Tag: ویرات کوہلی

بھارت کے ماسٹر بیٹر ویرات کوہلی بھی ان لوگوں میں سے ایک ہیں جو پاکستانی کپتان اور منجھے ہوئے بلے باز بابر اعظم کی بیٹنگ کے گرویدہ ہیں۔

سابق بھارتی کپتان نے بابر کی بیٹنگ کی کھل کر تعریف کرتے ہوئے کہا کہ بلاشبہ بابر تینوں فارمیٹس کے بہترین بیٹرز میں سے ایک ہیں، اس کے علاوہ انھوں نے پاکستانی بیٹر کو اچھا انسان بھی قرار دیا۔

پہلی ملاقات کا خاص طور پر تذکرہ کرتے ہوئے کوہلی نے بتایا کہ عماد وسیم کے توسط سے ان کی اور بابر کی پہلی ملاقات ہوئی تھی، 2019 کے ون ڈے ورلڈ کپ میں مانچسٹر میں کھیلے جانے والے میچ کے بعد دونوں عظیم بیٹرز نے آپس میں گفتگو کی تھی۔

بھارتی سپر اسٹار نے کہا کہ بابر ان کا بہت احترام کرتے ہیں اور اس میں کوئی دو رائے نہیں کہ پاکستانی کپتان دنیائے کرکٹ کے بہترین بلے بازوں میں سے ایک ہیں اور تینوں فارمیٹس میں منجھے ہوئے بیٹر ہیں۔

ان کا کہنا تھا کہ بابراعظم کے کھیل میں تسلسل ہے، مجھے ہمیشہ ہی انھیں کھیلتے ہوئے دیکھ کر مزہ آتا ہے، یاد رہے کہ کوہلی کا یہ انٹرویو گزشتہ سال منظر عام پر آیا تھا جب کہ اب ایشیا کپ کے پیش نظر پھر سے اسے ذرائع ابلاغ میں شائع کیا جارہا ہے۔

واضح رہے کہ بابر اعظم اس وقت آئی سی سی ون ڈے بیٹنگ رینکنگ میں سرفہرست بیٹر ہیں جب کہ کوہلی کا 9 واں نمبر ہے، پاکستانی کپتان ٹی ٹوئنٹی اور ٹیسٹ رینکنگ میں بھی ٹاپ فائیو میں جگہ بنائے ہوئے ہیں۔

تمام فارمیٹس میں بہترین اعداد وشمار اس بات کی دلیل ہیں کہ بابر اس وقت دنیائے کرکٹ کے ٹاپ بلے بازوں سے بھی آگے ہیں اور ان کی عمدہ کاکردگی مسلسل جاری ہے، قومی کپتان تمام فارمیٹس میں ٹاپ فائیو میں جگہ بنانے والے دنیا کے واحد پلیئر بھی ہیں۔

ایشیا کپ کے سلسلے میں بھارت اور پاکستان کا مقابلہ جس کا دنیائے کرکٹ کو انتظار ہے 2 ستمبر کو کینڈی، سری لنکا میں شیڈول ہے۔

ہریانہ میں بھارتی کرکٹر ویرات کوہلی سے بہت زیادہ مشابہت رکھنے والے شخص نے لوگوں کی توجہ اپنی جانب مبذول کروالی، کئی لوگ دھوکا کھاتے ہوئے اکثر سیلفی کی فرمائش بھی کرتے ہیں۔

کہتے ہیں دنیا میں کسی بھی شخص کے سات ہم شکل ہوتے ہیں اور کبھی نہ کبھی آپ کا بھی ایسے شخص سے سامنا ہوا ہوگا جو آپ سے مشابہت رکھتا ہو، ہریانہ سے تعلق رکھنے والے کارتک شرما سوفٹ ویئر انجنیئر ہیں جن کی شکل حیرت انگیز طور پر کرکٹ لیجنڈ سے ملتی ہے، اس وجہ سے سوشل میڈیا پلیٹ فارم پر ان کی فالوئنگ کافی زیادہ ہے اور انھوں نے دھوم مچائی ہوئی ہے۔

انسٹا گرام پر ایک ویڈیو شیئر کی گئی ہے جس میں ایک کرکٹ میچ کے دوران بہت سے لوگ کارتک کو ویرات کوہلی سمجھتے ہوئے ان کے گرد مجمع لگائے ہوئے ہیں جب کہ بہت سے لوگ ان سے سیلفی کے لیے بھی فرمائش کررہے ہیں۔

