ARYNews.tv | Urdu – Har Lamha Bakhabar

Tag: ویڈیو وائرل

  • بھارت: وزیراعلیٰ کے پروٹوکول نے 13 سالہ طالبعلم کی زندگی چھین لی، ویڈیو وائرل

    بھارت: وزیراعلیٰ کے پروٹوکول نے 13 سالہ طالبعلم کی زندگی چھین لی، ویڈیو وائرل

    بھارت کے جودھپور میں وزیراعلیٰ راجستھان کے قافلے کے لیے یوم آزادی کی تقریبات کے موقع پر ٹریفک روٹ تبدیل کرنے کے بعد ایک تیز رفتار گاڑی نے موٹر سائیکل سوار تین طلبہ کو روند دیا۔

    غیر ملکی ذرائع ابلاغ کے مطابق بھارت میں پیش آنے والا یہ افسوسناک واقعہ ایئرپورٹ تھانہ کے علاقے میں رونما ہوا، جب طالبِ علم برکت اللّٰہ خان اسٹیڈیم میں یومِ آزادی کی تقریب میں شرکت کے لیے پہنچا تھا اور وزیراعلیٰ بھجن لال شرما اسی روٹ سے شہید سمارک کی طرف روانہ ہورہے تھے۔

    رپورٹس کے مطابق وزیر اعلیٰ کے قافلے میں موجود تیز رفتار گاڑی نے طالبِ علم کو ٹکر مار دی جس کے نتیجے میں برکت اللّٰہ موقع پر ہی زندگی کی بازی ہار گیا۔

     

    View this post on Instagram

     

    A post shared by Pop Culture Opinions (@popinions.in)

    بھارتی میڈیا روپورٹس کے مطابق جاں بحق بچے کے لواحقین نے انتظامیہ پر سنگین غفلت کا الزام عائد کیا ہے۔

    حادثے میں جاں بحق ہونے والے طالب علم کی بہن کومل نے بتایا کہ جب ہم موقع پر پہنچے تو میرے بھائی کی لاش سڑک پر پڑی تھی جبکہ اس کے دوست پردیپ اور مہاویر زخمی تھے، موقع پر موجود پولیس نے سرد مہری کا مظاہرہ کیا اور ہماری کوئی بات نہیں مانی۔

    بھارتی فوج کی خواتین افسران کی وردی میں "کون بنے گا کروڑ پتی” میں شرکت ، سوشل میڈیا پر بحث چھڑ گئی

    میڈیا رپورٹس کے مطابق پولیس کی جانب سے جو رپورٹ تیار کی گئی ہے اس میں یہ واضح نہیں ہوسکا کہ موٹر سائیکل پر سوار تینوں لڑکوں کو ٹکر مارنے والی گاڑی بجری سے بھرا ڈمپر تھا، بس تھی یا پھر وزیراعلیٰ راجستھان کے قافلے میں شامل کوئی تیز رفتار گاڑی تھی۔

  • بارش کے دوران فوڈ ڈیلیوری بوائے کھلے نالے میں گر گیا، ویڈیو وائرل

    بارش کے دوران فوڈ ڈیلیوری بوائے کھلے نالے میں گر گیا، ویڈیو وائرل

    بھارت کے حیدرآباد میں موسلا دھار بارش کے دوران فوڈ ڈیلیوری بوائے کھلے نالے میں گر گیا، جس کی ویڈیو بھی سوشل میڈیا پر وائرل ہوگئی۔

    بھارتی میڈیا رپورٹس کے مطابق بھارت کے حیدرآباد کے ایل بی نگر علاقے میں طوفانی بارش کے دوران ایک افسوسناک واقعہ رونما ہوا، جب زومایٹو کا فوڈ ڈیلیوری بوائے سید فرحان کھلے نالے میں گر گیا۔

    رپورٹس کے مطابق یہ واقعہ ٹی کے آر کمان کے قریب پیش آیا جہاں بارش کے باعث نالہ میں پانی کی سطح بلند ہو گئی تھی۔

