ARYNews.tv | Urdu – Har Lamha Bakhabar

Tag: ویرات کوہلی

  • بھارت نے ورلڈ کپ کے لیے 15 رکنی اسکواڈ کا اعلان کردیا

    بھارت نے ورلڈ کپ کے لیے 15 رکنی اسکواڈ کا اعلان کردیا

    نئی دہلی: کرکٹ ورلڈ کپ 2019 کے لیے بھارت نے 15 رکنی اسکواڈ کا اعلان کردیا، رشبھ پنت اور امباتی رائیڈو کو ڈراپ کردیا گیا ہے۔

    تفصیلات کے مطابق آئی سی سی کرکٹ ورلڈ کپ 2019 کے لیے بھارت نے 15 رکنی ٹیم کا اعلان کردیا، ویرات کوہلی ٹیم کی قیادت کریں گے، روہت شرما نائب کپتانی کے فرائض انجام دیں گے۔

    بھارت کی جانب سے آل راؤنڈر رشبھ پنت اور بلے باز امباتی رائیڈو کو ڈراپ کردیا گیا ہے۔

    پندرہ رکنی بھارتی اسکواڈ میں ویرات کوہلی کپتان، روہت شرما، شیکھر دھون، لوکیش راہول، ایم ایس دھونی، کیدار یادیو، وجے شنکر، دنیش کارتک، کلدیپ یادیو، بھونیشور کمار، جسپریت بھمرا، ہاردیک پانڈیا، رویندر جڈیجا، محمد شامی اور یوزویندرا چاہل شامل ہیں۔

    واضح رہے کہ ورلڈ کپ 2019 برطانیہ میں 30 مئی سے شروع ہوگا، بھارت اپنا پہلا میچ جنوبی افریقا کے خلاف 5 جون کو کھیلے گا جبکہ پاک بھارت ٹاکڑا 16 جون کو شیڈول ہے۔

    مزید پڑھیں: آسٹریلیا نے ورلڈکپ 2019 کے لیے 15 رکنی اسکواڈ کا اعلان کردیا

    یاد رہے کہ اس سے قبل آسٹریلیا کی جانب سے ورلڈ کپ کے لیے 15 رکنی اسکواڈ کا اعلان کیا گیا تھا، آسٹریلوی ٹیم میں اوپنر بلے باز ڈیوڈ وارنر اور اسٹیو اسمتھ کی واپسی ہوئی ہے۔

    آسٹریلیا کے 15 رکنی اسکواڈ میں ایرون فنچ، مچل اسٹارک، پیٹ کمنز، کولٹرنائل، جے رچرڈسن، بہرینڈوف، نیتھن لائن، ایڈم زمپا، ڈیوڈ وارنر، عثمان خواجہ، اسٹیواسمتھ، گلین مکیسویل، مارکوس اسٹوئنز اور وکٹ کیپر ایلکس کیری شامل ہیں۔

    آئی سی سی ورلڈکپ 2019 میں آسٹریلیا اپنا پہلا میچ یکم جون کو افغانستان کے خلاف کھیلے گی۔

  • بھارتی فوج کا کیپ پہننا ویرات کوہلی کو مہنگا پڑ گیا

    بھارتی فوج کا کیپ پہننا ویرات کوہلی کو مہنگا پڑ گیا

    دہلی: بھارتی فوج کا کیپ پہننا بھارتی کپتان کو مہنگا پڑ گیا، شکست کا آسیب ویرات کوہلی کے پیچھے پڑ گیا.

    تفصیلات کے مطابق کھیل کو سیاست کی نذر کرنے والے بھارتی کپتان کو بھارتی آرمی کا کیپ پہننے کا خمیازہ شکستوں‌کی صورت بھگتنا پڑ رہا ہے.

    اس بچگانہ عمل کے بعد جہاں‌ انڈیا کو انٹرنیشنل کرکٹ میں سبکی اٹھانے پڑی، وہیں لیگ کرکٹ میں بھی رسوائی نے کوہلی کا پیچھا نہیں چھوڑا.