سوفٹ ویئر انجینئر ہونے کے باوجود کارتک کرکٹ سے بہت زیادہ لگاؤ رکھتے ہیں اور ویرات ان کے آئیڈیل کرکٹر ہیں، ان کی ایک ویڈیوں میں وہ لوگوں کو یہ بھی کہہ رہے ہیں کہ وہ ویرات کوہلی نہیں بلکہ ہریانہ سے تعلق رکھنے والے کارتک شرما ہیں، تاہم انھیں اچھا لگتا ہے جب مشہور کرکٹر سمجھ کر ان کے گرد جمع ہوجاتے ہیں۔

View this post on Instagram

A post shared by Humans of Bombay (@officialhumansofbombay)

اس سے قبل شاہ رخ خان اور امیتابھ بچن جیسی مشہور شخصیات کے ہم شکل بھی سوشل میڈیا پر کافی مقبولیت حاصل کرچکے ہیں، اس بار سابق بھارتی کپتان ویرات کوہلی کے ہم شکل نے سوشل میڈیا پر دھوم مچادی ہے۔

نئی دہلی: بھارت کرکٹ ٹیم کے سابق کپتان ویرات کوہلی کو جم میں ایکسر سائز کرنے کی ویڈیو شیئر کرنا سوشل میڈیا پر شیئر کرنا مہنگا پڑگیا۔

بھارتی ٹیم کر کرکٹر ویرات کوہلی کرکٹ کے علاوہ  سوشل میڈیا پر بھی کافی متحرک رہتے ہیں جبکہ کھلاڑی اپنی صحت کا بھی کافی خیال رکھتے ہیں۔

ویرات کوہلی نے سوشل میڈیا پر ویڈیوز اور تصویر شیئر کی ہے جس میں کھلاڑی جم میں ایکسرسائز کرنے کے بعد پسینہ میں نظر آرہے ہیں۔

Look for excuses or look to get better. pic.twitter.com/qbTmcNlGfR

— Virat Kohli (@imVkohli) June 19, 2023

سوشل میڈیا پر ویڈیوز اور تصویر دیکھنے کے بعد صارفین نے کھلاڑی کو آڑے ہاتھوں لے لیا، ایک صارف کا کہنا تھا کہ ’جب آپ بڑے میچوں میں کچھ نہیں کرسکتے تو اس طرح جم میں وقت گزارنے کا کیا فائدہ‘۔

اسے طرح ایک اور صارف نے بھارت کے سابق کپتان ویرات کوہلی کو ٹرول کرتے ہوئے کہا کہ ’ کرکٹ کھیلنا تو آپ کے بس کی بات نہیں ہے‘ جبکہ ایک اور صارف نے کہا کہ ’ بھائی آپ ایسے کرتے رہنا اور بڑے میچوں میں ناکام ہوتے رہنا۔

واضح رہے کہ بھارتی ٹیم کو حال ہی میں ورلڈ ٹیسٹ چیمپئن شپ کے فائنل میں آسٹریلیا کے خلاف 209 رنز سے شکست ہوئی تھی۔

 ورلڈ ٹیسٹ چیمپئن شپ میں ویرات کوہلی بھی کچھ خاص فارم میں نہیں تھے۔ اس کے ساتھ ہی بھارت نے گزشتہ 10 سالوں میں کوئی بھی آئی سی سی ٹرافی نہیں جیتی۔

 اس سال آسٹریلیا کے خلاف بارڈر گواسکر ٹرافی میں ویرات کوہلی نے 3 سال کے بعد سنچری اسکور کی تھی لیکن ورلڈ ٹیسٹ چیمپئن شپ فائنل میں ٹیم کو ان کی ضرورت تھی تو وہ بری طرح ناکام رہے ۔

نئی دہلی: بھارت کرکٹ کنٹرول بورڈ (بی سی سی آئی) کے سابق صدر سارو گنگولی نے کہا ہے کہ ویرات کوہلی کا ٹیسٹ کپتانی سے دستبردار ہونے کا اقدام غیر متوقع تھا۔

