زندہ بچوں کی طرح دکھائی دیتی پلاسٹک کی بنی گڑیوں نے دیکھنے والوں کو عجیب سے احساسات میں مبتلا کردیا، سوشل میڈیا پر بحث چھڑ گئی کہ آیا یہ گڑیائیں خوبصورت ہیں خوفناک۔
سخت پلاسٹک کی ایک قسم وینائل سے بنائے یہ شیر خوار بچے (گڑیا) بے حد مقبولیت حاصل کر رہے ہیں تاہم اس سے خوف کھانے والے افراد کی بھی کمی نہیں۔
‘REAL’ babies made of vinyl! Beautiful or creepy? pic.twitter.com/tuoCg3Tya3
— RT (@RT_com) February 11, 2020
ان گڑیوں کا جسم انتہائی لچکدار ہوتا ہے تاہم یہ لچک غیر فطری معلوم ہوتی ہے۔
کچھ گڑیوں کا جسم کپڑے سے بنایا جاتا ہے جبکہ کچھ پوری کی پوری وینائل سے بنائی جاتی ہیں۔ ان کی باقاعدہ صفائی سے انہیں صاف ستھرا رکھا جاسکتا ہے جبکہ ان کے بالوں کو بھی شیمپو سے دھویا جاسکتا ہے۔
اگر ان گڑیوں کا خیال رکھا جائے تو یہ 20 سے 30 سال تک اچھی حالت میں رہ سکتی ہیں۔
آپ کو یہ گڑیائیں کیسی لگیں؟