ARYNews.tv | Urdu – Har Lamha Bakhabar

Tag: ویرات کوہلی

  • ون ڈے رینکنگ: حسن علی اور ویرات کوہلی کی حکمرانی برقرار

    ون ڈے رینکنگ: حسن علی اور ویرات کوہلی کی حکمرانی برقرار

    دبئی : آئی سی سی نے ون ڈے کی نئی رینکنگ جاری کردی۔ حسن علی کی بولرز رینکنگ میں اور بھارتی بلے باز ویرات کوہلی کی حکمرانی تاحال برقرار ہے۔

    تفصیلات کے مطابق انٹرنیشنل کرکٹ کونسل (آئی سی سی) نے ون ڈے کی تازہ رینکنگ بھارت اور نیوزی لینڈ کے درمیان ون ڈے سیریز کے اختتام پر جاری کردی۔

    آئی سی سی کی نئی ون ڈے رینکنگ میں پاکستانی بولر حسن علی کی پہلی پوزیشن برقرار ہے، حسن علی نے سری لنکا کے خلاف ون ڈے سیریز میں تباہ کن بولنگ کرتے ہوئے چودہ شکار کئے تھے۔

    مزید پڑھیں: ون ڈے رینکنگ: حسن علی دنیا کے بہترین بولربن گئے

    بیٹسمین رینکنگ میں بھارتی کپتان ویرات کوہلی نے جنوبی افریقہ کے اے بی ڈویلئیرز سے پہلی پوزیشن چھین لی۔ کوہلی نے نیوزی لینڈ کے خلاف دو سنچریاں اسکور کیں۔

    مزید پڑھیں: ون ڈے رینکنگ، جنوبی افریقہ اول، پاکستان کا چھٹا نمبر

    اس کے علاوہ قومی ٹیم کے مایہ ناز بیٹسمین بابر اعظم دو درجے ترقی کے ساتھ رینکنگ میں چوتھے نمبر پر براجمان ہیں، آل راؤنڈرز رینکنگ میں محمد حفیظ کی حکمرانی اب بھی قائم ہے۔

  • بابراعظم نے ویرات کوہلی اور ہاشم آملہ کو بھی پیچھے چھوڑ دیا

    بابراعظم نے ویرات کوہلی اور ہاشم آملہ کو بھی پیچھے چھوڑ دیا

    ابو ظہبی : پاکستان اور سری لنکا کے درمیان کھیلے جانے والے دوسرے میچ میں بابر اعظم نے سری لنکا کے خلاف کیرئیر کی ساتویں سنچری اسکور کرکے ویرات کوہلی اور ہاشم آملہ کو پیچھے چھوڑ دیا۔

    تفصیلات کے مطابق جو کوئی کھلاڑی نہ کرپایا وہ بابر اعظم نے کردکھایا، بابراعظم ایک ملک میں مسلسل 5 سنچریاں بنانے والے دنیائے کرکٹ کے پہلے کھلاڑی بن گئے۔

    ابتدائی 33 اننگز میں سات سنچریوں کا منفرد ریکارڈ بھی بابر کے نام رہا، بابراعظم نے 130 گیندوں پر مسلسل دوسری اور کیرئیر کی ساتویں سنچری اسکور کی۔

    ابوظہبی میں پاکستان مشکلات سے دوچار تھا، 79 رنز پر پاکستان کی آدھی ٹیم پویلین لوٹ چکی تھی، ایک اینڈ سے وکٹیں گررہی تھیں تو دوسرے اینڈ سے بابر اعظم اکیلے سپاہی کی طرح لنکن بولرز کا مقابلہ کررہے تھے۔

    مزید پڑھیں: دوسرا ون ڈے، پاکستان نے سری لنکا کو32 رنز سے ہرا دیا

    بابر کا بلا رنز اگلتا رہا، انہوں نے شاداب خان کے ساتھ مل ریسکیو ورک کیا۔ ایک سو نو رنز کی شراکت جوڑ کر پاکستان کو دوسو انتیس رنز تک پہنچایا۔

