Tag: ویرات کوہلی

  • شاہد آفریدی نے ویرات کوہلی کی ریٹائرمنٹ پر کیا کہا؟

    شاہد آفریدی نے ویرات کوہلی کی ریٹائرمنٹ پر کیا کہا؟

    قومی ٹیم کے سابق کپتان شاہد آفریدی نے ویرات کوہلی کو ٹیسٹ کرکٹ سے ریٹائرمنٹ پر خراج تحسین پیش کیا ہے۔

    فوٹو اور ویڈیو شیئرنگ ایپ انسٹاگرام پر شاہد آفریدی نے لکھا کہ ’ایک شاندار کیریئر پر ویرات کوہلی کو مبارکباد پیش کرتا ہوں، آپ کے جذبے، شدت اور پیشہ ورانہ مہارت نے ٹیسٹ کرکٹ میں نئے معیار قائم کیے ہیں۔‘

    انہوں نے لکھا کہ ’ پیوریسٹ فارمیٹ آپ کی موجودگی اور مسابقتی جذبے سے محروم رہے گا۔‘

    2011 میں ڈیبیو کرنے والے 36 سالہ ہندوستانی بلے باز نے 46.85 کی اوسط سے 123 میچوں میں 9,230 رنز اور 30 ​​سنچریوں کے ساتھ اپنے ریڈ بال کیریئر کا اختتام کیا۔

    انہوں نے کہا کہ یہ 14 سال پہلے کی بات ہے جب میں نے پہلی بار ٹیسٹ کرکٹ میں بھارت کے لیے سفید لباس پہنا، میں نے کبھی نہیں سوچا تھا کہ یہ فارمیٹ مجھے کس سفر پر لے جائے گا۔

    یہ پڑھیں: ویرات کوہلی کا ٹیسٹ کرکٹ سے ریٹائرمنٹ کا اعلان

    ویرات کوہلی نے کہا کہ اس نے مجھے آزمایا، نکھارا اور ایسی زندگی کی سچائیاں سکھائیں جو ہمیشہ میرے ساتھ رہیں گی، میں اس فارمیٹ سے رخصت ہو رہا ہوں، یہ آسان نہیں، لیکن مجھے یہ صحیح محسوس ہو رہا ہے۔ میں نے ٹیسٹ کرکٹ کو اپنی تمام تر توانائیاں دیں اور بدلے میں اس کھیل نے مجھے بہت کچھ دیا ہے۔

    کوہلی نے 68 میچوں میں اپنی ٹیم کی قیادت کی، 40 جیتے، صرف 17 ہارے، اور ٹیم کو 2021 اور 2023 ورلڈ ٹیسٹ چیمپئن شپ کے فائنل میں لے گئے۔

    بھارت کا اگلا امتحان انگلینڈ کے خلاف 20 جون سے شروع ہونے والی پانچ میچوں کی سیریز ہے۔

  • ویرات کوہلی کا اچانک ریٹائرمنٹ کا اعلان

    ویرات کوہلی کا اچانک ریٹائرمنٹ کا اعلان

    بھارتی کرکٹ ٹیم کے 36 سالہ سابق کپتان ویرات کوہلی نے ٹیسٹ کرکٹ سے اچانک ریٹائرمنٹ کا اعلان کیا ہے۔

    کرکٹ ویب سائٹ کرک انفو کے مطابق بھارتی کرکٹ ٹیم کے سابق کپتان ویرات کوہلی کا ٹیسٹ کرکٹ کا 14 سالہ کرئیر اپنے اختتام کو پہنچ گیا، کرکٹر نے ٹیسٹ کرکٹ سے ریٹائرمنٹ کا اعلان کردیا۔

    بھارتی کھلاڑی نے جاری کردہ جذباتی پیغام میں کہا کہ یہ 14 سال پہلے کی بات ہے جب میں نے پہلی بار ٹیسٹ کرکٹ میں بھارت کے لیے سفید لباس پہنا، میں نے کبھی نہیں سوچا تھا کہ یہ فارمیٹ مجھے کس سفر پر لے جائے گا۔