    فوڈ ڈیلیوری سید فرحان، جو سنتوش نگر کا رہائشی ہے اور گزشتہ 6 سالوں سے ڈیلیوری بوائے کے طور پر کام کر رہا ہے، ایک کسٹمر کو پارسل پہنچانے کے دوران نالے میں گر کر حادثے کا شکار ہوگیا۔

    اس حادثے میں اس کا موبائل فون پانی میں بہہ گیا اور نئی بائیک جس کی وہ ماہانہ قسطیں ادا کررہا تھا خراب ہو گئی اور نالے میں پھنس گئی۔

    خاتون نے اپنی سوتن کی جان بچانے کے لیے بڑی قربانی دے دی

    سید فرحان کو مقامی لوگوں نے نالے سے نکالا اور رسی کی مدد سے اس کی موٹر سائیکل کو بھی باہر نکالا، تاہم، اس واقعہ کا ویڈیو سوشل میڈیا پر وائرل ہونے کے بعد صارفین نے حیدرآباد میونسپل کارپوریشن (جی ایچ ایم سی) اور حکومت کو شدید تنقید کا نشانہ بنایا۔

    مقامی افراد کی جانب سے مطالبہ کیا گیا ہے کہ شہر میں کھلے نالوں کے قریب واضح انتباہی سائن بورڈز لگائے جائیں تاکہ ایسی ناخوشگوار صورتحال دوبارہ نہ ہوں۔

  • جینیفر لوپیز کو استنبول کے اسٹور میں داخل ہونے سے روک دیا گیا، ویڈیو وائرل

    جینیفر لوپیز کو استنبول کے اسٹور میں داخل ہونے سے روک دیا گیا، ویڈیو وائرل

    معروف امریکی گلوکارہ و اداکارہ جینیفر لوپیز کو سیکورٹی گارڈز نے ترکی کے شہر استنبول میں واقع معروف فیشن برانڈ کے اسٹور میں داخلے سے روک دیا۔
    
    غیر ملکی ذرائع ابلاغ کے مطابق جینیفر لوپیز سے اسٹور کے سیکیورٹی گارڈز کا کہنا تھا کہ اندر جگہ موجود نہیں ہے اور گلوکارہ کو اندر جانے سے روک دیا جس پر اداکارہ نے پرسکون انداز میں جواب دیا، ”ٹھیک ہے، کوئی بات نہیں،” اور وہاں سے چلی گئیں۔

    ایک مداح نے واقعے کی ویڈیو ریکارڈ کر کے سوشل میڈیا پر وائرل کردی، جو دیکھتے ہی دیکھتے وائرل ہوگئی۔ بعد ازاں جب اسٹور کے عملے کو اپنی غلطی کا احساس ہوا تو انہوں نے لوپیز کو واپس اسٹور وزٹ کرنے کی دعوت دی، مگر لوپیر نے صاف منع کردیا۔

    جینیفر لوپیز ایک بار پھر قانونی تنازعے کا شکار، مقدمہ درج

    
    رپورٹس کے مطابق جینیفر لوپیز نے اس کے بعد دیگر معروف برانڈز سے خریداری کی اور روانہ ہوگئیں۔ واضح رہے کہ گلوکارہ ترکی میں اپنی ”اپ آل نائٹ: لائیو” کنسرٹ ٹور کے سلسلے میں موجود ہیں، جس کا اختتام 12 اگست کو ہوگا۔

    اداکارہ نے حال ہی میں اپنی 56ویں سالگرہ منائی اور انسٹاگرام پر اپنے چاہنے والوں کے لئے تصاویر شیئر کرتے ہوئے ان کا شکریہ ادا کیا۔

  • ماہرہ خان کی کراچی کے مقامی بازار میں شاپنگ کرنے کی ویڈیو وائرل

    ماہرہ خان کی کراچی کے مقامی بازار میں شاپنگ کرنے کی ویڈیو وائرل

    پاکستان شوبز انڈسٹری کی شہرت یافتہ اداکارہ ماہرہ خان کی مقامی بازار میں شاپنگ کرنے کی ویڈیو سوشل میڈیا پر وائرل ہوگئی۔

