ARYNews.tv | Urdu – Har Lamha Bakhabar

Tag: ویڈیو جاری

  • شہید قرار دیے گئے ایران کے اعلیٰ فوجی جنرل زندہ نکلے، ویڈیو جاری

    شہید قرار دیے گئے ایران کے اعلیٰ فوجی جنرل زندہ نکلے، ویڈیو جاری

    شہید قرار دیے گئے ایران کی القدس فورس کے سربراہ کمانڈر جنرل اسماعیل قاآنی زندہ نکلے، ان کی عوامی سطح پر موجودگی کی ویڈیوز سامنے آ گئی ہیں۔

    ایران کی القدس فورس کے سربراہ بریگیڈیئر جنرل اسماعیل قاآنی کی مبینہ شہادت سے متعلق افواہوں کے بعد ان کی ایک ویڈیو منظر عام پر آئی ہے جس میں انہیں ایرانی لوگوں سے ملتے ہوئے دیکھا جاسکتا ہے۔

    ایران کے اتحادی گروپوں سے وابستہ متعدد میڈیا اداروں، بشمول حوثی گروپ کے المنار ٹی وی نے بھی یہ فوٹیج نشر کی ہے، جبکہ الجزیرہ نے بھی اس خبر کو رپورٹ کیا ہے جس میں اسماعیل قاآنی کو تہران میں ریلی کے شرکاء کے درمیان دیکھا گیا۔

    یاد رہے کہ نیویارک ٹائمز نے جنگ کے اوائل میں ذرائع کا حوالہ دیئے بغیر اطلاع دی تھی کہ قاآنی اسرائیلی حملوں میں شہید ہونے والے ایرانی فوجی رہنماؤں میں شامل تھے، یہاں تک کہ ایرانی میڈیا نے بھی شہداء میں ان کی تصویر شامل کر لی تھی۔

    تاہم اب لوگوں کے درمیان ان کی موجودگی کی یہ ویڈیوز درست ثابت ہوئیں تو ان کی شہادت سے متعلق پھیلائی گئی خبر جھوٹی ثابت ہوجائے گی۔

    یہ پہلی بار نہیں ہے کہ اسرائیلی حملے میں ان کی ہلاکت کی جھوٹی اطلاع دی گئی ہو، اکتوبر 2024 میں ایران کے اعلیٰ فوجی جنرل  سے متعلق کہا جاتا تھا کہ وہ بیروت پر ایک اسرائیلی حملے میں مارے گئے تاہم یہ خبر بھی جھوٹی نکلی تھی۔

    خیال رہے کہ جنرل اسماعیل قاآنی کو 2020 میں کمانڈر جنرل قاسم سلیمانی کے امریکی حملے میں شہید ہونے کے بعد انہیں القدس فورس کا سربراہ مقرر کیا گیا تھا، القدس فورس، ایرانی پاسداران انقلاب کی بیرون ملک عسکری کارروائیوں کی نگران شاخ ہے۔

    ایران اسرائیل کشیدگی سے متعلق تمام خبریں

    ایران کی وزارت صحت کے مطابق گزشتہ 12 روزہ جنگ کے دوران اسرائیلی فوج کے حملوں میں 610 افراد شہید ہوئے جن میں 2 ماہ کے کم عمر بچے سمیت 13 بچے شامل تھے، اس کے علاوہ 49 خواتین بھی جان کی بازی ہار گئیں۔

    یاد رہےکہ گزشتہ 12 روز سے اسرائیل کی جانب سے ایران پر حملوں کا سلسلہ جاری تھا تاہم آج امریکا اور قطر کی ثالثی میں ایران اور اسرائیل نے جنگ بندی پر اتفاق کیا۔

  • حسن نصراللہ کو فضائی حملے میں شہید کرنے کی ویڈیو جاری کردی گئی

    حسن نصراللہ کو فضائی حملے میں شہید کرنے کی ویڈیو جاری کردی گئی

    اسرائیل نے لبنانی مزاحمتی تنظیم حزب اللہ کے شہید سربراہ سید حسن نصر اللہ کو بمباری میں شہید کرنے کی ویڈیو جاری کردی ہے۔

    بین الاقوامی خبر رساں ادارے کی رپورٹ کے مطابق اسرائیلی فوج نے مذکورہ ویڈیو شہید سربراہ حسن نصراللّٰہ اور سیکریٹری جنرل ہاشم صفی الدین کی نمازِ جنازہ کی ادائیگی کے ایک روز بعد جاری کی ہے۔