    مزید پڑھیں: بابر اعظم کی تیسری سنچری، لیجنڈز کی صف میں شامل

    ریکارڈ کے مطابق بابر اعظم ابتدائی تینتس اننگز میں سات سنچریاں اسکور کرنے والے دنیا کے پہلے بلےباز بن گئے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • بابراعظم نے ویرات کوہلی کو پیچھے چھوڑ دیا

    بابراعظم نے ویرات کوہلی کو پیچھے چھوڑ دیا

    دبئی: قومی کرکٹ ٹیم کے اسٹار بلے باز بابراعظم نے ایک سال کے دوران چھٹی سنچری اسکورکرکے بھارتی کپتان ویرات کوہلی کوپیچھے چھوڑ دیا۔

    تفصیلات کے مطابق پاکستان کرکٹ ٹیم کے ٹاپ آرڈر بلے باز بابراعظم نے سری لنکا کے خلاف دبئی میں کھیلے گئے پہلے ون ڈے میچ میں سنچری اسکور کی جو 30 ستمبر2016 سے ان کی چھٹی ون ڈےسنچری ہے۔

    قومی کرکٹ ٹیم کے نوجوان اسٹار بلےباز بابراعظم کی کامیابیوں میں تیزترین ایک ہزار رنز مکمل کرنا بھی شامل ہے جو انہوں نے صرف 16 میچوں میں مکمل کیے۔

    دوسری جانب بھارتی کپتان ویرات کوہلی نے 28 اننگز میں 5 سنچریاں اسکور کیں جبکہ آسٹریلوی بلے بار ڈیوڈ وارنر نے 21 میچوں میں 7 سنچریاں بنائیں اوروہ ون ڈے انٹرنیشنل میں تیزترین رنزبنانے کے حوالے سے فہرست میں پہلی پوزیشن پر ہیں۔

    بابراعظم سے پہلے ویسٹ انڈیز کے بلے باز وویون رچرڈ تھے جنہوں نے تیزترین ایک ہزار رنز 19 اننگز میں بنائے، ان کے علاوہ آسٹریلوی کپتان اسٹیون اسمتھ نے 19جبکہ انگلینڈ کےجوناتھن ٹروٹ نے 21 اننگز میں ایک ہزار رنز بنانے کا کارنامہ انجام دے چکے ہیں۔

    کرکٹربابراعظم آج 23 ویں سالگرہ منارہے ہیں

    واضح رہے کہ گزشتہ روز قومی کرکٹ ٹیم کے بلے باز بابر اعظم نے اپنی 23 ویں سالگرہ منائی، بابراعظم 15 اکتوبر 1994 کو لاہور میں پیدا ہوئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • شاہد آفریدی فاؤنڈیشن کے لیے کوہلی کا دستخط شدہ بلے کا عطیہ

    شاہد آفریدی فاؤنڈیشن کے لیے کوہلی کا دستخط شدہ بلے کا عطیہ

    لندن: بھارتی بلے باز ویرات کوہلی نے معروف پاکستانی آل راؤنڈر شاہد آفریدی کی فاؤنڈیشن کے لیے اپنا دستخط شدہ بلا بطور عطیہ دیا ہے۔

    کوہلی نے یہ بلا صوبہ سندھ کے صحرائے تھر میں شاہد آفریدی فاؤنڈیشن کی جانب سے بنائے جانے والے اسپتال کے لیے عطیہ کیا ہے۔

    بیٹ کو بہت جلد نیو کاسل میں شاہد آفریدی فاؤنڈیشن کے چیریٹی ڈنر میں نیلامی کے لیے پیش کیا جائے گا اور اس سے حاصل ہونے والی رقم اسپتال کی تعمیر میں استعمال ہوگی۔

    سماجی رابطوں کی ویب سائٹ ٹوئٹر پر شاہد آفریدی نے کوہلی کا شکریہ ادا کرتے ہوئے لکھا کہ آپ جیسے لوگوں ہی کی وجہ سے بہتری کی امید ابھی باقی ہے۔

    جواباً ویراٹ کوہلی نے بھی اپنے ٹوئٹ میں شاہد آفریدی اور ان کی سماجی خدمات کے لیے نیک خواہشات کا اظہار کیا۔

    گزشتہ روز لندن میں اسپتال کی فنڈ ریزنگ کے لیے منعقد ہونے والی تقریب میں پاکستانی کھلاڑیوں محمد عامر اور عماد وسیم نے بھی شرکت کی جنہوں نے اسپتال کے لیے خطیر رقم عطیہ کی۔

