Tag: ویسٹ انڈیز

ملتان ٹیسٹ کے دوسرے روز کا کھیل ختم ہوگیا پاکستان کو جیت کے لیے 178 رنز جب کہ ویسٹ انڈیز کو صرف دو وکٹیں درکار ہیں۔

پاکستان اور ویسٹ انڈیز کے درمیان دو ٹیسٹ میچوں کی سیریز کے ملتان میں جاری دوسرے اور آخری ٹیسٹ میچ کے دوسرے روز کھیل ختم ہونے تک پاکستان نے ویسٹ انڈیز کی جانب سے دیے گئے 254 رنز کے ہدف کے تعاقب میں 76 رنز پر 4 وکٹیں گنوا دیں۔

دوسری اننگ کی ابتدا میں ہی دونوں اوپنرز اوپر تلے آؤٹ ہوکر پویلین لوٹ گئے۔ کپتان شان مسعود اور محمد ہریرا نے دو، دو رنز بنائے۔ 5 رنز پر دو وکٹیں گرنے کے بعد بابر اعظم کے ساتھ کامران غلام نے 43 رنز کی پارٹنر شپ قائم کی تاہم اس موقع پر کامران غلام 19 رنز پر وکٹ گنوا بیٹھے۔

بابر اعظم ایک بار پھر بڑی اننگ کھیلنے میں ناکام رہے اور کھیل کے اختتامی لمحات میں 31 رنز کے انفرادی اسکور پر آؤٹ ہوگئے۔ کریز پر نائب کپتان سعود شکیل 13 اور نائٹ واچ مین کاشف علی ایک رن کے ساتھ موجود ہیں۔

ویسٹ انڈیز کی جانب سے کیون سنکلیئر نے دو جب کہ جومل اور گوڈاکیش نے ایک، ایک وکٹ حاصل کی ہے۔

اس سے قبل ویسٹ انڈیز آج دوسری اننگ میں 244 رنز پر آؤٹ ہوگئی تھی۔ کپتان کریگ بریتھ نصف 52 رنز بنا کر ٹاپ اسکور رہے۔ ان کے علاوہ ٹیون املیچ (35) اور امیر جنگو (30) رنز کے ساتھ نمایاں رہے۔

 

View this post on Instagram

 

A post shared by Pakistan Cricket (@therealpcb)

پاکستان کی جانب سے نعمان علی اور ساجد خان نے چار، چار جب کہ ابرار احمد اور کاشف علی نے ایک، ایک وکٹ حاصل کی۔ نعمان علی نے میچ میں 10 وکٹیں حاصل کرنے کا سنگ میل بھی عبور کیا۔

 

View this post on Instagram

 

A post shared by Pakistan Cricket (@therealpcb)

اس سے قبل ٹیسٹ میچ کے پہلے روز دونوں ٹیموں نے اپنی اپنی پہلی اننگ کھیلی اور مجموعی طور پر 20 وکٹیں گریں تھیں۔

ویسٹ انڈیز نے ٹاس جیت کر پہلے بیٹنگ کا فیصلہ کیا تھا اور پوری ٹیم 163 رنز پر آؤٹ ہوگئی تھی۔ نعمان علی نے 6 وکٹیں حاصل کرنے کے ساتھ میچ میں ہیٹ ٹرک بھی کی تھی۔

مہمان ٹیم کی 95 رنز پر 9 وکٹیں گر چکی تھیں تاہم پاکستان کے لیے آخری وکٹ کا حصول ٹیل اینڈرز نے مشکل بناتے ہوئے دسویں وکٹ کے لیے 68 رنز جوڑے تھے۔

گوڈاکیش موتی نے نویں نمبر پر آکر نصف سنچری اسکور کی اور ٹاپ اسکورر ہے۔ گیارھویں نمبر کے بلے باز جومل 36 رنز کے ساتھ ناقابل شکست رہے تھے۔

