ARYNews.tv | Urdu – Har Lamha Bakhabar

Tag: ویڈیو وائرل

  • کیفی خلیل کی کوئیک اسٹائل ڈانسرز کے ساتھ ویڈیو وائرل

    کیفی خلیل کی کوئیک اسٹائل ڈانسرز کے ساتھ ویڈیو وائرل

    پاکستان کے معروف گلوکار کیفی خلیل کی ڈانس گروپ ’کوئیک اسٹائل‘ کے ساتھ اپنا مشہور گانا گاتے ہوئے ویڈیو وائرل ہوگئی۔

    فوٹو اینڈ ویڈیو شیئرنگ ایپ انسٹاگرام پر ڈانس گروپ ​​کوئیک اسٹائل نے پاکستانی گلوکار کے ساتھ ایک مشترکہ ویڈیو شیئر کی ہے جس میں پاکستانی گلوکار کو اپنا مشہور گانا کنا یاری گاتے ہوئے سنا جاسکتا ہے۔

     

    View this post on Instagram

     

    A post shared by QUICK STYLE ® (@thequickstyle)

    ویڈیو میں ڈانس گروپ ​​کوئیک اسٹائل کے تمام ممبرز کو کیفی خلیل کے ساتھ گانا گاتے ہوئے دیکھا جاسکتا ہے، دوسری جانب سوشل میڈیا صارفین اس ملاقات کو خوب پسند کررہے ہیں۔

    واضح رہے کہ کیفی خلیل کو ان کے غیر معمولی ٹیلنٹ کی وجہ سے صرف پاکستان ہی نہیں بلکہ دنیا بھر میں بہت پذیرائی مل رہی ہے۔

     

    View this post on Instagram

     

    A post shared by Kaifi Khalil (@kaifikhalilmusic)

    کوئیک اسٹائل ڈانس گروپ 2006 میں پاکستانی نژاد نارویجین بھائیوں سلیمان ملک، بلال ملک اور ان کے تھائی نژاد نارویجین دوست ناصر سری خان نے بنایا تھا۔

    اس گروپ کی سب سے خاص بات یہ ہے کہ اس میں مختلف رنگ و نسل کے لوگ شامل ہیں جو دیسی گیتوں پر ڈانس کرتے ہیں۔

  • زارا نور کی بیٹی کی پیدائش پر خوشی میں ڈانس، ویڈیو وائرل

    زارا نور کی بیٹی کی پیدائش پر خوشی میں ڈانس، ویڈیو وائرل

    پاکستان کی معروف اداکارہ زارا نور کی بیٹی کی پیدائش کی خوشی میں ڈانس کی جس کی ویڈیو سوشل میڈیا پر وائرل ہوگئی۔

    اداکارہ زارا نور عباس اور ان کے شوہر اداکار اسد صدیقی کے ہاں رواں سال 27 مارچ کو بیٹی کی پیدائش ہوئی جس کا نام ‘ نورِ جہاں’ رکھا گیا ہے۔

     

    View this post on Instagram

     

    A post shared by Iconic Times (@iconictimesofficial)

    گزشتہ دنوں زارا نور عباس ار اسد صدیقی کی جانب سے بیٹی کی پیدائش کی خوشی میں ’خوش آمدید جشن نورِ جہاں‘ تقریب رکھی گئی جس میں اداکارہ زارا نور عباس نے ڈانس بھی کیا۔

    وائرل ویڈیو میں اداکارہ کو بالی ووڈ کے مشہور گانے پر ڈانس کرتے دیکھا جا سکتا ہے اور ویڈیو میں ان کے دوست احباب کو زارا نور کو سراہتے بھی دیکھا جا سکتا ہے۔

  • صرحا اصغر بھی عاصم اظہر کو سپورٹ کرنے پہنچ گئیں، ویڈیو وائرل

    صرحا اصغر بھی عاصم اظہر کو سپورٹ کرنے پہنچ گئیں، ویڈیو وائرل

    پاکستان کی معروف اداکارہ صرحا اصغر بھی پاکستانی گلوکار عاصم اظہر کو سپورٹ کرنے ایونٹ میں پہنچ گئیں جس کی ویڈیو سوشل میڈیا پر وائرل ہوگئی۔