    فاؤنڈیشن کے صدر اور سابق کرکٹر شاہد آفریدی نے اعلان کیا کہ اسپتال کا ایک وارڈ ان دونوں کھلاڑیوں کے نام سے منسوب کیا جائے گا تاہم عماد وسیم نے انکار کرتے ہوئے کہا کہ وہ اپنے عطیے کی شہرت نہیں چاہتے۔ ان کا مقصد صرف ایک اچھے کام کے لیے اپنا حصہ ڈالنا ہے۔

    تقریب میں ویرات کوہلی کی وہ شرٹ بھی 5 لاکھ روپے میں نیلام ہوئی جو انہوں نے کچھ عرصہ قبل دستخط کر کے شاہد آفریدی کو بھجوائی تھی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • کوہلی نے مقبولیت میں سلمان خان کو پیچھے چھوڑ دیا

    کوہلی نے مقبولیت میں سلمان خان کو پیچھے چھوڑ دیا

    نئی دہلی: چیمپیئنز ٹرافی کے فائنل میں پاکستان سے عبرت ناک شکست کے باوجود بھارتی ٹیم کے کپتان ویرات کوہلی کی مقبولیت میں کوئی کمی نہیں آئی اور اس حوالے سے انہوں نے بالی ووڈ اداکار سلمان خان کو بھی پیچھے چھوڑ دیا۔

    سماجی رابطوں کی ویب سائٹ فیس بک پر ویرات کوہلی کے فالوورز کی تعداد 3 کروڑ سے زائد ہوچکی ہے اور بھارت میں اب صرف وزیر اعظم نریندر مودی ہی کے فالوورز کی تعداد ان سے زیادہ یعنی 4 کروڑ ہے۔

    فیس بک پر پسندیدگی کی اس دوڑ میں کوہلی نے معروف بالی ووڈ فنکاروں جیسے سلمان خان، دپیکا پڈوکون، پریانکا چوپڑا اور معروف کرکٹر سچن ٹنڈولکر کو بھی پیچھے چھوڑ دیا ہے۔

    فیس بک پر کوہلی کا آفیشل صفحہ دنیا بھر میں سب سے زیادہ پسند کیا جانے والا صفحہ بھی بن چکا ہے اور اس فہرست میں کوہلی معروف فٹ بالرز کرسچیانو رونالڈو اور لیونل میسی کی صف میں کھڑے ہیں۔

    رواں ماہ کوہلی فوربز کی سب سے زیادہ کمانے والے کھلاڑیوں کی فہرست میں بھی جگہ بنا چکے ہیں اور اس ضمن میں وہ واحد بھارتی کھلاڑی ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • آئی سی سی ٹی 20 رینکنگ: عماد وسیم ٹی 20 کے نمبرون بولرقرار

    آئی سی سی ٹی 20 رینکنگ: عماد وسیم ٹی 20 کے نمبرون بولرقرار

    لاہور : پاکستانی ٹیم کے عماد وسیم ٹی ٹوئنٹی کرکٹ کے نمبر ون باؤلر بن گئے، جبکہ بلے بازوں میں ویرات کوہلی کی حکمرانی تاحال قائم ہے۔

    تفصیلات کے مطابق انٹرنیشنل کرکٹ کونسل کی جاری کردہ ٹی ٹوئنٹی پلیئرز رینکنگ میں پاکستانی کھلاڑی عماد وسیم دو درجہ بہتری کے بعد مختصر فارمیٹ کی کرکٹ کے نمبر ون باؤلر بن گئے۔

    عماد وسیم نے پہلی مرتبہ بولرز کی فہرست میں نمایاں ہونے کا اعزاز حاصل کیا ہے، آئی سی سی کے مطابق عماد وسیم 780پوائنٹس کے ساتھ سرفہرست ہیں۔

    اس سے قبل جنوبی افریقی اسپنر عمران طاہر پہلی پوزیشن پر براجمان تھے جو کہ اب تنزلی کے بعد تیسرے نمبر پر پہنچ گئے ہیں۔

