ARYNews.tv | Urdu – Har Lamha Bakhabar

Tag: ویڈیو سامنے آگئی

  • ترکیہ: آیا صوفیہ مسجد کو آگ لگانے کی کوشش، ویڈیو سامنے آگئی

    ترکیہ: آیا صوفیہ مسجد کو آگ لگانے کی کوشش، ویڈیو سامنے آگئی

    ترکیہ میں تاریخی اہمیت کی حامل آیا صوفیہ مسجد میں پیش امام کی بروقت کارروائی کے باعث آگ لگانے کی کوشش ناکام ہوگئی۔

    غیر ملکی ذرائع ابلاغ کے مطابق پولیس نے فوری طور پر کارروائی کرتے ہوئے ملزم کو گرفتار کرلیا ہے جبکہ مذکورہ واقعے کی سی سی ٹی وی فوٹیج بھی سوشل میڈیا پر گردش کررہی ہے۔

    ترک میڈیا کا کہنا ہے کہ یہ واقعہ 11 جولائی کی رات پیش آیا، ویڈیو میں دیکھا جاسکتا ہے کہ ایک مشتبہ فرد نماز کے اختتام پر آیا صوفیہ مسجد میں داخل ہوا اور منبر کے بجائے مسجد کے ستونوں کے پیچھے چلا گیا، جہاں اس نے کاغذات رکھ کر ان پر آگ لگا دی۔

    اس دوران ایک خاتون نے دھواں اُٹھتا ہوا دیکھ کر امام کو مطلع کیا، جنہوں نے جلتا ہوا قالین فوراً ہٹا دیا جس سے 1500 سال پرانی تاریخی مسجد کو بڑے نقصان سے بچا لیا گیا۔

    رپورٹس کے مطابق سیکیورٹی اہلکاروں نے موقع پر پہنچ کر ملزم کو گرفتار کرلیا۔

    سیکیورٹی ذرائع کا کہنا ہے کہ ملزم کے قبضے سے آتش گیر مواد بھی برآمد ہوا ہے، ملزم کو پولیس کے حوالے کر دیا گیا ہے اور تفتیش شروع کردی گئی ہے۔

    آیا صوفیہ: ڈیڑھ صدی پرانی چند تصاویر

    مذکورہ معاملہ سامے آنے کے بعد مسجد کی سیکیورٹی میں مزید اضافہ کردیا گیا ہے، تاکہ مستقبل میں ایسے کسی بھی ناخوشگوار واقعے سے محفوظ رہا جاسکے۔

  • شہری 80 لاکھ سے محروم، ڈکیتی کی ویڈیو سامنے آگئی

    شہری 80 لاکھ سے محروم، ڈکیتی کی ویڈیو سامنے آگئی

    بھارت کے دہلی میں پیش آئے ایک سنسنی خیز واقعے میں شہری سے 80 لاکھ روپے نقدی سے بھرا بیگ ڈکیت با آسانی چھین کر فرار ہوگیا، جس کی ویڈیو بھی سوشل میڈیا پر گردش کررہی ہے۔

    بھارتی میڈیا رپورٹس کے مطابق ڈکیتی کا یہ واقعہ دہلی کے مشہور لاہوری گیٹ مارکیٹ علاقے میں پیش آیا، جو اپنی مصروفیت اور کاروباری سرگرمیوں کے حوالے سے جانا جاتا ہے۔

    رپورٹس کے مطابق متاثرہ شخص جب لاہوری گیٹ مارکیٹ میں پہنچا تو اس دوران ڈکیت اس کا پیچھا کررہا تھا، متاثرہ شخص جیسے ہی ایک سنسان مقام پر پہنچا، ملزم نے پستول نکال کر اسے دھمکایا اور رقم کا بیگ چھیننے کی کوشش کی۔

    رپورٹس کے مطابق متاثرہ شخص نے بیگ دینے سے انکار کیا تو ملزم نے خوفزدہ کرنے کے لئے فائرنگ شروع کردی، اس دوران بازار میں افراتفری مچ گئی۔

    ملزم متاثرہ شخص سے 80 لاکھ روپے کا بیگ چھین کر فرار ہونے میں کامیاب ہوگیا، مذکورہ معاملہ علاقے میں لگے سی سی ٹی وی کیمرے میں قید ہوگیا، جس کی بنیاد پر پولیس نے مقدمہ درج کرکے تحقیقات کا آغاز کردیا ہے۔

    رپورٹس کے مطابق بھارت کے دہلی میں پولیس نے واقعے کے بعد فوراً تحقیقات شروع کردی ہیں اور علاقے میں موجود سی سی ٹی وی فوٹیج کا جائزہ لیا۔

