Tag: ویمنز ٹیم

جنوبی افریقہ ویمنز ٹیم نے پاکستان کو چار وکٹوں سے ہرا کر ٹرائی نیشن ون ڈے سیریز جیت لی ہے۔ دوحہ میں ہونے والی ٹرائی نیشن ون ڈے سیریز کے فائنل مقابلے میں جنوبی افریقہ نے ٹاس جیت کر پاکستان ویمنز ٹیم کو بیٹنگ کی دعوت دی۔

خراب کارکردگی کی وجہ سے پاکستانی ٹیم چورانوے رنز پر ڈھیر ہوگئی۔ جویریہ خان تیس رنز بناکر نمایاں رہیں۔جنوبی افریقی ٹیم کیلئے شبنم اسمعیل نے تین وکٹیں حاصل کیں۔

مطلوبہ ہدف کے تعاقب میں جنوبی افریقی ویمنز ٹیم کو بھی مشکلات درپیش رہیں لیکن چھ وکٹ کے نقصان پر ہدف حاصل کرلیا گیا۔ سمیعہ صدیقی اور ندا ڈار نے دو، دو کھلاڑیوں کو آؤٹ کیا۔

پاکستان، جنوبی افریقہ اور آئرلینڈ ویمنز ٹیم کے درمیان ٹرائی نیشن ٹی ٹوئنٹی سیریز انیس جنوری سے شروع ہوگی

پاکستان ویمنز ٹیم نے سہ ملکی سیریز کے پہلے میچ میں آئرلینڈ کو ایک سو دس رنز سے شکست دے دی۔ دوحہ میں کھیلے جانے والے میچ کا ٹاس پاکستان ویمنز ٹیم نے جیت کر پہلے بیٹنگ کا فیصلہ کیا اور مقررہ پچاس اوورز میں آٹھ وکٹوں پر ایک سو تراسی رنز بنائے۔

ناہیدہ خان چھتیس رنزبناکر نمایاں رہیں۔ جواب میں آئرلینڈ کی بیٹنگ لائن ریت کی دیوار ثابت ہوئی اور پوری ٹیم صرف تیہتر رنز پر ڈھیر ہوگئی۔ آئرلینڈ ویمنز ٹیم کی سات کھلاڑی ڈبل فیگرز تک بھی نہ پہنچ سکیں۔ سعدیہ یوسف نے تین، اسماویہ اقبال اور ثنا میر نے دو دو کھلاڑیوں کو آؤٹ کیا ۔

پاکستان کرکٹ بورڈ کی جانب سے کل سے دوحہ میں سہ ملکی ون ڈے کرکٹ سیریز کا آغاز ہورہا ہے۔ پاکستان ویمنز ٹیم اپنا پہلا میچ آئرلینڈ کیخلاف کھیلے گی۔

دوحہ میں ہونے والی سہ ملکی ون ڈے کرکٹ سیریز میں پاکستان ویمنز ٹیم کیساتھ آئرلینڈ اور جنوبی افریقہ کی ٹیم شرکت کررہی ہیں۔

ٹرائی نیشن ون ڈے سیریز دس جنوری سے سترہ جنوری تک کھیلی جائے گی ۔تینوں ٹیموں کے درمیان ٹی ٹوئنٹی سیریز انیس جنوری سے چوبیس جنوری تک دوحہ میں ہی کھیلی جائیگی۔

پاکستان ویمنز ٹیم کے مطابق ورلڈ ویمنز ٹی ٹوئنٹی کیلئے یہ ایونٹ فائدہ مند رہے گی۔