بھارتی نیوز چینل کے ساتھ ایک حالیہ انٹرویو میں بی سی سی آئی کے سابق صدر سارو گنگولی نے انکشاف کیا ہے کہ بورڈ کوہلی کے بطور ٹیسٹ کپتان استعفیٰ لینے کے لیے تیار نہیں تھا۔

2021 میں ویرات کوہلی کے ٹی ٹوئنٹی فارمیٹ میں کپتانی کے عہدے سے استعفیٰ دینے کے بعد اس وقت کے بھارت بورڈ کے صدر سارو گنگولی نے کہا تھا کہ ’ہم نے ویرات سے درخواست کی تھی کہ وہ ٹی ٹوئنٹی کی کپتانی سے دستبردار نہ ہوں لیکن وہ کپتانی جاری نہیں رکھنا چاہتے تھے‘۔

لیکن اسی کے بعد ویرات کوہلی نے یہ دعویٰ کیا تھا کہ ان سے کبھی بھی ٹی ٹوئنٹی کے کپتان رہنے کی درخواست نہیں کی گئی جس کے بعد سارو گنگولی نے کہا تھا کہ ویرات کوہلی کے معاملے پر ہم کوئی بیان نہیں دیں گے اور نہ ہی کوئی پریس کانفرنس کریں گے، ہم اس سب سے مناسب طریقے سے نمٹیں گے۔

بھارت کی شکست پر انوشکا شرما تنقید کا نشانہ بن گئیں

تاہم اب انٹرویو بی سی سی آئی کے سابق صدر سارو گنگولی نے کہا کہ بی سی سی آئی ویرات کوہلی کے ٹیسٹ کپتانی چھوڑنے کے لیے تیار نہیں تھا، یہ ہمارے لیے بھی جنوبی افریقہ کے دورے کے بعد غیر متوقع تھا۔

انہوں نے کہا کہ ٹیسٹ کپتانی چھوڑنے کے حوالے سے صرف ویرات کوہلی ہی بتا سکتے ہیں کہ انھوں نے کپتانی کیوں چھوڑی۔ اس بارے میں اب بات کرنے کا کوئی فائدہ نہیں کیونکہ ویرات کوہلی نے کپتانی چھوڑ دیا تھا۔

گنگولی نے کہا کہ وہرات کے اس فیصلے کے بعد سلیکٹرز کو بھارتی کپتان کا تقرر کرنا ہی تھا اور روہت شرما اس وقت بہترین آپشن تھا۔

یاد رہے کہ گنگولی کے تازہ ترین ریمارکس ایسے وقت میں سامنے آئے ہیں جب سوشل میڈیا پر کچھ مداح ورلڈ ٹیسٹ چیمپئن شپ کے فائنل میں آسٹریلیا کے ہاتھوں بھارت کی حالیہ شکست کے تناظر میں کوہلی کو ٹیسٹ کپتان کے طور پر بحال کرنے کا مطالبہ کر رہے ہیں۔

دلبرداشتہ کوہلی ٹیسٹ کپتانی سے بھی مستعفی

واضح رہے کہ 2021 میں ویرات کوہلی نے ورلڈ کپ سے پہلے ٹی ٹوئنٹی فارمیٹ سے ٹیم اندیا کے کپتان کے عہدے سے استعفیٰ دیدیا تھا بعد میں جنوبی افریقہ کے دورے سے قبل بھارت بورڈ نے انہیں  ون ڈے ٹیم کے کپتان سے ہٹا دیا تھا ساتھ ہی بورڈ نے ٹی ٹوئنٹی اور ون ڈے کے لیے ایک ہی کپتان کو ترجیح دی تھی اور وہ تھے روہت شرما۔

ویرات کوہلی کی قیادت کے سفر میں سب سے زیادہ سنسنی خیز موڑ جنوری 2022 میں آیا، جب ساؤتھ افریقہ کے خلاف ٹیسٹ سیریز ہارنے کے چند ہی گھنٹے بعد کوہلی نے کپتانی چھوڑ دی۔

بھارت کے سابق کپتان ویرات کوہلی اپنے 7 سالہ کپتانی کے دور میں ریڈ بال کرکٹ میں ٹیم انڈیا کے سب سے کامیاب کپتان بن کر ابھرے۔