     

    View this post on Instagram

     

    A post shared by Virat Kohli (@virat.kohli)

    ویرات کوہلی نے کہا کہ اس نے مجھے آزمایا، نکھارا اور ایسی زندگی کی سچائیاں سکھائیں جو ہمیشہ میرے ساتھ رہیں گی، میں اس فارمیٹ سے رخصت ہو رہا ہوں، یہ آسان نہیں، لیکن مجھے یہ صحیح محسوس ہو رہا ہے۔ میں نے ٹیسٹ کرکٹ کو اپنی تمام تر توانائیاں دیں اور بدلے میں اس کھیل نے مجھے بہت کچھ دیا ہے۔


    روہت شرما کی ریٹائرمنٹ کے بعد بھارت کا اگلا ٹیسٹ کپتان کون؟

    ویرات کوہلی نے ٹی 20 کرکٹ میں منفرد ریکارڈ بنا دیا

    روہت شرما نے ریٹائرمنٹ کا اعلان کردیا


    واضح رہے کہ کوہلی نے 111 ٹیسٹ میچز میں 9230 رنز بنائے، جس میں ان کی اوسط 46.8 رہی،  وہ بھارت کے لیے سب سے زیادہ رنز بنانے والے کھلاڑیوں کی فہرست میں چوتھے نمبر پر ہیں، ان سے آگے صرف سچن ٹنڈولکر (15921)، راہول ڈریوڈ (13265) اور سنیل گواسکر (10122) ہیں۔

    یاد رہے کہ چند گزشتہ دنوں بھارتی کپتان روہت شرما نے بھی ٹیسٹ کرکٹ سے ریٹائرمنٹ کا اعلان کیا تھا جس کے بعد کوہلی کے فیصلے نے بھارتی ٹیم کی ٹیسٹ لائن اپ کے لیے مشکلات کھڑی کردی ہے۔

    جبکہ 36 سالہ کوہلی نے یہ فیصلہ ایسے وقت میں کیا ہے جب بھارت کا انگلینڈ کا دورہ محض ایک ماہ کی دوری پر ہے۔

  • کوہلی نے ایک اور ریکارڈ اپنے نام کرلیا

    کوہلی نے ایک اور ریکارڈ اپنے نام کرلیا

    بھارتی کرکٹ ٹیم کے سابق کپتان ویرات کوہلی نے آئی پی ایل میں ایک اور ریکارڈ اپنے نام کرلیا۔

    سابق بھارتی کپتان ویرات کوہلی آئی پی ایل کے 8 سیزن میں 500 سے زائد رنز بنانے والے پہلے بلے باز بن گئے، کوہلی نے گزشتہ روز چنئی سپر کنگز کیخلاف رائل چیلنجرز بنگلورو کی نمائندگی کرتے ہوئے 33 بالز پر 62 رنز بناکر حالیہ سیزن میں اورنج کیپ پر اپنی گرفت مضبوط کرلی تھی۔

    موجودہ سیزن میں کوہلی اب تک 505 رنز بنا چکے ہیں جبکہ ان کی اوسط 63.13 رہی ہے۔

    بنگلورو نے چنئی سے دلچسپ مقابلے کے بعد میچ 2 رنز سے جیت لیا تھا، لیگ میں چنئی کیخلاف بنگلورو کی یہ دوسری فتح ہے۔
    شمار ہوئی۔

    ڈیوڈ وارنر اب 7 سیزن میں 500 رنز بناکر دوسرے نمبرپر ہیں، کوہلی نے 2011 میں 557 رنز، 2013 میں 634، 2015 میں 505 اور 2016 میں ریکارڈ شکن 937 رنز بنائے تھے، 2018 میں انہوں نے 530 رنز، 2023 میں 639 اور 2024 میں 741 رنز جوڑے تھے۔

