Tag: ویڈیوز

  • مزار قائد پر ٹک ٹاک ویڈیوز بنانے والا گروہ گرفتار

    مزار قائد پر ٹک ٹاک ویڈیوز بنانے والا گروہ گرفتار

    کراچین: مزار قائد پر ٹک ٹاک ویڈیوز بنانے والے مبینہ ملزم اسد سمیت دیگر ملزمان کو گرفتار کر لیا گیا۔

    تفصیلات کے مطابق کراچی میں مزار قائد کے مینجمنٹ بورڈ نے ایکشن لیتے ہوئے مزار پر ٹک ٹاک ویڈیوز بنانے والے گروہ کو گرفتار کر لیا۔
    سیکورٹی نےمبینہ ملزم اسد اور دیگرملزمان کو گرفتار کر کے پولیس کے حوالے کر دیا۔ مبینہ ملزمان مزار قائد پرٹک ٹاک ویڈیوز بنا کر سوشل میڈیا پر اپ لوڈ کرتے تھے۔

    خیال رہے کہ دو روز قبل سوشل میڈیا پر ایک ویڈیو وائرل ہوئی تھی جس میں لڑکی مزار قائد کے سامنے سنگ مرمر سے بنے فرش پر رقص کر رہی تھی تاہم لڑکی کے چہرے پر نقاب ہونے کے باعث اس کی شکل نظر نہیں آ رہی۔ ویڈیو کی فلم بندی کے دوران عقب میں شہری بھی موجود تھے۔

    ویڈیو سوشل میڈیا پر وائرل ہونے کے بعد شہریوں کی جانب سے شدید تنقید کی گئی تھی شہریوں کا کہنا تھا کہ اس عمل کے ذریعے مزار قائد کے تقدس کو پامال کیا گیا۔

  • فیس بک کا اسپیکر امریکی ایوان نمائندگان کی ترمیم شدہ ویڈیوز ہٹانے سے انکار

    فیس بک کا اسپیکر امریکی ایوان نمائندگان کی ترمیم شدہ ویڈیوز ہٹانے سے انکار

    واشنگٹن : فیس بک نے امریکی ایوان نمائندگان کی اسپیکر نینسی پلوسی کی ویڈیو کو ترمیم شدہ قرار دینے کے باوجود سوشل میڈیا سے ہٹانے سے انکار کر دیا۔

    میڈیا رپورٹس کے مطابق ماہرین نے سوشل میڈیا پر وائرل ہونے والی نینسی پلوسی کی ویڈیو کو ترمیم شدہ قرار دیتے ہوئے کہا کہ نینسی پلوسی کی متعدد ویڈیوز کو ایڈٹ کر کے سوشل میڈیا پر جاری کیا گیا ہے۔

    امریکی خبر رساں ادارے کا کہنا تھا کہ ویڈیو میں نینسی پلوسی کی ویڈیو کو آہستہ کر کے انہیں بیمار یا نشہ میں ظاہر کرنے کی کوشش کرتے ہوئے انہیں عہدے کے لیے نااہل ثابت کرنے کی کوشش کی گئی ہے۔

    یوٹیوب نے نینسی پلوسی کی ویڈیوز ہٹانے کا اعلان کرتے ہوئے کہا کہ اس طرح کی ویڈیوز کے حوالے سے ان کی پالیسی واضح ہے اس لیے انہوں نے نینسی پلوسی کی ترمیم شدہ ویڈیوز کو ہٹا دیا ہے۔

    ٹوئٹر نے تبصرہ کرنے سے انکار کرتے ہوئے کہا کہ نینسی پالیسی کی ویڈیوز کو شیئر کرنا کمپنی پالیسی سے متضاد نہیں ہے اور اس کی اجازت ہے کہ اگر منتخب نمائندہ کے بارے میں غلط بیانات انتخابی سازش یا ووٹرز کو دباؤ میں لانے کی کوشش نہ ہو۔

    فیس بک پر نینسی پلوسی کی ترمیم شدہ ویڈیو بہت زیادہ دیکھی جا رہی ہے، فیس بک انتظامیہ کا کہنا تھا کہ یہ ہماری پالیسی میں نہیں ہے کہ شیئر کی گئی ویڈیو درست ہو۔