    خیال رہے کہ بھارت نے آسٹریلیا کے خلاف ہوم سیریز میں مودی کی روش اختیار کرتے ہوئے بھارتی فوج کا کیپ پہن کا میچ کھیلا، جس کا یہ بودا جواز دیا گیا کہ یہ عمل پلوامہ حملے میں مارے جانے والے فوجیوں سے اظہار یک جہتی کے لیے کیا گیا ہے.

    البتہ اس عمل کے بعد آسٹریلیا سے بھارت کو تینوں میچوں میں‌ شکست ہوئی،بعد ازاں آئی پی ایل میں بھی کوہلی مشکلات کا شکار نظر آئے. ویرات کوہلی کو بطورکپتان مسلسل نویں شکست کا سامنا کرنا پڑا.

    اس واقعے کے بعد کوہلی کی ٹیم اب تک ایک میچ بھی نہ جیت سکی، اسٹار بلے باز کی کوہلی کی اپنی کارکردگی بھی مایوس کن رہی. پچھلےآٹھ میچزمیں صرف ایک نصف سنچری بنا پائے.

  • انوشکا شرما اپنے شوہر کی خوبصورتی سے پریشان

    انوشکا شرما اپنے شوہر کی خوبصورتی سے پریشان

    ویلنگٹن: بالی ووڈ اداکارہ انوشکا شرما اپنے شوہر اور بھارتی کرکٹ ٹیم کے کپتان ویرات کوہلی کی خوبصورتی سے پریشان رہنے لگیں۔

    تفصیلات کے مطابق بھارتی کرکٹ ٹیم نے آسٹریلیا میں تاریخی اننگز جیتی جس کے بعد کپتان اور بالی ووڈ اداکارہ سیر و تفریح کے لیے نیوزی لینڈ پہنچ گئے۔

    سیریز میں فتح کی خوشی منانے کے لیے انوشکا شرما اسٹیڈیم میں ہی موجود تھیں، بھارت نے تاریخ میں کینگروز کو اُن کے ہوم گراؤنڈ پر شکست دے کر ایشیا کی پہلی کرکٹ ٹیم ہونے کا اعزاز بھی حاصل کیا۔

    انوشکا شرما نے بھارتی ٹیم کے ساتھ آسٹریلیا میں جشن منایا اور اب وہ اپنے شوہر کے ہمراہ نیوزی لینڈ پہنچ گئیں جس کی تصاویر اداکارہ انسٹاگرام پر شیئر کررہی ہیں۔

    فلم زیرو کی عافیہ صدیقی نے انسٹاگرام اسٹوری پر ایک اپنی اور ویرات کی تصویر شیئر کی۔ بعد ازاں انوشکا نے اپنے شوہر کی ایک اور تصویر شیئر کی جس پر لکھا کہ ’مجھے سے ویرات کی خوبصورتی سنبھالی نہیں جاتی‘۔

    مزید پڑھیں: فلم زیرو: ’ انوشکا نے مشکل کردار بہت اچھے سے نبھایا ‘

    اس تصویر میں ویرات کوہلی کی آنکھیں پھٹی ہوئی ہیں، اداکارہ نے یہ بات مزاحیہ انداز میں لکھی مگر بھارتی میڈیا نے اسے دوسرا رنگ دینے کی ناکام کوشش کی۔

    یاد رہے کہ گزشتہ برس دسمبر میں انوشکا کی فلم ’زیرو‘ ریلیز ہوئی تھی جس میں انہوں نے معذور لڑکی کا کردار ادا کیا تھا۔ ویرات کوہلی نے فلم دیکھ کر اپنی اہلیہ کی اداکاری پر تعریفوں کے پُل باندھ دیے تھے۔

  • آئی سی سی ٹیسٹ اور ون ڈے ٹیم آف دی ایئر کا اعلان، صرف ایک پاکستانی کھلاڑی شامل

    آئی سی سی ٹیسٹ اور ون ڈے ٹیم آف دی ایئر کا اعلان، صرف ایک پاکستانی کھلاڑی شامل

    دبئی: انٹرنیشنل کرکٹ کونسل (آئی سی سی) نے سال 2018 کی ٹیسٹ اور ون ڈے ٹیموں کا اعلان کردیا جس کے مطابق دونوں ٹیموں کا کپتان ویرات کوہلی کو منتخب کیا ہے۔