    گزشتہ دنوں پاکستانی گلوکار عاصم اظہر نے اپنی ڈیبیو البم لانچ کی شاندار تقریب منعقد کی جس میں شوبز انڈسٹری سے تعلق رکھنے والی متعدد شخصیات نے شرکت کی۔

    اداکارہ صرحا اصغر نے فوٹو اینڈ شیئرنگ ایپ انسٹاگرام پر ایک ویڈیو شیئر کی جس میں انہیں عاصم اظہر کے ایونٹ میں بھرپور لطف اندوز ہوتے ہوئے دیکھا جاسکتا ہے۔

    اس تقریب میں صرحا اصغر نے مرون ٹاپ کے ساتھ سیاہ پینٹس زیب تن کیں، انہوں نے ’بے مطلب‘ کے ڈیجیٹل پوسٹرز کے ساتھ تصاویر بھی بنائیں اور ویڈیو پر اس البم کا گانا ’کیا تو میرے بِنا‘ لگایا۔

    واضح رہے کہ 2013 میں انگریزی گانے ’دا اے ٹیم‘ کے اردو ورژن کے ساتھ موسیقی کی دنیا میں اپنی پہچان بنانے والے گلوکار عاصم اظہر نے 11 سال کے طویل عرصے کے بعد اپنی پہلی میوزک البم جاری کردی۔

     

    View this post on Instagram

     

    A post shared by Asim Azhar (@asimazhar)

    عاصم اظہر کی اس ڈیبیو البم کا نام ’بے مطلب‘ ہے جو سات گانوں پر مشتمل ہے اور ان تمام گانوں کی کامیابی کے حوالے سے عاصم اظہر پُر امید ہیں، انہوں نے اس البم میں ساتھی گلوکاروں کے ساتھ بھی کام کیا ہے جس میں نہال نسیم، حسن رحیم سمیت ینگ اسٹنرز شامل ہیں۔

  • کار میں خوفناک اژدھے کی ویڈیو دیکھ کر سب دنگ رہ گئے

    کار میں خوفناک اژدھے کی ویڈیو دیکھ کر سب دنگ رہ گئے

    سوشل میڈیا پر ایک خوفناک ویڈیو سامنے آئی ہے جس میں ایک کار کے بونٹ سے ایک بہت بڑا اژدھا باہر نکالا جارہا ہے۔

    تصور کریں کہ اگر آپ نے کہیں جانے کے لیے جیسے ہی اپنی گاڑی کا دروازہ کھولا اور اندر ایک 6 فٹ لمبے خوفناک اژدھے کو بیٹھا دیکھا تو آپ کی کیا حالت ہوگی۔

    کچھ ایسا ہی ایک نوجوان کے ساتھ ہوا، اس نے دیکھا کہ گاڑی کے دیش بورڈ میں 6 فٹ لمبا دیو ہیکل اژدھا منہ چھپا کر بیٹھا ہوا تھا اور اسے ہٹانے کی کوشش میں اس شخص نے اپنی پوری طاقت لگا دی۔

    مذکورہ ویڈیو میں ایک شخص خوفناک اژدھے کو دُم سے پکڑ کر گاڑی سے کھینچ کر باہر نکالتے ہوئے نظر آرہا ہے۔ ویڈیو میں آگے کیا ہوا یہ دیکھ کر آپ کو بھی جھرجھری سی آجائے گی۔

    مہدی لیث نامی انسٹاگرام اکاؤنٹ سے شیئر کی گئی اس ویڈیو کو دیکھ کر آپ کے ہوش اڑ جائیں گے ویڈیو کو لاکھوں صارفین نے دیکھا اور اپنے خیالات کا اظہار کیا۔

