ARYNews.tv | Urdu – Har Lamha Bakhabar

Tag: ویڈیو وائرل

  • ہوٹل میں کھانے کے دوران سالن میں مرا ہوا چوہا نکل آیا، ویڈیو وائرل

    ہوٹل میں کھانے کے دوران سالن میں مرا ہوا چوہا نکل آیا، ویڈیو وائرل

    ہوٹل میں کھانے کے دوران سالن میں مردہ چوہا نکل آیا، واقعے کے کریہہ ویڈیو نے سوشل میڈیا صارفین میں غم و غصے کی لہر دوڑا دی۔

    بھارتی ریاست اتر پردیش میں سڑک کے کنارے ایک ڈھابے پر کھانا کھانے والے دو آدمیوں کے لیے ایک سادہ کھانا ڈراؤنے خواب میں تبدیل ہو گیا، جب ان کے پنیر کی ڈش میں ایک مردہ چوہا نکل آیا، یہ واقعہ پیر کو بلسی قصبے کے انمول نامی ڈھابہ میں پیش آیا۔

    چونکا دینے والے واقعے کی ویڈیو سوشل میڈیا پر تیزی سے وائرل ہورہی ہے جس میں دکھایا گیا ہے کہ کھانا کھانے والے ایک شخص نے ڈش میں سالن کو ہٹانے کے لیے چمچ کا استعمال کیا۔

    تاہم اس نے جیسے ہی جمچ چلایا تو سالن کے نیچے چھپے ہوا مرا ہوا چوہا سامنے ظاہر ہوگیا، جسے دیکھ کر وہ دونوں ششدر رہ گئے۔

    مہیشوری نامی شخص جو یہ کھانا کھا رہا تھا اس نے بتایا کہ’’میں نے فوری طور پر ڈھابہ کے منتظم سے شکایت کی اور اسے مطلع کیا کہ میں پولیس میں شکایت درج کرواؤں گا۔‘‘

    بلسی کے سب ڈویژنل مجسٹریٹ (ایس ڈی ایم) پریم پال سنگھ نے تصدیق کی کہ انھوں نے بھی ویڈیو دیکھی تھی، انھوں نے بتای کہ "ہمیں ابھی تک کوئی تحریری شکایت نہیں ملی ہے، لیکن ویڈیو کی جانچ کی جا رہی ہے، تفصیلی تحقیقات کی جائیں گی۔

  • پولینڈ میں ائیرشو کی تیاری کے دوران F-16 طیارہ تباہ، ویڈیو وائرل

    پولینڈ میں ائیرشو کی تیاری کے دوران F-16 طیارہ تباہ، ویڈیو وائرل

    پولینڈ میں ائیرشو کی ریہرسل کے دوران F-16 طیارہ کریش کرگیا، حادثے میں پائلٹ ہلاک ہوگیا۔

    بین الاقوامی خبر رساں ادارے کی رپورٹ کے مطابق پولینڈ کے وسطی علاقے میں ائیر شو کی ریہرسل چل رہی تھی کہ اس دوران F-16 طیارہ اچانک کریش کرگیا، حادثے میں طیارے کا پائلٹ جان کی بازی ہار گیا۔

    پولش خبر رساں ایجنسی کے مطابق یہ طیارہ پولش فضائیہ کا حصہ تھا۔ حادثے کی ویڈیو سوشل میڈیا پر گردش کررہی ہے۔

    سوشل میڈیا پر وائرل ہونے والی ویڈیو میں دیکھا جاسکتا ہے کہ طیارے کا پائلٹ لوپ بنانے کی کوشش کر رہا تھا مگر اسے بلندی کا اندازہ نہ ہوسکا، طیارہ تیزی سے زمین کی جانب بڑھا اور ٹکرا کر دھماکے سے تباہ ہوگیا۔

    رپورٹس کے مطابق حادثے کے باعث آج سے پولینڈ میں ہونے والا ائیرشو منسوخ کر دیا گیا۔ ایونٹ میں 20 ملکوں کے 150 طیاروں کو حصہ لینا تھا۔