    واضح رہے کہ آئی پی ایل کے دوران کوہلی ایک بار مشکل میں بھی پھنس گئے تھے، انہوں نے اپنی اہلیہ انوشکا شرما کو سالگرہ کی مبارک باد دی تھی جس پر سب ہی خوش تھے لیکن اس کے بعد ان کی ایک حرکت پر ان کے چاہنے والوں نے انہیں آڑے ہاتھوں لے لیا تھا۔

    ان کے چاہنے والے اس بات پر حیران تھے کہ انہوں نے انسٹاگرام پر فلم، ٹی وی کی اداکارہ اور رقاصہ اونیت کور کی بولڈ تصویر کو لائک کیا تھا۔

    کوہلی کا خوبرو اداکارہ کی تصویر کو لائیک کرنا ان کے چاہنے والوں سے نہیں چھپ سکا اور سوشل میڈیا صارفین نے انہیں آڑے ہاتھوں لے لیا۔

    یہاں تک کہ کوہلی کو اس پر وضاحت دینا پڑگئی۔ اُن کا وضاحت دیتے ہوئے کہنا تھا کہ یہ سب غیر دانستگی میں ہوا، جان بوجھ کر لائک کرنے کا کوئی ارادہ نہیں تھا۔

    عرفان خان کی دلیرانہ بیٹنگ، کراچی کنگز نے لاہور کے جبڑوں سے فتح چھین لی

    سابق کپتان کا کہنا تھا کہ فیڈ کو کلیئر کرتے ہوئے شاید الگورتھم نے غلطی سے کوئی انٹریکشن کر لیا، اس کے علاوہ کوئی اور وجہ نہیں ہے۔ اُنہوں نے اپنے مداحوں سے درخواست کی کہ کوئی غیر ضروری مفروضہ نہ بنایا جائے۔

  • ویرات کوہلی بڑی مشکل میں پھنس گئے، صفائیاں دینے پر مجبور

    ویرات کوہلی بڑی مشکل میں پھنس گئے، صفائیاں دینے پر مجبور

    بھارتی کرکٹ ٹیم کے سابق کپتان ویرات کوہلی نے اپنی اہلیہ انوشکا شرما کو سالگرہ کی مبارک باد دی تھی جس پر سب ہی خوش تھے لیکن اس کے بعد ان کی ایک حرکت پر ان کے چاہنے والے حیران رہ گئے۔

    یہ حیرانی اس بات پر تھی کہ ویرات کوہلی نے انسٹاگرام پر فلم، ٹی وی کی اداکارہ اور رقاصہ اونیت کور کی بولڈ تصویر کو لائک کیا تھا۔

    کوہلی کا خوبرو اداکارہ کی تصویر کو لائیک کرنا ان کے چاہنے والوں سے نہیں چھپ سکا اور سوشل میڈیا صارفین نے انہیں آڑے ہاتھوں لے لیا۔

    یہاں تک کہ کوہلی کو اس پر وضاحت دینا پڑگئی۔ اُن کا وضاحت دیتے ہوئے کہنا تھا کہ یہ سب غیر دانستگی میں ہوا، جان بوجھ کر لائک کرنے کا کوئی ارادہ نہیں تھا۔

    سابق کپتان کا کہنا تھا کہ فیڈ کو کلیئر کرتے ہوئے شاید الگورتھم نے غلطی سے کوئی انٹریکشن کر لیا، اس کے علاوہ کوئی اور وجہ نہیں ہے۔ اُنہوں نے اپنے مداحوں سے درخواست ہے کہ کوئی غیر ضروری مفروضہ نہ بنایا جائے۔

    واضح رہے کہ آئی پی ایل 2025 میں رائل چیلنجرز بنگلورو کی سے کھیلنے والے کوہلی ایک وینیو میں 3500 رنز بنانے والے پہلے بیٹر بن گئے ہیں۔

    انہوں نے یہ منفرد سنگ میل چناسوامی اسٹیڈیم بنگلورو میں رائل چیلنجرز بنگلورو اور راجستھان رائلز کے خلاف میچ میں حاصل کیا۔

