Tag: ویرات کوہلی

برسبین ٹیسٹ کے ڈرا ہونے کے ساتھ ہی بھارتی مایہ ناز اسپنر روی چندرن ایشون کا شاندار کیریئر بھی اختتام پذیر ہوگیا۔

بھارت کے 38 سالہ اسپنر روی چندرن ایشون نے آسٹریلیا کے خلاف تیسرے ٹیسٹ میچ کے بعد ریٹائرمنٹ کا اعلان کیا، انہوں نے 106 ٹیسٹ میچز میں بھارت کی نمائندگی کی، انہوں ٹیسٹ کیریئر میں 537 وکٹیں حاصل کیں۔ اسپنر نے 116 ون ڈے اور 65 ٹی ٹوئنٹی میچز میں بھی بھارت کی نمائندگی کی ہے۔

اسپنر نے اپنی ریٹائرمنٹ کے فیصلے پر بات کرتے ہوئے کہا کہ کرکٹ کے اس سفر میں جس نے بھی ساتھ دیا ان سب کا شکریہ، تمام فارمیٹس میں بطور کرکٹر یہ میرا آخری دن تھا۔

ان کا مزید کہنا تھا کہ اپنے کیریئر کے دوران بہت انجوائے کیا اور کئی یادگار یادیں ہیں، یہ میرے لیے کافی جذباتی لمحہ ہے۔

تاہم ایشون کی ریٹائرمنٹ پر بھارت کے مایہ ناز بیٹر ویرات کوہلی نے جذباتی پوسٹ شیئر کی اور ایشون کی بھارتی ٹیم کے لیے کامیابیوں کو سراہا۔

انہوں نے لکھا کہ ’میں نے آپ کے ساتھ 14 سال کرکٹ کھیلی اور جب آپ نے مجھے بتایا کہ آج ریٹائر ہورہے ہیں تو اس نے مجھے جذباتی کردیا اور ان تمام سالوں میں ساتھ کھیلنے والی یادیں میرے ذہن میں آئیں۔

ویرات نے لکھا کہ ’بھارتی کرکٹ کے لیے میچ وننگ شراکتیں اکسی سے ڈھکی چھپی نہیں اور آپ کو ہمیشہ کرکٹ کے لیجنڈ کے طور پر یاد رکھا جائے گا۔

بھارتی بیٹر نے لکھا کہ ’آپ کے قریبی لوگوں کے لیے بہت زیادہ احترام اور محبت کے ساتھ ہر چیز کے لے شکریہ۔‘

بھارتی کرکٹر ویرات کوہلی کی آسٹریلیا سے ایک تصویر وائرل ہورہی ہے، ان کی گود میں ایک بچہ موجود ہے جسے صارفین انکا بیٹا قرار دے رہے ہیں۔

بھارتی سپراسٹار بیٹر حال ہی میں آسٹریلیا کے خلاف پرتھ ٹیسٹ میں اپنی فارم میں واپس آئے ہیں جہاں انھوں نے دوسری اننگز میں ناقابل شکست سنچری اسکور کی، یہ ان کے کیریئر کی 30 ویں ٹیسٹ سنچری بھی شمار ہوئی جس کے ساتھ انھوں نے کئی ریکارڈز توڑے۔

ویرات کی بہن بھاونا کوہلی دھنگرا نے اپنی انسٹاگرام اسٹوری میں واضح کیا ہے کہ کرکـٹر نے جس بچے کو گود میں اٹھایا ہوا ہے وہ ہمارا ’اکے‘ نہیں ہے۔

بھاونا کا کہنا تھا کہ ویرات نے جس بچے کو گود میں اٹھایا وہ ان کا بیٹا نہیں بلکہ ہمارے قریبی دوست کی بیٹی ہے، میں کافی دیر سے دیھ رہی تھی کہ لوگ اس بچی کو ویرات اور انوشکا کا بیٹا اکے سمجھ رہے ہیں۔

