پاکستان شوبز انڈسٹری کے معروف اداکار فہد شیخ نے سوشل میڈیا پر’ آپا شمیم‘ کے سیٹ سے نئی ویڈیو شیئر کردی ہے۔
فوٹو اینڈ شیئرنگ ایپ انسٹاگرام پر اداکار فہد شیخ نے ایک پوسٹ شیئر کی ہے جس میں انہوں نے اپنی ڈرامہ سیریل ’آپا شمیم‘ سے متعلق نئی اپڈیٹ دی ہے۔
ویڈیو میں اداکار فہد شیخ کو آپا شمیم کے ساتھ سیٹ پر دیکھا جاسکتا ہے اس دوران اداکار اپنا سین ریکارڈ کروارہے ہیں ساتھ ہی وہ کچھ کھاتے ہوئے بھی نظر آرہے ہیں۔
View this post on Instagram
یاد رہے کہ اے آر وائی ڈیجیٹل کے ڈرامہ سیریل ’آپا شمیم‘ میں فہد شیخ اور زوہا توقیر نے مرکزی کردار ادا کیا ہے، ڈرامہ شام 7 بجے اے آر وائی ڈیجیٹل پر نشر کیا جاتا ہے۔
ڈرامہ سیریل ’آپا شمیم‘ میں فائزہ حسن، فہد شیخ، منور سعید، سلیم شیخ، زوہا توقیر، راحت غنی، نوین نقوی، سجاد پال، صباحت بخاری، ماہم عامر، احمد رندھاوا ودیگر اداکاری کے جوہر دکھائیں گے۔
’آپا شمیم‘ کی ہدایت کاری کے فرائض ذیشان علی زیدی نے انجام دیے ہیں جبکہ اس کی کہانی اسما سیانی نے لکھی ہے۔
