ARYNews.tv | Urdu – Har Lamha Bakhabar

Tag: وین حادثہ

  • ذوالفقار بھٹو کی برسی سے واپسی پر وین الٹنے سے پیپلز پارٹی کے 2 کارکن جاں بحق

    ذوالفقار بھٹو کی برسی سے واپسی پر وین الٹنے سے پیپلز پارٹی کے 2 کارکن جاں بحق

    لاڑکانہ: سابق وزیر اعظم ذوالفقار بھٹو کی برسی سے واپسی پر وین الٹنے سے پیپلز پارٹی کے 2 کارکن جاں بحق ہو گئے۔

    تفصیلات کے مطابق لاڑکانہ میں ذوالفقار بھٹو کی برسی سے واپسی پر پی پی کارکنان کی وین الٹ گئی، حادثے میں 2 کارکن جاں بحق ہو گئے جب کہ ڈرائیور سمیت 7 افراد زخمی ہو گئے ہیں۔

    جاں بحق کارکنان کے نام عرفان اور زین العابدین بتائے گئے ہیں، ریسکیو حکام نے لاشوں اور زخمیوں کو ٹراما سینٹر منتقل کر دیا ہے، ایم پی اے جمیل سومرو، میئر لاڑکانہ و دیگر پارٹی رہنما ٹراما سینٹر پہنچ گئے اور زخمیوں کی عیادت کی۔

    دریائے سندھ سے نئے کینال منظور نہیں، پی پی عوام کے ساتھ کھڑی ہوگی، بلاول بھٹو

    وزیر اعلیٰ سندھ مراد علی شاہ نے پیپلز پارٹی کے کارکنوں کی وین کو حادثے پر اظہار افسوس کرتے ہوئے جاں بحق کارکنان کے لواحقین سے تعزیت کی ہے، اور زخمیوں کے بہترین علاج کو یقینی بنانے کی ہدایات جاری کر دی ہیں۔

    وزیر اعلیٰ سندھ نے عوام سے ڈرائیونگ کے اصولوں پر عمل کرنے کی اپیل بھی کی، اور کہا کہ تیز رفتاری سے گریز کریں تاکہ ایسے افسوس ناک واقعات نہ ہوں۔

  • کراچی نوری آباد کے قریب وین میں آتش زدگی، اموات 18 ہو گئیں

    کراچی نوری آباد کے قریب وین میں آتش زدگی، اموات 18 ہو گئیں

    کراچی: دو دن قبل سپر ہائی وے پر نوری آباد کے قریب حیدر آباد سے کراچی آنے والی وین میں آگ لگنے سے جاں بحق ہونے والوں کی تعداد آج 18 ہو گئی ہے۔

    تفصیلات کے مطابق سپر ہائی وے وین حادثے کے دو اور زخمی سول اسپتال میں آج دم توڑ گئے، ایک جاں بحق شخص کی شناخت عرفان الرحمان کے نام سے ہوئی ہے۔

    ایس ایچ او نوری آباد کی مدعیت میں حادثے کا مقدمہ درج کر لیا گیا، جس میں وین ڈرائیور کو نامزد کیا گیا ہے، اوور ٹیک کر کے حادثے کا سبب بننے والی کار کا ڈرائیور بھی ذمےدار قرار دیا گیا۔ ایس ایچ او نوری آباد نے کہا ہے کہ وین اور کار دونوں کے ڈرائیورز کوگرفتار کیا جائے گا۔

    15 لاشیں عباسی اسپتال سے ڈی این اے سیمپل کے بعد ایدھی سرد خانے منتقل کر دی گئیں، ڈی این اے رپورٹ کے بعد لاشیں ورثا کے حوالے کی جائیں گی، 3 میتیں سول برنس وارڈ سے ورثا کے حوالے کر دی گئیں، جاں بحق تینوں افراد حیدر آباد لطیف آباد کے رہائشی تھے۔

    دو روز قبل موٹر وے پر نوری آباد کے قریب وین حادثے کے وقت گاڑی میں بچوں اور خواتین سمیت 25 مسافر سوار تھے، وین سے دوسری گاڑی کا بونٹ اڑ کر ٹکرایا تھا، جس کے بعد وین کو آگ لگ گئی، جس بونٹ سے حادثہ ہوا وہ بھی جائے حادثے سے مل چکا ہے۔