    اسرائیل کی ماہ رمضان میں بدترین بمباری، 174 بچے شہید

    پولیس کا کہنا ہے کہ ڈکیت نے دوران واردات چہرہ ڈھانپا ہوا تھا تاکہ شناخت نہ ہو سکے، لیکن حکام کا کہنا ہے کہ سی سی ٹی وی فوٹیج کی مدد سے مجرم کی شناخت کے لیے خصوصی ٹیمیں کام کررہی ہیں۔

    پولیس کا ماننا ہے کہ یہ واردات کسی منصوبہ بندی کے تحت انجام دی گئی ہے کیونکہ ملزم نے متاثرہ شخص کا تعاقب کیا تھا، جس سے ظاہر ہوتا ہے کہ اسے پہلے سے معلوم تھا کہ متاثرہ شخص کے پاس بڑی رقم موجود ہے۔

  • عامر خان کی اپنی نئی گرل فرینڈ کے ہمراہ پہلی ویڈیو سامنے آگئی

    عامر خان کی اپنی نئی گرل فرینڈ کے ہمراہ پہلی ویڈیو سامنے آگئی

    بھارتی انڈسٹری کے معروف سینئر اداکار مسٹر پرفیکشنٹ عامر خان نے حال ہی میں اپنی 60 ویں سالگرہ منائی، اس موقع پر انہوں نے اپنی دیرینہ دوست گوری سپراٹ کے ساتھ اپنے رشتے کی تصدیق کی۔

    انٹرنیٹ پر اس خبر کے بعد گوری کے حوالے سے صارفین اور مداحوں میں بے حد تجسس اور چہ میگوئیوں میں اضافہ ہوگیا ہے کہ آخر گوری ہیں کون؟

    گوری کی عامر خان کے ساتھ فوٹو اینڈ ویڈیو شیئرنگ ایپ انسٹاگرام پر ممبئی میں پہلی پبلک اپیرئنس کی وائرل ویڈیو نے مداحوں کی بے چینی میں مزید اضافہ کردیا ہے۔

    انسٹاگرام پر وائرل ہونے والی ویڈیو میں دیکھا جاسکتا ہے کہ عامر خان کی گرل فرینڈ گوری سپراٹ سادہ لباس میں ملبوس ہیں، انہوں نے سفید ٹاپ اور خاکی پینٹس کے ساتھ سن گلاسز پہنے ہوئے ہیں۔

     

    View this post on Instagram

     

    A post shared by Pinkvilla (@pinkvilla)

    ممبئی میں ایکسپل آفس کے باہر گوری اور عامر کو پاپارازی نے اپنے کیمرے میں قید کرلیا، جہاں وہ عامر کی موجودگی میں گاڑی میں سوار ہورہی ہیں۔

    اس موقع پر گوری نے میڈیا سے بچنے کی کوشش بھی کی تاہم کیمرے کی نظروں سے نہ بچ پائیں۔

    واضح رہے کہ مسٹر پرفیکشنسٹ کو بظاہر دو ناکام شادیوں کے بعد اپنی تیسری جیون ساتھی مل گئیں ہیں، جس نے سب کو حیران کردیا ہے۔

    انہوں نے اپنی گرینڈ سالگرہ سے پہلی اپنی نئی گرل فرینڈ کا اعلان کیا تھاجس سے پوری انڈسٹری میں کھلبلی مچ گئی۔

    بھارتی میڈیا کے مطابق عامر خان نے اپنی نئی گرل فرینڈ گوری سپراٹ کو متعارف کرواتے ہوئے کچھ ایسا عندیہ دیا جس سے لگتا ہے کہ اداکار تیسری شادی کرنے جا رہے ہیں۔

    خان نے اپنی 25 سال پرانی دوست گوری سپراٹ سے میڈیا کو ملوایا تھا اور بتایا کہ یہ میری پرانی دوست ہیں، جب ہم ملے تو سنگل تھے لیکن اب ہمارے بچے جوان ہوگئے ہیں۔

    عامر خان اپنی نئی گرل فرینڈ سے شادی کررہے ہیں؟ اداکار نے بتادیا

    اداکار نے مزید کہا تھا کہ اب ہم پارٹنرز ہیں اور 18 ماہ سے ایک ساتھ ہیں، ہم ایک دوسرے کے لیے بہت سنجیدہ اور پرعزم ہیں، میں نے انہیں سلمان خان اور شاہ رخ خان سے بھی ملوایا ہے۔

  • آگ لگنے سے ایک ہی خاندان کے 3 افراد ہلاک، ویڈیو سامنے آگئی

    آگ لگنے سے ایک ہی خاندان کے 3 افراد ہلاک، ویڈیو سامنے آگئی

    بھارت میں حیدرآباد شہر کے مضافاتی علاقہ پوپال گوڑہ میں ایک اپارٹمنٹ کی گراؤنڈ فلور پر واقع گروسری شاپ میں شارٹ سرکٹ کے باعث اچانک خوفناک آگ بھڑک اُٹھی، جس نے گھر کو بھی اپنی لپیٹ میں لے لیا، جس کی ویڈیو بھی سوشل میڈیا پر گردش کررہی ہے۔

