Tag: ویزہ فراڈ.

لاہور : بیلجیم اور کینیڈا میں ملازمت کے خواہمشند افراد ہوشیار ہوجائیں، شہریوں سے بیرون ملک ملازمت کے نام پر لاکھوں روپے بٹورنے والوں کو گرفتار کرلیا گیا۔

تفصیلات کے مطابق ایف آئی اے اینٹی ہیومن ٹریفکنگ سرکل لاہور کی بڑی کاروائیاں کرتے ہوئے انسانی سمگلنگ اور ویزہ فراڈ میں ملوث اشتہاری سمیت 5 ملزمان گرفتار کرلئے۔

ایف آئی اے نے کہا کہ گرفتار ملزمان کی شناخت احمد محمد چوراہی ،ساجد معراج، علی اوصاف، عمیر اور محمد سعید کے نام سے ہوئی ، ملزمان کو چھاپہ مار کاروائیوں میں لاہور کے مختلف علاقوں سے گرفتار کیا گیا۔

ملزم ساجد معراج نے شہری کو بیلجیم ورک ویزا پر بھجوانے کی غرض سے 29 لاکھ روپے ہتھیائے جبکہ ملزم احمد محمد چوراہی نے شہری کو کینیڈا ملازمت کا جھانسہ دے کر لاکھوں روپے بٹورے۔

ملزم علی اوصاف، عمیر اور محمد سعید غیر قانونی ٹیکنیکل ٹریننگ سینٹر کی آڑ میں انسانی اسمگلنگ میں ملوث پائے گئے۔

ایف آئی اے کا کہنا ہے کہ ملزمان شہریوں کو بیرون ملک ملازمت کا جھانسہ دے کر لاکھوں روپے بٹورنے میں ملوث پائے گئے۔

ملزمان کے قبضے سے موبائل فونز اور انسانی سمگلنگ سے متعلق دیگر شواہد بھی برآمد کر لیے گئے جبکہ ملزمان کو گرفتار کر کے تفتیش کا آغاز کر دیا گیا ہے۔

پشاور: امریکی ورک ویزا حاصل کرنے کے خواہشمند افراد ہوشیار ہوجائیں! ویزہ فراڈ میں ملوث 2 ملزمان کو گرفتار کرلیا گیا۔

تفصیلات کے مطابق وفاقی تحقیقاتی ادارے (ایف آئی اے) نے اسلام آباداور پشاور میں کارروائیاں کرتے ہوئے ویزہ فراڈ اور انسانی اسمگلنگ میں ملوث 2 اشتہاریوں سمیت 3 ملزمان کو گرفتار کرلیا۔

ایف آئی اے نے بتایا کہ اسلام آباد سے گرفتار 2 ملزمان 2024 کےمقدمےمیں مطلوب تھے اور خلیل اللہ اور مرجان علی نے امریکی ورک ویزے کا جھانسہ دیکرلاکھوں روپے لیے، ملزمان شہری سے پیسے لینے کے بعد روپوش ہوگئےتھے۔

دوسری جانب پشاور سے گرفتار ملزم بغیر لائسنس ٹریول ایجنسی چلارہا تھا، ملزم حارث خان کے دفتر سے 4 پاکستانی پاسپورٹس برآمد ہوئے۔

یاد رہے اس سے قبل بھی ورک ویزے کے نام پر فراڈ میں ملوث ایجنٹ فہیم خان کو گرفتار کیا تھا، ملزم نے شہریوں سے بیرون ملک ملازمت کے نام پرلاکھوں روپے لیے تھے۔

ایف آئی اے کا کہنا تھا کہ ملزم سے 32 پاسپورٹس ، موبائل فون اور دیگر شواہد برآمد ہوئے ہیں ، ملزم بغیر لائسنس شہریوں سے پاسپورٹ وصول کر رہا تھا۔

کراچی : عمرہ کے 36 خواہشمند زائرین سے ویزہ فراڈ کرکے روپوش ہونے والے ایجنٹ کو گرفتار کرلیا گیا۔

تفصیلات کے مطابق ایف آئی اے کی انسانی اسمگلنگ کیخلاف کارووائیاں جاری ہے، ایف آئی اے کمپوزٹ سرکل میرپور خاص نے کارروائی کرتے ہوئے عمرہ کے 36 خواہشمند زائرین سے ویزہ فراڈ کرنے والے ایجنٹ کو گرفتار کرلیا۔

ترجمان کا کہنا تھا کہ ملزم اقتدار علی عرف سونو نے سعودی عرب بھجوانے کےنام پر 40 لاکھ کا فراڈ کیا۔

ترجمان نے بتایا کہ ملزم بھاری رقوم وصول کر کے روپوش ہو گیا تھا اور ساتھ ہی غیرقانونی طور پر ٹریول ایجنسی چلارہاتھا۔

یاد رہے وفاقی تحقیقاتی ایجنسی (ایف آئی اے) نے گوجرانوالہ اور گجرات سے 5 افراد کو گرفتار کیا تھا ، جو انسانی اسمگلنگ اور ویزا فراڈ میں ملوث تھے۔

ترجمان کا کہنا تھا کہ ملزمان سادہ لوح شہریوں کو غیر قانونی طریقے سے بیرون ملک بھجواتے تھے۔