    اسرائیل کی جانب سے جاری کی گئی ویڈیو میں د یکھا جاسکتا ہے کہ ایک لڑاکا طیارہ بیروت پر بم گرا رہا ہے اور متعدد دھماکے ہورہے ہیں۔

    واضح رہے کہ لبنان کی مزاحمتی تنظیم حزب اللہ کے شہید رہنما کی نماز جنازہ میں ہزاروں افراد نے شرکت کی جن میں سے اکثر سیاہ لباس میں ملبوس، حسن نصر اللہ کی تصاویر اور جھنڈے لہراتے ہوئے نظر آئے۔

    تین دہائیوں سے زیادہ عرصے تک تنظیم سے منسلک اور سربراہی کرنے والے حسن نصراللّٰہ کی شہادت سے حزب اللہ کو شدید دھچکا پہنچا۔

    اسرائیل نے غزہ پر حملے کی تیاری شروع کر دی

    حزب اللہ کئی دہائیوں سے ملکی سیاست میں بھی اہم کردار ادا کر رہی ہے اور اسے طویل عرصے سے ملک کی اکثریتی شیعہ مسلم کمیونٹی کی حمایت حاصل ہے۔

    لبنان کے مختلف شہروں سے ہزاروں افراد بشمول خواتین اور بچے سخت سردی میں پیدل چل کر تقریب کے مقام پر پہنچے۔ یاد رہے کہ حسن نصراللّٰہ کو ایک بڑے اسرائیلی حملے میں شہید کیا گیا تھا۔

  • ’’قذافی اسٹیڈیم کی نئی لُک‘‘، پی سی بی نے خوبصورت ویڈیو جاری کر دی

    ’’قذافی اسٹیڈیم کی نئی لُک‘‘، پی سی بی نے خوبصورت ویڈیو جاری کر دی

    آئی سی سی چیمپئنز ٹرافی کے لیے تیار کیے جا رہے قذافی اسٹیڈیم کی ویڈیو پی سی بی نے ’قذافی اسٹیڈیم کی نیو لُک‘ کے نام سے جاری کر دی ہے۔

    پاکستان 29 سال بعد آئی سی سی ٹورنامنٹ کی میزبانی کر رہا ہے اور چیمپئنز ٹرافی کا آغاز 19 فروری سے ہو رہا ہے۔ اس ایونٹ کے شایان شان انعقاد کے لیے پی سی بی کی جانب سے کراچی، پنڈی اور لاہور کے اسٹیڈیمز کی شاندار تعمیر نو اور تزئین وآرائش کی گئی جو اب تکمیل کے قریب ہے۔

    گزشتہ روز پاکستان کرکٹ بورڈ (پی سی بی) نے قذافی اسٹیڈیم کی اپ گریڈیشن سے متعلق ایک دلکش ویڈیو جاری کی جس میں اسٹیڈیم ایک منفرد نظارہ پیش کر رہا ہے۔

    پی سی بی کی جانب سے ویڈیو کے ساتھ کیپشن دیا گیا ہے کہ ’’شاندار قذافی اسٹیڈیم کی نیو لُک، یہ دلکش منظر دیکھنے کے بعد آپ کن الفاظ کا انتخاب کریں گے، ہم سہ ملکی سیریز اور چیمپئینز ٹرافی کیلئے شائقین، آفیشلز اور ٹیموں کو خوش آمدید کہنے کا انتظار نہیں کرسکتے‘‘۔

    یہ ویڈیو دیکھ کر شائقین کرکٹ خوش تو طنز کے تیر برسانے والا بھارتی میڈیا اور بی سی سی آئی چونک گیا ہے۔

    واضح رہے کہ بی سی سی آئی جس کو پہلے ہی آئی سی سی چیمپئنز ٹرافی کی میزبانی پاکستان کو ملنا ہضم نہیں ہو رہی تھی۔ بھارتی میڈیا بھی اپنے بورڈ کی ہمنوانی میں ایونٹ کو سبوتاژ کرنے کے لیے اسٹیڈیمز کی تیاریوں سے متعلق منفی خبریں چلا رہا تھا لیکن اس ویڈیو نے ان کے شرمناک کردار کی ایک بار پھر پول کھول دی ہے۔

    https://urdu.arynews.tv/viral-video-champions-trophy-giant-statue-installed-at-the-entrance-of-gaddafi-stadium/