    اژدھے کو گاڑی سے نکالنے کیلیے اس شخص نے ایک دُم پکڑ کر باہر کھینچنے کی کوشش کی لیکن اژدھا بھی پانی طاقت سے اندر جانے کی کوشش میں تھا، اس دوران اس شخص نے زمین پر لیٹ کر اسے پوری طاقت سے کھینچا جس پر اژدھا باہر نکل کر گر پڑا۔

    مزید پڑھیں : باتھ روم میں اژدھا دیکھ کر خاتون نے کیا حرکت کی؟

    ویڈیو سوشل میڈیا پر وائرل ہوگئی۔ ایک صارف کا کہنا تھا کہ اسے گاڑی پسند آگئی ہے اور وہ اسے چھوڑنا نہیں چاہتا۔ دوسرے صارف نے کہا کہ مجھے لگتا ہے کہ شاید اسے گاڑی چلانا پسند ہے لیکن سانپوں کے لیے ڈرائیونگ لائسنس نہیں ہیں۔

  • کیا گووندا اور کرشنا کے درمیان جھگڑا ختم ہوگیا؟ ویڈیو وائرل

    کیا گووندا اور کرشنا کے درمیان جھگڑا ختم ہوگیا؟ ویڈیو وائرل

    کیا بالی ووڈ اداکار گووندا اور اُن کے بھانجے کرشنا ابھیشیک کے درمیان 8 سالہ لڑائی کا خاتمہ ہوگیا؟

    بھارتی کامیڈین کرشنا ابھیشک اور اُن کے ماما اداکار گووندا کے درمیان 8 برس سے لڑائی چل رہی ہے، دونوں ہی کے مداح اس چپقلش سے واقف ہیں، تاہم ایسا لگتا ہے کہ دونوں کے درمیان اب تعلقات بہتر ہورہے ہیں۔

    بھارتی میڈیا رپورٹ کے مطابق بالی ووڈ اداکار گووندا نے کرشنا ابھیشیک کی بہن اور اپنی بھتیجی آرتی سنگھ کی شادی میں شرکت کی ہے جس کی ویڈیو سوشل میڈیا وائرل ہورہی ہے۔

     

    View this post on Instagram

     

    A post shared by HT City (@htcity)

    سوشل ویڈیو پر وائرل ہونے والی ویڈیو میں اداکار گووندا اور کرشنا کو کہی بھی ساتھ نہیں دیکھا گیا لیکن چچا اور بھتیجے کے درمیان برسوں سے جاری جھگڑے کے بعد گووندا کی شادی میں شرکت دیکھ کر مداح حیران رہ گئے۔

    سوشل میڈیا پر وائرل ہونے والی ویڈیو میں دیکھا جاسکتا ہے کہ اداکار گووندا نے بلیک کلر کا سوٹ پہنا ہوا ہے، جبکہ کرشنا نے وائٹ کلر کی شیروانی پہن رکھی ہے۔

     

    View this post on Instagram

     

    A post shared by HT City (@htcity)

    کرشنا اور ان کی اہلیہ کشمیرا شاہ نے وہاں گووندا کی موجودگی پر خوشی کا اظہار کیا، کشمیرا نے اسی تقریب میں میڈیا سے بات کرتے ہوئے کہا کہ ہم بہت خوش ہیں کہ گوندا نے شادی میں شرکت کی۔

    دوسری جانب کرشنا نے یہ کہا ’’ماما آئے بہت خوشی ہوئی، ہم انہیں اس تقریب میں دیکھ کر بہت خوش ہیں ان نے ہمارا دل کا رشتہ ہے‘‘۔

  • ’مینوں وداع کرو‘: ثمر عباس جعفری نے آواز کا جادو جگا دیا، ویڈیو وائرل

    ’مینوں وداع کرو‘: ثمر عباس جعفری نے آواز کا جادو جگا دیا، ویڈیو وائرل

    پاکستانی ڈرامے ’مائی ری‘ کے مرکزی کردار اور شوبز انڈسٹری کے ابھرتے ہوئے اداکار ثمر عباس جعفری کی بھارتی فلم کا گانا گنگنانے کی ویڈیو سوشل میڈیا پر وائرل ہوگئی۔