    واضح رہے کہ اس سے قبل امریکا میں شمالی ایریزونا میں میڈیکل ٹرانسپورٹ طیارہ گر کر تباہ ہو گیا تھا جس کے نتیجے میں طیارے میں سوار چاروں افراد جان کی بازی ہار گئے تھے، طیارے کے زمین پر گرتے ہی آگ بھڑک اٹھی اور ایئر کرافٹ جل کا خاکستر ہو گیا۔

    طیارہ حادثہ، خاتون پائلٹ کا موت سے قبل آخری پیغام وائرل

    رپورٹ کے مطابق حادثہ نیو میکسیکو کے البوکرک واقع سی ایس آئی ایوی ایشن کمپنی کا یہ طیارہ فلیگ اسٹاف سے 200 میل شمال مشرق میں چنلے ہوائی اڈے کے قریب اس وقت حادثے کا شکار ہوا جب وہ ایک مریض کو لینے کے لیے اسپتال جا رہا تھا۔ حادثے میں مرنے والے چاروں افراد کا تعلق طبی عملے سے تھا۔

  • ڈرونز کے ذریعے ماؤنٹ ایورسٹ سے کچرا اٹھانے کی ویڈیو وائرل

    ڈرونز کے ذریعے ماؤنٹ ایورسٹ سے کچرا اٹھانے کی ویڈیو وائرل

    نیپال میں دنیا کی سب سے اونچی چوٹی ماؤنٹ ایورسٹ سے ہیوی ڈرونز کے ذریعے کچرا اٹھانے اور صفائی مہم کی ویڈیو سامنے آئی ہے۔

    ماؤنٹ ایورسٹ دنیا کی سب سے بلند چوٹی، ایک بڑے ماحولیاتی مسئلے کا شکار ہے، ہر سال ہزاروں کوہ پیما اور سیاح ایورسٹ پر آتے ہیں، جو اپنے پیچھے بڑی مقدار میں کچرا چھوڑ جاتے ہیں، جس سے اس خطے کا نازک ماحولیاتی نظام خطرے میں ہے۔

    حالیہ رپورٹس کے مطابق، ایورسٹ پر 30 سے 50 ٹن کچرا موجود ہو سکتا ہے، خاص طور پر ساؤتھ کول جیسے بلند کیمپوں پر، جہاں کچرا برف میں جما ہوا ہے۔

    تاہم  اب دنیا کی سب سے بلند چوٹی کی صفائی کی ویڈیو سامنے آئی ہے، ماؤنٹ ایورسٹ پر ہیوی ڈرونز کے ذریعے صفائی کا کام شروع کر دیا گیا ہے، انتظامیہ کا کہنا ہے کہ ہر سال چوٹی پر کچرا جمع ہو جاتا ہے مگر اس کو نیچے لے جانے کا کوئی موثر اور آسان راستہ موجود نہیں تھا اس لیے ڈرونز کا آئیڈیا اچھا ہے۔

    دو ڈی جے آئی ایف سی تھرٹی ہیوی لفٹر ڈرونز کو 6 ہزار 65 میٹر کی اونچائی پر اڑایا گیا، ڈرونز نے تقریباً 300 کلو گرام کچرا نیچے اتارا، واضح رہے عرصہ دراز سے ایورسٹ نے ’دنیا کے سب سے اونچے کوڑادان ‘ کا نام حاصل کیا ہوا ہے۔

    نیپال میں مقیم منصوبہ تیار کرنے والے ایئر لفٹ ٹیکنالوجی کے ماہر نے کہا کہ ہمارے پاس صفائی مہم کے لیے صرف ہیلی کاپٹر اور افرادی قوت کا آپشن تھا، لہذا اس مسئلے کے حل کیلئے ہم نے اپنے ہیوی لفٹ ڈرون کو کچرا اٹھانے کے لیے استعمال کرنے کا تصور پیش کیا۔