    کوہلی نے 42 گیندوں پر 8 چوکوں اور 2 چھکوں کی مدد سے 70 رنز کی شاندار اننگز کھیلی جبکہ جاری سیزن میں یہ ان کی پانچویں نصف سنچری ہے۔کوہلی آئی پی ایل میں 3500 رنز بنانے والے پہلے بیٹر بن گئے ہیں۔

    اس فہرست میں بنگلادیش کے تمیم اقبال، مشفیق الرحیم، جیمز ونس اور ایلکس ہیلز سمیت نامور بیٹرز شامل ہیں۔

    ’کوہلی دوست نہیں‘ فل سالٹ نے جواب دے کر یوٹرن لے لیا

    کوہلی نے بنگلورو کے میدان میں 3556 رنز بنا رکھے ہیں، مشفیق الرحیم نے شیر بنگلا اسٹیڈیم میرپور میں کھیل کر 3373 رنز بنائے ہیں۔جیمز ونس نے روز باؤل، ساؤتھمپٹن میں کھیل کر 3253 رنز بنارکھے ہیں۔

  • سوریا کمار یادیو نے ویرات کوہلی کا ریکارڈ توڑ دیا

    سوریا کمار یادیو نے ویرات کوہلی کا ریکارڈ توڑ دیا

    انڈین پریمیئرلیگ (آئی پی ایل) کی ٹیم ممبئی انڈینز کی نمائندگی کرنے والے بھارتی بلے باز سوریا کمار یادیو نے ویرات کوہلی کا اہم ریکارڈ توڑ دیا۔

    بھارتی بلے باز سوریا کمار یادیو نے آئی پی ایل کی تاریخ میں تیز ترین 4 ہزار رنز بنا کر ریکارڈ قائم کردیا ہے اور انہوں نے یہ سنگ میل رواں سیزن میں لکھنو سپر جائنٹس (ایل ایس جی) کے خلاف وانکھڈے اسٹیڈیم میں حاصل کرلیا۔

    سوریا کمار نے آئی پی ایل کی تاریخ کے تیز ترین 4 ہزار رنز مکمل کرنے کے لیے دو ہزار 714 گیندوں کا سامنا کیا جبکہ اس سے قبل یہ ریکارڈ کے ایل راہل کے نام تھا جنہوں نے دو ہزار 820 گیندوں پر 4 ہزار رنز اسکور کئے تھے۔

    سوریا کمار ٹی20 کرکٹ میں مجموعی طور پر تیز ترین 4 ہزار رنز بنانے والے بیٹرز میں دنیا میں تیسرے نمبر پر ہیں، جنوبی افریقہ کے اے بی ڈی ولیئرز اور ویسٹ انڈیز کے کرس گیل نے دو ہزر 658 گیندوں پر 4 ہزار رنز بنا کر یہ ریکارڈ بنایا تھا۔

    آئی پی ایل کے میچ میں لکھنو سپرجائنٹس کے خلاف سوریا کمار نے 28 گیندوں پر 54 بنائے تھے اور اس دوران انہوں نے آئی پی ایل کی تاریخ میں 150 چھکے لگانے کا سنگ میل بھی عبور کرلیا اور مزید ایک ریکارڈ بنانے میں کامیاب ہوگئے۔

    واضح رہے کہ سوریا کمار میچ کے دوران اسٹمپ مائیک سے دور رہتے ہیں، اس کی انھوں نے دلچسپ وجہ بیان کی ہے۔

    سوریہ کمار کے پیشرو روہت شرما میچ کے دوران اسٹمپ مائیک پر اپنے تبصروں کے لیے جانے جاتے ہیں، مداح ان کی اس حرکت سے لطف اندوز بھی ہوتے ہیں جبکہ ان کے کلپ سوشل میڈیا پر وائرل ہوتے بھی نظر آتے ہیں۔

    ان کی سب سے مشہور اسٹمپ مائیک کلپ میں سے ایک یہ بھی ہے کہ وہ ساتھی پلیئر پر میچ کے دوران برس رہے تھے کہ ’گارڈن میں گھوم رہے ہو کیا‘، روہت میچ کے دوران سست فیلڈنگ پر یہ جملے کہتے نظر آئے تھے۔