  • یحییٰ سنوار کی شہادت سے قبل مزاحمت، اسرائیل نے ویڈیو جاری کر دی

    یحییٰ سنوار کی شہادت سے قبل مزاحمت، اسرائیل نے ویڈیو جاری کر دی

    اسرائیلی فوج کی جانب سے گزشتہ روز سے ہی حماس کے حال ہی میں منتخب ہونے والے نئے سربراہ یحییٰ سنوار کی شہادت کا دعویٰ سامنے آرہا ہے، تاہم اب اسرائیلی فوج کی جانب سے شہادت سے قبل آخری لمحات کی مبینہ ویڈیو جاری کی گئی ہے۔

    بین الاقوامی خبر رساں ادارے کی رپورٹ کے مطابق اسرائیلی دفاعی فورس نے غزہ کی ایک عمارت کے ملبے کے ڈھیر کے بیچوں بیچ سے ڈرون کی فوٹیج جاری کی ہے۔

    اسرائیلی فوج کی جانب سے جاری کی گئی ڈرون فوٹیج میں دیکھا جا سکتا ہے کہ بم باری کے سبب تباہ ہونے والی عمارت کے ملبے کے ڈھیر کے درمیان ایک شخص اکیلا شدید زخمی حالت میں مزاحمت کررہا ہے۔

    ویڈیو میں یہ بھی دیکھا جاسکتا ہے کہ زخمی شخص دھول مٹی سے اٹا ہوا ایک صوفے پر بیٹھا ہوا ہے جبکہ اس کا سر اور چہرہ لپٹے ہوئے کپڑے سے چھپا ہوا ہے۔

    واضح رہے کہ اسرائیلی فوج کی جانب سے جاری کی گئی ویڈیو میں دکھائی دینے والا شخص کون ہے؟ اس حوالے سے کچھ واضح طور پر نہیں کہا جاسکتا، مگر اسرائیلی میڈیا کی جانب سے دعویٰ کیا جارہا ہے کہ مذکورہ شخص حماس کے سربراہ یحییٰ سنوار ہیں اور مذکورہ ویڈیو ان کی شہادت سے قبل آخری لمحات کی ہے۔

    اسرائیلی فوج کے ترجمان ڈینیئل ہگاری کے مطابق ویڈیو میں دیکھنے جانے والے جنگجو کی شناخت حماس رہنماء کے طور پر ہوئی ہے، عمارت پر مزید بم برسائے گئے تھے، جس کے بعد وہ مکمل طور پر تباہ ہو گئی اور حماس کے نئے رہنماء شہید ہوگئے۔

    ترجمان اسرائیلی فوج نے بتایا کہ ان کے قبضے سے ایک بلٹ پروف جیکٹ، دستی بم اور 10 ہزار 707 ڈالرز برآمد کرلئے گئے ہیں، اُنہوں نے شہادت سے قبل عمارت میں اکیلے پناہ لی تھی۔

    اسرائیلی فوج کے ترجمان نے میڈیا کو بتایا کہ اسرائیلی فوج نے علاقے کو ڈرون کی مدد سے اسکین کیا ہے، اسکین فوٹیج میں شہادت سے قبل زخمی حماس رہنماء کو عمارت کے اندر جاتے اور باہر آتے دیکھا جاسکتا ہے، جس کے بعد اسرائیلی بم باری کے نتیجے میں وہ شدید زخمی ہوگئے۔

    اسرائیل کا ایک بار پھر یحییٰ السنوار کو شہید کرنے کا دعویٰ

    ترجمان کے مطابق حماس رہنماء نے ہار نہ مانی اور دو گرنیڈ پھینکے، جن میں سے 1 پھٹ گیا جبکہ ایک اور اسرائیلی حملے میں انہیں شہید کردیا گیا۔

  • کچے کے ڈاکوؤں نے مغوی پولیس اہلکار کی ویڈیو جاری کر دی

    کچے کے ڈاکوؤں نے مغوی پولیس اہلکار کی ویڈیو جاری کر دی

    صادق آباد: کچے کے ڈاکوؤں نے مغوی پولیس اہلکار احمد نواز کی ویڈیو جاری کر دی، جس میں اہلکار نے ڈی پی او سے رہائی کیلئے اقدامات کی اپیل کی ہے۔

    تفصیلات کے مطابق صادق آباد میں کچے کے ڈاکوؤں نے لیاقت پور ماچھکہ واقعے کے مغوی کانسٹیبل احمدنواز کی ویڈیوجاری کردی۔

