Tag: ویڈیو وائرل

بھارتی گلوکار سونو نگم نے بھری محفل میں بھارت کی لیجنڈری گلوکارہ آشا بھوسلے کے پاؤں دھو کر چوم لیے جس کی ویڈیو سوشل میڈیا پر وائرل ہورہی ہے۔

اپنے کیرئیر میں کئی سپر ہٹ گانے دے کر میوزک کی دنیا میں پہچان بنانے والے سونو نگم کی ایک ویڈیو وائرل ہورہی ہے جسے دیکھتے ہی صارفین سے ان کی تعریف کی ہے۔

سوشل میڈیا پر وائرل ہونے والی ویڈیو میں سونو نگم کو عالمی شہرت یافتہ بالی وڈ گلوکارہ آشا بھوسلے کے پاؤں کو چومتے اور دھوتے ہوئے دیکھا جاسکتا ہے۔

 

View this post on Instagram

 

A post shared by India Today (@indiatoday)

بھارتی میڈیا کے مطابق یہ ویڈیو 28 جون کی ممبئی کی ہے، اس دن آشا بھاسلے کی زندگی پر لکھی جانے والے کتاب کی رونمائی تھی،  اس تقریب میں اداکار جیکی شراف اور سونو نگم  سمیت دیگر بھارتی شخصیات نے بھی شرکت کی ۔

اس موقع پر سونو نگم اسٹیج پر آکر آشا بھوسلے کے قدموں میں بیٹھے گئے، گلوکار نے پہلے آشا بھوسلے کے دونوں پاؤں چومے اور پھر اپنے ہاتھوں سے گلوکارہ کے پاؤں دھوئے۔

ستاروں سے سجے اس محفل میں سونو نگم نے پاؤں دھونے کے بعد تولیے سے آشا بھوسلے کے پاؤں خُشک بھی کیے اور پھر اسٹیج سے اُترتے ہوئے گلوکارہ کے ایک بار پھر پاؤں چُھوئے۔

ویڈیو وائرل ہوتے ہی مداحوں کی جانب سے گلوکار کے اس عمل کو خوب پسند کیا ہے دوسری جانب کئی صارفین سونو نگم کو شدید تنقید کا نشانہ بناتے بھی نظر آرہے ہیں۔

بنگالی ٹیلی ویژن کی مشہور اداکارہ و میزبان کو شو کے دوران گائے کا گوشت پکانے پر قتل کی دھمکیاں موصول ہونے لگیں۔

کلکتہ میں مقیم بنگالی ٹیلی ویژن کی مشہور اداکارہ سدیپا چٹرجی نے دعویٰ کیا ہے کہ انہیں بنگلہ دیشی کھانے کے پروگرام کی ویڈیو وائرل ہونے کے بعد جان سے مارنے کی دھمکیاں مل رہی ہیں۔

اداکارہ کا کہنا ہے کہ مذکورہ بنگلادیشی شو کے دوران پروگرام میں شریک ایک شخص نے گائے کے گوشت کی ڈش تیار کی تھی، شو کے دوران میں نے اس سے گفتگو کی، جس کی ویڈیو سوشل میڈیا پر وائرل ہوگئی۔

انہوں نے بتایا کہ ایڈٹ شدہ ویڈیو  وائرل ہونے کی وجہ سے مجھے قتل کی دھمکیاں بھی موصول ہو رہی ہیں، انیوں نے کہا کہ مجھے یقین ہے کہ زیادہ تر لوگ جو مجھے ٹرول کر رہے ہیں انہوں نے مکمل ویڈیو نہیں دیکھی ہو گی۔

اداکارہ کا کہنا تھا کہ میں نے کبھی گائے کا گوشت نہیں کھایا، اسے پکانا تو دور، اسے ہاتھ تک نہیں لگایا، دوسری بات، کریم جہاں (شو کی ایک شریک) نے ایسا کیا تھا، ویڈیوز ایڈیٹ نہیں ہیں، اسے دیکھئے اور بتائیں کہ میں نے کب گوشت کو ہاتھ لگایا ہے؟

انہوں نے بتایا کہ عید الضحیٰ کی مناسبت سے ہونے والے بنگلا دیشی پروگرام میں، میں بھارت کی نمائندگی کر رہی تھیں، لیکن میرا بنگلا دیش سے تعلق ختم نہیں ہوسکتا اور یہ ہی وجہ تھی کہ میں  نے اس شو میں شرکت کی۔