ہے۔ میرے کیریئر کے زیادہ تر حصے میں ویرات نے نمبر 3 پر بیٹنگ کی اور وہ اس پوزیشن پر ہمارے لیے سب سے بڑا خطرہ تھے۔

مسٹر 360 ڈگری کی عرفیت سے مشہور کرکٹر نے کہا کہ جب ہم بھارت کے خلاف کھیلتے تھے۔ میں نے ہمیشہ محسوس کیا ہے کہ وہ اس نمبر پر ٹیم کے لیے ایک گلو کی حیثیت رکھتے ہیں۔

انھوں نے مزید کہا کہ نمبر 3 بالکل بھی مڈل آرڈر نہیں ہے بلکہ یہ ٹاپ آرڈر ہے۔ تاہم کوہلی اس نمبر پر اتنا اچھا کھیلتے ہیں کہ وہ اکثر مڈل آرڈر کے ساتھ بھی کھیلنے کے لیے موجود ہوتے ہیں بلکہ بعض دفعہ تو وہ ٹیل اینڈرز تک جاتے ہیں۔

واضح ہے کوہلی نے افغانستان کے خلاف ٹی ٹوئنٹی سیریزمیں اپنی سابقہ پوزیشن نمبر تین پر ہی بیٹنگ کی تھی مگر وہ اس سیریز میں ناکام نظر آئے۔ انھیں آخری میچ میں گولڈن ڈک کی خفت سے بھی دوچار ہونا پڑا تھا۔

افغانستان کے خلاف سیریز میں فتح حاصل کرنے کے بعد بھارتی بیٹر ویرات کوہلی کا مائیکل جیکسن اسٹائل وائرل ہوگیا۔

ایک بار پھر کوہلی کے ڈانس اسٹیپس نے سوشل میڈیا پر مداحوں کی توجہ حاصل کی۔ افغانستان کے خلاف بھارت کی سنسنی خیز جیت کے بعد بھارتی ٹیم ٹرافی کے ساتھ موجود تھی۔ اس دوران ویرات بالکل مائیکل جیکسن کے ڈانس اسٹائل میں سلائیڈ کرتے ہوئے آئے۔

ویڈیو میں دیکھا جاسکتا ہے اختتام تقریب کے دوران گراؤنڈ میں بھارتی کرکٹرز لائن سے وننگ سائن بورڈ کے ساتھ کھڑے ہیں۔ کوہلی اچانک دنوں ہاتھ پھیلائے مائیکل جیکسن کے اسٹائل میں وہاں وارد ہوئے۔

https://twitter.com/Vk18_05111988/status/1747850911764910198?ref_src=twsrc%5Etfw%7Ctwcamp%5Etweetembed%7Ctwterm%5E1747850911764910198%7Ctwgr%5E81345ec57017cefa9f23dc92393e0d129510e483%7Ctwcon%5Es1_c10&ref_url=https%3A%2F%2Fwww.hindustantimes.com%2Fcricket%2Fvirat-kohli-dashes-into-trophy-celebrations-with-michael-jackson-slide-breaks-internet-with-viral-dance-step-101705574751267.html

سوشل میڈیا پر ان کی اسی میچ سے ایک اور ویڈیو بھی وائرل ہورہی ہے جس میں وہ دنوں ہاتھ منہ میں چھا کر ڈانس کرتے نظر آرہے ہی۔ صارفین اسے موئے موئے اسٹائل بھی کہہ رہے ہیں۔

خیال رہے کہ تین ٹی ٹوئنٹی میچز کی سیریز میں میزبان بھارت نے مہمان افغانستان کو 0-3 سے شکست دی تھی۔ آخری میچ میں کوہلی گولڈن ڈک کا شکا رہوئے تھے جو کہ ان کے ساتھ کیریئر میں پہلی بار ہوا تھا۔

https://twitter.com/minnahvm/status/1747903987570143529?ref_src=twsrc%5Etfw%7Ctwcamp%5Etweetembed%7Ctwterm%5E1747903987570143529%7Ctwgr%5E81345ec57017cefa9f23dc92393e0d129510e483%7Ctwcon%5Es1_c10&ref_url=https%3A%2F%2Fwww.hindustantimes.com%2Fcricket%2Fvirat-kohli-dashes-into-trophy-celebrations-with-michael-jackson-slide-breaks-internet-with-viral-dance-step-101705574751267.html

واضح رہے کہ اس سے قبل بھی کرکٹ فیلڈ ویرات کوہلی کافی بار تھرکتے نظر آئے ہیں۔ اکثر انٹرنیشنل میچز کے دوران ان کے ڈانس کرنے کی ویڈیوز سامنے آتی ہیں جس سے شائقین کافی لطف اندوس ہوتے ہیں۔

اس سے قبل آئی سی سی ورلڈ کپ میں بھی بھارت اور افغانستان کے میچ کے دوران مایہ ناز بیٹ کے ڈانس کی ویڈیو وائرل ہوئی تھی۔ انھیں میدان میں وقفے کے دوران گانوں پر رقص کرتے دیکھا گیا تھا۔

دوپہر میں بھارت کی فیلڈنگ کے دوران ویرات اسٹیڈیم میں ڈانس کررہے تھے، اس دوران شائقین کرکٹ بھی ان کے ڈانس سے محظوظ ہوتے نظر آئے تھے۔

رام مندر کی افتتاحی تقریب کے لیے مودی سرکار کی جانب سے کئی بھارتی اسٹار کرکٹرز کو بھی مدعو کرلیا گیا ہے۔