    ویڈیو میں مغوی احمد نواز نے کہا مجھے ڈاکوؤں سے بچایا جائے، اگرڈاکوؤں کےمطالبات پورےنہ کیے گئے تویہ مجھے قتل کردیں گے۔

    دوسری جانب ماچھکہ واقعے میں اغوا ہونے والے کانسٹیبل کا مقدمہ پولیس نے ڈاکوؤں کے خلاف درج کرلیا ہے۔

    انسپکٹرامجدرشید کی مدعیت میں تھانہ ماچھکہ میں مقدمہ درج کیا گیا،پولیس کے مطابق مقدمے میں دہشت گردی، اغوا سمیت متعدد دفعات شامل کی گئی ہیں۔

    ایف آئی آر کے مطابق ڈاکوجاتے ہوئے کانسٹیبل احمد نواز کو اغوا کر کے لے گئے تھے۔

    خیال رہے مغوی اہلکار کے اہلخانہ نے گزشتہ روز لیاقت پورپریس کلب کے سامنے احتجاج کیا تھا۔

  • کچے کے ڈاکوؤں نے مغوی جیل پولیس اہلکار اور اس کے والد کی ویڈیو جاری کر دی

    کچے کے ڈاکوؤں نے مغوی جیل پولیس اہلکار اور اس کے والد کی ویڈیو جاری کر دی

    شکارپور: کچے کے ڈاکوؤں نے مغوی جیل پولیس اہلکار فیروز اور اس کے والد کی ویڈیو جاری کر دی۔

    تفصیلات کے مطابق کچے میں ڈاکوؤں کا راج بدستور قائم ہے، ڈاکوؤں کے ہاتھوں اغوا کیے گئے جیکب آباد کے رہائشی جیل پولیس اہلکار اور اس کے والد کو 13 روز بعد بھی بازیاب نہیں کرایا جا سکا۔

    کچے کے ڈاکوؤں نے مغوی اہلکار فیروز بروہی اور اس کے والد سہیل بروہی کی ویڈیو بھی جاری کر دی، جس میں مغوی نے بتایا کہ ان پر تشدد کیا جا رہا ہے، اور 13 روز ہو گئے ابھی تک انھیں رہا نہیں کرایا جا سکا۔

    جیل پولیس کے مغوی اہلکار نے کہا ’’آئی جی سندھ سے اپیل کرتا ہوں ہمیں بازیاب کرایا جائے۔‘‘ پولیس حکام کا کہنا ہے کہ ڈاکوؤں نے اہلکار فیروز بروہی اور اس کے والد کو تیرہ روز قبل اغوا کیا تھا۔

    ادھر ورثا کا کہنا ہے کہ ڈاکوؤں نے مغویوں کی رہائی کے لیے 70 لاکھ روپے تاوان طلب کیا ہے۔

    دوسری طرف پولیس اور رینجرز اندرون سندھ کچے کے علاقے میں مشترکہ کارروائیاں کر رہے ہیں، اور کشمور کے علاقے اعوان محلہ سے 2 ملزمان کو گرفتار کر لیا گیا ہے، ملزم شاہد اور شعیب سے پستول، 30 راؤنڈز، 4 لاکھ سے زائد رقم برآمد ہوئی، بتایا گیا ہے کہ یہ ملزمان گھنٹہ گھر مارکیٹ میں دکان سے لوٹ مار کے بعد فرار ہو گئے تھے۔

  • حماس نے میدان جنگ میں تازہ کارروائی کی ویڈیو جاری کردی

    حماس نے میدان جنگ میں تازہ کارروائی کی ویڈیو جاری کردی

    فلسطین کی مزاحمتی تحریک حماس کے عسکری ونگ القسام بریگیڈز نے میدان جنگ میں کارروائی کے دوران اسرائیلی فوجی ٹینک کو تباہ کرنے کی نئی ویڈیو جاری کی ہے۔

    غیر ملکی ذرائع ابلاغ کے مطابق غزہ میں اسرائیلی فوج کی بربریت کا سلسلہ تھمنے کا نام نہیں لے رہا، جبکہ اسرائیلی فوج کی جانب سے عام شہریوں اور طبی مراکز کو نشانہ بنانے کا سلسلہ جاری ہے۔

    ایسی صورتحال میں فلسطین کی مزاحمتی تحریک حماس کے عسکری ونگ القسام بریگیڈز کی جانب سے اسرائیلی فوج کو سخت مزاحمت کا سامنا بھی کرنا پڑ رہا ہے۔