    تفصیلات کے مطابق آئی سی سی کی ون ڈے ٹیم آف دی ایئر میں کوئی پاکستانی کھلاڑی جگہ نہ بناسکا جبکہ ٹیسٹ ٹیم میں تین بھارتی اور تین نیوزی لینڈ کے کھلاڑی شامل ہیں اور پاکستان کے محمد عباس ٹیسٹ ٹیم میں شامل ہیں جبکہ ون ڈے ٹیم میں بھارت اور انگلینڈ کے 4،4 کھلاڑی جگہ بنانے میں کامیاب رہے۔

    بھارتی کپتان ویرات کوہلی کو 2018 کے دوران عمدہ کارکردگی پر ون ڈے اور ٹیسٹ ٹیم کا کپتان نامزد کیا گیا ہے جبکہ آئی سی سی ون ڈے ٹیم میں بھارت کے روہت شرما، جونی برسٹو، جوئے روٹ، راس ٹیلر، جاز بٹلر، بین اسٹوک، مستفیض الرحمان، راشد خان، کلدیپ یادیو اور جسپرت بمرا شامل ہیں۔

    آئی سی سی کی ٹیسٹ ٹیم میں ویرات کوہلی کپتان دیگر کھلاڑیوں میں محمد عباس، ٹام لیتھم، کرونا رتنے، کین ولیم سن، ہنری نکولس، رشب پینٹ، ربادا، نیتھن لائن، جسپرت بمرا شامل ہیں۔

    بہترین کارکردگی پیش کرنے پر ووٹنگ ممبر نے ویرات کوہلی کو ون ڈے اور ٹیسٹ ٹیم کی کپتانی کے حق میں ووٹ دیا تھا۔

    سری لنکا کے کمار دھرما سینا نے آئی سی سی امپائر آْف دی ایئر کا ایوارڈ اپنے نام کرلیا، انہوں نے دوسری مرتبہ یہ ایوارڈ اپنے نام کیا ہے، اس سے قبل 2012 میں کمار دھرما سینا کو بہترین امپائر کا ایوارڈ دیا گیا تھا۔

    بھارت کے ریشبھ پینٹ آئی سی سی ایمرجنگ کرکٹر آف دی ایئر قرار پائے، کیوی کپتان ولیم سن آئی سی سی اسپرٹ آف دی کرکٹ ایوارڈ کے حقدار قرار پائے، ایرون فنچ نے آئی سی سی ٹی ٹوینٹی پرفارمنس آف دی ایئر کا ایوارڈ جیت لیا۔

  • وزیراعظم عمران خان کی بھارتی ٹیم اورکپتان کومبارکباد

    وزیراعظم عمران خان کی بھارتی ٹیم اورکپتان کومبارکباد

    اسلام آباد: وزیراعظم عمران خان نے آسٹریلیا کے خلاف سیریز جیتنے پر ویرات کوہلی اور بھارتی ٹیم کو مبارکباد دی۔

    تفصیلات کے مطابق وزیراعظم عمران خان نے سماجی رابطے کی ویب سائٹ ٹویٹر پر اپنے پیغام میں بھارتی کپتان ویرات کوہلی اور بھارتی ٹیم کو آسٹریلوی ٹیم کے خلاف سیریز جیتنے پر مبارکباد دی۔

    وزیراعظم پاکستان نے اپنے پیغام میں مزید کہا کہ بھارتی ٹیم آسٹریلیا میں سیریز جیتنے اور یہ کارنامہ انجام دینے والی پہلی ایشین ٹیم ہے۔

    دوسری جانب بھارتی کپتان ویرات کوہلی اور کوچ روی شاستری نے آسٹریلیا میں سیریز جیتنے کو ورلڈکپ سے بھی بڑا اعزار قرار دیا تھا۔

    ویرات کوہلی کا کہنا تھا کہ اس سیریز میں جیت سے بھارتی ٹیم کو ایک نئی پہچان ملی ہے، گھر کے شیر ہونے کا تاثر بھی اب بدل جائے گا۔

