ARYNews.tv | Urdu – Har Lamha Bakhabar

Tag: ویڈیو وائرل

  • پی آئی اے کی فضائی میزبانوں کی ٹک ٹاک ویڈیو وائرل، انتظامیہ نے نوٹس لے لیا

    پی آئی اے کی فضائی میزبانوں کی ٹک ٹاک ویڈیو وائرل، انتظامیہ نے نوٹس لے لیا

    کراچی : پی آئی اے یونیفارم میں ملبوس فضائی میزبانوں کی ویڈیو سوشل میڈیا پر وائرل ہونے کے بعد انتظامیہ نے ان کیخلاف کارروائی کرتے ہوئے تینوں فضائی میزبانوں کو بین الاقوامی فلائٹس سے گراونڈ کردیا۔

    تفصیلات کے مطابق پی آئی اے کی فضائی میزبانوں کو سوشل میڈیا کا استعمال مہنگا پڑ گیا، یونیفارم میں ملبوس فضائی میزبانوں کی تین مختلف ٹک ٹاک وڈیوز سوشل میڈیا پر وائرل ہوگئیں۔

    وڈیوزمیں پی آئی اے کی فضائی میزبان غیرملکی ( بھارتی) گانوں پر اداکاری کرتی نظرارہی ہیں، اس حوالے سے ذرائع کا کہنا ہے کہ پی آئی اے انتظامیہ نے وائرل ویڈیو کا نوٹس لے لیا ہے۔

    ویڈیو میں نظر آنے والی فضائی میزبانوں کے خلاف تحقیقات کا حکم دے دیا گیا، جی ایم فلائٹ سروسز کا کہنا ہے کہ یونیفارم میں ملبوس فضائی میزبانوں کو ایسی ویڈیوز بنانے کی اجازت نہیں۔

    سوشل میڈیا میں نظر آنے والے فضائی میزبانوں کو وارننگ جاری کردی گئی ہے اور تینوں فضائی میزبانوں کو بین الاقوامی فلائٹس سے گراؤنڈ بھی کردیا گیا ہے۔

    واضح رہے کہ اس سے قبل پی آئی اے کی فضائی میزبانوں کی ایک وڈیو پر پہلے بھی پی آئی اے کی اعلیٰ انتظامیہ نوٹس لے چکی ہے۔

  • کراچی کے کچرے سے پریشان خاتون بھڑک اٹھیں، ویڈیو وائرل

    کراچی کے کچرے سے پریشان خاتون بھڑک اٹھیں، ویڈیو وائرل

    کراچی: شہر قائد میں کچرے پر پریشان خاتون بھڑک اٹھیں، سندھ حکومت، کے ایم سی، ایم کیو ایم سب کو آڑے ہاتھوں لے لیا۔

    تفصیلات کے مطابق کراچی کے مختلف شہروں میں کچرے کے ڈھیر سے پریشان حال خاتون نے اپنی دل کی خوب بھڑاس نکالی اور پیپلزپارٹی، ایم کیو ایم، تحریک انصاف کو تنقید کا نشانہ بنا ڈالا۔

    متاثرہ خاتون کا کہنا ہے کہ ہم لڑکیاں ہیں ان کچرے کے ڈھیروں سے روز گزرتے ہیں حکومت کوئی نوٹس نہیں لیتی ہے۔

    خاتون کا کہنا تھا کہ ایم کیو ایم، پیپلزپارٹی اور تحریک انصاف کوئی کراچی کی حالت کی ذمہ داری لینے کو تیارنہیں ہے ان سب نے ہم کو پاگل بنا کر رکھا ہوا ہے۔

    غصے سے بپھری خاتون نے کہا کہ وہ کہتا ہے میں کام نہیں کروں گا تو دوسرا کہتا ہے میں کام نہیں کروں گا تو پھر کراچی میں کام کون کرے گا۔

    خاتون نے کہا کہ ہم خواتین ہیں ہمارا حشر دیکھیں ان کچرے کے ڈھیروں کی وجہ سے ہمارے گھر والے ہمارے لیے پریشان ہیں، شہر میں یہ ہوکیا رہا ہے کچھ سمجھ نہیں آرہا ہے۔

