Tag: ویسٹ انڈیز

ڈومینیکا : تیسرے اور آخری ٹیسٹ میچ میں 376 کے تعاقب میں ویسٹ انڈیز 247 رنز بنا کر پویلین لوٹ گئی اس طرح میزبان ٹیم کو 129 رنز کے خسارے کا سامنے ہے جس کے بعد پاکستان کی پوزیشن مستحکم ہو گئی۔

تفصیلات کے مطابق 247 کے مجموعی اسکور پر پولین کی راہ لینے والی ویسٹ انڈیز ٹیم میں روسٹن چیز 69 رنز کے ساتھ سرفہرست رہے جب کہ کیرن پول نے 31، جیسن ہولڈر 30،برتھ ویٹ اور ہوپ 29,29رنز ہی بنا سکے۔

ویست انڈیز کو ہدف تک پہنچنے سے روکے رکھنے میں پاکستانی بولر محمد عباس نے اہم کردار ادا کیا اور 25 اوورز میں 46 رنز دے کر 5 کھلاڑیوں کو پویلین پہنچایا جب کہ یاسر شاہ نے 3 اور محمد عامر اور اظہر علی نے ایک ایک وکٹ حاصل کی۔

خیال رہےکہ تیسرے روز کا کھیل ختم ہوا تو شین ڈورچ 20 اور کپتان جیسن ہولڈر 11 رنز کے ساتھ کریز پر موجود تھے۔پاکستان کی جانب سے تب تک یاسرشاہ نے3 اظہرعلی اور محمد عباس نے ایک ایک وکٹ حاصل کی۔

یاد رہے کہ اس سےقبل پاکستان نے اپنی پہلی اننگز میں اظہر علی کی سنچری اور کپتان مصباح الحق، بابراعظم اور سرفراز احمد کی نصف سنچریوں کی بدولت 376 رنز بنائے تھے۔

واضح رہے کہ پاکستان اور ویسٹ انڈیز کے درمیان 3 ٹیسٹ میچز کی سیریز 1-1 سے برابر ہے جب کہ یہ میچ دو عظیم کھلاڑیوں اور کپتان مصباح الحق اور یونس خان کے کریئر کا آ خری میچ بھی ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

ڈومینیکا :پاکستان نےویسٹ انڈیز کے خلاف تیسرے ٹیسٹ میچ کےپہلے دو وکٹوں کے نقصان پر169 رنز بنالیے۔

تفصیلات کےمطابق پاکستان اور ویسٹ انڈیز کے درمیان تیسرے ٹیسٹ کے پہلے روز کھیل کے اختتام پر پاکستان نے 2وکٹوں پر169رنز بناکر اپنی پوزیشن مستحکم کرلی۔

اظہر علی اور ان کے نئے اوپننگ پارٹنر نےاننگز کا آغاز کیا لیکن 19 کے مجموعی اسکور پر شان مسعود پویلین لوٹ گئے۔

بابراعظم اور اظہرعلی نےکھانے کے وقفے تک مزید کوئی وکٹ نہ گرنے دی اور جب میچ کے پہلے دن کھانے کا وقفہ ہوا تو پاکستان نے ایک وکٹ کے نقصان پر 70 رنز بنائے تھے،اظہر 36 اور بابر اعظم 24 رنز پر کھیل رہے تھے۔

بابراعظم دوسری وکٹ میں 120 رنز کی شراکت قائم کرنے کے بعد139 کے اسکور پر آوٹ ہوئے،انہوں نے انفرادی طور پر 55 رنز بنائے۔

پاکستان نے سیریز کے تیسرے میچ کے پہلے روز کھیل کے اختتام پر 2 وکٹوں پر 169 رنز بنائے۔اظہرعلی 85 اور یونس خان 10 رنز بنا کر کھیل رہے تھے۔