    واضح رہے کہ بھارت آسٹریلیا کے خلاف 1947 سے اب تک 11 سیریز کھیل چکا ہے جس میں سے 8 میں اسے شکست ہوئی اور 3 ڈرا رہی تھیں۔

  • میلبرن ٹیسٹ: بھارت نےآسٹریلیا کو137 رنزسےشکست دے دی

    میلبرن ٹیسٹ: بھارت نےآسٹریلیا کو137 رنزسےشکست دے دی

    میبلرن: بھارٹ نے میلبرن ٹیسٹ میچ میں آسٹریلیا کو 137 رنز سے شکست دے کر 4 میچز پرمشتمل سیریز میں 1-2 کی برتری حاصل کرلی۔

    تفصیلات کے مطابق میلبرن ٹیسٹ میچ میں بھارت کے 399 رنز کے ہدف کے تعاقب میں آسٹریلیا کی ٹیم 261 رنز پرآؤٹ ہوگئی۔

    بھارتی ٹیم کی جانب سے جسپریت بمرا اور رویندر جڈیجا نے 3،3 جبکہ ایشانت شرما اور محمد شامی نے 2،2 کھلاڑیوں کو آؤٹ کیے۔

    آسٹریلیا کی جانب سے پیٹ کمنز نے 63، شان مارش 44 اور عثمان خواجہ 33 رنز کے ساتھ نمایاں رہے تاہم دیگر کھلاڑی خاطر خواہ کارکردگی پیش کرنے میں ناکام رہے۔

    بھارتی فاسٹ باؤلر جسپریت بمرا نے میچ میں 9 وکٹیں حاصل کیں جس پرانہیں مین آف دی میچ کے اعزاز سے نوازا گیا۔

    میچ میں 9 وکٹیں حاصل کرنے پر جسپریت بمرا کو ‘مین آف دی میچ’ کے اعزاز سے نوازا گیا۔

    میلبرن ٹیسٹ کی جیت کے ساتھ بھارت نے 150 ٹیسٹ میچ جیتنے کی تاریخ رقم کی ہے جبکہ 1981 کے بعد انڈیا پہلی میلبرن کے گراؤنڈ پرمیچ جیتنے میں کامیاب رہا۔

    واضح رہے کہ اس سے قبل بھارت نے ایڈیلیڈ میں کھیلے جانے والے پہلے ٹیسٹ میچ میں 31 رنز سے جیت حاصل کی تھی جبکہ پرتھ ٹیسٹ میچ میں آسٹریلیا نے 146 رنز سے کامیابی حاصل کی تھی۔

  • ٹیسٹ پلیئرز رینکنگ، یاسر شاہ کی تنزلی، دسویں نمبر پر پہنچ گئے

    ٹیسٹ پلیئرز رینکنگ، یاسر شاہ کی تنزلی، دسویں نمبر پر پہنچ گئے

    دبئی: آئی سی سی نے نئی ٹیسٹ پلیئرز رینکنگ جاری کردی ہے جس کے مطابق قومی لیگ اسپنر یاسر شاہ ایک درجہ تنزلی کے بعد دسویں نمبر پر پہنچ گئے ہیں۔

    تفصیلات کے مطابق بھارت اور آسٹریلیا کے درمیان پرتھ ٹیسٹ کے اختتام کے بعد آئی سی سی نے نئی ٹیسٹ پلیئرز رینکنگ جاری کی جس کے مطابق بیٹسمین رینکنگ میں بھارت کے ویرات کوہلی کی پہلی پوزیشن برقرار ہے۔

    ٹاپ ٹین بلے بازوں میں اظہر علی دسویں پوزیشن پر موجود ہیں، ویرات کوہلی پہلے، نیوزی لینڈ کے کپتان کین ولیمسن دوسرے نمبر پر براجمان ہیں، آسٹریلوی کھلاڑی اسٹیو اسمتھ نے تیسری، بھارت کے پجارا چوتھی اور انگلینڈ کے جوئے روٹ نے پانچویں پوزیشن پر قبضہ جما رکھا ہے۔