انھوں نے مزید لکھا کہ اس تصویر میں نظر آنے والا بچہ ’ہمارا اکے‘ نہیں ہے، اس کے علاوہ جوڑے کے قریبی ذرائع نے بھی اس بات کی تصدیق کی کہ کوہلی کے ساتھ موجود بچہ ان کا بیٹا نہیں ہے۔

خیال رہے کہ آسٹریلیا اور بھارت کے درمیان پرتھ ٹیسٹ میچ دیکھنے اور اپنے شوہر کو سپورٹ کرنے کے لیے بالی ووڈ اداکارہ انوشکا شرما بھی گراؤنڈ میں موجود تھیں۔

بھارت نے پہلی اننگز میں 150 رنز پر آؤٹ ہونے کے باوجود دوسری اننگز میں شاندار کم بیک کیا اور آسٹریلیا کو پہلے ٹیسٹ میچ میں 295 رنز کے بڑے مارجن سے شکست دی تھی۔

آسٹریلیا کے خلاف پرتھ ٹیسٹ میں ویرات کوہلی نے مارنس لیبوشین کا آسان کیچ چھوڑ دیا، جس ہر کپتان بمراہ کے ری ایکشن نے سب کو حیران کردیا۔

جسپریت بمراہ نے کینگروز کے خلاف نہ صرف اپنی کپتانی سے سب کو متاثر کیا ہے بلکہ اپنے رویے سے بھی لوگوں کو تعریف کرنے پر مجبور کیا ہے، بھارتی ٹیم پہلے دن 150 رنز پر آؤٹ ہوگئی تھی، جب آسٹریلین ٹیم بیٹنگ کے لیے آئی تو کوہلی نے بمراہ کی بال پر لیبوشین کا کیچ چھوڑ دیا۔

بمراہ نے ویرا کے کیچ چھوڑنے پر غیرمعمولی ری ایکشن دیا اور کسی ناراضی کا اظہار کرنے کے بجائے ہلکا سا مسکرا دیے اور پھر سے بولنگ اینڈ کی طرف بڑھ گئے۔

ان کے اس برتاؤ کی تعریف آسٹریلیا کے سابق وکٹ کیپر ایڈم گلکرسٹ نے بھی کی، انھوں نے کہا کہ کوہلی کے کیچ چھوڑنے پر بمراہ نے کمال کا ری ایکشن دیا کیوں کہ وہ جانتے تھے کہ میں اگلے اوور میں پھر وکٹ لے سکتا ہوں۔

خیال رہے ہ بمراہ نے پہلی اننگز میں بھارت کے کم اسکور کے باوجود شاندار اسپیل کرتے ہوئے پہلی اننگز میں آسٹریلیا کے خلاف 5 وکٹیں لی تھیں اور میچ اپنی ٹیم کے حق میں کردیا تھا۔

آسٹریلیا دوسری اننگز میں 104 رنز بنا کر آل آؤٹ ہوگیا تھا جبکہ بھارت نے اپنی دوسری اننگز 487 رنز 6 وکٹ پر ڈکلیئرڈ کردی تھی اور بھارت کو میچ جیتنے کے لیے 537 رنز کا پہاڑ جیسا ہدف فیا تھا۔

تیسرے دن کھیل کے اختتام پر آسٹریلیا نے اتنے بڑے ہدف کا تعاقب کرتے ہوئے محض 12 رنز پر 3 وکٹیں گنوا دی تھیں جس میں سے دو وکٹیں کپتان بمراہ نے لی تھی، پہلے ٹیسٹ میں بھارت کے خلاف آسٹریلیا کے سر پر بڑی شکست کا خطرہ منڈلا رہا ہے۔

دنیائے کرکٹ کے مایہ ناز بلے باز ویرات کوہلی سوشل میڈیا پلیٹ فارم انسٹاگرام پر پاکستان کے ایک سپراسٹار پلیئر کو فالو کرتے ہیں۔

بھارتی اسٹار کرکٹ کے میدان میں کے ساتھ سوشل میڈیا پر بھی وہ کافی مقبول ہیں جبکہ وہ جس واحد پاکستانی کرکٹر کو فالو کرتے ہیں اس کا تعلق آج کی جنریشن سے نہیں بلکہ وہ سابق کرکٹر اور سوئنگ کے بے تاج بادشاہ وسیم اکرم ہیں۔