    آلودگی کنٹرول کے سربراہ کا اس حوالے سے کہنا ہے کہ صرف 10 منٹ میں ایک ڈرون اتنا کچرا اٹھا سکتا ہے جتنا 10 لوگوں کو اٹھانے میں چھ گھنٹے لگتے ہیں۔

    رپورٹ کے مطابق طاقتور ڈرونز کی قیمت تقریباً 20 ہزار ڈالر ہے، لیکن چین کے ہیڈ کوارٹر مینوفیکچرر نے کلین اپ آپریشن کو سپورٹ کرنے کیلئے ڈرونز فراہم کیے، دیگر اخراجات جزوی طور پر مقامی حکام نے برداشت کیے۔

  • شاہ رخ خان کے گھر میں داخل ہونے کیلیے ایک شخص کی انوکھی حرکت، ویڈیو وائرل

    شاہ رخ خان کے گھر میں داخل ہونے کیلیے ایک شخص کی انوکھی حرکت، ویڈیو وائرل

    بھارت کے سینئر اداکار شاہ رخ خان کی ایک جھلک دیکھنے کے لئے ان کے چاہنے آج بھی بے چین رہتے ہیں، سوشل میڈیا پر ایک ویڈیو وائرل ہورہی ہے جس میں اداکار کے گھر میں داخل ہونے کے لئے ایک شخص نے مضحکہ خیز حرکت کی۔

    بھارتی میڈیا رپورٹس کے مطابق ایک شخص نے ڈیلیوری بوائے کا روپ اختیار کر کے شاہ رخ خان کے گھر منت میں داخل ہونے کی کوشش کی۔ تاہم اس کے پیچھے اس کا کوئی برا ارادہ نہیں تھا۔

    کنٹینٹ بنانے والے نے ویڈیو میں اپنا تجربہ شیئر کیا اور یہ دیکھنے کی کوشش کی کہ کیا منت میں کھانا آن لائن ڈیلیور کیا جا سکتا ہے یا نہیں۔

     

    View this post on Instagram

     

    A post shared by Shubham Prajapat (@madcap_alive)

    ان کا مزید کہنا ہے کہ ‘گھر کا مین گیٹ میرے سامنے کھلا تھا، لیکن میں وہاں سے اندر نہیں جا سکتا تھا۔ چنانچہ میں نے کنگ خان اور اپنے لیے دو کولڈ کافیوں کا آرڈر دیا اور نام شاہ رخ خان لکھا۔ اس کے بعد ڈیلیوری بوائے بن کر صرف 5 منٹ میں آگیا۔

    پارسل لے کر منت کے سیکیورٹی گارڈ کے پاس گیا۔ تاہم مین گیٹ پر موجود گارڈ نے اسے پچھلے گیٹ کی طرف روانہ کردیا، ویڈیو کریئیٹر نے کہا کہ میں گارڈ کو یہ کہتے ہوئے سن کر حیران رہ گیا کہ پچھلے گیٹ سے جاؤ۔

    ویڈیو کرئیٹر نے کہا کہ میرا مطلب ہے کہ میں گھر کے اندر خفیہ پچھلے دروازے سے جا سکتا ہوں، مین گیٹ سے نہیں۔ پھر میں جعلی ڈیلیوری بوائے کے روپ میں اس گیٹ پر پہنچ گیا۔

    دپیکا پڈوکون بیٹی دعا کی ویڈیو بنانے پر غصے میں آگئیں، ویڈیو وائرل

    وہاں، وہ گارڈ سے کہتا ہے، شاہ رخ خان کے لیے کسی نے آرڈر دیا ہے۔ گارڈ اسے کہتا ہے کہ اس شخص کو فون کرے جس نے آرڈر دیا تھا۔ پھر اس نے کہا کہ کوئی کال نہیں اٹھا رہا ہے۔

    اس پر گارڈ طنزیہ انداز میں کہتا ہے کہ اگر شاہ رخ خان بلائے گا تو پورے کافی فروش ان کے سامنے ڈانس کرنے لگیں گے، ان کا مطلب تھا کہ شاہ رخ خود فون کریں گے تو کافی فروش خوشی سے ناچنے لگیں گے۔