    یہ پڑھیں: آئی سی سی ون ڈے رینکنگ، بابر اعظم پانچویں نمبر پر براجمان

    بولرز رینکنگ میں جنوبی افریقہ کے فاسٹ بولر رباڈا کی حکمرانی برقرار ہے، انگلینڈ کے جیمز اینڈرسن دوسری پوزیشن پر موجود ہیں، جنوبی افریقہ کے ورنن فلیندر تیسرے، پاکستان کے محمد عباس چوتھے رویندر جڈیجا پانچویں نمبر پر موجود ہیں، لیگ اسپنر یاسر شاہ کا دسواں نمبر ہے۔

    پرتھ ٹیسٹ میچ میں بھارت کے خلاف شاندار کارکردگی کا مظاہرہ کرنے والے آسٹریلوی اسپنر نیتھن لیون ساتویں نمبر پر پہنچ گئے ہیں۔

    ٹیسٹ آل راؤنڈر رینکنگ میں بنگلہ دیش کے شکیب الحسن نے پہلی پوزیشن پر قبضہ برقرار رکھا ہے، بھارت کے رویندر جڈیجا دوسرے، ورنن فلیندر تیسرے، ونڈیز کے جیسن ہولڈر چوتھے اور انگلینڈ کے بین اسٹوکس پانچویں نمبر پر موجود ہیں۔

  • ویرات کوہلی سب سے بدتہذیب کھلاڑی ہے: نصیر الدین شاہ

    ویرات کوہلی سب سے بدتہذیب کھلاڑی ہے: نصیر الدین شاہ

    ممبئی: ممتاز  بھارتی اداکار نصیر الدین شاہ نے بھارتی کپتان کو دنیا کا سب سے بدتہذیب کھلاڑی قرار دے دیا۔

    تفصیلات کے مطابق نصیر الدین شاہ کے فیس بک اسٹیٹس نے ویرات کوہلی کے مداحوں کو چراغ پا کر دیا۔ سینئر اداکار نے ویرات کو دنیا کا سب سے بدتمیز کھلاڑی ٹھہرایا ہے۔

    اداکار نے لکھا کہ ویرات کوہلی دنیا کا بہترین کھلاڑی ہی نہیں، بلکہ وہ برے برتاؤ میں بھی سرفہرست ہے۔

    نصیر الدین شاہ نے مزید کہا کہ بہ طور کرکٹر اس کی صلاحیت اور  مہارت اپنی جگہ، مگر ساتھ ہی وہ ایک متکبر اور بدتمیز شخص بھی ہے۔

    انھوں نے طنزاً لکھا کہ میں اپنے اس بیان کے بعد یہ ملک قطعی نہیں چھوڑوں گا، چاہے کچھ ہوجائے۔

    مزید پڑھیں: ٹاس کیلئے شارٹس پہن کر آنے پر ویرات کوہلی کو شدید تنقید کا سامنا

    یاد رہے کہ کچھ عرصے قبل بھارتی کپتان نے اپنے ناقدین کو ایک ایسا انوکھا مشورہ دیا تھا، جس نے سب کو حیرت میں ڈال دیا، ویرات کوہلی نے کہا تھا کہ جنھیں ان کی بیٹنگ پسند نہیں، وہ ملک چھوڑ سکتے ہیں۔

    ایک جانب جہاں کوہلی کے اس عجیب و غریب بیان پر تنقید کی گئی، وہیں بہت سے افراد نے ان کی حمایت کی۔

    سوشل میڈیا پر ویرات کے مداحوں نے اب سینئر اداکار کو نشانے پر رکھ لیا ہے اور ان پر کڑی تنقید کا سلسلہ شروع ہوچکا ہے۔

  • انوشکا کے ساتھ تصویر اور محبت بھرا پیغام، ویرات کا ٹویٹ سال کا بہترین قرار

    انوشکا کے ساتھ تصویر اور محبت بھرا پیغام، ویرات کا ٹویٹ سال کا بہترین قرار

    نئی دہلی: بھارتی کرکٹ ٹیم کے کپتان ویرات کوہلی نے اپنی اہلیہ ہمراہ  محبت بھرا پیغام شیئر کیا جو سال کا بہترین ٹویٹ بن گیا۔