ویرات کوہلی اور بھارتی بورڈ کے درمیان اختلافات کھل کر سامنے آگئے

 68 ٹیسٹ میچ میں ٹیم کی قیادت کرنے کے بعد کوہلی نے 40 میچوں میں فتح حاصل کی۔ ان کی جیت کا تناسب غیر معمولی 58.82 تھا۔

ایم ایس دھونی کو پیچھے چھوڑتے ہوئے کوہلی 2019 میں سب سے کامیاب بھارتی ٹیسٹ کپتان بن گئے تھے۔

 جب کوہلی نے ریڈ بال کرکٹ میں اپنی قائدانہ ذمہ داریوں سے دستبردار ہوئے تو وہ ٹیسٹ کرکٹ کی تاریخ میں تیسرے سب سے کامیاب کپتان تھے۔

ورلڈ ٹیسٹ چیمپئن شپ کے فائنل میں آسٹریلیا کے ہاتھوں شکست کے بعد بھارتی ٹیم کے سابق کپتان ویرات کوہلی کی انسٹاگرام اسٹوری وائرل ہوگئی۔

گزشتہ روز آسٹریلیا نے آئی سی سی ورلڈ ٹیسٹ چیمپئن شپ کے فائنل میں بھارت کو 209 رنز سے شکست دیدی۔

فائنل کے آخری روز بھارتی ٹیم 444 رنز کے ہدف کے تعاقب میں 234 رنز بناکر آؤٹ ہو گئی، ٹیسٹ کے آخری روز بھارت کی 7 وکٹیں صرف 70 رنز پر گر گئیں۔

بھارت کی جانب سے دوسری اننگز میں ویرات کوہلی 49 رنز بنا کر نمایاں رہے جبکہ اجنکیا رہانے نے 46 اور روہت شرما نے 43 رنز کی اننگز کھیلی۔

ورلڈ ٹیسٹ چیمپئن شپ فائنل میں بھارتی شکست کی بڑی وجہ کیا بنی، سہواگ نے بتا دیا

آسٹریلیا کی جانب سے نیتھن لیون نے دوسری اننگز میں چار شکار کیے جبکہ اسکاٹ بولینڈ نے 3 وکٹیں حاصل کیں، مچل اسٹارک نے دو اور پیٹ کمنز نے ایک کھلاڑی کو آؤٹ کیا۔

آسٹریلیا نے پہلی اننگز میں 469 رنز بنائے تھے جبکہ دوسری اننگز 8 وکٹ 270 رنز پر ڈیکلیئر کی تھی، بھارتی ٹیم پہلی اننگز میں 296 رنز بناکر آؤٹ ہو گئی تھی۔

ٹیسٹ چیمپئن شپ کے فائنل میں ناقص کارکردگی پر جہاں بھارتی شائقین نے اپنی ٹیم کو تنقید کا نشانہ بنایا وہیں سابق بھارتی کرکٹرز نے بھی انڈین ٹیم کے کھلاڑیوں کو آڑے ہاتھوں لیا۔

ویرات کوہلی نے آسٹریلیا کے ہاتھوں شکست کے بعد ٹیم کی کارکردگی پر تنقید کرنے والوں کو اپنی انسٹا استوری سے جواب دیا ہے۔

ویرات کوہلی نے انسٹاگرام پر ایک اسٹوری لگائی جس میں ایک قول شیئر کیا کہ ‘خاموشی طاقت کا ذریعہ ہے’۔

انڈین پریمیر لیگ (آئی پی ایل) کی ٹیم لکھنؤ سپر جائنٹ کے بولر نوین الحق کا وکٹ لینے کے بعد جشن منانے کا انداز  سابق بھارتی کپتان سنیل گواسکر کو پسند نہ آیا۔

ویڈیو میں دیکھا جاسکتا ہے کہ بھارتی کرکٹ لیگ میں ممبئی انڈینز کے خلاف روہت شرما کی وکٹ لینے کے بعد جشن مناتے ہوئے نوین الحق نے اپنے کانوں میں انگلیاں ڈال کر جشن منایا جس سے تاثر لیا گیا کہ وہ حالیہ دنوں سوشل میڈیا پر خود پر ہونے والی تنقید کے ردعمل میں اس طرح کا جشن کا انداز اپنا رہے ہیں۔

 

View this post on Instagram

 

A post shared by JioCinema (@officialjiocinema)