    القسام بریگیڈز کی جانب سے نئی جاری کی جانے والی ویڈیو میں کئی اسرائیلی ٹینکوں اور گاڑیوں کو انتہائی قریب سے نشانہ بناکر کر نیست و نابود کرتے دکھایا گیا ہے۔

    حماس میڈیاکا اس حوالے سے کہنا ہے کہ غزہ میں ٹینک کے پیچھے چھپے کئی اسرائیلی فوجی راکٹوں کا نشانہ بنے جبکہ عمارتوں میں بھی چھپے اسرائیلی فوجیوں کو حماس کے اسنائپر نے نشانہ بنایا۔

    اس سے قبل حماس نے اسرائیلی اسیران کی ویڈیو جاری کی تھی جس میں وہ اپنی رہائی کے لیے اسرائیلی حکومت سے التجا کر رہے ہیں۔

    حماس کے مسلح ونگ کی جانب سے ٹیلی گرام پر پوسٹ کی گئی ایک ویڈیو میں، 79 سالہ ہائیم بیری کا کہنا ہے کہ بزرگ اسیران کو دائمی بیماریاں ہیں اور وہ ”انتہائی سخت حالات میں زندگی گزار رہے ہیں۔

    بیری نے مزید کہا کہ اسیران ”اسرائیلی فضائی حملوں کے براہ راست نتیجے میں ”ہلاک نہیں ہونا چاہتے۔

    انہوں نے کہا کہ ہمیں سمجھ نہیں آ رہی کہ ہمیں یہاں کیوں چھوڑ دیا گیا ہے آپ کو ہمیں رہا کرنا ہوگا۔۔اس کی قیمت سے کوئی فرق نہیں پڑتا۔

  • القسام بریگیڈز نے اسرائیلی ٹینکوں کو تباہ کرنے کی نئی ویڈیو جاری کر دی

    القسام بریگیڈز نے اسرائیلی ٹینکوں کو تباہ کرنے کی نئی ویڈیو جاری کر دی

    فلسطین کی مزاحمتی تنظیم حماس کے عسکری ونگ القسام بریگیڈز کی جانب سے غزہ میں مظالم ڈھانے والے اسرائیلی ٹینکوں کوتباہ کرنے کی نئی ویڈیو جاری کر دی گئی ہے۔

    غزہ میں اسرائیلی فوج کی جانب سے مسلسل بمباری اور عالمی قوانین کی خلاف ورزیوں کا سلسلہ جاری ہے، اسرائیلی افواج عام شہریوں اور طبی مراکز کو نشانہ بنانے میں مصروف ہے۔

    القسام بریگیڈز نے اسرائیلی فوج پر حملوں کی نئی ویڈیو جاری کردی ہے جس میں القسام کے جنگجوؤں کو اسرائیلی ٹینکوں اور فوجیوں پر حملہ کرتے دیکھا جاسکتا ہے۔

    فلسطینی میڈیا کا کہنا ہے کہ القسام بریگیڈز نے اسرائیلی ٹینکوں کو انتہائی قریب سے راکٹ کا نشانہ بنایا ہے، حملے کے بعد اسرائیلی ٹینکوں میں آگ بھڑک اُٹھی۔

    دوسری جانب غزہ میں اسرائیلی فوج کی جانب سے شدید بمباری کا سلسلہ جاری ہے، جس کے نتیجے میں 200 فلسطینی شہید ہوگئے۔

    رپورٹ کے مطابق شہداء کی مجموعی تعداد 18 ہزار 200 ہوگئی ہے جبکہ 50 ہزار سے زائد زخمی ہیں، جنہیں طبی سہولیات بھی میسر نہیں۔

    رپورٹس میں بتایا گیا ہے کہ اسرائیلی فوج نے غزہ سے درجنوں افراد کو اغواء بھی کرلیا ہے۔

    ترجمان القسام بریگیڈ کے مطابق انہوں نے تل ابیب پر میزائلوں سے حملہ کیا ہے۔ جبکہ خان یونس کے شمالی محاذ پر دو اسرائیلی ٹینکوں کو راکٹوں سے نشانہ بنایا گیا۔

  • حماس کے 100سے زائد ٹھکانوں کو تباہ کرنے کا اسرائیلی دعویٰ

    حماس کے 100سے زائد ٹھکانوں کو تباہ کرنے کا اسرائیلی دعویٰ

    یروشلم : اسرائیلی خفیہ ایجنسی موساد نے دعویٰ کیا ہے کہ اس نے حماس کے ایک سو سے زائد اہداف کو نشانہ ہے جس کے نتیجے میں ایک حماس کارکن بھی مارا گیا۔