    بھارتی میڈیا کی رپورٹس کے مطابق ویرات کوہلی نے ہندو مذہبی رسم کڑوا چوتھ کے موقع پر ایک ٹویٹ کیا جس میں اُن کے ساتھ انوشکا شرما بھی موجود تھیں۔

    سوشل میڈیا صارفین اور مداحوں نے اس ٹویٹ کو بہت پسند کیا جس کے بعد اسے سال 2018 کا بہترین ٹوئٹ قرار دیا گیا۔

    بھارتی کرکٹ ٹیم کے کپتان نے تصویر کے ساتھ خوبصورت پیغام بھی لکھا جسے اب تک 2 لاکھ سے زائد صارفین نے پسند کیا اور 14 ہزار سے زائد بار اسے دوبارہ شیئر کیا گیا۔

    مزید پڑھیں: کوہلی سالگرہ:‌ انوشکا کی رومانوی انداز سے شوہر کو مبارک باد

    قبل ازیں گزشتہ برس شادی کے فوری بعد جوڑے نے بھارتی وزیراعظم نریندر مودی سے ملاقات کی تھی جسے سب سے زیادہ پسندیدہ تصویر ہونے کا اعزاز بھی ملا تھا۔

    نریندر مودی کے ساتھ بنائی جانے والی تصویر کو 19 لاکھ سے زائد صارفین نے پسند کیا تھا۔

    یاد رہے کہ انوشکا اور ویرات نے گزشتہ برس دسمبر میں اٹلی کے خوبصورت مقام لیک کومو پر شادی کی تھی جس کے بعد دونوں بھارت واپس لوٹے تھے اور پھر انہوں نے شاندار استقبالیہ تقاریب کا اہتمام بھی کیا تھا۔

    یہ بھی پڑھیں: شادی کے ایک سال بعد انوشکا نے خاموشی توڑ دی، ناقدین کو کرارا جواب

    سماجی رابطے کی ویب سائٹ ٹویٹر پر ویرات کے فالوورز کی تعداد 27 لاکھ چالیس ہزار کے قریب ہے جبکہ انوشکا کو 18 لاکھ 30 ہزار مداح فالو کررہے ہیں۔

  • ٹاس کیلئے شارٹس پہن کر آنے پر ویرات کوہلی کو شدید تنقید کا سامنا

    ٹاس کیلئے شارٹس پہن کر آنے پر ویرات کوہلی کو شدید تنقید کا سامنا

    سڈنی : شارٹس پہن کر ٹاس کے لیے آنے پر ویرات کوہلی کو شدید تنقید کا سامنا کرنا پڑا، بھارتی کرکٹ ٹیم کے کپتان آسٹریلیا سے وارم اپ میچ کے دوران شارٹس پہن کر ٹاس کے لیے آگئے تھے۔

    تفصیلات کے مطابق بھارتی کرکٹ ٹیم کے کپتان ویرات کوہلی کی حرکت نے مداحوں کو حیران کردیا۔ آسٹریلیا سے وارم اپ میچ کے موقع پر شارٹس پہن کر ٹاس کیلئے آنا مداحوں کو پسند نہ آیا۔

    سماجی رابطے کی ویب سائٹ ٹوئٹر پر ویرات کوہلی مداحوں کی جانب سے کی گئی تنقید کی زد میں آگئے۔ شائقین کرکٹ نے اس حرکت کو جینٹل مین گیم کی بے ادبی قرار دے دیا.

    ٹوئٹر پر کوہلی کی ٹا س والی تصاویر متنازعہ بن گئیں۔ مداحوں کا کہنا تھا کہ جس کھیل نے تم کو عزت دی، افسوس کہ کوہلی تم اس کھیل کو عزت نہ دے سکے۔

    ایک مداح نے اپنے پیغام میں لکھا کہ ویرات کوہلی یہ حرکت شرمناک اور ناپسندیدہ ہے، ایک کپتان کا ٹاس کے دوران شارٹس پہن کر آنا ناقابل قبول ہے۔