Tag: ویرات کوہلی

بھارتی ڈریسنگ روم میں بدمزگی کی اطلاعات سامنے آنے کے بعد بھارتی میڈیا میں ویرات کوہلی کو پھر سے کپتان بنانے کی خبریں بھی گردش کررہی ہیں۔

آسٹریلیا سے چوتھے ٹیسٹ میں شکست کے بعد بھارتی ٹیم میں کافی تناؤ آچکا ہے، کپتان روہت شرما کی ٹیسٹ ٹیم سے چھٹی کی باتیں ہورہی ہیں جبکہ ہیڈ کوچ گوتم گمبھیر کی ٹیم کو سنبھالنے کی صلاحیت پر بھی بھارتی بورڈ کے حکام تشویش میں مبتلا ہیں۔

اس پریشان کن ماحول میں بھارتی ٹیم کو بارڈر- گواسکر ٹرافی کے ٹائٹل کو برقرار رکھنے کا چیلنج درپیش ہے اور اس کے لیے سڈنی میں پانچواں اور آخری ٹیسٹ جیتنا بھارت کے لیے ضروری ہے۔

ٹائمز آف انڈیا کی ایک رپورٹ کے مطابق آسٹریلیا کے خلاف سیریز کے بعد ہندوستانی ٹیسٹ سیٹ اپ میں روہت کے برقرار رہنے کا امکان نہیں ہے، تاہم وہ فوری طور پر فارمیٹ سے ریٹائرمنٹ کا اعلان نہیں کریں گے۔

ٹیم میں پہلے سے کشیدہ ماحول کو مزید خراب کرنے سے بچنے کے لیے روہت اس طرح کے فیصلے سے فی الحال اجتناب کریں گے۔

رپورٹ میں بتایا گیا ہے کہ بھارتی ٹیم میں غیریقینی کی کیفیت ہے اور سابق کپتان ویرات کوہلی بظاہر قائدانہ کردار میں واپس آسکتے ہیں، کوہلی جاری سیریز کے دوران میدان میں زیادہ مستعد نطر آرہے ہیں۔

وہ آسٹریلیا کے خلاف پانچ میچوں کی سیریز کے دوران اکثر ٹیم کے کھلاڑیوں کو ہدایت دیتے ہوئے اور نوجوان کھلاڑیوں کی رہنمائی کرتے ہوئے نظر آئے ہیں، ایسے اشارے ہیں کہ موجودہ سیریز میں خاص طور پر کوہلی نے زیادہ ذمہ داری اٹھائی ہے۔

تاہم سڈنی ٹیسٹ کے حوالے سے بھارتی میڈیا میں خبریں آئی ہیں کہ روہت شرما کو پانچویں ٹیسٹ کے لیے ڈراپ کردیا گیا ہے اور ان کی جگہ جسپریت بمراہ ٹیم کی قیادت کریں گے۔

بھارت کے اسٹار کرکٹرز جیسے کوہلی، روہت، بمراہ، پنت ہیڈ کوچ گمبھیر کی کوچنگ میں کیسا محسوس کرتے ہیں، اس حوالے سے اہم انکشافات سامنے آئے ہیں۔

آسٹریلیا کے ہاتھوں چوتھے ٹیسٹ میچ میں بدترین شکست کے بعد بھارتی میڈیا رپورٹس میں بتایا گیا ہے کہ ٹیم کے اسٹار کرکٹرز گوتم گمبھیر کی کوچنگ میں خود کو ’غیرمحفوظ‘ تصور کرتے ہیں، بھارتی ٹیم میں جو بڑے اسٹار کرکٹرز موجود ہیں ان میں کپتان روہت شرما، ویرات کوہلی رشبھ پنت اور جسپریت بمراہ سمیت چند اور کرکٹرز کا نام آتا ہے۔

رپورٹس میں بتایا گیا ہے کہ پچھلے سال جولائی میں گوتم کے کوچ بننے کے بعد سے کچھ پلیئرز کو اپنا مستقبل تاریک نظر آتا ہے اور انھیں ٹیم سے باہر ہونے کا خدشہ لگا رہتا ہے۔

