بانی پی ٹی آئی کے بیٹوں نے پاکستان آنے کے لیے ویزا درخواست دے دی ہے قاسم اور سلیمان نے برطانیہ میں پاکستانی ہائی کمیشن سے رجوع کیا ہے۔
اے آر وائی نیوز کے مطابق بانی پی ٹی آئی اور سابق وزیراعظم عمران خان کے بیٹوں سلیمان اور قاسم نے پاکستان آنے کے لیے ویزا درخواست دے دی ہے اور اس سلسلے میں انہوں نے برطانیہ میں پاکستانی ہائی کمیشن سے رجوع کیا ہے۔
اس حوالے سے عمران خان کی ہمشیرہ علیمہ خان نے اپنے ایک بیان میں کہا ہے کہ سلیمان اور قاسم نے چند وز قبل لندن میں پاکستانی ہائی کمیشن میں درخواستیں جمع کرائی تھیں۔ سفیر کے مطابق ویزوں کے اجرا کے لیے اسلام آباد میں وزارت داخلہ کی منظوری کا انتظار ہے۔
علیمہ خان کے مطابق پاکستانی سفیر کا کہنا ہے کہ وزارت داخلہ کی منظوری کے بعد ہی ویزا جاری ہوگا۔
واضح رہے کہ اس سے قبل یہ خبر سامنے آئی تھی کہ بانی پی ٹی آئی اور سابق وزیراعظم عمران خان کے بیٹوں قاسم اور سلیمان نے پاکستان آنے کے لیے لندن میں پاکستانی ہائی کمیشن میں ویزے کے لیے درخواست نہیں دی ہے۔
https://urdu.arynews.tv/imran-khan-sons-did-not-apply-for-visa-at-pakistan-high-commission-london/