    بھارتی میڈیا رپورٹس کے مطابق دکان میں لگی آگ قریب ہی کھڑی گاڑیوں تک پھیل گئی اور عمارت کی پہلی منزل تک پہنچ گئی۔ اس دوران پہلی منزل پر موجود ایک فلیٹ میں موجود دو سلنڈرآگ کے باعث پھٹ گئے۔

    رپورٹس کے مطابق آگ کے باعث جمیلا خاتون، شاہنہ خاتون، سال اور سجرہ خاتون گھر میں پھنس گئی تھیں۔ انہیں وہاں سے نکال کر اسپتال منتقل کیا گیا مگر وہ جانبر نہ ہوسکیں۔

    فائر بریگیڈ کی ٹیم آگ لگنے کی اطلاع ملتے ہی فوراً مقام واقعہ پر پہنچی اور بھڑکتی ہوئی آگ پر قابو پایا۔

    اس سے قبل بھی بھارت کی ریاست تلنگانہ کے ضلع نظام آباد کے رنجل منڈل میں دلخراش واقعہ رونما ہوا، جہاں ایک ہی خاندان کے تین افراد کرنٹ لگنے سے جان کی بازی ہار گئے۔

    ساٹاپور گاؤں سے تعلق رکھنے والے گنگا رام اس کی اہلیہ بالا منی اور بیٹا کشن جنگلی جانوروں کو پکڑنے کے لیے جنگل گئے تھے، اسی دوران کھیتوں کے قریب کرنٹ کی تار سے چھو جانے کے سبب تینوں موقع پر ہی اپنی جان گنوا بیٹھے۔

    پولیس واقعہ کی اطلاع ملتے ہی موقع پر پہنچ گئی نعشوں کو پوسٹ مارٹم کے لیے بودھن اسپتال منتقل کردیا گیا اور تحقیقات شروع کردی گئی ہیں۔

    ابتدائی تحقیقات میں معلوم ہوا ہے کہ پیگڑا پلی کے مضافات میں کھیتوں کے قریب یہ برقی تار لگائے گئے تھے۔ تاہم پولیس مزید تفصیلات اکٹھی کر رہی ہے اور حادثے کے اصل حقائق جاننے کی کوشش کررہی ہے۔

  • میونخ میں اسرائیلی قونصل خانے میں گولی چلانے والے کی ویڈیو سامنے آگئی

    میونخ میں اسرائیلی قونصل خانے میں گولی چلانے والے کی ویڈیو سامنے آگئی

    جرمنی کے شہر میونخ میں اسرائیلی قونصل خانے کے قریب مشتبہ لڑکے کی جانب سے گولی چلانے کی ویڈیو سامنے آگئی۔

    میونخ میں اسرائیلی قونصل خانے میں گولی چلانے والے کی ویڈیو آگئی، فوٹیج میں شوٹر کو میونخ میں اسرائیلی قونصل خانے کے قریب دکھایا گیا، شوٹر کی شناخت عمراہ اے کے نام سے ہوئی ہے۔

    فوٹیج میں شوٹر کے ہاتھ میں ایک لکڑی کے ہینڈل والا ہتھیار، جس کے بارے میں خیال کیا جاتا ہے کہ ایک ماؤزر ریپیٹنگ رائفل ہے، بھی دیکھا گیا ہے، شوٹر کو گہرے رنگ کی شرٹ اور میرون پینٹ پہنے فٹ پاتھ پر بھاگتے ہوئے دیکھا گیا تھا۔

    رپورٹ کے مطابق فائرنگ کرنے والے شوٹر کی عمر 18 سال بتائی جارہی ہے، شوٹر نے میونخ دستاویزی مرکز سے محض چند میٹر کے فاصلے پر واقع اسرائیلی قونصل خانے کی عمارت کے قریب پولیس اسٹیشنوں پر فائرنگ کی تھی۔

     باویریا کے وزیر داخلہ یوآخم ہرمن نے تصدیق کی کہ نوجوان کو مسلح اہلکاروں نے گولی ماری اور بعد میں زخموں کی تاب نہ لاتے ہوئے وہ دم توڑ گیا تھا تاہم اس حملے میں کوئی زخمی نہیں ہوا۔

    خیال رہے کہ یہ واقعہ 1972 کے میونخ اولمپکس حملوں کی برسی کے موقع پر پیش آیا ہے۔

    5 ستمبر 1972 کو ہونے والے میونخ اولمپکس حملوں میں 11 اسرائیلی ایتھلیٹس مارے گئے تھے، حملوں میں جرمن پولیس کا ایک اہلکار اور 5 فلسطینی حملہ آور بھی ہلاک ہوئے تھے۔