    اداکارہ ماہرہ خان کی فوٹو اینڈ شیئرنگ ایپ انسٹاگرام پر ایک ویڈیو سوشل میڈیا پر تیزی سے وائرل ہورہی ہے جس میں اداکارہ کو مقامی مارکیٹ سے خریداری کرتے ہوئے دیکھا جاسکتا ہے۔

    رپورٹ کے مطابق اداکارہ کی یہ ویڈیو کراچی کے مقامی بازار کی ہے جہاں انہیں سادگی سے ساڑھی خریدتے ہوئے دیکھا گیا ہے جسے صارفین خوب پسند کررہے ہیں۔

    ویڈیو میں ماہرہ خان قمیض شلوار میں ملبوس ہیں انہیں کلفٹن کی مارکیٹ میں عام خریداروں کی طرح ایک دکان سے ساڑھی خریدتے ہوئے دیکھا جا سکتا ہے۔

    اس دوران انہیں دکاندار سے خوشگوار انداز میں بات چیت کرتے اور بھاؤ تاؤ کرتے ہوئے بھی دیکھا گیا، ویڈیو میں دیکھا جاسکتا ہے عینی شاہدین اداکارہ کو اس طرح دیکھ کر حیران ہورہے ہیں۔

    یاد رہے کہ اس سے قبل بھی اداکارہ ماہرہ کی ایک ویڈیو سوشل میڈیا پر وائرل ہوئی تھی جس میں انہیں عبایہ میں کراچی کے زینب مارکیٹ میں شاپنگ کرتے ہوئے دیکھا گیا تھا۔

    جبکہ ماہرہ خان نے بھی اس بات کی تصدیق کی تھی کہ میرا اور کراچی کا زندگی بھر کا تعلق ہے، مجھے زینب مارکیٹ جانا بے حد پسند تھا، مجھے میرا بچپن یاد آجاتا ہے، انہوں نے اسی دوران انکشاف کیا کہ میں کئی بارعبایا پہن کر کراچی کے مختلف مقامات پر گئی ہوں۔

  • سعودی عرب: تفریحی پارک میں خوفناک حادثہ، جھولا ٹوٹنے کی ویڈیو وائرل

    سعودی عرب: تفریحی پارک میں خوفناک حادثہ، جھولا ٹوٹنے کی ویڈیو وائرل

    سعودی عرب کے شہر طائف کے تفریحی پارک میں جھولا ٹوٹنے سے 23 افراد زخمی ہوگئے جن میں سے 3 کی حالت نازک بتائی جارہی ہے، جبکہ زخمیوں کو ہسپتال منتقل کر دیا گیا۔

    سعودی خبر رساں ادارے کی رپورٹ کے مطابق حکام کا اس حوالے سے کہنا ہے کہ حادثے کی تحقیقات شروع کردی گئی ہیں۔

    رپورٹس کے مطابق زخمی ہونے والوں میں بعض کی حالت نازک ہے، طائف میں موجود گرین ماؤنٹین پارک میں جھولا جھولنے کے دوران اچانک جھولے کا پائپ ٹوٹ گیا۔

    سوشل میڈیا پر وائرل ہونے والی ویڈیو میں دیکھا جاسکتا ہے کہ جھولے میں متعدد افراد موجود ہیں اس دوران اچانک جھولا ٹوٹ جاتا ہے۔ جس کے بعد چیخ و پکار مچ جاتی ہے۔

    رپورٹس کے مطابق واقعے کے بعد طائف کے متعدد اسپتالوں میں ہنگامی صورتحال کا اعلان کردیا گیا، جہاں زخمیوں کو فوری اسپتال منتقل کردیا گیا ہے، جنہیں طبی امداد فراہم کی جارہی ہے۔

    سعودی عرب: غزہ کیلیے غذائی امداد سے لدے مزید ٹرک روانہ

    سیکیورٹی اور ہنگامی خدمات کے ادارے نے فوری طور پر ایکشن لیا جبکہ متعلقہ حکام نے جھولے میں خرابی کی وجہ کا تعین کرنے کے لیے تحقیقات کا آغاز کردیا ہے۔

