Tag: وینزویلا بحران

کراکس: وینزویلا میں جاری سیاسی بحران کے خاتمے کے لیے حکومت اور اپوزیشن مذاکرات کے لیے تیار ہوگئے، بات چیت رواں ہفتے ہوگی۔

تفصیلات کے مطابق وینزویلا میں سیاسی بحران کے باعث ملکی معاشی صورت حال بھی ابتر ہے، مذاکرات کے ذریعے حل نکالنے کی کوشش کی جائے گی۔

غیر ملکی خبر رساں ادارے کے مطابق وینزویلا کے خود ساختہ صدر جون گائیڈو نے ملکی حکومت کو ٹف ٹائم دے رکھا ہے، جبکہ آئینی صدر نکولاس مادورو کی جانب سے مخالفین کے خلاف کریک ڈاؤن بھی جاری ہے۔

ناروے حکام کا کہنا ہے کہ اقتصادی بحران اور سياسی عدم استحکام کے شکار ملک وينزويلا ميں حکومت اور اپوزيشن کے مابين ناروے کی ثالثی ميں بات چيت اس ہفتے متوقع ہے۔

ناروے حکام کے مطابق فريقين اس ہفتے بارباڈوس ميں مليں گے اور ملک کو درپيش بحرانوں کا آئينی حل تلاش کريں گے۔ غیر ملکی میڈیا کا کہنا ہے کہ جون گائیڈ مذاکرات کے دوران اپنے رہنماؤں کی رہائی کا بھی مطالبہ رکھیں گے۔

دوسری جانب اقوام متحدہ نے اپنی حالیہ رپورٹ میں انکشاف کیا ہے کہ وینزویلا حکومت جبری طور پر عوامی رائے تبدیل کررہی ہے۔

رپورٹ میں کہا گیا ہے کہ حکومت کے ہاتھوں عام شہریوں کے ہلاکتوں کی تعداد چونکا دینے والی ہے، مذکورہ رپورٹ اقوام متحدہ کی انسانی حقوق کونسل میں پیش کی جائے گی۔

خیال رہے کہ وینزویلا میں اپوزیشن لیڈر جون گائیڈو کی حمایت دن بہ دن بڑھتی چلی جارہی ہے، امریکا سمیت کئی یورپی ریاستوں نے بھی جون گائیڈو کی حمایت کا اعلان کیا ہے۔

کراکس: وینزویلا میں بغاوت کے الزام میں حکومت نے سات ارکان پارلیمان کے خلاف قانونی کارروائی کا فیصلہ کرلیا۔

تفصیلات کے مطابق وینزویلا میں ان سات ارکان پارلیمان کے خلاف قانونی کارروائی کی جائے گی، جنہوں نے پچھلے ہفتے حکومت کا تختہ الٹنے کی کوششوں کی حمایت کی تھی۔

غیرملکی خبررساں ادارے کے مطابق یہ فیصلہ ملکی سپریم کورٹ نے آٹھ مئی کو کیا، عدالت عظمی نے اٹارنی جنرل طارق ولیم صاب کو ہدایت کی کہ متعلقہ منتخب نمائندوں کے خلاف بغاوت کے الزام میں تفتیش کی جائے۔

ان قانون سازوں کی پارلیمانی حیثیت کو بھی ختم کر دیا گیا، وینزویلا میں اپوزیشن رہنما خون گائیڈو صدر نکولاس مادورو کی حکومت کو چیلنج کر رہے ہیں، اس وجہ سے ملک شدید سیاسی اور معاشی بحران کا شکار ہے۔

قبل ازیں وینزویلا کے وزیردفاع ولادی میرپادرینو کا کہنا تھا کہ اپوزیشن لیڈر جون گائیڈو نے ملک میں بغاوت کی کوشش کی جسے ناکام بنا دی گئی۔

وینزویلا: جون گائیڈو کی بغاوت کی کوشش ناکام بنادی، وزیردفاع

وینزویلا میں اپوزیشن لیڈر جون گائیڈو نے خود ساختہ طور پر ملکی صدر کا اعلان کیا تھا، بعد ازاں سینکڑوں افراد نکولاس مادورو کے خلاف سڑکوں پر نکل آئے تھے۔

یاد رہے کہ وینزویلا میں 23 جنوری کو اپوزیشن لیڈر اور پارلیمںٹ کے اسپیکر جون گائیڈو نے خود کو عبوری صدر قرار دیا تھا جس کے بعد امریکا اور بعض دوسرے علاقائی ممالک نے صدر نکولس مادورو کی جگہ گائیڈو کو ملک کا عبوری صدر تسلیم کرلیا ہے۔