مستقبل کے حوالے سے وضاحت نہ ہونے کی وجہ سے ٹیم کے اہم پلیئرز میں مایوسی پائی جاتی ہے جبکہ وہ ٹیم میں اپنے کردار کے حوالے سے بھی غیریقینی کا شکار ہیں۔

بی سی سی آئی کے آفیشل بھارتی میـڈیا میں کہہ چکے ہیں کہ آسٹریلیا میں ایک ٹیسٹ میچ باقی ہے اس کے بعد چیمپئنز ٹرافی ہونا ہے، اگر ٹیم کی پرفارمنس بہتر نہیں ہوتی تو پھر گوتم گھمبیر کی جگہ بھی محفوظ نہیں رہے گی۔

بی سی سی آئی کے حکام نے اس بات کا بھی انکشاف کیا کہ گوتم گمبھیر کوچنگ کے لیے پہلی چوائس نہیں تھے بلکہ ان کی جگہ نیشنل کرکٹ اکیڈمی کے ہیڈ وی وی ایس لکشمن کوچنگ کے لیے پہلا انتخاب تھے۔

خیال رہے کہ آئی پی ایل میں کوچنگ کی کارکردگی پر بھارتی نیشنل ٹیم کے کوچ بننے والی گوتم گمبھیر کی کوچنگ اس وقت سخت تنقید کی زد میں ہے، گمبھبیر کی موجودگی میں بھارتی ٹیم کے ڈریسنگ روم کا ماحول بھی کھلاڑیوں کے لیے کچھ خاص آرامدہ نہیں ہے۔

بھارتی کرکٹر ویرات کوہلی کے آؤٹ ہونے پر آسٹریلوی بیٹر کونسٹاس کے جشن منانے کی ویڈیو سوشل میڈیا پر وائرل ہوگئی۔

ملیبرن میں کھیلے جارہے چوتھے ٹیسٹ میچ کے دوسرے روز کھیل کے اختتام پر بھارت نے 5 وکٹوں کے نقصان پر 164 رنز بنالیے اور انہیں کینگروز کی برتری ختم کرنے کے لیے مزید 310 رنز درکار ہیں، آسٹریلیا کی ٹیم پہلی اننگز میں 474 رنز بنا کر آؤٹ ہوئی۔

رشبھ پنت 6 اور رویندرا جڈیجا 4 رنز کے ساتھ ناٹ آؤٹ ہیں۔

آسٹریلیا کی جانب سے کپتان پیٹ کمنز اور اسکآٹ بولینڈ ںے دو، دو وکٹیں حاصل کی ہیں۔

تاہم سوشل میڈیا پر ویڈیو وائرل ہورہی ہے جس میں ڈیبیو کرنے والے آسٹریلوی بیٹر کو سیم کونسٹاس کو ویرات کوہلی کے آؤٹ ہونے پر جشن مناتے دیکھا گیا ہے۔

ویرات کوہلی 86 گیندوں پر 36 رنز بنا کر بولینڈ کی گیند پر الیکس کیری کو کیچ دے بیٹھے۔

  ویڈیو میں دیکھا جاسکتا ہے کہ ویرات کوہلی جیسے ہی آؤٹ ہوئے تو سلپ میں فیلڈنگ کرنے والے سیم کونسٹاس کی خوشی کا کوئی ٹھکانا نہیں رہا اور انہوں نے کراؤڈ کی جانب سے اشارہ کرتے ہوئے جشن بھی منایا۔

واضح رہے کہ جب کونسٹاس نے جسپریت بمراہ کو اسکوپ پر چھکے اور چوکے لگائے تھے تو ویرات کوہلی جان بوجھ کر کونسٹاس سے ٹکرائے تھے اور ان سے جھگڑا کیا تھا جس پر سوشل میڈیا صارفین کی جانب سے کوہلی پر تنقید کی گئی تھی۔

آسٹریلوی میڈیا نے بھی ویرات کوہلی کے رویے کی تنقید کی اور انہیں ’جوکر‘ قرار دیا تھا۔