Tag: ویرات کوہلی

سڈنی: آسٹریلو ی کرکٹ ٹیم کے فاسٹ بولر جوش ہیزل ووڈ کا کہنا ہے کہ بھارتی کرکٹر ویرات کوہلی کو میچ کے دوران کھلاڑیوں سے جھگڑنا بہت پسند ہے۔

تفصیلات کے مطابق اپنے ایک بیان میں آسٹریلوی کرکٹر کا کہنا تھا کہ کوہلی کی بیٹنگ کے دوران تلخ کلامی سے ان کی کارکردگی مزید بہتر ہوجاتی ہے اور وہ میچ کے دوران اچھا کھیل پیش کرتے ہیں۔

جوش ہیزل نے کہا کہ ویرات کوہلی کے علاوہ اگر کوئی بولر جھگڑا کرے تو اس کا نقصان ہوتا ہے، میرے خیال سے کھلاڑیوں کو آپس میں لڑائی سے پرہیز کرنا چاہیے۔

ان کا مزید کہنا تھا کہ ویرات کوہلی جب میدان میں تو معاملہ بہت مختلف ہوتا ہے۔

خیال رہے کہ بھارتی ٹیم اس سال کے آخر میں چار ٹیسٹ کی سیریز کے لیے آسٹریلیا کا دورہ کرے گی۔ اس سے قبل آخری دورہ آسٹریلیا میں بھارت نے 2-1 سے کامیابی حاصل کی تھی، جو آسٹریلیائی سرزمین پر ہندوستان کی پہلی ٹیسٹ سیریز تھی۔

نئی دہلی: بھارتی کرکٹ ٹیم کے کپتان ویرات کوہلی نے انکشاف کیا کہ اسٹیٹ کرکٹ ٹیم میں سلیکشن کے لیے میرے والد سے پیسے مانگے گئے تھے۔

تفصیلات کے مطابق سنیل چھتری کے ساتھ سوشل میڈیا کی ویب سائٹ انسٹا گرام لائیو میں ویرات کوہلی نے سنسنی خیز انکشاف کیا کہ ایک وقت میں اسٹیٹ کرکٹ ٹیم میں سلیکشن کے لیے میرے والد سے پیسے مانگے گئے تھے۔

بھارتی کپتان کا کہنا تھا کہ وہ اسٹیٹ کرکٹ میں ایک بار کوئی آگے آیا اور میرے والد سے کہا کہ سلیکشن کا کوئی مسئلہ نہیں ہے لیکن اس کے لیے انہیں کچھ اور کرنا پڑے گا،یعنیٰ وہ رقم مانگ رہے تھے۔

ویرات کوہلی نے کہا کہ ان کے والد محنت کر کے وکیل بنے اور محنت کرنے والوں کو یہ سب سمجھ نہیں آتا۔کوہلی کا کہنا تھا کہ ان کے والد نے کوچ کو صاف کہہ دیا کہ ان کا بیٹا خود ہی کچھ اپنے دم پر کرےگا، مگر اس طرح نہیں کھیلے گا۔

انہوں نے بتایا کہ اس وقت میں بہت رویا لیکن والد نے کہا کہ وہ کرو جو کوئی نہیں کر رہا ہے اور میں یہ بات ہمیشہ گانٹھ باندھ کر رکھی۔ لائیو سیشن کے دوران سنیل چھتری کی جانب سے پوچھے گئے سوال کے جواب میں ان کا کہنا تھا کہ وہ سچن ٹنڈولکر کا پیڈل اسکوپ چوری کرنا چاہتے ہیں۔

سنیل چھتری نے ویرات کوہلی سے سوال کہا کہ اگر آپ کو آخری گیند پر تین رنز درکار ہیں تو وقار یونیس اور شین وارن میں سے کس باؤلر کا انتخاب کریں گے جس پر انہوں نے وقار یونس کا نام لیتے ہوئے کہا کہ مجھے یقین ہے کہ میں ان کی گیند پر ہٹ مار دوں گا۔

جمیکا: بھارت اور ویسٹ انڈیز کے درمیان کھیلے جانے والے دوسرے ٹیسٹ میچ میں نئی تاریخ رقم ہوگئی، ایک اننگز میں 12 کھلاڑیوں نے بیٹنگ کی۔