  • اکشے کمار چپکے سے ویڈیو بنانے والے مداح پر جھپٹ پڑے، ویڈیو وائرل

    اکشے کمار چپکے سے ویڈیو بنانے والے مداح پر جھپٹ پڑے، ویڈیو وائرل

    بالی ووڈ اداکار اکشے کمار لندن میں ایک پرستار کی جانب سے خفیہ ریکارڈنگ کرنے پر آپے سے باہر ہوگئے، جس کی ویڈیو وائرل ہوگئی۔

    سوشل میڈیا پر وائرل ہونے والی ویڈیو میں اکشے کمار کو غصے سے مداح کی جانب جھپٹ کر بڑھتے ہوئے دیکھا جاسکتا ہے، وہ اسے انگلی دکھاتے ہیں اور غصے سے بالی ووڈ اسٹار اس شخص کا فون چھیننے کی کوشش کرتے ہیں۔

    اکشے کمار ویڈیو بنانے والے شخص کو کہتے ہیں کہ وہ ان کا پیچھا کرنا بند کردے، آکسفورڈ اسٹریٹ پر پیش آنے والا یہ واقعہ کیمرے میں قید ہو گیا اور اب وائرل ہوچکا ہے۔

    ویڈیو میں دیکھا جاسکتا ہے کہ شارٹس اور ڈھیلی ڈھالی ٹی شرٹ پہنے اکشے خاموشی سے چہل قدمی کررہے ہیں جب مداح نے فون کیمرے کے ساتھ ان کا پیچھے کرنا شروع کیا۔

    اداکار جو عام طور پر اپنے پُرسکون رویے کے لیے جانے جاتے ہیں وہ تیزی سے مڑتے ہیں اس آدمی کا فون پکڑتے ہیں اور غصے سے کہتے ہیں کہ وہ پیچھے ہٹ جائے، تاہم اکشے بالآخر غصہ ختم ہونے کے بعد اسی فین کے ساتھ سیلفی لیتے ہیں۔

    اکشے کمار کے اس طرح غصہ کرنے پر انٹرنیٹ صارفین نے بھی اپنا ردعمل دیا، کئی انٹرنیٹ صارفین نے مداح کو بغیر اجازت اکشے کی ویڈیو بنانے پر ان کے ری ایکش کو درست قرار دیا۔

    ایک صارف نے لکھا کہ وہ چھٹیوں پر ہے، اسے سانس لینے دو۔ ہر کوئی بغیر کیمرہ کے کچھ لمحات گزارنے کا مستحق ہے، ایک اور شخص نے لکھا کیوں کسی کے نجی لمحات پر اس طرح حملہ کیا جاتا ہے؟ مشہور ہونا کا مطلب یہ نہیں کہ ایسا کیا جائے۔

  • زمین کے تنازع پر ڈنڈوں، ہنٹروں سے خواتین پر بُری طرح تشدد، ویڈیو وائرل

    زمین کے تنازع پر ڈنڈوں، ہنٹروں سے خواتین پر بُری طرح تشدد، ویڈیو وائرل

    راولپنڈی کے علاقے پلینہ میرا میں زمین کے تنازع پر جھگڑا ہوا جس میں ڈنڈوں اور ہنٹروں سے خواتین کو بُری طرح تشدد کا نشانہ بنایا گیا۔

    اے آر وائی نیوز کے مطابق تھانہ گوجر خان کی حدود میں زمین کے تنازع پر جگھڑا ہوا، جہاں خواتین پر بہیمانہ تشدد کیا گیا، خواتین پر ڈنڈوں اور ہنٹروں سے تشدد کی ویڈیو سوشل میڈیا پر وائرل ہوگئی۔

    خواتین کو اس طرح ڈنڈوں اور ہنٹروں سے مارنے کی ویڈیو وائرل ہونے کے بعد پولیس کو ایکشن لینا پڑا، متاثرین کی درخواست پر باقاعدہ مقدمہ درج کرلیا گیا ہے۔