    مزید پڑھیں: عماد وسیم پاکستان کرکٹ کا اگلا سُپراسٹار

    بیٹسمینوں کی لسٹ میں بھارتی بلے باز ویرات کوہلی اور آل راؤنڈرز کی فہرست میں بنگلہ دیش کے شاکب الحسن کی حکمرانی قائم ہے۔

    علاوہ ازیں مجموعی رینکنگ میں نیوزی لینڈ پہلے انگلینڈ دوسرے اور پاکستان تیسرے نمبر پر آگیا۔

  • آج کے میچ میں بیٹنگ لائن نے مایوس کیا، سرفرازاحمد

    آج کے میچ میں بیٹنگ لائن نے مایوس کیا، سرفرازاحمد

    برمنگھم : قومی ٹیم کے کپتان سرفراز احمد نے بھارت سے شکست کے بعد کہا ہے کہ میچ میں بیٹنگ لائن نے مایوس کیا۔

    کھیل کے اختتام کے بعد گفتگو کرتے ہوئے ان کا کہنا تھا کہ تمام کھلاڑی بیٹھ کرباؤلنگ اوربیٹنگ پربات کریں گے، ہمیں باؤلنگ اوربیٹنگ کاشعبہ مضبوط کرناہوگا۔

    دووسری جانب بھارتی ٹیم کے کپتان ویرات کوہلی نے کہا کہ تمام بلے بازوں نے اچھا کھیل پیش کیا، ان کو میں دس میں سے دس نمبر دیتا ہوں، یوراج سنگھ کے حوالے ان کا کہنا تھا کہ انہوں نے بہت شاندار بیٹنگ کی۔

    علاوہ ازیں پاکستان کرکٹ ٹیم کے کوچ مکی آرتھر نے کہا ہے کہ ہمیں ون ڈے کرکٹ کوتبدیل کرناہوگا، ہم آج کےمیچ میں اچھانہیں کھیلے، وہاب ریاض توقعات پرپورانہیں اترسکے۔

  • بھارتی کرکٹر ویرات کوہلی کی ٹیسٹ کرکٹ میں ڈبل سنچری

    بھارتی کرکٹر ویرات کوہلی کی ٹیسٹ کرکٹ میں ڈبل سنچری

    اینٹیگا: بھارتی ٹیسٹ ٹیم کے کپتان ویرات کوہلی نے ویسٹ انڈیز کے خلاف سیریز کے پہلے ٹیسٹ میں ڈبل سنچری بنا کر بھارت کے پہلےٹیسٹ کپتان بن گئے جنہوں نے بیرون ملک ڈبل سنچری بنانے کا اعزاز حاصل کیا.

    تفصیلات کے مطابق بھارتی کرکٹر ویرات کوہلی ٹیسٹ کرکٹ میں بیرون ملک ڈبل سنچری بنانے والے ہندوستان ٹیم کے پہلے کپتان ہیں،جنہوں نے یہ اعزاز اپنے نام کیا ہے.

    ویسٹ انڈیز کے شہر اینٹیگا میں جاری ٹیسٹ میچ میں بھارت نے کوہلی کی ڈبل سنچری کی بدولت کھانے کےوقفے تک 4 وکٹوں پر 404 رنز بنا کر اپنی گرفت مضبوط کرلی تھی جبکہ ان کا ساتھ ایشون دے رہے تھے جو 64 رنز بنا کر کھیل رہے تھے.

    اس سے قبل کوہلی نے ایشون کے ساتھ دوسرے روز کے کھیل کا آغاز کیا تو ہندوستان کا اسکور 4 وکٹوں پر 302 رنز تھا اور 29 اوورز میں 102 کا اضافہ کیا جبکہ مجموعی شراکت 168 رنز کی تھی.

    واضح رہے کہ بھارت کی عمدہ بیٹنگ اور روی چندرن ایشوین کی سنچری کی بدولت سیریز کے پہلے ٹیسٹ کے دوسرے روز بھارتی ٹیم نے چائے کے وقفے کے بعد اپنی پہلی اننگز آٹھ وکٹوں پر 566 رنز بنا کر ختم کر دی.