تفصیلات کے مطابق ٹیسٹ کرکٹ میں نئی تاریخ رقم ہوگئی، بھارت اور ویسٹ انڈیز کے درمیان کھیلے جانے والے میچ میں ویسٹ انڈیز کے 12 کھلاڑیوں نے بیٹنگ کی، 12 کھلاڑیوں کی بیٹنگ آئی سی سی کے نئے قانون کے مطابق ہوئی۔

دوسرے ٹیسٹ میچ میں ویسٹ انڈین بلے باز ڈیرن براوو کے سر پر گیند لگنے کے بعد بلیک ووڈ نے ان کے متبادل کے طور پر بلے بازی کی۔

واضح رہے کہ بھارت اور ویسٹ انڈیز کے درمیان دوسرے ٹیسٹ میچ کے تیسرے روز جسپریت بمراہ کے تیز رفتار باؤنسر نے ڈیرن براوو کا ہیلمٹ توڑ دیا تھا، چوتھے روز براوو بیٹنگ کرنے آئے لیکن درد کی وجہ سے باہر چلے گئے تھے۔

مزید پڑھیں: بھارتی کرکٹر کے وارنٹ گرفتاری جاری

ویسٹ انڈیز کے خلاف بھارت نے ٹیسٹ سیریز 2-0 سے جیت لی، ویرات کوہلی مہندر سنگھ دھونی کو پیچھے چھوڑتے ہوئے سب سے زیادہ ٹیسٹ میچز جیتنے والے کپتان بن گئے۔

یاد رہے کہ گزشتہ ماہ ایشز سیریز میں بھی اسٹیو اسمتھ گردن پر گیند لگنے کے باعث باہر ہوگئے تھے، لارڈز میں مارنس لبوشین اسٹیو اسمتھ کے متبادل کے طور پر میچ میں شامل ہوئے تھے۔

ایشیز سیریز میں انگلش فاسٹ بولر جوفرا آرچر اسٹیو اسمتھ کے گردن پر جا لگا تھا جس کے باعث وہ میدان سے باہر چلے گئے تھے، انجری کی نوعیت زیادہ ہونے کے سبب وہ تیسرے ٹیسٹ سے باہر ہوگئے تھے۔

نئی دہلی: عالمی کپ میں نیوزی لینڈ کے ہاتھوں سیمی فائنل میں شکست کے بعد ویرات کوہلی کو ون ڈے کی کپتانی سے ہٹائے جانے کا امکان ہے۔

بھارتی میڈیا کے مطابق ورلڈ کپ سیمی فائنل میں نیوزی لینڈ کے ہاتھوں شکست کے بعد ویرات کوہلی کی جگہ روہت شرما کو ون ڈے کا کپتان بنائے جانے کا امکان ہے، کوہلی کو ٹیسٹ اور ٹی ٹوینٹی کا کپتان برقرار رکھا جائے گا۔

رپورٹ کے مطابق ورلڈ کپ 2023 کے لیے بھارتی ٹیم کو تیارکیا جائے گا جس کے لیے روہت شرما کو کپتانی دینے کے لیے یہ صحیح وقت ہے۔

بی سی سی آئی عہدیدار کا کہنا ہے کہ بورڈ اجلاس میں ان باتوں کا بھی جائزہ لیا جائے گا کہ جس میں کہا گیا تھا کہ ورلڈ کپ کے دوران ویرات کوہلی اور روہت شرما میں دوریاں پیدا ہوگئی تھیں۔

مزید پڑھیں: علیم ڈار سے بدتمیزی، آئی سی سی نے ویرات کوہلی پر جرمانہ عائد کردیا

بھارتی ٹیم کے کوچنگ اسٹاف کے لیے بھی درخواستیں طلب کرلی گئی ہیں جس کے بعد ہیڈ کوچ روی شاستری پھر سے امیدوار بنیں گے۔

واضح رہے کہ بھارت کے ورلڈ کپ سے باہر ہونے کے بعد ٹیم میں گروپ بندیوں کی خبریں بھی سامنے آئی تھیں۔

بھارتی میڈیا رپورٹس میں بتایا گیا تھا کہ ایک گروپ ویرات کوہلی کے ساتھ ہے جبکہ دوسرا گروپ روہت شرما کی حمایت کررہا ہے۔

خیال رہے کہ عالمی کپ 2019 میں بھارتی ٹیم کی مجموعی طور پر کارکردگی شاندار رہی تھی تاہم سیمی فائنل میں نیوزی لینڈ کے ہاتھوں شکست کا سامنا کرنا پڑا تھا۔