    اسرائیلی خفیہ ایجنسی موساد نے سماجی رابطے کی سائٹ ایکس پر ویڈیو جاری کی ہے جس میں دعویٰ کیا جارہا ہے کہ اسرائیل نے حماس کے ایک سو سے زائد اہداف کو نشانہ بنایا ہے۔

    ایکس پر جاری ویڈیو میں دیکھا جاسکتا ہے کہ اسرائیلی فوج کی بمباری سے مذکورہ علاقہ شدید متاثر ہوا اور ہر طرف تباہی پھیل گئی۔ اسرائیل نے کہا ہے کہ اسے جلد ہی حماس کے زیر اقتدار غزہ کی پٹی میں زمینی کارروائی کا حکم مل جائے گا۔

    اسرائیلی اخبار ٹائمز آف اسرائیل کے مطابق گزشتہ رات غزہ کی پٹی پر حماس کے سو سے زائد ٹھکانوں کو نشانہ بنایا گیا، جس میں حماس کارکن امجد مجید محمد ابو عودہ بھی مارا گیا ہے۔

    اخبار کے مطابق امجد مجید محمد ابو عودہ سات اکتوبر کواسرائیل پر کیے گئے حملے میں ملوث تھا۔ آئی ڈی ایف نے حماس کے زیرِ استعمال ایک زیر زمین سرنگ، ہتھیاروں کا ایک گودام اور درجنوں کمانڈ سینٹرز سمیت جبالیہ کے قریب ایک مسجد کو بھی نشانہ بنایا ہے۔ صیہونی افواج کا دعویٰ ہے کہ مسجد حماس جنگجوؤں کے زیرِ استعمال تھی۔

  • خلیج میں موجود امریکی بیڑے سے ایران کے خلاف کارروائی کی تیاری کی ویڈیو جاری

    خلیج میں موجود امریکی بیڑے سے ایران کے خلاف کارروائی کی تیاری کی ویڈیو جاری

    واشنگٹن : امریکی حکام نے خلیج میں موجود بحری بیڑے جنگی طیاروں کی ایران کے خلاف ممکنہ کارروائی کے لیے ریہرسل جاری کردی۔

    تفصیلات کے مطابق ایران اور امریکا کے درمیان حالیہ ایام میں پیدا ہونے والی کشیدگی کے بعد کسی بھی صورت حال سے نمٹنے کے لیے امریکی جنگی بیڑا خلیجی پانیوں میں پہنچ گیا ہے۔

    غیر ملکی خبر رساں ادارے کا کہنا تھا کہ فوٹیج کے مناظر میں بحری بیڑے پرموجود امریکی جنگی طیاروں کی ممکنہ کارروائی کے لیے ریہرسل دیکھی جاسکتی ہے۔

    غیر م،لکی خبر رساں ادارے کا کہنا تھا کہ امریکی بحری بیڑے پر جنگی تیاریوں کے انتظامات کی تصدیق کے لیے ایک فوٹیج جاری کی گئی ہے۔

    فوٹیج کے مناظر میں بحری بیڑے پر موجود امریکی جنگی طیاروں کی ممکنہ کارروائی کے لیے ریہرسل دیکھی جاسکتی ہے۔

    ابراہیم لنکن طیارہ بردار بحری بیڑے پر جنگی طیارے اڑان بھرتے اور اترتے دیکھے جاسکتے ہیں،خیال رہے کہ امریکی جنگی طیاروں ‘نیمیٹز’کا حامل امریکی بحری بیڑہ جمعات کو بحیرہ روم عبور کرکے نہرسویز میں داخل ہوا تھا۔

    یاد رہےکہ دو روز قبل امریکا نے ایران کی مبیّنہ دھمکیوں کے توڑ کے لیے مشرقِ اوسط میں طیارہ بردار بحری بیڑا بھیجنے کے بعد اب مزید چار بمبار طیارے بھیجنے کا اعلان کیا تھا۔

    غیر ملکی خبر رساں ادارے کا کہنا تھا کہ ان طیاروں کو اڑانے اور ان کی مرمت اور دیکھ بھال پر مامور عملہ بھی مشرقِ اوسط روانہ کرنے کا اعلان کیا گیا تھا۔