لٹل ماسٹر سچن ٹنڈولکر سے لے کر لیجنڈری کرکٹر ایم ایس دھونی اور ویرات کوہلی تک، بھارتی حکومت نے کئی نامور کرکٹرز کو بھی 22 جنوری کو ایودھیا، اتر پردیش میں رام مندر ’پران پرتیشتھا‘ کی تقریب میں شرکت کے لیے مدعو کیا ہے۔

نامور کرکٹرز کو دعوت نامے مل گئے ہیں جبکہ منگل کو سابق کپتان ویرات کوہلی نے بھی ایودھیا میں ہونے والی تقریب کے لیے کارڈ وصول کیا ہے۔

View this post on Instagram

A post shared by HT City (@htcity)

کوہلی اور ان کی بیوی بالی وڈ اداکارہ انوشکا شرما کو ممبئی میں ان کے گھر پر دعوت نامہ موصول ہوا۔ اس سے قبل دھونی اور بیٹنگ لیجنڈ سچن ٹنڈولکر کو بھی رام مندر کے حوالے سے ’پران پرتیشتھا‘ کی تقریب میں مدعو کیا گیا تھا۔

आज प्रदेश महामंत्री (संगठन) श्री @bjpkarmveer जी और राष्ट्रीय स्वयंसेवक संघ के सह प्रांत कार्यवाह श्री धनंजय सिंह जी ने JSCA स्टेडियम में भारतीय क्रिकेट टीम के पूर्व कप्तान, झारखंड की शान श्री महेंद्र सिंह धोनी जी को अयोध्या में हो रहे राम मंदिर प्राण प्रतिष्ठा में शामिल होने के… pic.twitter.com/LXvQXOmPZK

— BJP JHARKHAND (@BJP4Jharkhand) January 15, 2024

اس سے قبل سابق بھارتی اوپنر گوتم گمبھیر نے دعوت نامہ موصول ہونے کے بارے میں ایک پوسٹ شیئر کی تھی۔ انھوں نے ’ایکس‘پر لکھا کہ میرے والد کو رام مندر کی افتتاحی تقریب کا دعوت نامہ موصول ہوا ہے۔

Dad was honoured to receive the invitation for प्राण प्रतिष्ठा! Jai Shri Ram! #RamMandir #Ayodhya pic.twitter.com/7NjiqOGeXN

— Gautam (@GautamGambhir) January 16, 2024

واضح رہے کہ بابری مسجد شہید کر کے اس پر تعمیر کے گئے متنازع رام مندر کے افتتاح پر مودی سرکار کی ہٹ دھرمی برقرار ہے، تاہم بڑے ہندو مذہبی پیشواؤں نے اس کے بائیکاٹ کا اعلان کرتے ہوئے افتتاحی تقریب سے لاتعلقی ظاہر کر دی ہے۔

مودی سرکار نے 22 جنوری کو ایودھیا میں متنازع مندر کے افتتاح کا اعلان کیا ہے اور بھارتی وزیراعظم اس کا افتتاح کریں گے تاہم کانگریس نے اس پر کڑی تنقید کرتے ہوئے کہا ہے کہ ایک نا مکمل مندر کا افتتاح انتخابی مہم کی ایک چال ہے۔

خیال رہے کہ ایودھیا میں تاریخی بابری مسجد کو ہندو انتہا پسندوں نے 6 دسمبر 1992 میں شہید کر دیا تھا۔ مودی اور بی جے پی بابری مسجد کو شہید کرنے اور اس کی جگہ مندر تعمیر کرنے کی مہم میں شریک تھے۔

معروف بھارتی بیٹر ویرات کوہلی اور ٹینس سپراسٹار نوواک جوکووچ سالوں سے ایک دوسرے کے ساتھ ٹیکسٹ پیغامات کے ذریعے رابطے میں ہیں۔

سربین ٹینس اسٹار اور 24 گرینڈ سلم جیتنے کا اعزاز رکھے والے نوواک جوکووچ نے گزشتہ دنوں ایک انٹرویو کے دوران خود اس بات کا انکشاف کیا ہے۔ انھوں نے بتایا کہ ویرات اور میں کئی برس سے ایک دوسرے کو پیغامات بھیجتے رہے ہیں لیکن ابھی تک ملنے کا موقع نہیں مل سکا۔

ٹینس لیجنڈ جوکووچ 36 سال کی عمر میں آسٹریلین اوپن 2024 جیتنے کا عزم لیے آسٹریلیا میں موجود ہیں اور اپنی فٹنس اور عزم کی وجہ سے توجہ کا مرکز بنے ہوئے ہیں۔

ان کا کہنا تھا کہ بھارتی کرکٹ لیجنڈ کوہلی کے ساتھ اچھی دوستی ہے اور وہ ان کے ساتھ کئی سالوں سے بات کر رہے ہیں۔ جوکووچ نے کوہلی کے شاندار کیریئر پر ان کی تعریف بھی کی۔

بھارتی چینل سے بات کرتے ہوئے جوکووچ نے کہا کہ ہمیں کبھی ذاتی طور پر ملنے کا موقع نہیں ملا لیکن یہ واقعی ایک اعزاز ہے کہ وہ میرے بارے میں اچھی سوچ رکھتے ہیں۔

25 ویں گرینڈ سلیم ٹائٹل کے حصول کے لیے کوشاں سربین اسٹار نے کہا کہ میں نے تقریباً 10 سال پہلے بھارت کا دوراہ کیا تھا۔ امید ہے کہ میں مستقبل قریب میں جلد بھارت جاؤں گا۔

واضح رہے کہ 10 بار آسٹریلین اوپن کے فاتح نوواک کا اتوار کو آسٹریلین اوپن کے پہلے راؤنڈ میں کروشین ڈینو پرزمک سے مقابلہ ہوگا، اس سال نوواک گولڈن سلم جیتنے کے لیے بھی بھرپور کوشش کررہے ہیں۔