  • میلان ایئر پورٹ پر آگ لگنے سے افراتفری مچ گئی، ویڈیو وائرل

    میلان ایئر پورٹ پر آگ لگنے سے افراتفری مچ گئی، ویڈیو وائرل

    اٹلی کے شہر میلان کے ایئر پورٹ پر ایک شخص نے چیک ان ایریا میں آگ لگا دی، جس کی ویڈیو سوشل میڈیا پر گردش کررہی ہے۔

    غیر ملکی ذرائع ابلاغ کے مطابق سوشل میڈیا پر وائرل ہونے والی ویڈیو میں دیکھا جاسکتا ہے کہ میلان کے مالپینسا ہوائی اڈے کے ٹرمینل 1 پر اس وقت افراتفری مچ گئی جب ایک ڈیسک پر آگ لگ گئی۔

    رپورٹس کے مطابق یہ واقع صبح 11 بجے پیش آیا جب ایک نوجوان نے چیک ان ایریا میں آگ لگا دی، جس کے بعد ہوائی اڈے کو جزوی طور پر خالی کرا لیا گیا۔

    امریکا میں ساڑھے 5 کروڑ ویزوں پر منسوخی کی تلوار لٹکنے لگی

    میڈیا رپورٹس کے مطابق مذکورہ شخص نے ڈیجیٹل اسکرینز پر بھی حملہ کیا جس کے بعد سیکورٹی فورسز نے ملزم کو گرفتار کرلیا ہے۔

    ایئر پورٹ ایسوسی ایشن کے مطابق مذکورہ شخص کو گرفتار کرکے صورتحال کو قابو میں کر لیا گیا ہے، کوئی جانی نقصان نہیں ہوا، تاہم اس حادثے کے سبب مسافروں کو پرواز کی رونگی میں تاخیر ہوئی۔

  • امیتابھ بچن کا 200 کروڑ کا بنگلہ بارش میں ڈوب گیا، ویڈیو

    امیتابھ بچن کا 200 کروڑ کا بنگلہ بارش میں ڈوب گیا، ویڈیو

    ممبئی میں بھی حالیہ شدید بارشوں نے تباہی مچادی ہے، بارش کے باعث متعدد گھروں میں پانی داخل ہو گیا، جس سے شہریوں کو شدید مشکلات کا سامنا ہے۔

    بھارتی میڈیا رپورٹس کے مطابق نچلے علاقوں جیسے کہ کُرلا، سیون، باندرہ، اور واڈالہ میں گھروں میں بارش کا پانی داخل ہو گیا، خاص طور پر گراؤنڈ فلور پر واقع رہائشی علاقوں میں جس سے بالی ووڈ کے سپر اسٹار کا گھر بھی متاثر ہوا ہے۔

    ممبئی میں ہونے والی حالیہ موسلا دھار بارشوں سے سپر اسٹار امیتابھ بچن کا مشہور زمانہ جوہو بنگلہ ”پرتیکشا“ بھی زیرِ آب آ گیا ہے گھر کے اندر تک پانی بھر جانے کی ویڈیوز سوشل میڈیا پر وائرل ہو ہورہی ہے۔

    وائرل ویڈیو میں مبینہ طور پر میگا اسٹار امیتابھ بچن کے بنگلوں میں سے ایک پرتیکشا کو بارش کے پانی سے بھرا ہوا دکھایا گیا ہے، 44 سیکنڈ کے کلپ میں دکھایا گیا ہے کہ پرتیکشا کے مین گیٹ تک جانے والا علاقہ کس طرح پانی میں ڈوبا ہوا ہے۔

    ویڈیو بنانے والے شخص کو ویڈیو میں یہ کہتے ہوئے سنا جاسکتا ہے کہ ”دیکھو یہاں کتنا پانی جمع ہو گیا ہے، وہ مزید دعویٰ کرتا ہے کہ امیتابھ بچن خود وائپر لے کر باہر نکلے اور پانی صاف باہر نکالنے میں مدد دی۔