    فوٹو اور ویڈیو شیئرنگ ایپ انسٹاگرام پر اداکار ثمر عباس جعفری نے ویڈیو شیئر کی جس میں انہیں بھارتی گلوکار ارجیت سنگھ کا مشہور نیا گانا مینوں وداع کرو ‘ گنگناتے دیکھا جاسکتا ہے۔

     

    View this post on Instagram

     

    A post shared by Samar Jafri (@samarjafri_)

    بالی ووڈ فلم امر سنگھ چمکیلا کے گانے ’مینو وداع کو‘ کو اریجیت سنگھ اور جونیتا گاندھی نے گایا ہے، اس کی موسیقی اے آر رحمان نے دی ہے جبکہ اریجیت سنگھ نے ودا کرو کے بول لکھے ہیں۔

    ودا کرو کی میوزک ویڈیو کی ہدایت کاری امتیاز علی نے کی ہے جبکہ اس گانے میں فلم کا مرکزی کردار ادا کرنے والے اداکار دلجیت سوسانجھ اور پرینیتی چوپڑا شال ہیں۔

    اداکار ثمر عباس جعفری نے کیپشن میں لکھ کہ ’یہ اس سال کی بہترین کمپوزیشن ہونی چاہیے‘  کیا خوبصورت گانا اور لیرکس ہے۔

     

    View this post on Instagram

     

    A post shared by Samar Jafri (@samarjafri_)

    ثمر عباس جعفری سوشل میڈیا پر کافی متحرک رہتے ہیں اور اکثر اپنی گلوکاری کی ویڈیو شیئر کرتے رہتے ہیں جسے ان کے مداح بھی پسند کرتے ہیں۔

    اس سے قبل بھی انہوں نے بھارتی فلم کے گانے ’تجھ میں رب دکھتا ہے‘ گنگانے کی ویڈیو شیئر کی تھی جو وائرل ہوگئی تھی۔

    یاد رہے کہ ثمر عباس جعفری نے اے آر وائی ڈیجیٹل کے ڈرامہ سیریل ’مائی ری‘ میں ’فاخر‘ کا مرکزی کردار نبھایا تھا جس میں ان کے ساتھ لیڈ رول میں عینا آصف شامل تھیں۔

  • ایمن خان کی ہمشکل کی ڈانس ویڈیو وائرل

    ایمن خان کی ہمشکل کی ڈانس ویڈیو وائرل

    پاکستانی معروف اداکارہ ایمن خان کی ہمشکل لڑکی کی ڈانس ویڈیو سوشل میڈیا پر وائرل ہو گئی ہے۔

    فوٹو اینڈ شیئرنگ ایپ انسٹاگرام پر اداکارہ ایمن خان جیسی دکھنے والی لڑکی کی کسی شادی پر ڈانس کرنے کی ویڈیو سوشل میڈیا پر زیرگردش ہے، لڑکی کے نین نقشوں کو ایمن خان کے ساتھ اتنا میل کھانے پر انٹرنیٹ صارفین بھی حیران ہیں۔

    سوشل میڈیا پر وائرل ویڈیو میں لڑکی نے نارنجی رنگ کا لباس پہنا ہوا ہے اور بھارتی معروف اداکارہ گوہر خان اور ارجن کپور پر فلمائے گئے گانے پر ڈانس کر رہی ہے۔

    اس ویڈیو کے کمنٹ باکس میں دلچسپ تبصروں کا سلسلہ جاری ہے جس میں صارفین کا کہنا ہے کہ ایمن خان سے اتنی تو اُن کی خود کی جڑواں بہن، اداکارہ  منال خان نہیں ملتیں جتنی یہ لڑکی ایمن خان جیسی دکھ رہی ہے۔