    گزشتہ روز ایک بچی کی لاش بھی برآمد ہو گئی تھی جو پہلے ریسکیو آپریشن کے دوان نظر نہیں آئی تھی، اس کے حوالے سے ریسکیو ذرایع نے بتایا تھا کہ بہ ظاہر ایسا لگ رہا ہے کہ آگ سے بچانے کے لیے ماں نے بچی کو چادر میں لپیٹ لیاتھا، گزشتہ روز جب خاتون کی لاش سے چادر ہٹائی گئی تو اس میں سے بچی کی لاش برآمد ہوئی۔

    حادثے میں تمام میتیں مکمل جھلس چکی ہیں، تمام لاشوں کے ڈی این اے سیمپلز  بھی  لیے جا چکے ہیں۔

    پولیس کا کہنا تھا کہ جاں بحق افراد میں سے تاحال کسی کی بھی حتمی شناخت نہیں ہو سکی ہے، ورثاگھڑی، انگوٹھی بطور نشانی دکھا کر پیاروں کی لاشیں لے جانا چاہتے ہیں، لیکن مکمل ضابطے کی کارروائی کے بعد لاشیں ورثا کے حوالے کی جائیں گی۔

  • کراچی نوری آباد کے قریب وین میں آتش زدگی، اموات 15 ہو گئیں، وجہ بھی سامنے آ گئی

    کراچی نوری آباد کے قریب وین میں آتش زدگی، اموات 15 ہو گئیں، وجہ بھی سامنے آ گئی

    کراچی: گزشتہ روز سپر ہائی وے پر نوری آباد کے قریب حیدرآباد سے کراچی آنے والی وین میں آگ لگنے سے جاں بحق ہونے والوں کی تعداد آج 15 ہو گئی ہے۔

    تفصیلات کے مطابق پولیس نے آج اپنے بیان میں کہا ہے کہ موٹر وے پر نوری آباد کے قریب وین حادثے کے وقت گاڑی میں بچوں اور خواتین سمیت 25 مسافر سوار تھے، وین سے دوسری گاڑی کا بونٹ اڑ کر ٹکرایا تھا، جس کے بعد وین کو آگ لگ گئی۔

    جس بونٹ سے حادثہ ہوا وہ بھی جائے حادثے سے مل گیا ہے، جس گاڑی سے بونٹ ٹوٹ کر گرا تھا اسے ڈرائیور بھگا کر لے گیا تھا۔

    گزشتہ روز اس حادثے میں 13 افراد جاں بحق ہوئے تھے، آج ایک اور زخمی دوران علاج چل بسا، جب کہ ایک بچی کی لاش بھی برآمد ہوئی، سول اسپتال انتظامیہ کا کہنا ہے کہ 60 سالہ عبدالرشید دوران علاج چل بسا، برنس سینٹر میں اب بھی 6 مریض زیر علاج ہیں جن کی حالت تشویش ناک ہے۔

    بچی کے حوالے سے ریسکیو ذرایع نے بتایا کہ بہ ظاہر ایسا لگ رہا ہے کہ آگ سے بچانے کے لیے ماں نے بچی کو چادر میں لپیٹ لیاتھا، آج جب خاتون کی لاش سے چادر ہٹائی گئی تو اس میں سے بچی کی لاش برآمد ہوئی۔

    ادھر ریسکیو حکام کا کہنا ہے کہ حادثے میں تمام میتیں مکمل جھلس چکی ہیں، تمام لاشوں کے ڈی این اے سیمپلز لے لیے گئے ہیں، ڈی این اے رپورٹس کے بعد میتیں ورثا کے حوالے کی جائیں گی، میتیں عباسی اسپتال سے سہراب گوٹھ ایدھی سرد خانے منتقل کی جا رہی ہیں۔دوسری طرف حادثے کے 12 زخمی حیدرآباد سول اسپتال میں زیر علاج ہیں۔

    پولیس کا کہنا تھا کہ جاں بحق افراد میں سے تاحال کسی کی بھی حتمی شناخت نہیں ہو سکی ہے، ورثاگھڑی، انگوٹھی بطور نشانی دکھا کر پیاروں کی لاشیں لے جانا چاہتے ہیں، لیکن مکمل ضابطے کی کارروائی کے بعد لاشیں ورثا کے حوالے کی جائیں گی۔