پاکستانی بلے باز بھی پہلی اننگ میں ناکام رہے اور پوری ٹیم 154 رنز پر آؤٹ ہوگئی تھی۔ کوئی بلے باز نصف سنچری نہ بنا سکا۔ محمد رضوان 49 رنز کے ساتھ ٹاپ اسکورر رہے تھے۔ ویسٹ انڈیز کی جانب سے جومل نے 4 جب کہ گوڈاکیش موتی نے 3 اور کیماروچ نے 2 وکٹیں حاصل کیں۔

پاکستان سیریز کا پہلا ٹیسٹ میچ جیت کر ایک صفر کی ناقابل شکست برتری حاصل کر چکا ہے۔ قومی ٹیم کی جیت کی صورت میں ویسٹ انڈیز کو وائٹ واش کی ہزیمت اٹھانا پڑے جب کہ تاہم مہمان ٹیم جیتی تو سیریز ایک، ایک سے برابر ہو جائے گی۔

ویسٹ انڈیز پاکستان کے خلاف پہلا ٹیسٹ میچ ہار گئے لیکن ان کے تین بولرز نے ٹیسٹ کرکٹ کی 148 سالہ تاریخ کا منفرد اور دلچسپ ریکارڈ بنا لیا۔

پاکستان اور ویسٹ انڈیز کے درمیان دو ٹیسٹ میچوں کی سیریز کے ملتان میں کھیلے گئے پہلے میچ میں میزبان ٹیم نے 128 رنز سے مہمان ٹیم کو ہرایا۔ تاہم ویسٹ انڈیز کے تین بولرز نے اس میچ میں ایسا ریکارڈ بنایا جو 148 سالہ تاریخ میں اب تک کوئی نہ بنا سکا۔

یہ تاریخ رقم کرنے والے کیربیئن بولرز گوداکیش موتی، جومیل واریکن اور جیڈن سیلز ہیں۔

ٹیسٹ میچ کی پہلی اننگ میں پاکستان نے ویسٹ انڈیز کے 8 کھلاڑی صرف 66 رنز پر آؤٹ کر دیے تھے اور یہ یقینی لگ رہا تھا کہ مہمان ٹیم سنچری بھی نہیں کر سکے گی لیکن بولرز ڈٹ گئے اور اسکور 137 رنز تک لے گئے۔

نویں نمبر پر آنے والے گوداکیش موتی نے 19 رنز بنائے۔ دسویں نمبر پر آنے والے وارکین نے 31 رنز کی اننگ کھیلی اور پہلی اننگ کے اپنی ٹیم کی جانب سے ٹاپ اسکورر رہے جب کہ گیارھویں نمبر پر آنے والے سیلز نے 22 رنز بنائے۔

ان سے قبل آؤٹ ہونے والے 8 بلے بازوں میں سے کوئی بھی بیٹر 11 رنز سے زیادہ انفرادی اسکور نہ بنا سکا اور یوں ٹیسٹ کرکٹ کی لگ بھگ ڈیڑھ صدی کی تاریخ میں پہلی بار ایسا ہوا کہ آخری نمبروں پر آنے والے بیٹرز نے سب سے زیادہ انفرادی اسکور کیا۔

تاہم اس کا دوسرا دلچسپ پہلو یہ بھی ہے کہ مذکورہ تینوں بیٹر دوسری اننگ میں بغیر کوئی رن بنائے ڈک پر آؤٹ ہوئے۔

https://urdu.arynews.tv/ravi-shastri-talk-about-pakistan-team/

ملتان ٹیسٹ میں پاکستان  نے ویسٹ انڈیز کو 127 رنز سے شکست دیکر  دو میچوں کی سیزیز میں ایک صفر کی سبقت حاصل کر لی۔

ملتان کرکٹ اسٹیڈیم میں کھیلے گئے میچ میں 251 رنز کے ہدف کے تعاقب میں ویسٹ انڈیز کی پوری ٹیم دوسری اننگز میں 123 رنز پر ڈھیر ہو گئی۔