ممبئی انڈینز کے خلاف  وکٹیں لینے پر جب نوین الحق نے کانوں میں انگلیاں ڈال کر جشن منایا تو سابق بھارتی کپتان سنیل گواسکر نے کمنٹری کے دوران ان کے انداز پر ناپسندیدگی کا اظہار کرتے ہوئے کہا کہ کیا نوین کو شائقین سے کوئی مسئلہ ہے؟ انہیں تو کان کھول کر جشن کا مزہ لینا چاہیے۔

گوتم گمبھیر اور نوین الحق ویرات کوہلی سے الجھ پڑے

 سابق بھارتی کپتان نے اسی دوران نوین الحق کو مشورہ دیا کہ جشن کے وقت کانوں کو بند کرنے کے بجائے آپ  اپنے کان کھول کر لوگوں کی حوصلہ افزائی اور شور کا مزہ لیں، اپنے ہاتھ کانوں کے پیچھے لگا کر کہنا چاہیے ’ہیلو، اب میں آپ کو سن سکتا ہوں‘، جشن تو اس طرح کا ہونا چاہیے۔

نئی دہلی: بھارت کرکٹ ٹیم کے سابق کپتان ویرات کوہلی نے ماضی میں ہونے والی اپنی غلطیوں پر بورڈ کو صفائی دی اور اسے قبول کیا۔

سابق کپتان ویرات کوہلی کا شمار بھی دنیا کے عظیم بلے بازوں میں ہوتا ہے،  انہوں نے بھی بھارت کے لیے کھیلتے ہوئے کئی ریکارڈ اپنے نام کیے ہیں۔

لیکن ویرات کوہلی نے اپنے کرکٹ کیریئر میں بہت سے اتار چڑھاؤ کا سامنا کیا ہے جس میں بھارتی ٹیم  کی کپتانی چھوڑنے کا واقعہ یقیناً ان کے کیریئر کے بدترین واقعات میں سے ایک رہا ہوگا۔

ویرات کوہلی کی کپتانی میں بھارتی ٹیم نے ایک بھی آئی سی سی ٹرافی اپنے نام نہیں کی، بھارتی میڈیا کے مطابق اس کے بعد انہیں بطور کپتان تحقیقات کا سامنا بھی کرنا پڑا تھا۔

ویرات کوہلی نے اہم ریکارڈ اپنے نام کرلیا

کھلاڑی نے ٹی ٹوئنٹی ورلڈ کپ 2021 میں بھی کپتانی کی تھی اس دروان بھی ان کی کارکردگی انتہائی خراب نظر آئی تھی جس کے بعد بھارتی بورڈ نے  انہیں ون ڈے فارمیٹ سے کپتانی سے ہٹانے کا فیصلہ کیا۔

ویرات کوہلی نے سال 2022 کے شروعات میں دورہ جنوبی افریقہ کے بعد ٹیسٹ ٹیم کی کپتانی سے بھی استعفیٰ دے دیا۔ اب انہوں نے کپتانی کے دوران ہونے والی غلطیوں کو قبول کرلیا ہے۔

ویرات کوہلی نے ایک دستاویزی سیریز میں بتایا کہ مجھے یہ تسلیم کرنے میں شرم نہیں آتی کہ جب میں کپتان تھا تو میں نے بہت سی غلطیاں کیں۔

’’لیکن میں نے کبھی اپنے بارے میں نہیں سوچا، میں خود غرضی نہیں تھا جس کی میں ضمانت بھی دے سکتا ہوں، میں نے کبھی اپنے لیے نہیں کھیلا بلکہ میرا ہدف ہمیشہ اپنی ٹیم کو آگے لے جانا تھا‘‘۔

انہوں نے کہا کہ میں نے اپنی کپتانی میں بہت سے غلط فیصلے کیے اور بہت سے صحیح فیصلے بھی کیے جسے میں پوری طرح سے قبول کر سکتا ہوں۔

ویرات کوہلی نے کہا کہ میں ناکام تھا لیکن میری نیت غلط نہیں تھی، جب ہم ایک صحیح جگہ ہوتے ہیں تو اس جگہ ہماری غلطیاں نمایاں ہوتی ہیں، لیکن ہمیں ان ہی غلطیوں سے سیکھنا چاہیے۔