    ویڈیو بنانے والے شخص نے یہ بھی کہا، ”چاہے آپ کے پاس کتنی ہی دولت ہو، چاہے آپ ہزاروں کروڑ کے مالک ہوں، ممبئی کی بارش سے کوئی نہیں بچ سکتا۔نہ امبانی، نہ امیتابھ بچن!“

    بھارتی میڈیا کے مطابق یہ بنگلہ امیتابھ بچن اور جیا بچن کو معروف فلمساز رمیش سپی نے فلم ”شعلے“ کی شاندار کامیابی کے بعد تحفے میں دیا تھا، امیتابھ بچن نے یہ گھر 1976 میں خریدا تھا، اور آج اس کی مالیت 200 کروڑ روپے سے زیادہ بتائی جاتی ہے۔

  • خاتون کی ڈانس کے دوران روح قبض ہوگئی، ویڈیو وائرل

    خاتون کی ڈانس کے دوران روح قبض ہوگئی، ویڈیو وائرل

    بھارتی ریاست تامل ناڈو میں شادی کی خوشیاں ماتم میں تبدیل ہوگئیں، اسٹیج پر ڈانس کے دوران ایک خاتون اچانک گر کر اپنی جان گنوا بیٹھی۔

    بھارتی میڈیا رپورٹس کے مطابق ڈانس کے دوران مرنے والی خاتون کی شناخت 45 سالہ جیوا کے نام سے ہوئی ہے، جو کانچی پورم سے اپنے شوہر کے ساتھ تقریب میں پہنچی تھیں۔

    رپورٹس کے مطابق 45 سالہ جیوا ایک معروف میڈیکل شاپ کے مالک کی اہلیہ تھیں اور ان کے دو بیٹے ہیں، ایک ایم بی بی ایس اور دوسرا فارمیسی کی تعلیم حاصل کررہا ہے۔

     

    View this post on Instagram

     

    A post shared by India Today (@indiatoday)

    واقعہ اس رونما ہوا جب گلوکار حاضرین محفل کو مزید پرجوش بنانے کے لئے اسٹیج پر بلارہے تھے۔ جیوا بھی خوشی خوشی اسٹیج پر چڑھیں اور رقص کے دوران اچانک گر گئی۔ انہیں فوری طور پر اسپتال روانہ کیا گیا، جہاں ڈاکٹروں نے مردہ قرار دے دیا۔

    پرپوزل کیوں ٹھکرایا؟ شادی شدہ شخص نے خاتون کو قتل کردیا

    رپورٹس کے مطابق خوشیوں سے بھرا لمحہ دیکھتے ہی دیکھتے سوگ میں تبدیل ہوگیا، افسوسناک منظر تقریب میں موجود افراد کے کیمروں میں قید ہوگیا۔

  • سکندر بخت بارش کے پانی میں پھنس گئے، ویڈیو وائرل

    سکندر بخت بارش کے پانی میں پھنس گئے، ویڈیو وائرل

    پاکستان کے سابق ٹیسٹ کرکٹر سکندر بخت بھی کراچی میں موسلادھار بارش کے بعد پانی میں پھنس گئے، جس کی ویڈیو سوشل میڈیا پر وائرل ہورہی ہے۔

    سوشل میڈیا پر ایک ویڈیو وائرل ہورہی ہے جس میں دیکھا جاسکتا ہے کہ پاکستان کے سابق ٹیسٹ کرکٹر سکندر بخت ڈی ایچ اے کے علاقے میں پانی میں پھنسے ہوئے ہیں۔

    وائرل ہونے والی ویڈیو میں انہیں کہتے سنا جاسکتا ہے کہ ’میں نے کشتی منگوائی ہے، تاکہ میں گھر پہنچ سکوں‘۔

    واضح رہے کہ گزشتہ دو دنوں سے کراچی میں موسلا دھار بارشوں کا سلسلہ جاری ہے، جس کے باعث سڑکیں تالاب کا منظر پیش کررہی ہیں۔

