Tag: ویمنز بگ بیش لیگ

کیوی ویمن کرکٹر امیلیا کیر اس وقت اپنی ٹیم کا نقصان کروا بیٹھیں جب انھوں نے ویمنز بگ بیش لیگ میں تولیہ سے گیند کو پکڑا، واقعے کی ویڈیو سوشل میڈیا پر وائرل ہوگئی۔

بی بی ایل میں برسبین ہیٹ اور سڈنی سکسرز کے درمیان میچ جاری تھا۔ برسبین کی نمائندگی کرنے والی امیلیا کیر نے لیگ کے ایک میچ کے دوران ساتھی کھلاڑی کی تھرو کی گئی گیند کو تولیے کی مدد سے کیچ کیا۔ امپائر کو یہ بات بالکل پسند نہ آئی اور انھوں نے فوری طور پر اپنا ردعمل دیا۔

امپائر نے اس حرکت پر کیر اور ان کی ٹیم پر پانچ رنز کا جرمانہ عائد کیا، اس واقعے کی ویڈیو سوشل میڈیا پر وائرل ہوگئی۔

سکسرز کی ٹیم 177 رنز کے ہدف کا تعاقب کررہی تھی اسی دوران کیر اپنا دوسرا اوور کرانے آئیں۔ ان کی دوسری گیند بیٹر نے ڈیپ لانگ آن پر کھیلی جب فیلڈر نے واپس گیند تھرو کی تو کیر نے اسے تولیے کی مدد سے کیچ کیا۔

Amelia Kerr gets pinged five penalty runs for catching a ball coming in from the outfield with a towel.

Could be costly with both the Heat and Sixers fighting for a finals place. #WBBL09 pic.twitter.com/BPi3LcjFMl

— Lachlan McKirdy (@LMcKirdy7) November 21, 2023

امپائر پہلے تو انھیں دیکھتے رہے پھر پانچ رنز کی پنالٹی لگا دی کیونکہ قانون 28.2.1.2 میں کہا گیا ہے کہ اگر کوئی فیلڈر گیند پکڑنے کے لیے ’اپنا کپڑا آگے بڑھاتا ہے تو یہ غیر قانونی ہے‘۔

برسبین ہیٹ کے لیے یہ غلطی مہنگی ثابت ہوئی کیونکہ میٹلان براؤن اور میتھلڈا کارمائیکل نے سکسرز کی جانب سے عمدہ بیٹنگ کی اور ایک گیند قبل ہی میچ جیت لیا۔

انگلینڈ کی ویمن کرکٹر گریس ہیرس نے ویمنز بگ بیش لیگ 2023 میں ٹوٹے ہوئے بلے کے ساتھ چھکا مار کر سب کو حیران کردیا۔

برسبین ہیٹس اور پرتھ اسکوچرز کے درمیان سڈنی میں بیگ بیش کے درمیان کھیلے جانے والے میچ میں یہ دلچسپ واقعہ پیش آیا۔ ہیرس 14 ویں اوور میں پائیپا کلیری کا سامنا کررہی تھیں اس دوران بیٹر نے ان کی گیند پر زوردار ہٹ ماری اور بلا ٹوٹ گیا۔

ہیرس کی ہٹ اتنی طاقتور تھی کہ بلا تو ٹوٹا ہی ساتھ ہی گیند بھی باؤنڈری کے باہر جاگری اور امپائر کی جانب سے چھکے کا اشارہ کیا گیا۔

ویمنز بگ بیش لیگ کے اس میچ میں ہیرس نے 59 گیندوں پر 136 رنز کی شاندار اننگز کھیلی، جو کہ ایونٹ کی تاریخ میں کسی خاتون کی جانب سے نیا ریکارڈ ہے۔

درحقیقت، ویمنز بیٹر ہیرس کا بیٹ پہلے ہی ٹوٹ چکا تھا لیکن وہ اسے تبدیل کرنے پر تیار نہیں تھیں مگر ہینڈل نکلنے کے بعد انھیں دوسرا منگوانا پڑا۔

"کیا آپ کو ابھی اس کی ضرورت ہے، گریس،” ٹیم کے ایک ساتھی کو برسبین ہیٹ بلے باز سے پوچھتے ہوئے سنا گیا۔ "نہیں، یہ چیزیں، میں پھر بھی اسے ماروں گا،” حارث کا جواب تھا۔

اس مقابلے میں ہیرس نے پرتھ اسکوچرز کے خلاف 11 چھکے لگائے۔ میچ کے بعد اپنی اننگز کے بارے میں بات کرتے ہوئے، ہیرس نے انکشاف کیا کہ وہ نارتھ سڈنی کی وکٹ پر بیٹنگ سے بہت لطف اندوز ہوئیں۔