    سوریہ کمار سے حال ہی میں پوچھا گیا کہ کیا بھارتی کرکٹر اب بھی باغ میں گھومتے ہیں، اب جب کہ روہت ریٹائر ہو چکے ہیں، سوریا کمار نے مزاحیہ انداز میں کہا کہ وہ اپنے فیلڈرز پر گھومنے پھرنے پر پابندیاں نہیں لگاتے کیونکہ اب کوئی ایسا نہیں کرتا۔

    سوریہ کمار نے یہ بھی بتایا کہ جتنا ہو سکتا ہے وہ میچ کے دوران اسٹمپ مائک سے دور رہنے کی کوشش کرتے ہیں، بھارتی ٹی ٹوئنٹی کپتان کے مطابق کسی کی خاصیت ان کے پاس ہی رہنی چاہیے۔

    انگلش پریمیئر لیگ، لیورپول نے ٹائٹل جیت لیا

    بھارتی جارح مزاج بیٹر نے کہا کہ میں اسٹمپس سے دور رہنے کی کوشش کرتا ہوں اگر یہ کسی کی خاصیت ہے، پھر یہ بہتر ہے کہ یہ صرف اس شخص کے ساتھ رہے۔

  • کوہلی نے ایک اور تاریخی ریکارڈ اپنے نام کر لیا

    کوہلی نے ایک اور تاریخی ریکارڈ اپنے نام کر لیا

    بھارتی کرکٹ ٹیم کے سابق کپتان ویرات کوہلی نے ڈیوڈ وارنر کا ریکارڈ توڑ کر آئی پی ایل میں نئی تاریخ رقم کر دی۔

    رائل چیلنجرز بینگلورو (آر سی بی) کے جارح مزاج بلے باز ویرات کوہلی نے آئی پی ایل 2025ء کے ایک اہم مقابلے میں پنجاب کنگز کے خلاف بہترین کھیل پیش کرتے ہوئے ایک نیا اور تاریخی ریکارڈ اپنے نام کر لیا۔

    کوہلی نے میچ میں ناقابلِ شکست 73 رنز 54 گیندوں پر بنائے اور اپنی ٹیم کی جیت میں بنیادی کردارادا کیا۔

    کوہلی نے آئی پی ایل میں 59 ویں نصف سنچری اسکور کی اور مجموعی طور پر یہ ان کی 67 ویں ففٹی یا اس سے زیادہ رنز کی اننگز تھی۔

    کوہلی اس کارکردگی کے بعد ڈیوڈ وارنر کو پیچھے چھوڑتے ہوئے آئی پی ایل کی تاریخ میں سب سے زیادہ 50 پلس اسکور بنانے والے کھلاڑی بن گئے، ان کے ریکارڈ میں اب 59 ففٹیز اور 8 سنچریاں شامل ہیں۔

    پنجاب کنگز نے 158 رنز کا ہدف دیا تھا، جس کا تعاقب کرتے ہوئے کوہلی اور دیودت پڈیگل نے شاندار بیٹنگ کی، دونوں نے پہلی وکٹ کی شراکت میں 103 رنز بنائے، جس نے آر سی بی کی جیت کی بنیاد رکھ دی، پڈیگل نے 35 گیندوں پر 61 رنز کی جارحانہ اننگز کھیلی۔

    واضح رہے اس سے قبل آئی پی ایل میں رائل چیلنجرز بنگلورو کو پنجاب کنگز کے ہاتھوں عبرتناک شکست کا سامنا کرنا پڑا تھا، اس میچ کو 14، 14 اوورز تک محدود کیا گیا تھا آر سی بی کی ٹیم پہلے کھیلتے ہوئے 9 وکٹوں پر صرف 95 رنز بنا سکی، کوہلی اور دیگر بیٹرز جادو جگانے میں ناکام رہے تھے۔