  • دوریاں ختم ہوگئیں، انوشکا شرما اور ویرات کوہلی پھر سے ایک ساتھ

    دوریاں ختم ہوگئیں، انوشکا شرما اور ویرات کوہلی پھر سے ایک ساتھ

    ممبئی: ویرات کوہلی اور انوشکا ایک بار پھر موضوع بحث ہیں، ابھی حال ہی میں دونوں کے الگ ہونے کی خبر آئی تھی، لیکن ممبئی ایئر پورٹ پر نظر آئے ایک نظارے نے ایک بار پھر لوگوں کے سامنے سوالات کھڑے کر دئے ہیں۔

    تفصیلات کے مطابق ایک روز قبل ویرات کوہلی اور انوشکا شرما کو ایک ساتھ ایئرپورٹ پر گھومتے دیکھا گیا ہے، ممبئی ایئرپورٹ ایسی جگہ ہے جہاں پر انوشکا اور ویرات کے عشق کی بات چیت کو خوب ہوا ملتی رہتی ہے، اسی ایئرپورٹ پر اکثر فوٹوگرافرز بھی انہیں یہاں کلک کرلیتے ہیں۔

    جمعرات کی رات انوشکا شرما ممبئی ایئرپورٹ پر نظر آئیں، دلچسپ بات یہ رہی کی انوشکا کو ڈراپ کرنے ویرات کوہلی خود پہنچے۔

    01

    02

    05

    03

    واضح رہے کہ دبنگ ہیرو سلمان خان اور انوشکا شرما اسٹارر فلم ‘سلطان کی شوٹنگ ہنگری میں ہونے والی ہے، اس فلم میں انوشکا سلمان خان کی ساتھی اداکارہ کے طور نظر آئیں گی ، جو خود ایک خاتون پہلوان ہوتی ہیں ۔

    Touchdown in Budapest . Home for next few days shooting song for #Sultan !!

    A photo posted by AnushkaSharma1588 (@anushkasharma) on

    سلطان کی شوٹنگ کے بعد انوشکا اپنی آنے والی فلم ‘پھلوری کی شوٹنگ کے لئے پنجاب جائیں گی ، آدتیہ چوپڑا کے پروڈکشن میں بننے والی فلم سلطان اس سال عید پر ریلیز ہوگی۔

  • ویرات کوہلی آئی پی ایل میں سب سے زیادہ رنز بنانے والے کھلاڑی

    ویرات کوہلی آئی پی ایل میں سب سے زیادہ رنز بنانے والے کھلاڑی

    ممبئی: رائل چیلنجرز بنگلور کے کپتان ویرات کوہلی آئی پی ایل میں سب سے زیادہ رنرزبنانے والے کھلاڑی بن گئے، ویرات نے 12 میچوں میں 3 سنچریوں سمیت 3 ففٹی کے ساتھ 752 رنرز بنالیے.

    تفصیلات کے مطابق رائل چیلنجرز بنگلور کے کپتان ویرات کوہلی نے پیر کو آئی پی ایل کے میچ میں 75 رنرز کی جارحانہ اننگ کھیل کر کولکتہ نائٹ رائیڈرز کو 9 وکٹوں سے شکست دی.

    بھارتی کھلاڑی ویرات کوہلی نے کرس گیل کا 15 میچوں میں 733 رنرز بنانے کا ریکارڈ توڑ دیا، گیل نے ریکارڈ 2012 کے آئی پی ایل سیزن میں بنایا تھا،جبکہ آسٹریلوی کھلاڑی مائک ہسی نے بھی2013 میں733 رنرز بنائے تھے.

    ویرات کوہلی نے اے بی ڈی ویلیئرز کے ساتھ 115 کی پارٹنرشپ بنا کر ٹیم کے لیے کولکتہ نائٹ رائیڈرز کے خلاف جیت کے راہ ہموار کی.

    ویرات کوہلی کی اے بی ڈی ویلیئرز کے ساتھ پارٹنرشپ اس وقت سامنے آئی جب انکی ٹیم کی جانب سےدو دن قبل 229 رنرز کی تاریخ ساز پارٹنرشپ گجرات لائنز کے خلاف بنائی گئی تھی.

    رائل چیلنجرز بنگلور کے کھلاڑی کرس گیل کی جانب سے بھی آئی پی ایل میں جارحانہ اننگز کا سلسلہ جاری ہے