    ویڈیو میں دیکھا جاسکتا ہے کہ خواتین کو ڈنڈوں، سوٹوں اور تاروں کی مدد سے خواتین کو بری طرح مارا جارہا ہے۔

    تھانہ گوجر خان پولیس نے خواتین کو بری طرح زدوکوب کرنے کا مقدمہ درج کرلیا ہے، مقدمے میں تشدد کرنے والے کئی مردوں سمیت 3 خواتین کو بھی نامزد کیا گیا ہے۔

  • شو میں مذاق اڑانے پر کپل شرما کے کیفے پر اندھا دھند فائرنگ، ویڈیو وائرل

    شو میں مذاق اڑانے پر کپل شرما کے کیفے پر اندھا دھند فائرنگ، ویڈیو وائرل

    مشہور بھارتی کامیڈین کپل شرما کے کیفے پر فائرنگ نے اداکا کو خوف و ہراس میں مبتلا کردیا، واقعے کی ویڈیو میں سامنے آگئی۔

    کینیڈا کے شہر سرے میں کامیڈین کپل شرما نے نیا کیفے کھولا ہے جسے کیپس کیفے کا نام دیا گیا ہے، تاہم مبینہ طور پر نامعلوم حملہ آوروں نے اسے شدید فائرنگ کا نشانہ بنا ڈالا، اس واقعے کی ویڈیوز بھی سوشل میڈیا پر سامنے آئی ہیں جس میں حملہ آور اندھا دھند فائرنگ کررہا ہے۔

    ذرائع کے مطابق ہرجیت سنگھ لادی نامی شخص نے مبینہ طور پر کپل شرما کے ماضی کے تبصرے کے جواب میں گولی چلانے کا حکم دیا، ایک شو کے دوران مبینہ طور پر کامیڈین کے تبصرے ہرجیت کو ناگوار گزارے تھے۔

    ویڈیو میں دکھایا گیا ہے کہ کار میں بیٹھا ایک شخص کیفے کی ایک کھڑکی پر یکے بعد دیگرے کئی گولیاں چلاتا ہے، وہ کم از کم 9 فائر کرتا ہے۔

    میڈیا رپورٹس کے مطابق کیفے پر متعدد راؤنڈ فائر کیے گئے، گولیوں کے نشانات قریبی رہائشی عمارتوں پر بھی دکھائی دے رہے تھے۔

    پولیس فی الحال علاقے کی سی سی ٹی وی فوٹیج کا جائزہ لے رہی ہے، اور جائے وقوعہ سے گولیوں کے کئی کارتوس برآمد کیے ہیں، پولیس فی الحال تمام ممکنہ زاویوں کو دیکھ رہی ہے آیا کہ فائرنگ کسی گینگ نے کی یا ذاتی انتقام تھا۔

    https://urdu.arynews.tv/kapil-sharma-rajpal-yadav-death-threats/

  • خاتون فاریسٹ افسر نے کنگ کوبرا کو بہادری سے قابو کرلیا، ویڈیو وائرل

    خاتون فاریسٹ افسر نے کنگ کوبرا کو بہادری سے قابو کرلیا، ویڈیو وائرل

    بھارت کی ریاست کیرالا میں محکمہ جنگلات کی ایک بہادر خاتون فاریسٹ افسر نے 18 فٹ لمبے خطرناک کنگ کوبرا کو انتہائی ہوشیاری سے قابو کرکے دیکھنے کو حیران کردیا۔

    بھارتی میڈیا رپورٹس کے مطابق یہ حیرت انگیز واقعہ آنچومرتھوموٹ نامی علاقے میں رونما ہوا، جہاں یہ دیو قامت کنگ کوبرا ایک چشمے میں تیر رہا تھا۔

    مقامی افراد نے مذکورہ معاملے کی اطلاع فاریسٹ افسران کو دی، جس پر خاتون فاریسٹ افسر روشنی اپنی ٹیم کے ہمراہ مذکورہ مقام پر پہنچیں، سوشل میڈیا پر وائرل ہونے والی ویڈیو میں دیکھا جاسکتا ہے کہ وہ انتہائی پرسکون انداز میں ایک چھڑی اور مخصوص بیگ کی مدد سے سانپ کو پکڑنے کی کوششوں میں مصروف ہیں۔