    مزید پڑھیں : فیس بک کا رواں سال دو ارب 19 کروڑ جعلی اکاﺅنٹ حذف کرنے کا دعویٰ

    جعلی فیس بک اکاﺅنٹس کی آڑ میں فلسطینیوں کے سینکڑوں اکاﺅنٹس بند

    امریکی صدر ڈونلڈ ٹرمپ نے بھی نینسی پلوسی کی ایک ترمیم شدہ ویڈیو کو ٹوئٹ کیا، نینسی پلوسی کی ترمیم شدہ ویڈیو کی حقیقت نہ جاننے والے لوگوں نے انہیں شدید تنقید کا نشانہ بنایا ہے جبکہ حقیقت سے آشنا لوگ محظوظ ہو رہے ہیں۔

    واضح رہے کہ امریکی ایوان نمائندگان میں نینسی پلوسی دوسری بار اسپیکر منتخب ہوئی ہیں اور 78 سالہ نینسی پلوسی امریکی تاریخ کے 50 سالوں میں دوسری بار منتخب ہونے والی پہلی خاتون اسپیکر ہیں۔

  • سگریٹ نوش اورصحت مند آدمی کے پھیپھڑوں میں کیا فرق ہوتا ہے؟ ویڈیو وائرل

    سگریٹ نوش اورصحت مند آدمی کے پھیپھڑوں میں کیا فرق ہوتا ہے؟ ویڈیو وائرل

    لندن: سگریٹ نوش اور عام شخص کے پھیپھڑے کس طریقے سے کام کرتے ہیں اور ان میں کیا فرق ہوتا ہے، اس بات کا موازنہ اور لوگوں کو بری عادت ترک کرنے کے لیے انٹرنیٹ پر سبق آموز ویڈیوز شیئر کی گئیں جنہیں دیکھتے ہی ہر کسی نے سر پکڑ لیے۔

    سگریٹ نوشی کی بری لت انسانی جسم پر کیا اثرات مرتب کرتی ہے اس حوالے سے طبی ماہرین کئی تحقیقات اور تصاویر شائع کرچکے تاہم امریکا سے تعلق رکھنے والی شعبہ طب سے وابستہ خاتون نے سگریٹ پینے کے نقصانات اور اس سے ہونے والے اثرات سے متعلق اہم ویڈیو زبنا کر سوشل میڈیا پر شیئر کردیں۔

    سگریٹ نوشی کے نقصانات سے متعلق کئی تحقیقات سامنے آچکی ہیں، ایک محتاط اندازے کے مطابق ہرسال 70 لاکھ سے زائد افراد سگریٹ پینے کی وجہ سے موت کے منہ میں چلے جاتے ہیں جبکہ لاکھوں ایسے افراد ہیں جنہیں سرطان، دمہ جیسی موذی بیماریاں بھی لاحق ہوجاتی ہیں۔

    ویڈیوز دیکھنے کے لیے اسکرول کریں

    ماہرینِ صحت سگریٹ نوشی کرنے والے افراد کو اس بری لت سے محفوظ رہنے کے لیے متنبہ کرتے چلے آرہے ہیں تاہم حیران کُن طور پر ہر سال سگریٹ پینے والے افراد میں اضافہ بھی دیکھنے میں آرہا ہے۔

    امریکی ریاست شمالی کیرلائنا سے تعلق رکھنے والی نرس امینڈا ایلر نے سگریٹ نوشی کرنے اور نہ کرنے والوں کے لیے سبق آموز ویڈیوز بنا کر سوشل میڈیا پرشیئر کی جو بہت تیزی کے ساتھ وائرل ہوگئی، ویڈیوز کو دیکھنے والے صارفین اپنے پیاروں کو  سگریٹ نوشی ترک کرنے کی تلقین کررہے ہیں۔