  • شعیب ملک نے دوسری شادی سے متعلق شاہ رخ خان سے کیا کہا تھا؟ ویڈیو وائرل

    شعیب ملک نے دوسری شادی سے متعلق شاہ رخ خان سے کیا کہا تھا؟ ویڈیو وائرل

    بالی ووڈ کنگ شاہ رخ خان کی پاکستانی آل راؤنڈر شعیب ملک کی دوسری شادی سے متعلق ایک پرانی ویڈیو سوشل میڈیا پر وائرل ہورہی ہے۔

    بالی ووڈ کنگ شاہ رخ خان اور شعیب ملک کی یہ وائرل ویڈیو بھارت میں ہونے والے ایک شو کی ہے میں کرکٹر اور اداکار کو اسٹیج پر دیکھا جاسکتا ہے۔

     اسٹیج پر شاہ رخ خان، شعیب ملک اور ثانیہ مرزا کے ساتھ خوشگوار انداز میں گفتگو کرتے ہوئے ازراہِ مذاق شعیب ملک کے پاکستان میں دوسری شادی کرنے کے بارے میں اشارہ دیتے نظر آ رہے ہیں۔

     

    View this post on Instagram

     

    A post shared by Sarah (@sarah.series)

    شاہ رخ خان  نے کہا کہ میں نے اسٹیج کے پیچھے شعیب ملک سے پوچھا کہ پاکستانی لڑکیاں ان کے بھارتی اسپورٹس اسٹار سے شادی کے فیصلے پر کیسا ردعمل دے رہی ہیں تو انہوں نے مجھ سے کہا کہ میں نے انہیں کہا ہے کہ وہ ابھی انتظار کریں میں ان سے بھی شادی کرلوں گا۔

    ویڈیو میں دیکھا جاسکتا ہے کہ شعیب ملک کا یہ جواب سن کر ثانیہ مرزا نے حیرت کا اظہار کرتے ہوئے سوال کیا کہ کیا واقعی شعیب ملک نے ایسا کہا؟

    جس کے بعد شاہ رخ خان نے فوراََ اپنے برابر میں کھڑے شعیب ملک کی جانب اشارہ کرتے ہوئے کہا کہ ’ شعیب نے اسٹیج کے پیچھے مجھے یہی کہا ہے‘۔

    واضح رہے کہ ثانیہ مرزا اور شعیب ملک کے درمیان علیحدگی کی تصدیق اس وقت ہوئی تھی جب شعیب ملک نے اداکارہ ثنا جاوید سے دوسری شادی کرلی تھی۔

    مرزا خاندان نے تصدیق کی تھی کہ دونوں مہینوں پہلے الگ ہو گئے تھے اور ثانیہ نے شعیب سے خلع لی تھی، ان کا ایک بیٹا اذہان مرزا ملک ہے۔

  • کیا بننا چاہتے ہو؟ بچے کے جواب نے سب کو ہلادیا، ویڈیو وائرل

    کیا بننا چاہتے ہو؟ بچے کے جواب نے سب کو ہلادیا، ویڈیو وائرل

    بھارت سے وائرل ہونے والے بچے کی ویڈیو نے بڑی معصومیت کے ساتھ معاشرے کے موجودہ تانے بانے پر نہایت سنجیدہ سوالات کھڑے کر دیے۔

    مغربی بنگال کے بیر بھوم میں تیسری جماعت کے ٹیچر نے بچوں کا ایک سیشن رکھا جس میں بچوں سے سوال کیا گیا کہ وہ بڑ ہوکر کیا بننا چاہتے ہیں، ساتھ ہی ٹیچر نے اس سیشن کی ویڈیو بھی بنائی۔

    ٹیچر کے سوال پر طالب علموں نے جواب دیا کہ وہ ڈاکٹر، انجینئر، ٹیچر اور پولیس اہلکار بننا چاہتے ہیں،اور  کچھ نے کہا کہ وہ بڑے ہو کر فوج میں بھرتی ہونا چاہتے ہیں یا سی آئی ڈی افسر بننا چاہتے ہیں۔