انسٹاگرام فالوورز پر کوہلی کے مداحوں کی تعداد 271 ملین ہے جو انھیں فالو کرتے ہیں اور اسی وجہ سے بھارتی بیٹر اس وقت انسٹاگرام پر سب سے زیادہ فالو کیے جانے والی بھارتی شخصیت بھی ہیں۔

قابل ذکر بات یہ بھی ہے کہ انسٹا گرام پر جتنی بڑی تعداد میں مداح ویرات کوہلی کو فالو کرتے ہیں اتنی بڑی فالونگ کے آس پاس بھی کوئی کرکٹر نہیں ہے، وہ دنیا میں سب سے زیادہ فالو کیے جانے والے کرکٹر ہیں۔

صرف 282 لوگوں کو انسٹاگرام پر فالو کرنے والے ویرات کوہلی زیادہ تر کرکٹرز کو ہی فالو کرتے دکھائی دیتے ہیں، کوہلی سابق پاکستانی کپہتان وسیم اکرم کو بھی انسٹاگرام پر فالو کرتے آرہے ہیں۔

وسیم اکرم کو نہ صرف دنیائے کرکٹ میں کافی قدر کی نگاہ سے دیکھاجاتا ہے بلکہ ان کی ماہرانہ رائے کو بھی کرکٹ ورلڈ میں کافی اہمیت دی جاتی ہے، کولکتہ نائٹ رائیڈرز سے بھی منسلک رہنے والے وسیم کو دنیائے کرکٹ کے چند عظیم ترین بولرز میں شمار کیا جاتا ہے۔

نیوزی لینڈ کے ہاتھوں 113 رنز کی شکست کے بعد بھارتی کپتان روہت شرما اور اسٹار بیٹر ویروت کوہلی اپنی ٹیم کو چھوڑ کر روانہ ہوگئے ہیں۔

بھارتی میڈیا رپورٹس کے مطابق کیویز سے ہوم گراؤنڈ پر سیریز کی تاریخی ہار کے چند لمحوں بعد ہی ہندوستانی کپتان روہت شرما، ویرات کوہلی اور کے ایل راہول اپنی فیملی کے ہمراہ وقت گزارنے کے لیے ممبئی چلے گئے ہیں۔

دیگر بھارتی کرکٹرز اور معاون اسٹاف بعد میں ممبئی جائیں گا جہاں اتوار کو یکم نومبر سے شروع ہونے والے سیریز کے تیسرے اور آخری ٹیسٹ میچ میں دنوں ٹیمیں مدمقابل ہونگی۔

وانکھیڈے اسٹیڈیم میں فائنل ٹیسٹ میچ سے قبل بھارتی بورڈ نے سیریز کی شکست سے سنبھلنے کے لیے کھلاڑیوں کو دو دن کا وقفہ دیا ہے۔

رپورٹ میں مزید کہا گیا ہے کہ ممبئی میں دو دن کے وقفے کے اختتام کے بعد بھارتی پلیئرز کو سیریز کے اختتام تک دو پریکٹس سیشنز میں شرکت کرنا ہوگی۔

میڈیا میں آنے والی خبروں کے مطابق ٹیم انتظامیہ نے بھارتی کھلاڑیوں سے کہا ہے کہ وہ 30 اور 31 اکتوبر کو دو دن کی پریکٹس کے لیے لازمی موجود رہیں اور کوئی بھی پلیئرز اسے نہیں چھوڑ سکتا۔

خیال رہے کہ بھارتی ٹیم کو اپنے ہوم گراؤنڈ پر لگاتار 18 ٹیسٹ سیریز جیتنے کے بعد 12 سالوں میں پہلی بار سیریز میں شکست کا سامنا کرنا پڑا ہے، جس کے بعد بھارتی میڈیا اور ماہرین روہت شرما، ویرات کوہلی سمیت پوری ٹیم کو تنقید کا نشانہ بنا رہے ہیں۔