    اسلام آباد یونائیٹڈ نے کراچی کنگز کو زیر کر دیا

    ہدف کے تعاقب میں پنجاب کنگز نے 13ویں اوور کی پہلی بال پر 5 وکٹوں کے نقصان پر 98 رنز بناکر آر سی بی کے خلاف میچ باآسانی جیت لیا تھا۔

  • آر سی بی کے کپتان کوہلی اور دیگر کھلاڑیوں پر بھڑک اٹھے

    آر سی بی کے کپتان کوہلی اور دیگر کھلاڑیوں پر بھڑک اٹھے

    رائل چیلنجرز بنگلورو کے کپتان رجت پاٹیدار ویرات کوہلی سمیت ٹیم کے دیگر کھلاڑیوں کی خراب کارکردگی پر برس پڑے۔

    آئی پی ایل میں رائل چیلنجرز بنگلورو کو گزشتہ مقابلے میں پنجاب کنگز کے ہاتھوں عبرتناک شکست کا سامنا کرنا پڑا، اس میچ کو 14، 14 اوورز تک محدود کیا گیا تھا آر سی بی کی ٹیم پہلے کھیلتے ہوئے 9 وکٹوں پر صرف 95 رنز بنا سکی، کوہلی اور دیگر بیٹرز جادو جگانے میں ناکام رہے۔

    سوائے ٹم ڈیوڈ کے کوئی بھی بیٹر اچھی بیٹنگ نہ کرسکا، ٹم نے 50ناٹ آئوٹ رنز بنائے جبکہ ویرات کوہلی اور دیگر بڑے نام بری طرح پنجاب کنگز کے بولرز کے سامنے ناکام رہے۔

    ہدف کے تعاقب میں پنجاب کنگز نے 13ویں اوور کی پہلی بال پر 5 وکٹوں کے نقصان پر 98 رنز بناکر آر سی بی کے خلاف میچ باآسانی جیت لیا۔

    بنگلورو کے کپتان رجت نے میچ کے بعد کہا کہ شروع میں بیٹنگ کچھ مشکل تھی مگر میرے خیال میں ایک بیٹنگ یونٹ کے طور پر ہم اس سے بہتر کارکردگی دکھا سکتے تھے۔

    رجت پاٹیدار جو کوہلی اور دیگر بیٹرز کی کارکردگی پر کافی حیران تھے انھوں نے کہا کہ بیٹنگ میں پارٹنرشپ کی کافی اہمیت ہوتی ہے،ہم وقفے وقفے سے اس میچ میں وکٹیں گنواتے رہے۔

    آسٹریلیا کے پیسر جوش ہیزل ووڈ بھی اس شکست سے کافی مایوس نظر آئے کیوں کہ انھوں نے عمدہ بولنگ کرتے ہوئے 14 رنز کے عوض 3 وکٹیں لے کر آر سی بی کو میچ میں لانے کی کوشش کی تھی۔

    https://urdu.arynews.tv/arshdeep-singh-becomes-punjab-kings-top-wicket-taker-in-ipl-history/

  • کوہلی نے دل کی دھڑکن کیوں چیک کرائی؟ ویڈیو دیکھ کر مداح پریشان

    کوہلی نے دل کی دھڑکن کیوں چیک کرائی؟ ویڈیو دیکھ کر مداح پریشان

    بھارتی کرکٹ ٹیم کے سابق کپتان اور آئی پی ایل کی ٹیم رائلز چیلنجر بنگلور کے کھلاڑی ویرات کوہلی نے دوران بیٹنگ سنجو سیمسن سے دل کی دھڑکن چیک کرائی، جس کے بعد ان کے چاہنے والوں میں تشویش کی لہر دوڑ گئی۔

    ویرات کوہلی نے آئی پی ایل میں راجستھان رائلز کے خلاف ٹی ٹوئنٹی کرکٹ میں ففٹیز کی سنچری مکمل کرلی، ان کی 56 رنز کی اننگز میں 24 سنگلز، 3 ڈبل، 4 چوکے اور 2 چھکے شامل تھے۔کوہلی 409 ٹی ٹوئنٹی میچز میں اب تک 100 ففٹیز اور 9 سنچریاں بنا چکے ہیں۔