    مسلسل محنت اور خطرناک صورتحال کے باوجود، انہوں نے بغیر کسی نقصان کے کوبرا کو بیگ میں ڈال کر بند کردیا۔ اس بہادری پر انہیں محکمہ جنگلات، سوشل میڈیا صارفین اور مقامی افراد کی جانب سے زبردست خراجِ تحسین پیش کرنے کا سلسلہ جاری ہے۔

    ڈاکٹر جی ایس روشنی گزشتہ 8 سال سے محکمہ جنگلات سے وابستہ ہیں اور اب تک 800 سے زائد سانپوں کو کامیابی سے پکڑ چکی ہیں۔

    انہوں نے میڈیا کو بتایا کہ جنوبی کیرالا میں کنگ کوبرا کا آنا بہت نایاب ہوتا ہے، اور یہ پہلا موقع تھا کہ انہوں نے اس قسم کے سانپ کو قابو کیا۔

    اس سے قبل بھی بھارت میں پالتو کتے نے کنگ کوبرا کو مار کر بچوں کی جان بچائی تھی جس کی ویڈیو سوشل میڈیا پر وائرل ہوگئی تھی۔

    یہ واقعہ جھانسی کے علاقے شیو گنیش کالونی میں پیش آیا تھا جہاں گھریلو ملازم کے بچے گارڈن میں کھیل رہے تھے کہ انہوں نے کوبرا کو دیکھ کر چیخ و پکار شروع کردی تھی۔

    کوبرا سے ایک میٹر دوری پر انٹرنیشنل فوٹوگرافر نے اپنے خوف پر قابو کیسے پایا؟ ویڈیو وائرل

    جینی نامی پٹ بل (پالتو کتا) جو گارڈن کے دوسری طرف بندھا ہوا تھا اس نے اپنی رسی توڑی اور کنگ کوبرا پر حملہ آور ہوگیا۔

    ویڈیو دیکھا جاسکتا ہے کہ پالتو کتے نے کوبرا کو جبڑوں میں مضبوطی سے پکڑا ہوا ہے اور اسے بار بار زمین پر پٹخ رہا ہے۔

  • پائتھن سانپ 8 مرغیوں کو سالم نگل لیا، ہولناک ویڈیو وائرل

    پائتھن سانپ 8 مرغیوں کو سالم نگل لیا، ہولناک ویڈیو وائرل

    چین کے صوبے یوآن کے شہر میں ایک پائتھن سانپ نے 8 مرغیوں کو سالم نگل لیا۔

    میڈیا رپورٹس کے مطابق یہ واقعہ چین کے صوبے یوآن کے شہر میں پیش آیا ہے جہاں ایک 4 میٹر لمبے، 40 کلو وزنی پائتھن سانپ نے ایک دیہاتی کے کوپ سے آٹھ مرغیاں نگل لیں۔

    پائتھن سانپ نے 8 مرغیوں کا شکار کیا جس کے بعد سانپ کا پیٹ بری طرح سے پھول گیا، پولیس اور فائر فائٹرز کے موقع پر پہنچنے کے بعد سانپ نے مرغیوں کو نکال دیا۔

    گلی میں آنے والے پائتھن سانپ کو شہری نے کیسے پکڑا، ویڈیو وائرل

    ماہرین کے مطابق پائتھن سانپ اکثر مگرمچھ کا شکار کرتے ہیں تاہم کبھی کبھی خود بھی اسی کے ہاتھوں شکار ہو جاتے ہیں، صارفین نے تصاویر کو خوفناک قرار دے دیا۔

    واضح رہے کہ اس سے قبل ایک واقعہ ریاست کوئنز لینڈ میں پیش آیا تھا جہاں پائتھن سانپ نے ایک بڑے مگرمچھ کو اپنی خوراک بنا لیا تھا جس کے بعد سانپ کا پیٹ بری طرح سے پھول گیا اور مگرمچھ کی دم سانپ کے منہ سے کافی دیر تک باہر نظر آتی رہی تھی۔