    مزید پڑھیں: سگریٹ نوشی جسم کو کیسے تباہ کرتی ہے؟ جانیں روبوٹ اسموکر سے

    ویڈیو زمیں دیکھا جاسکتا ہے کہ دو علیحدہ علیحدہ یعنی سیاہ اور سرخی مائل پھیپھڑے موجود ہیں جن میں باری باری آکسیجن بھر کر یہ بتانے کی کوشش کی جارہی ہے کہ سگریٹ پینے اور نہ پینے والوں کے پھیپھڑے کس طریقے سے کام کرتے ہیں۔

    امینڈا ایلر کے مطابق سیاہ رنگ کا پھیپھڑا اُس شخص کا ہے جو سگریٹ نوشی کی لت میں مبتلا ہوا اور پھر اُسے کینسر کی بیماری لاحق ہوگئی جبکہ سرخی مائل پھیپھڑا ایسے فرد کا ہے جو تمباکو نوشی بالکل نہیں کرتا۔

    اسے بھی پڑھیں: دماغی چوٹ والے افراد کے لیے سگریٹ خطرناک قرار

    ویڈیوز میں دیکھا جاسکتا ہے کہ جب سیاہ پھیپھڑے میں آکسیجن بھرے گئی تو وہ اسے جذب کرنے کی صلاحیت سے محروم تھا اور ٹھیک طریقے سے کام نہیں کررہا تھا جبکہ سرخی مائل آکسیجن کو نہ صرف جذب کرراہے بلکہ مکمل طریقے سے پھیل بھی رہا ہے۔

    ویڈیوز دیکھیں

    انٹرنیٹ پر شیئر ہونے والی ویڈیو میں لکھا گیا ہے کہ سیاہ رنگ کے خوفناک پھیپھڑے والا شخص یومیہ 20 سگریٹ پینے کا عادی تھا اس کے برعکس سرخی مائل پھیپھڑے والا شخص تمباکو نوشی سے دور تھا۔

    اگر آپ سگریٹ نوشی کرتے ہیں تو کیا ویڈیو دیکھنے کے بعد اس بری عادت کو ترک کردیں گے؟ کمنٹس میں آگاہ کریں۔


    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانےکے لیے سوشل میڈیا پر شیئر کریں۔ 

  • رنبیر کپوراورماہرہ خان کی نئی ویڈیوزنےانٹرنیٹ پر تہلکہ مچادیا

    رنبیر کپوراورماہرہ خان کی نئی ویڈیوزنےانٹرنیٹ پر تہلکہ مچادیا

    دبئی : بالی ووڈ سپراسٹار رنبیر کپور اور پاکستانی اداکارہ ماہرہ خان کی نئی ویڈیوز نےانٹرنیٹ اور سوشل میڈیا پرتہلکہ مچادیا۔

    تفصیلات کےمطابق بالی ووڈکےمعروف اداکار اور خوبروپاکستانی اداکارہ ماہرہ خان نے حال ہی میں دبئی میں گلوبل ٹیچر ایوارڈ کی تقریب میں شرکت کی جہاں دونوں اداکاروں کوانتہائی خوشگوار موڈ میں ایک دوسرے کےساتھ دیکھاگیا۔

    mahira-post-1

    ورکے فاؤنڈیشن کی جانب سےگلوبل ٹیچرایوارڈ کی تقریب میں بالی ووڈ کے چاکلیٹی اداکار رنبیر کپور اور پاکستانی اداکارہ ماہرہ خان سمیت دیگر مشہور شخصیات کی شرکت نے ایونٹ کو چار چاند لگادیے۔

    بالی ووڈ اسٹار رنبیرکپور اس تقریب میں کالے رنگ کا سوٹ پہنے ہوئے تھےوہیں ماہرہ خان نے لال رنگ کا سوٹ زیب تن کیاہواتھاجوان پر بہت اچھا لگ رہاتھا۔

    Ranbir Kapoor and Mahira Khan backstage at the Global Teacher Prize Ceremony – 1 #RanbirKapoor #Ranbir #MahiraKhan #GlobalTeacherPrizeCeremony