    شہر کے کئی علاقوں میں سیلابی صورتحال اور بجلی نہ ہونے کے باعث اب بھی عوام کو پریشانی کا سامنا ہے۔

    کیا آج کراچی میں بارش ہوگی؟ محکمہ موسمیات کا بیان جاری

    محکمہ موسمیات نے آج جمعرات کو بھی کراچی کے مختلف علاقوں میں بارش کی پیش گوئی کی ہے، گزشتہ روز کہیں درمیانی تو کہیں تیز بارش ریکارڈ کی گئی تھی۔

    ماہرین موسمیات کا کہنا ہے کہ سندھ میں بارش کا سبب بننے والا سسٹم آج بھی فعال رہے گا، ہوا کے کم دباؤ کے باعث سندھ میں مزید بارشوں کا امکان ہے، اور آج دوپہر کے وقت گرج چمک والے بادل بننے کی توقع ہے۔

    محکمہ موسمیات کے مطابق کراچی میں دوپہر سے شام، اور رات کے دوران تیز بارش اور ہوائیں چل سکتی ہیں، بعض مقامات پر موسلا دھار بارش کا بھی امکان ہے، جب کہ شہری علاقوں میں اربن فلڈنگ کا خطرہ برقرار ہے۔

    وسیم اکرم نے اپنے دور کے ٹاپ 5 کرکٹرز کے نام بتادیے

    تاہم محکمے کا کہنا ہے کہ آج رات سے سسٹم کی شدت میں کمی کا امکان ہے، اور بارشوں کا یہ سلسلہ جمعہ تک جاری رہ سکتا ہے۔ دوسری طرف کراچی میں آج کم سے کم درجہ حرارت 28 ڈگری سینٹی گریڈ ریکارڈ کیا گیا ہے، جب کہ زیادہ سے زیادہ درجہ حرارت 31 ڈگری سینٹی گریڈ رہنے کا امکان ہے۔

  • نوجوان کو سانپ کی سالگرہ منانا مہنگا پڑ گیا

    نوجوان کو سانپ کی سالگرہ منانا مہنگا پڑ گیا

    بھارت میں سانپ کی مبینہ سالگرہ منانا اور اس کی ویڈیو کو سوشل میڈیا پر شیئرکرنا نوجوان کو مہنگا پڑ گیا، ویڈیو وائرل ہونے کے بعد محکمہ جنگلات کے اہلکاروں نے نوجوان کو وائلڈ لائف پروٹیکشن ایکٹ کے تحت حراست میں لے لیا۔

    بھارتی میڈیا رپورٹس کے مطابق فارسٹ گارڈ کرن گروالے کا اس حوالے سے کہنا تھا کہ حراست میں لئے گئے نوجوان کی شناخت راج صاحب راؤ واگھ کے نام سے ہوئی ہے، جو دھولے ضلع کے شیرپور تعلقہ میں واقع بوریڈی گاؤں کا رہنے والا ہے۔

    رپورٹس کے مطابق گزشتہ ماہ 29 جولائی کو ناگ پنچمی کے دن اس نوجوان نے گاؤں کے قریب سے ایک سانپ پکڑا تھا، یہ ایک بھارتی کوبرا تھا، وہ اسے گھر لے آیا اور کیک کاٹ کر اس کا ‘برتھ ڈے’ منایا۔ اس کے بعد اس نے اس کا برتھ ڈے تقریب کا ویڈیو بنا کر انسٹاگرام پر شیئر کردیا جو سوشل میڈیا پر وائرل ہوگیا۔

    بھارتی میڈیا کے مطابق محکمہ جنگلات کی نوٹس میں جیسے ہی یہ معاملہ آیا، فاریسٹ گارڈ گروالے کی قیادت میں ایک ٹیم نے مذکورہ نوجوان کے گھر چھاپہ مار کر نوجوان کو حراست میں لے لیا۔

    اہلکاروں نے اس کے گھر سے پلاسٹک کے دو باکس اور ایک موبائل فون کو بھی قبضے میں لے لیا، جنہیں وہ سانپ پکڑ کر ویڈیو ریکارڈ کرنے کے لیے استعمال کرتا تھا۔