پاکستان کی جانب سے تمام 20 وکٹیں اسپنرز نے حاصل کیں، دوسری اننگز میں ساجد خان نے 5 کھلاڑیوں کو آؤٹ کیا جبکہ 4 وکٹیں ابرار احمد کے حصے میں آئیں اور ایک وکٹ نعمان علی نے حاصل کی۔

 

View this post on Instagram

 

A post shared by Pakistan Cricket (@therealpcb)

تاہم قومی ٹیم نے ویسٹ انڈیز کے خلاف ملتان ٹیسٹ میچ میں منفرد ریکارڈ بنا لیا ہے۔

ملتان ٹیسٹ میں اسپن کا کچھ ایسا کمال رہا کہ پورے ٹیسٹ 1064 گیندیں پھینکی گئیں جو پاکستان میں کسی بھی ٹیسٹ میں سب سے کم گیندیں ہیں۔

 

View this post on Instagram

 

A post shared by Pakistan Cricket (@therealpcb)

اس کے علاوہ پہلے ٹیسٹ میں کل ملا کر 674 رن بنے جو ایشیا میں 40 وکٹ پر بنایا گیا سب سے کم مجموعہ ہے، اسپنرز نے 40 میں سے 34 وکٹ حاصل کئے جبکہ پاکستان کی جانب سے پورے میچ میں فاسٹ بولر نے صرف ایک اوور کرایا۔

پاکستان اور ویسٹ انڈیز کے درمیان دو ٹیسٹ میچوں کی سیریز کا پہلا میچ موسم کی خرابی کے باعث تاخیر کا شکار ہے۔

پاکستان اور ویسٹ انڈیز کے درمیان دو ٹیسٹ میچوں کی سیریز کا آج سے ملتان میں آغاز ہو رہا ہے۔ تاہم موسم کی مداخلت کے باعث پہلا ٹیسٹ میچ تاخیر کا شکار ہے۔ اس وقت وہاں دھند چھائی ہوئی ہے اور ٹاس بھی نہیں ہو سکا ہے۔

دوسری جانب پاکستان نے ویسٹ انڈیز کو زیر کرنے کے لیے اسپن جال بچھایا ہے اور پہلے میچ کے اسکواڈ میں تین اسیپشلسٹ اسپنرز اور ایک فاسٹ بولر کو شامل کیا ہے۔

مہمان ٹیم کو اسپن ٹریک پر ڈھیر کرنے کے لیے انگلینڈ سیریز کے ہیرو ساجد خان اور نعمان علی کے ساتھ ابرار احمد میدان میں اتریں گے جب کہ واحد فاسٹ بولر خرم شہزاد ہوں گے۔

صائم ایوب کے زخمی ہونے کی وجہ سے محمد ہریرہ کو اسکواڈ میں شامل کیا گیا ہے۔ وہ ممکنہ طور پر پاکستان کی جانب سے اننگ کا آغاز کریں گے۔

واضح رہے کہ پاکستان کو ویسٹ انڈیز سے ٹیسٹ سیریز جیتے تقریباً 8 سال گزر گئے ہیں۔ دونوں ٹیموں کے درمیان آخری ٹیسٹ سیریز ایک ایک سے برابر رہی تھی۔

تاہم پاکستان کی سر زمین پر ویسٹ انڈیز کا ریکارڈ خراب ہے۔ دنوں ٹیموں کے درمیان سات ٹیسٹ سیریز ہوئیں جس میں صرف ایک بار 1980 میں کامیابی ملی۔

ویسٹ انڈیز نے پاکستان کی سر زمین پر 21 میچز کھیل رکھے ہیں۔ ان میں سے صرف چار میں فتح حاصل ہوئی اور 9 میں ہار کو گلے لگایا۔ 8 میچز ڈرا رہے۔

https://urdu.arynews.tv/test-series-with-west-indies-pakistan-planned/