    A post shared by Ranbir Kapoor Universe (@ranbirkapooruniverse) on

    گلوبل ٹیچر ایوارڈ کی تقریب کے دوران لی گئی تصاویر سے اندازہ لگایاجاسکستا ہےکہ دونوں کی کیمسٹری بہت ہی اچھی لگ رہی تھی۔دونوں نےاس خواہش کا اظہار کیا کہ کسی دن وہ ایک ساتھ بڑے پردے پرجلوہ گرہوں۔

    خیال رہےکہ حال ہی میں ماہرہ خان نے شاہ رخ خان کے ساتھ فلم رئیس میں مرکزی کردار نبھایا تھا جسے مداحوں کی جانب سےبے حد پسند کیاگیاتھا۔

    Ranbir Kapoor and Mahira Khan backstage at the Global Teacher Prize ceremony – 3 #RanbirKapoor #Ranbir #MahiraKhan #GlobalTeacherPrizeEvent

    A post shared by Ranbir Kapoor Universe (@ranbirkapooruniverse) on

    مزید پڑھیں:سنجے دت کی سوانح حیات میں‌ رنبیر کپور کی پہلی جھلک

    واضح رہےکہ بالی ووڈ سپراسٹار رنبیر کپور فلم جگا جاسوس اور سنجے دت کی زندگی پر بننے والی فلم میں جلوہ گرہوں گے۔

  • اے آر وائی کی فلم یوٹیوب پر سب سے زیادہ دیکھی جانے والی ویڈیو

    اے آر وائی کی فلم یوٹیوب پر سب سے زیادہ دیکھی جانے والی ویڈیو

    یوٹیوب پاکستان نے سال 2016 کی ٹاپ 10 ویڈیوز کی فہرست جاری کردی ہے۔ ان ویڈیوز میں اے آر وائی فلمز کی پیشکش ’جوانی پھر نہیں آنی‘، ’ہو من جہاں‘ کا گانا شکر ونڈاں اور اے آر وائی ڈیجیٹل پر پیش کیے جانے والے ڈرامے دل لگی کی آخری قسط بھی شامل ہیں۔

    یوٹیوب انتطامیہ نے اس فہرست میں شامل ویڈیوز کا انتخاب صارفین کی جانب سے دیکھنے کے لیے مختص کیے جانے والے وقت، شیئر، تبصروں اور پسندیدگی کی بنیاد پر کیا ہے۔

    جاری کی جانے والی فہرست میں دوسرے نمبر پر اے آر وائی فلمز کے زیر اہتمام پیش کی جانے والی فلم جوانی پھر نہیں آنی کو رکھا گیا ہے۔

    یہ فلم پاکستانی سینما میں ایک شاندار اضافہ ثابت ہوئی تھی اور اسے نہ صرف سینما میں دیکھا گیا بلکہ شائقین کی بڑی تعداد نے اسے بعد میں یوٹیوب پر دیکھا۔

    فہرست میں چھٹے نمبر پر اے آر وائی ڈیجیٹل پر پیش کیے جانے والے ڈرامے دل لگی کی آخری قسط ہے۔

    اے آر وائی فلمز کی پیشکش ہو من جہاں کے گانے شکر ونڈاں کو بھی پاکستانیوں نے بے شمار دفعہ سرچ کیا اور اسے دیکھا۔

    یہ فہرست میں آٹھویں نمبر پر شامل ہے۔ اس گانے کے رقص کے انداز بے حد مشہور ہوئے تھے اور فاروق ستار سمیت کئی معروف شخصیات نے اس گانے کے اسٹیپس کا مظاہرہ کیا تھا۔

    فہرست میں پانچویں نمبر پر ویسٹ انڈیز کرکٹ ٹیم کے کھلاڑی ڈی جے براوو کا گایا ہوا گانا چیمپئن جبکہ دوسرے نمبر پر طاہر شاہ کا گانا اینجل موجود ہے۔

    واضح رہے کہ پاکستان میں یوٹیوب پر کافی عرصہ تک پابندی عائد رہی تاہم رواں برس جنوری میں اس پابندی کو ختم کردیا گیا تھا اور پاکستان میں یوٹیوب سروس کو بحال کردیا گیا تھا۔