باربا ڈوس ٹیسٹ، پاکستان 81 رنز پر ڈھیر، سیریز 1-1سے برابر

ویسٹ انڈیز کی جانب سے الزاری جوزف اور روسٹن چیز نے ایک، ایک وکٹ حاصل کی۔

واضح رہےکہ اس سےقبل ویسٹ انڈیز نے ٹاس جیت کر پہلے فیلڈنگ کا فیصلہ کیاتھا اور مہمان ٹیم نےاپنی ٹیم میں کوئی تبدیلی نہیں کی۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

بارباڈوس :پاکستان نےویسٹ انڈیز کےخلاف دوسرے ٹیسٹ میچ کی پہلی اننگز میں 393 رنز بنا لیے ہیں۔

تفصیلات کےمطابق بریج ٹاؤن میں کھیلےجانے والےدوسرےٹیسٹ میچ کےتیسرےدن کےکھیل کے اختتام پر پاکستان نے ویسٹ انڈیز کے خلاف پہلی اننگز میں393رنز بنا لیے ہیں۔

دوسرے ٹیسٹ میچ میں تیسرے دن کے کھیل کی دلچسپ بات اظہر علی کی سنچری اور مصباح الحق کا ایک مرتبہ پھر سنچری سے صرف ایک قدم دور رہ جانا تھا۔

مصباح الحق نے دو سو گیندوں پر 99 رن بنائے اور ہولڈر کی گیند پر آوٹ ہوگئے۔یہ ٹیسٹ کرکٹ میں تیسرا موقع تھا کہ مصباح الحق 99 رنز پر آوٹ ہو گئے ہیں۔

ویسٹ انڈیز کےخلاف سیریز کے پہلے ٹیسٹ میچ کی پہلی اننگز کے اختتام پر بھی مصباح الحق 99 رنز پر ناٹ آوٹ رہ گئے تھے۔

پاکستان کی جانب سے کھیل کےتیسرے دن اوپنر اظہر علی اور کپتان مصباح الحق نے 172 رنز سے پہلی اننگز کا دوبارہ آغاز کیا تو اظہر علی 105 رنز بنا کر آؤٹ ہو گئے۔

اظہر علی کے بعد مصباح الحق 99 رنز پر جبکہ سرفراز احمد 9 اور اسد شفیق 15 رنز بنا کر آوٹ ہوئے۔

پاکستانی اوپنرز نے شاندار بلے بازی کا مظاہرہ کرتے ہوئے 155 رنز کت شراکت کی۔پاکستان کی جانب سے لوئر آرڈر میں شاداب خان نے 16، محمد عامر نے 10 جبکہ یاسر شاہ نے 24رنز بنائے۔

خیال رہےکہ اس سے قبل قومی ٹیم کے اوپنرز احمد شہزاد اور اظہر علی نےویسٹ انڈیز کے 312 رنز کے جواب میں ٹیم کو اچھا آغاز فراہم کیا۔ دونوں نے مل کر 155 رنز کی شراکت قائم کی ،ق احمدشہزاد70رنزبناکردویندرا بشو کی گیندپر کیچ آؤٹ ہو گئےتھے۔

احمد شہزاد کےبعد بابر اعظم اور یونس خان بغیر کوئی رن بنائے بغیر پولین لوٹ گئے۔دویندرابشونے2اور شینن گیبریئل نےایک کھلاڑی کوآؤٹ کیا ہے۔

کھیل بارباڈوس ٹیسٹ: ویسٹ انڈیز 312رنز پر آؤٹ

یاد رہےکہ اس سے قبل دوسرے دن کے آغاز میں ویسٹ انڈیز کی ٹیم اپنی پہلی اننگز میں 312 رنز کے مجموعی سکور پر آؤٹ ہوگئی تھی۔

واضح رہےکہ پاکستان کی جانب سے اپنا دوسرا ٹیسٹ میچ کھیلنے والے محمد عباس نے ویسٹ انڈیز کی پہلی اننگز میں چار کھلاڑیوں کو آوٹ کیا تھا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں