ARYNews.tv | Urdu – Har Lamha Bakhabar

Tag: ویڈیو وائرل

  • سپر اسٹور میں دھڑلے سے چیزیں لوٹنے والے لٹیرے کے ساتھ کیا ہوا؟ سنسنی خیز ویڈیو

    سپر اسٹور میں دھڑلے سے چیزیں لوٹنے والے لٹیرے کے ساتھ کیا ہوا؟ سنسنی خیز ویڈیو

    نیو یارک: امریکا میں سپر اسٹور میں دھڑلے سے چیزیں لوٹنے والے ڈاکو کی اسٹور میں موجود ملازم اور سکھ شخص نے درگت بنادی۔

    رپورٹ کے مطابق امریکا میں دکانوں پر چوری اور مسلح ڈکیتیوں کے واقعات میں اضافہ ہورہا ہے جو دکانوں کے مالکان اور خوردہ فروشوں کے لیے تشویش کا باعث بن رہے ہیں۔

    اس طرح کے واقعات کی سوشل میڈیا پر متعدد ویڈیوز سامنے آچکی ہیں جن میں صارفین، عملہ اور دکان کے مالکان کو اس طرح کے حملوں کا نشانہ بناتے ہوئے دکھایا گیا ہے۔

     تاہم اس بار ڈاکو اسٹور میں موجود لوگوں کے ہاتھ آگیا، رپورٹ کے مطابق  ایک چور نے کیلیفورنیا میں 7 الیون اسٹور پر حملہ کیا تو ایک سکھ شخص نے موقع دیکھتے ہی چور کی ڈنڈے سے پٹائی کردی۔

    اس واقعے کی ایک ویڈیو جو سوشل میڈیا پر وائرل ہوئی ہے جس میں ایک نقاب پوش چور کو اسٹور سے مصنوعات کو ایک بڑے کوڑے دان میں پھینکنے کی کوشش کرتے ہوئے دکھایا گیا ہے۔

    ویڈیو میں دیکھا جاسکتا ہے کہ چور نے اسٹور کے مالک کو کئی بار ہتھیار سے دھمکایا اور ایک ملازم کو پیچھے ہٹنے کا کہا۔

    اسٹور میں موجود سکھ شخص کو مالک کی جانب سے پیچھے ہٹنے کا کہتے ہوئے بھی سنا جاسکتا ہے، تاہم ملازم نے ڈاکو کو بازوؤں سے دبوچ لیا جس کے بعد سکھ شخص نے چور کو موٹے ڈنڈے سے متعدد بار مارا۔

    وائرل ہونے والی اس ویڈیو میں بہت سے لوگوں نے سکھ آدمی کی بہادری کی تعریف کی  ایک اور  صارف نے کہا یہ بہترین ویڈیو ہے کبھی بھی پنجابی کے ساتھ کوئی گڑ بڑ نا کریں، تمام ہیرو ٹوپیاں نہیں پہنتے کچھ پگڑیاں باندھتے ہیں۔

  • شدید بارش کے باعث ایئرپورٹ پانی سے بھر گیا، ویڈیو وائرل

    شدید بارش کے باعث ایئرپورٹ پانی سے بھر گیا، ویڈیو وائرل

    بھارت میں طوفانی بارش سے تباہی کاسلسلہ جاری ہے،  گجرات میں شدید بارش کے باعث ایئرپورٹ پانی سے بھر گیا جس کی ویڈیو وائرل ہوگئی۔

    بھارتی میڈیا رپورٹ کے مطابق بھارت کی ریاست گجرات میں بارش نے تباہی مچادی ہے مسلسل ہونے والی بارش کے باعث سڑکیں پانی سے بھر گئیں ہیں۔

    رپورٹ کے مطابق تمام نشیبی علاقے زیر آب گئے جبکہ احمد آباد کے پٹیل انٹر نیشنل ایئر پورٹ میں بھی بارش کا پانی داخل ہوگیا۔

    ویڈیو میں دیکھا جاسکتا ہے کہ رن وے سمیت ایئر پورٹ کوریڈور میں پانی جمع ہوگیا جس کے باعث مسافروں کو شدید پریشانی کا سامنا کرنا پڑا۔

    دوسری جانب پٹیل انٹر نیشنل ایئر پورٹ حکام کی جانب سے جاری کردہ بیان میں کہا گیا کہ ایئر پورٹ سے پانی کو خصوصی چینلز سے ہٹا دیا گیا ہے۔

    رپورٹ کے مطابق حکام کا یہ بھی کہنا ہے کہ پروازوں کی آمد و رفت میں کوئی مسئلہ نہیں ہے۔

    واضح رہے کہ ہماچل پردیش، گجرات، اترآکھنڈ اور مہاراشٹر سمیت کئی بھارتی ریاستوں میں بارشوں کے باعث آنے والا سیلاب درجنوں مویشی بہا لے گیا، فصلیں بھی تباہ کردیں جبکہ بارشوں اور سیلاب سے اربوں روپے کا نقصان ہوگیا ہے۔

  • ’ کرش‘ فلم سے متاثر بچہ اسکول کی عمارت سے کود گیا، ویڈیو وائرل

    ’ کرش‘ فلم سے متاثر بچہ اسکول کی عمارت سے کود گیا، ویڈیو وائرل

    نئی دہلی: بھارت میں ایک چونکا دینے والا واقعہ اس وقت پیش آیا جب ایک تیسری جماعت کے طالب علم نے اپنی اسکول کی چھت سے چھلانگ لگادی۔

    بھارتی میڈیا کی رپورٹس کے مطابق یہ واقعہ بھارت کی ریاست اترپردیش کے کانپور میں واقع ایک اسکول کے اندر پیش آیا، جس کے مناظر اسکول میں نصب سی سی ٹی وی ویڈیو میں قید ہوگئی۔

    رپورٹ کے مطابق اسکول کے تیسری جماعت کے طالب علم  ویرات نے بالی وڈ کی فلم ’کرش‘ سے ایک خطرناک اسٹنٹ کی نقل کی جس سے وہ شدید زخمی ہوگیا۔

    اس حوالے سے اسکول انتظامیہ کا کہنا ہے کہ اس واقعے میں اسکول ذمہ دار نہیں ہے، ویرات کے ساتھی طالبعلموں سے پوچھ گچھ کے بعد پتا چلا کہ وہ پانی پینے کے بہانے کلاس سے اجازت لے کر باہر آیا تبھی اس کے تین دوست بھی وہاں پہنچ گئے۔

    تینوں دوست کرش اور اسپائیڈر مین کی طرح چھلانگ لگانے پر بات  کررہے تھے کہ کون چھلانگ لگا سکتا ہے اور ان کے درمیان  شرط لگ گئی جس کے بعد ان کا بیٹا ریلنگ سے کود گیا۔

    ویرات کے والد کا کہنا ہے کہ ان کا بیٹا بالی وڈ کی فلم کرش سے متاثر ہے اور وہ سپر ہیرو کو پسند کیا کرتا ہے، دوسری جانب  ماہر نفسیات کا کہنا ہے کہ چھوٹے بچوں پر اس طرح کی فلموں کے شدید اثرات مرتب ہوتے ہیں وہ فلم اور حقیقت میں فرق نہ کرتے ہوئے بعض دفعہ ایسی کرجاتے ہیں جس کی وجہ سے ان کی جان پر بن آتی ہے۔

  • گال: بابر اور ابرار کی مقامی بچوں کیساتھ کرکٹ کھیلنے اور پتنگ اڑانے کی ویڈیو وائرل

    گال: بابر اور ابرار کی مقامی بچوں کیساتھ کرکٹ کھیلنے اور پتنگ اڑانے کی ویڈیو وائرل

    گال: قومی کرکٹ ٹیم کے کپتان بابراعظم اور اسپنر ابرار احمد کی گال میں مقامی بچوں کیساتھ کرکٹ کھیلنے اور پتنگ اڑانے کی ویڈیو وائرل ہوگئی۔

    پاکستان کرکٹ بورڈ (پی سی بی) کی جانب سے شیئر کردہ ویڈیو میں دیکھا جاسکتا ہے کہ کپتان بابراعظم اور ابرار احمد تفریح کیلئے سمندر کنارے پہنچے جہاں ابرار احمد نے مقامی بچوں کے ساتھ کرکٹ بھی کھیلی۔

    ویڈیو میں کپتان بابراعظم کو بڑی پتنگ اڑاتے ہوئے اپنی پتنگ بازی کا شوق بھی پورا کرتے ہوئے دیکھا جاسکتا ہے، دونوں کرکٹرز کے ہمراہ شائقین کرکٹ نے سلفیاں اور تصاویر بھی بنوائیں۔

    ویڈیو میں ابرار احمد کو اپنی فوٹوگرافی کے جوہر دکھاتے ہوئے بھی دیکھا گیا، اسپنر نے سمندر کنارے اسکیپر کی تصویر بنائی جسے کپتان نے اپنے اکاؤنٹ پر شیئر بھی کی ہے۔

    یاد رہے کہ قومی ٹیم کو سری لنکا کے خلاف دو ٹیسٹ میچوں کی سیریز میں 0-1 کی برتری حاصل ہے، سیریز کا اگلا میچ 24 جولائی سے کولمبو میں کھیلا جائے گا۔

  • مسافر طیارے کی سلائیڈ گھر پر جاگری، ویڈیو وائرل

    مسافر طیارے کی سلائیڈ گھر پر جاگری، ویڈیو وائرل

    شکاگو میں یونائیٹڈ مسافر طیارے سے ایمرجنسی سلائیڈ گھر پر گرنے کی فوٹیج  سامنے آگئی۔

    غیر ملکی میڈیا رپورٹ کے مطابق سوئٹزرلینڈ سے اڑان بھرنے والی یونائیٹڈ ایئرلائنز کی پرواز سے ایمرجنسی سلائیڈ شمال مغربی شکاگو کے ایک گھر کی چھت پر گر گئی جسے دیکھ کر رہائشی چونک گئے۔

    گھر کے مالک پیٹرک ڈیویٹ کا کہنا تھا کہ’ جب ہم گھر میں تھے تو ہم نے ایک زور دار آواز سنی، جب ہم باہر گئے تو دیکھ کر حیران رہ گئے، ہمارے گھر کے باہر ایک کار سے بھی بڑا سامان زمین پر پڑا ہوا تھا‘۔

    پیٹرک ڈیویٹ نے کہا کہ جب ہم نے فوٹیج چیک کیا تو پتا چلا یہ سلائیڈ آسمان سے گری ہے، ہم  اسے اپنے گھر کے باہر گھسیٹ کر سڑک پر لے گئے اور پولیس کو آگاہ کیا۔

    جس کے بعد فیڈرل ایوی ایشن ایڈمنسٹریشن (ایف اے اے) کے اہلکار تحقیقات کے لیے پہنچے، دوسری جانب شکاگو سے کچھ فاصلے پر ایئرلائنز نے اطلاع دی کہ بوئنگ 767 سے ایمرجنسی سلائیڈ غائب ہے۔

    یونائیٹڈ ایئر لائنز نے تصدیق کی وہ ایمرجنسی لینڈ سلائیڈ بوئنگ 767 کی تھی اس  پرواز میں 155 مسافر اور 10 افراد عملے سوار تھے۔

     یونائیٹڈ ایئر لائنز نے ایک بیان میں کہا کہ ہم نے سلائیڈ غائب پانے کے بعد فوری طور پر ایف اے اے سے رابطہ کیا، جس کے بعد انہوں نے ہمیں اطلاع کی کہ وہ سلائیڈ شکاگو کے ایک رہائشی کے گھر کے باہر ملی ہے۔

    رپورٹ میں یہ بھی بتایا گیا کہ ایمرجنسی سلائیڈ گرنے سے زمین یا جہاز میں سفر کرنے والوں میں سے کسی قسم کے زخمی ہونے کی اطلاع نہیں ملی ۔

    فیڈرل ایوی ایشن ایڈمنسٹریشن نے کہا کہ وہ شکاگو کے رہائشی کے گھر کے باہر طیارے کی ایمرجنسی سلائیڈ  گرنے کی تحقیقات کر رہی ہیں۔

  • بھارت میں سیاح غیر محفوظ، آگرہ جانے والے سیاح کو ڈنڈوں سے پیٹنے کی ویڈیو وائرل

    بھارت میں سیاح غیر محفوظ، آگرہ جانے والے سیاح کو ڈنڈوں سے پیٹنے کی ویڈیو وائرل

    آگرہ: بھارت میں مسلمان کے بعد اب سیاح بھی غیر محفوظ ہیں آگرہ جانے والے شخص کو ڈنڈوں سے پیٹنے کی ویڈیو وائرل ہوگئی۔

    مبینہ طور پر یہ واقعہ آگرہ کے تاج گنج علاقے میں پیش آیا، جہاں آگرہ کے تاج محل شہر کا دورہ کرنے والے سیاح کو ایک ہجوم نے جسمانی تشدد اور مجرمانہ دھمکیوں کا نشانہ بنایا جس کی فوٹیج سامنے آگئی ہے۔

    بھارتی میڈیا رپورٹ کے مطابق آگرہ جانے والے سیاح کی کار  سے مشتعل شحص کی ٹکر ہوگئی جس کے بعد چند مقامی لوگوں نے سیاح کا پیچھا کیا اور لاٹھیوں اور سلاخوں سے حملہ کردیا۔

    فوٹیج میں دیکھا جاسکتا ہے کہ سیاح معافی مانگتا رہا لیکن حملہ آوروں نے اس کی تمام درخواستوں کو نظر انداز کرتے ہوئے اسے بے دردی سے پیٹا اور یہ حملہ کئی منٹ تک جاری رہا۔

    اتر پردیش پولیس نے کہا ہے کہ تاج گنج پولیس اسٹیشن کو ضروری کارروائی کرنے کی ہدایت جاری کردی گئی ہے، دوسری جانب تاج گنج پولیس اسٹیشن نے فوری طور پر کیس درج کرتے ہوئے 03 ٹیمیں تشکیل دی اور ان میں سے 05 ملزمان کو حراست میں لیا ہے جبکہ دیگر کی گرفتاری کی کوششیں جاری ہے۔

  • برقع پوش خاتون کی گھر کے سامنے تعویذ گاڑھنے کی ویڈیو وائرل

    برقع پوش خاتون کی گھر کے سامنے تعویذ گاڑھنے کی ویڈیو وائرل

    حیدرآباد: بھارت میں ایک برقع پوش خاتون کی گھر کے سامنے تعویذ گاڑھنے کی ویڈیو وائرل ہوگئی۔

    یہ واقعہ بھارت کے شہر حیدرآباد کے علاقے جو بالا پور روشن کالونی میں پیش آیا، سوشل میڈیا پر وائرل ہونے والی ویڈیو میں میں دیکھا جاسکتا ہے کہ ایک برقعہ پوش خاتون نے کسی کےگھر کے سامنے تعویذ وغیرہ گاڑھ دیئے ہیں۔

    بھارتی میڈیا کے مطابق  جس خاتون کے گھر کے سامنے یہ حرکت کی گئی ان کا کہنا ہے کہ نامعلوم برقعہ پوش خاتون کے ساتھ کم عمر بچی بھی تھی، انھوں نے ان کے گھر کے سامنے لیمو، تعویز وغیرہ گڑھا کھود کر اس میں ڈال دیا ہے۔

    خاتون کا کہنا ہے کہ کسی نے جادو ٹونے کے مقصد سے یہ حرکت کی ہے، خاتون نے پولیس سے مطالبہ کیا کہ وہ فوٹیج میں نظر آنے والی خاتون کی نشاندھی کرتے ہوئے اس کے خلاف کارروائی کریں۔

    رپورٹ کے مطابق گڑھا کھود کر اس میں ڈالی گئی اشیاء کو باہر نکالا گیا، یہ بھی کہا جارہا ہے کہ یہ اشیاء کالے جادو میں استعمال ہونے والی ہیں۔

  • تقریر کے دروان اسٹیج ٹوٹنے سے بھارت کے سابق رکن اسمبلی گر پڑے، ویڈیو وائرل

    تقریر کے دروان اسٹیج ٹوٹنے سے بھارت کے سابق رکن اسمبلی گر پڑے، ویڈیو وائرل

    حیدرآباد: ریاست آندھر اپردیش میں تلگو دیشم پارٹی کے ایک پروگرام میں اسٹیج منہدم ہوگیا جس کی ویڈیو وائرل ہوگئی۔

    ریاست آندھر اپردیش میں تلگو دیشم پارٹی کے ایک پروگرام میں تقریر کے دروان اسٹیج ٹوٹنے سے میں تلگو دیشم پارٹی کے سابق رکن اسمبلی گر پڑے جس کی ویڈیو وائرل ہوگئی۔

    رپورٹ کے مطابق آندھیرا پردیش میں ایک پروگرام منعقد کیا گیا اس دوران تیز ہواؤں اور موسلا دھار بارش کے باعث اسٹیج گر ​​گیا۔

     حادثے کے وقت تقاریر کی جارہی تھیں، اسٹیج پر موجود سابق ایم ایل اے چنتامنینی پربھاکر اور جی مرلی کے علاوہ ٹی ڈی پی کے کئی کارکنوں کو معمولی چوٹیں آئیں۔

  • ہرن سانپ کو سبزی سمجھ کر چبا گئی، ویڈیو وائرل

    ہرن سانپ کو سبزی سمجھ کر چبا گئی، ویڈیو وائرل

    آپ نے ہرن کو جب بھی کچھ کھاتے ہوئے دیکھا ہوگا تو وہ جنگلوں میں گھاس چرتے ہوئے کیوں کہ ہرن ایک سبزی خور جانور ہے، لیکن اب ہرن بھی سبزہ چھوڑ کر گوشت کی دیوانی ہوگئی۔

    انڈین فاریسٹ سروس (IFS) کی آفیسر سوسنتا نندا نے سوشل میڈیا پر ایک ویڈیو شیئر کی ہے جس میں ہرن کو گھاس کے بجائے سانپ کو چپاتے ہوئے دیکھا گیا ہے۔

    سوشل میڈیا پر وائرل ویڈیو میں دیکھا جا سکتا ہے کہ ایک ہرن جنگل کے علاقے میں سڑک کنارے کھڑی ہے اور سانپ چبا رہی ہے۔

    اس ویڈیو سے متعلق نیشنل جیوگرافک کا کہنا ہے کہ ہرن گوشت کھا سکتا ہے کیونکہ ان میں فاسفورس، نمک اور کیلشیئم جیسے معدنیات کی کمی ہوتی ہے۔

    نیشنل جیوگرافک کا کہنا ہے کہ ہرن گوشت کی طرف اس وقت راغب  ہوتی ہیں جب سردیوں کے مہینوں میں پودوں کی زندگی کم ہو جاتی ہے

  • اوکاڑہ میں لڑکیوں سے چھیڑ چھاڑ کرنے والے کی خوب درگت، ویڈیو وائرل

    اوکاڑہ میں لڑکیوں سے چھیڑ چھاڑ کرنے والے کی خوب درگت، ویڈیو وائرل

    اوکاڑہ: پنجاب کے شہر اوکاڑہ میں لڑکیوں کو چھیڑنے پر ایک نوجوان کی خوب درگت بنائی گئی، جس کی ویڈیو بھی وائرل ہو گئی ہے۔

    تفصیلات کے مطابق اوکاڑہ میں کامران نامی ایک نوجوان لڑکیوں کو چھیڑ رہا تھا، دوسرے نوجوانوں نے اسے منع کیا تو اس نے گالم گلوچ شروع کر دی، جس پر جھگڑا ہو گیا۔

    رپورٹ کے مطابق کامران کو چھیڑ خانی سے منع کیا گیا تو گالم گلوچ شروع ہو گئی اور حاشر نامی نوجوان نے اپنے دوست کے ساتھ مل کر اسے خوب پیٹا، اور درگت بنائی۔

    معلوم ہوا ہے کہ ملزم کامران کے خلاف اوکاڑہ کے تھانہ بی ڈی میں ایک معذور لڑکی سے زیادتی کا مقدمہ بھی درج ہے۔ اور وہ لڑکیوں سے اکثر چھیڑ خانی کرتا پایا گیا ہے، اور اس کے خلاف متعدد شکایات سامنے آ چکی ہیں۔

    تھانہ بی ڈی پولیس کی جانب سے کامران کے خلاف تحقیقات بھی جاری ہیں، تشدد کرنے والے لڑکوں کا کہنا تھا کہ کامران کے خلاف اہل محلہ کو کئی بار شکایات موصول ہوئی ہیں۔