    وائلڈ لائف پروٹیکشن ایکٹ، 1972 کی دفعہ 9 اور 51 (1) کے تحت سانپ کی ویڈیو وائرل کرنے والے نوجوان کے خلاف مقدمہ درج کیا گیا۔

    خوفناک ریچھ گھر کا دروازہ کھول کر اندر آگیا، پھر کیا ہوا؟ ویڈیو وائرل

    رپورٹس کے مطابق تحقیقات کے دوران واگھ نے دعویٰ کیا کہ اس نے سانپ کو اس کی ”سالگرہ” منانے کے بعد جنگل میں چھوڑ دیا تھا۔

    ملزم کو گرفتار کرکے شیرپور کی عدالت میں پیش کیا گیا۔ عدالت نے اسے دو دن کے لیے انڈین فاریسٹ سروس کی تحویل میں بھیج دیا ہے۔

  • نیوزی لینڈ کے وزیراعظم کی ڈانس کرتے ہوئے ویڈیو وائرل

    نیوزی لینڈ کے وزیراعظم کی ڈانس کرتے ہوئے ویڈیو وائرل

    نیوزی لینڈ کے وزیراعظم کرسٹوفر لکسن نے ایک تقریب میں شرکت کے دوران ڈانس فلور پر آکر شرکاء کو ورطہ حیرت میں مبتلا کردیا، ان کے رقص کرنے کی ویڈیو سوشل میڈیا پر گردش کررہی ہے۔

    بین الاقوامی خبر رساں ادارے کی رپورٹ کے مطابق تقریب ساؤتھ آکلینڈ کے ڈیو ڈراپ ایونٹس سینٹر میں منعقد ہوئی جہاں ثقافت اور خوشی کے رنگ دیکھنے کو ملے۔

    رپورٹس کے مطابق بھارتی گلوکارہ شبانی کیشپ نے نیوزی لینڈ کے وزیراعظم کرسٹوفر لکسن کو اسٹیج پر ڈانس کی دعوت دی تو انہوں نے اپوزیشن لیڈر کرس ہپکنز کو بھی ساتھ آنے پر آمادہ کرلیا۔

     

    View this post on Instagram

     

    A post shared by India Today (@indiatoday)

    نیوزی لینڈ کے وزیراعظم کرسٹوفر لکسن نے ہنستے ہوئے کہا کہ ہپکنز ایک بہت اچھے ڈانسر ہیں، اگر میں خود کو شرمندہ کر رہا ہوں تو وہ بھی خود کو شرمندہ کریں گے۔

    بعدازاں دونوں رہنماؤں نے اپنے الگ الگ ڈانس اسٹائل کے ذریعے شرکاء کو خوب محظوظ کیا۔

    ہپکنز نسبتاً سنجیدہ اور تال میل سے ڈانس کرتے رہے، جبکہ لکسن نے پورے جوش و جذبے سے ڈانس کیا اور مختلف ڈانس اسٹائلز دکھا کر شرکاء کو حیران کردیا۔

    لکسن نے سوشل میڈیا پر ویڈیو شیئر کرتے ہوئے تحریر کیا کہ ’دو جھومتے ہوئے ڈیڈ۔‘

    ویزوں میں سہولت دینے والی تنظیموں کے حماس سے روابط ہیں، مارکو روبیو

    یاد رہے کہ وزیراعظم لکسن اس سے قبل بھی مختلف تقریبات میں رقص کرچکے ہیں، حتیٰ کہ ٹک ٹاک ڈانسز میں بھی حصہ لے چکے ہیں۔

    ان کی اہلیہ امانڈا لکسن کا اس حوالے سے کہنا تھا کہ وہ نہ صرف اچھے ڈانسر ہیں بلکہ ڈیٹنگ کے دنوں میں انہوں نے بال روم ڈانس کی باقاعدہ ٹریننگ بھی لی ہوئی ہے۔