Tag: ویسٹ انڈیز

سڈنی : ورلڈ کپ میں جنوبی افریقہ کے چار سو نو رنز کے ہدف کے تعاقب میں ویسٹ انڈیز کی پوری ٹیم33.1 اوورمیں  ایک سو اکیاون رنز بنا سکی، کالی آندھی کو دو سو ستاون رنز سے عبرت ناک شکست کا سامنا ۔

تفصیلات کے مطابق بولنگ کے بعد ویسٹ انڈیز کی ٹیم  بیٹنگ میں بھی ناکام رہی ۔ چار سو آٹھ رنز کے ہدف کے سامنے کالی آندھی ہانپ گئی۔ ویسٹ انڈیز کی پوری ٹیم33.1 اوورمیں  ایک سو اکیاون رنز بنا  کر پویلین لوٹ گئی ۔

ورلڈ کپ میں پہلی ڈبل سنچری کرنے والے گیل بھی فیل ہوگئے۔ صرف تین رنزبناکر پویلین لوٹ گئے۔ جس کے بعد ویسٹ انڈیز کے کھلاڑیوں کی لائن لگ گئی۔ ایک کے بعد ایک جاتا رہا، بیٹسمینوں نے تو چل میں آیا کی پالیسی اختیار کرلی۔

وکٹیں گرتی رہیں اورمشکلات بھی بڑھتی رہیں۔اے بی ڈی ویلیئرمین آف دی میچ قرار پائے۔ ساؤتھ افریقہ کے کپتان نے اپنی کپتانی کا حق ادا کرتے ہوئے چھیاسٹھ بولوں پر آٹھ چھکوں اور سترہ چوکوں کی مدد سے شاندار ایک سو باسٹھ رنزاسکور کئے۔

عمران طاہر نے پینتالیس رنز دے کر پانچ وکٹیں حاصل کیں، ویسٹ انڈیز نے ہارکر بھی ریکارڈ بنانے کا اعزاز برقرار رکھا۔اور دو سو اٹھاون رنز سے ورلڈ کپ کی ریکارڈ شکست سے دوچار ہوئی۔

اس سے قبل جنوبی افریقہ کی پہلی وکٹ تو اٹھارہ رنز پر گری جس کے بعد آملہ اور ڈیو پلیسی نے مل کراسکور ایک سو پینتالیس تک پہنچایا ۔

آملہ نے پینسٹھ ۔ ڈیوپلیسی نے باسٹھ ،روزوں نے اکسٹھ رنز بنائے۔ ڈی ویلیئر وکٹ پر آئے تو حریف بولرز کو حواس باختہ کردیا اور چھیاسٹھ گیندوں پر ایک سو باسٹھ رنز بنا ڈالےاوراسکور چار سو آٹھ رنز تک پہنچا دیا۔

جنوبی افریقہ کی اننگز میں گیارہ چھکے اور تیس چوکے شامل تھے۔ جنوبی افریقہ کا یہ عالمی کپ کا دوسرا اور موجودہ ورلڈ کپ کا سب سے بڑا مجموعہ ہے۔

ویسٹ انڈیز کے جیسن ہولڈر سب سے مہنگے بولر ثابت ہوئے ۔ جیسن ہولڈر نے دس اوورزمیں ایک سو چار رنز دیئے ۔ آخری دس اوورز میں جنوبی افریقہ نے ایک سو اٹھاون رنز بنائے۔