    ماہر بلے باز نے ناصرف آئی پی ایل کے اس سیزن میں اپنی دوسری ففٹی مکمل کی بلکہ اپنی ٹیم کو کامیابی سے بھی ہمکنار کروانے میں اہم کردار بھی ادا کیا۔

    ایک موقع پر کوہلی نے جب دو رنز لیے تو وہ رن مکمل کرنے کے بعد راجستھان رائلز کے وکٹ کیپر سنجو سیمسن کے پاس گئے اور ان سے اپنے دل کی دھڑکن چیک کرنے کا کہا، سنجو سیمسن نے وکٹ کیپنگ گلوز اتار کر کوہلی کے دل کی دھڑکن چیک کی اور ہلکا سا مسکراتے ہوئے کہا کہ سب کچھ نارمل ہے تاہم کوہلی اس موقع پر کوہلی تکلیف میں دکھائی دیے۔

    کوہلی کو گراؤنڈ میں ٹریٹمنٹ لیتے بھی دیکھا گیا، کوہلی کی جانب سے دل کی دھڑکن چیک کرنے کا کہنے اور گراؤنڈ میں طبی امداد ملنے کے باعث ان کے مداح پریشان ہوگئے۔

    اس سے قبل کوہلی فیلڈنگ میں آسان ترین کیچ چھوڑ کر مذاق کا نشانہ بن گئے،راجھستان رائلز اور رائل چینلجرز بنگلورو کے درمیان 13 اپریل کو ہونے والے مقابلے میں کوہلی اور ان کی ٹیم نے مس فیلڈنگ کی انتہا کردی، کوہلی کی جانب سے دھرو جوریل کا آسان کیچ چھوڑنے سے قبل بھی ان کے ساتھی کھلاڑیوں نے کئی مواقع گنوائے۔

    آر سی بی کے بولر سویش شرما کی مڈل اسٹمپ پر پڑنے والے بال کو دھرو نے ہوا میں اچھالا اس دوران ایک آسان کیچ کولی کا منتظر تھا مگر بھارتی بلے باز جانے کس خیال میں کھوئے تھے کہ اس‘سٹر’کو گرا بیٹھے۔

    کوہلی اس بال کے نیچے کیچ پکڑنے کیلیے آئے بھی بڑے ماہرانہ انداز سے تھے مگر شائقین اور کمنٹیٹر اس وقت حیرن رہ گئے جب گیند ان کے ہاتھوں سے پھسل گئی۔

    آسان کیچ گرانے کے بعد کوہلی کافی مایوس نظر آئے جبکہ کئی لوگ سوشل میڈیا پر ان کا مذاق اڑاتے ہوئے بھی پائے گئے۔

  • "سائیڈ میں آ تجھے بتاتا ہوں” ویرات کوہلی کی مخالف کھلاڑی کو دھمکی

    "سائیڈ میں آ تجھے بتاتا ہوں” ویرات کوہلی کی مخالف کھلاڑی کو دھمکی

    بھارتی سپراسٹار ویرات کوہلی نے گرائونڈ میں پیش آنے والے واقعے پر اظہار خیال کرتے ہوئے بتایا کہ انھوں نے اپنے ہم عصر کھلاڑی کو دھمکی دی تھی۔

    آئی پی ایل میچ کے دوران پیش آنے والے واقعے سے متعلق ویرات کوہلی نے گفتگو کرتے ہوئے بتایا کہ کولکتہ نائٹ رائیڈرز اور رائل چیلنجرز بنگلورو کے درمیان ہونے والے میچ میں انھوں نے مخالف کھلاڑی ایشانت شرما کو کہا تھا کہ ‘سائیڈ میں آ تیرے کو بتاتا ہوں’۔