    لیکن کلاس میں موجود ایک بچے سے جب یہ سوال پوچھا گیا تو اس نے کہا کہ وہ بڑا ہو کر ’بیوقوف‘ بننا چاہتا ہے، ٹیچر جواب سن کر حیران رہ گئے اور انہوں نے بچے کو جواب دیتے ہوئے کہا کہ اگر تم بیوقوف ہوگے تو کیا تم دوسروں سے دھوکہ نہیں کھاؤ گے؟۔

    جس پر بچے نے ایک لمحہ بھی سوچے بغیر فوراً کہا کہ ’اگر میں خود بیوقوف ہوں تو کسی اور کو بیوقوف نہیں بنا سکتا‘، بچے کا جواب سن کر ٹیچر پھر حیران رہ گئے۔

    سوشل میڈیا پر جب یہ ویڈیو وائرل ہوئی تو صارفین نے رد عمل دیتے ہوئے کہا کہ اگرچہ بچے کی خواہش انوکھی ہے، لیکن اس کا یہ جواب ایک مضبوط سماجی پیغام دیتا ہے۔

  • عامر خان کی سابقہ اہلیہ کے ہمراہ سالگرہ منانے کی ویڈیو وائرل

    عامر خان کی سابقہ اہلیہ کے ہمراہ سالگرہ منانے کی ویڈیو وائرل

    بالی ووڈ کے مسٹر پرفیکشنسٹ اداکار عامر خان کی اپنی سابقہ اہلیہ کرن راؤ کے ساتھ سالگرہ منانے کی ویڈیو سوشل میڈیا پر وائرل ہوگئی۔

    مسٹر پرفیکشنسٹ کے نام سے جانے جانے والے بالی ووڈ کے سپر اسٹار عامر خان 14 مارچ کو اپنی 59ویں سالگرہ منائی جس میں ان کی سابقہ اہلیہ و ہدایت کار کرن راؤ نے شرکت کی۔

    اس موقع پر اداکار عامر خان نے میڈیا کی موجودگی میں کرن اور فلم کی کاسٹ کے ساتھ کیک کاٹ کر اپنی سالگرہ منائی، سوشل میڈیا پر وائرل ویڈیو میں دیکھا جاسکتا ہے کہ عامر نے کیک کاٹ کر پہلے کرن راؤ کو کھلایا۔

     

    View this post on Instagram

     

    A post shared by Viral Bhayani (@viralbhayani)

    بعدازاں عامر خان نے میڈیا سے گفتگو کی اور جذباتی ہوتے ہوئے کہا کہ ’ہر سال میری سالگرہ پر نیک تمناؤں کا اظہار کرنے پر وہ سب کے مشکور ہیں‘۔

    عامر خان نے کہا کہ اگر میرے پرستار مجھے کچھ تحفہ دینا چاہتے ہیں تو انہیں سابقہ اہلیہ کرن راؤ کی ہدایت کاری میں بننے والی فلم لاپتا لیڈیز کا ٹکٹ خریدنا ہوگا۔

    انہوں نے کہا کہ  میری پروڈکشن کمپنی کی ابتداء فلم لگان سے ہوئی اور لاپتہ لیڈیز اس پروڈکشن کے بینر تلے بننے والی ایک ایسی فلم ہے جس پر ہم فخر کرسکتے ہیں۔

    خیال رہے کہ فلم ‘لاپتا لیڈیز’ بھارت کے دیہی علاقوں میں بنائی گئی اس فلم کی کہانی دو نوجوان دلہنوں کے گرد گھومتی ہے جو ٹرین میں گم ہو جاتی ہیں اور اس کے نتیجے میں حیران کن واقعات کا سلسلہ شروع ہوتا ہے، لاپتا لیڈیز’ کی ہدایت کاری کرن راؤ نے دی جبکہ اسے عامر خان اور جیوتی دیشپانڈے نے پروڈیوس کیا۔