    ویرات کوہلی ان چند کھلاڑیوں میں سے ایک ہیں جنھوں نے انڈین پریمیئر لیگ کے آغاز کے بعد سے اب تک ہر ایڈیشن میں شرکت کی ہے۔

    بھارتی اسٹار بیٹر نے آئی پی ایل کے پہلے ایڈیشن کے پہلے میچ کے حوالے سے ماضی کو یاد کرتے ہوئے بتایا کہ یہ آئی پی ایل کی تاریخ کا پہلا میچ تھا جو کہ ایڈن گارڈن میں کولکتہ اور بنگلورو کے درمیان کھیلا جارہا تھا اور گرائونڈ شائقین سے کھچا کھچ بھرا ہوا تھا۔

    کوہلی نے بتایا کہ میں نے اور ایشانت نے ایک ساتھ بہت کرکٹ کھیلی ہے، اس لیے ایک دوسرے کو اچھی طرح جانتے ہیں، آئی پی ایل کے پہلے ایڈیشن سے قبل ایشانت دورہ آسٹریلیا سے واپس آئے تھے اور انھوں نے بال بھی ہیرو کی طرح لمبے رکھے ہوئے تھے۔

    ایشانت کے ساتھ کافی کھیلنے کے باوجود وہ میچز میں ایک الگ ہی لیول پر بولنگ کرتے تھے، میں میچ میں اسٹار کی طرح برتائو کررہے تھے جس پر میں نے انھیں کہا تھا کہ ‘سائیڈ میں آ تیرے کو بتاتا ہوں’۔

    اسی میچ میں بعدازاں ویرات کوہلی کو اشوک ڈنڈا نے دوسرے ہی اوور میں آئوٹ کردیا تھا، انھوں نے اس میچ میں 5 بالز پر صرف ایک رن بنایا تھا، بنگلورو کی ٹیم یہ میچ 140 رنز کے بڑے مارجن سے ہار گئی تھی۔

    https://urdu.arynews.tv/royal-challengers-teammate-bites-virat-kohlis-finger/

  • جان سینا نے ویرات کوہلی کی تصویر کیوں شیئر کی؟

    جان سینا نے ویرات کوہلی کی تصویر کیوں شیئر کی؟

    ورلڈ ریسلنگ انٹرٹینمنٹ سے منسلک مشہور زمانہ ریسلر جان سینا نے بھارتی بیٹر ویرات کوہلی کی تصویر شیئر کرکے مداحوں کو حیران کردیا۔

    لیجنڈ ریسلر نے بدھ کے روز بھارتی کرکٹ کے سپراسٹار ویرات کوہلی کی تصویر اپنے سوشل میڈیا اکائونٹ سے شیئر کی جس میں وہ جان سینا کا دستخطی انداز ‘یو کانٹ سی می’ اپنائے ہوئے نظر آئے جبکہ کوہلی کی انگلی میں ٹی ٹوئنٹی ورلڈکپ انگوٹھی بھی نمایاں ہے۔

    ویرات کوہلی نے کچھ ہی دنوں قبل جان سینا کے آئیکونک انداز کی کاپی کی تھی، ان کے چھنگلی میں ٹی ٹوئنٹی ورلڈکپ انگھوٹھی بھی تھی جس کا نیلا رنگ نمایاں تھا، کوہلی نے اپنی پانچوں انگلیاں جان سینا کے انداز میں پھیلائی ہوئی تھیں۔

    جان سینا نے اپنی پوسٹ میں کسی کیپشن کا استعمال نہیں کیا بلکہ اس کے بجائے صرف ویرات کوہلی کی تصویر شیئر کی جس میں وہ ان کی کاپی کرتے نظر آرہے ہیں۔

    چونکہ اس وقت آئی پی ایل کے میچز جاری ہیں اور کوہلی کی ٹیم رائل چیلنجرز بنگلورو اچھی کارکردگی کا مظاہرہ کررہی ہے، اس لیے بھارتی بیٹرز کے فین اس پوسٹ پر زیادہ جوش و خروش کا مظاہرہ کررہے ہیں۔