    واضح رہے کہ چند سال قبل کراچی کے علاقے جہانگیر روڈ پر ایک خاتون کی ویڈیو وائرل ہوئی تھی جو کہہ رہی تھیں کہ ’یہ سب مل کر ہم کو پاگل بنارہے ہیں۔‘

    یاد رہے کہ حالیہ دنوں کی بارش کے بعد کراچی میں صفائی کی صورت حال اور ابتر ہوگئی ہیں، وسیم اختر سندھ حکومت سے اختیارات کا کہتے نظر آتے ہیں جبکہ پیپلزپارٹی کہتی ہے وسیم اختر کی نیت ٹھیک نہیں ہے۔

  • ممبئی ایئرپورٹ پر طیارے کے نزدیک گھومتے پُراسرار شخص‌ کی ویڈیو وائرل

    ممبئی ایئرپورٹ پر طیارے کے نزدیک گھومتے پُراسرار شخص‌ کی ویڈیو وائرل

    نئی دہلی:بھارت میں پراسرار حرکتوں کا حامل ایک شخص ممبئی ایئرپورٹ کی دیوار پھلانگ کر ایک طیارے کے نیچے چلتا پھرتا نظر آرہا ہے، یہ طیارہ روانگی کے لیے رن وے پر آنے کی باری کا انتظار کر رہا تھا۔

    تفصیلات کے مطابق پیش آنے والے واقعے کا وڈیو کلپ سوشل میڈیا پر وائرل ہو گیا،یہ کلپ ایک دوسرے طیارے کے کاک پٹ سے بنایا گیا تھا،بھارتی خبر رساں ایجنسی کے مطابق وڈیو میں نمودار ہونے والا اجنبی ایک طیارے کے نزدیک گھومتا پھرتا اور اس کا معائنہ کرتا نظر آیا۔

    داخلہ سیکورٹی فورسز کے ایک ذریعے کا کہنا تھا کہ مذکورہ شخص نے جمعرات کی دوپہر مقامی وقت کے مطابق ایک بج کر چالیس منٹ پر ایئرپورٹ کی دیوار پھلانگی اورایک بج کر 42منٹ پر اسے حراست میں لے لیا گیا۔

    ذریعے نے مزید بتایا کہ گرفتاری کے بعد اس شخص کی اچھی طرح تلاشی لی گئی مگر اس ے قبضے سے کچھ برآمد نہ ہوا، اس شخص کے پاس کوئی شناختی دستاویز بھی نہیں تھی۔

    ایئرپورٹ پر پولیس کے ایک افسر کے بیان کے مطابق دراندازی کرنے والے شخص کی عمر 24 سال ہے اور وہ سیون میں رہتا ہے، پولیس نے اس نوجوان کے اہل خانہ سے رابطہ کیا تو معلوم ہوا کہ وہ کسی طبی مسئلے کے تحت زیر علاج ہے۔

    اہل خانہ نے مزید بتایا کہ دوا نہ کھانے پر یہ شخص پریشان کن حرکات کا ارتکاب کرتا ہے۔ گذشتہ ہفتے وہ علاقے میں ایک بس کی چھت پر چڑھ گیا تھا۔

  • امریکی ایئرلائن کی پرواز میں میاں بیوی کا جھگڑا، ویڈیو وائرل

    امریکی ایئرلائن کی پرواز میں میاں بیوی کا جھگڑا، ویڈیو وائرل

    واشنگٹن: امریکی ایئرلائن کی پرواز میں میاں اور بیوی کے درمیان جھگڑا ہوگیا جس کی ویڈیو سوشل میڈیا پر وائرل ہوگئی۔

    غیرملکی خبررساں ادارے کی رپورٹ کے مطابق میامی انٹرنیشنل ایئرپورٹ سے لاس اینجلس جانے والی فلائٹ میں شوہر اور بیوی جھگڑا ہوگیا، جہاز میں بیٹھے مسافر نے جھگڑے کی ویڈیو بنائی جو سوشل میڈیا پر وائرل ہوگئی۔

    جھگڑے کے دوران بیوی شوہر پر چیختی چلاتی رہی جب شوہر نے سیٹ سے اٹھ کر جانے کی کوشش کی تو بیوی نے لیپ ٹاپ سر پر دے مارا۔

    شوہر کی جانب سے کہا گیا تم آپے سے باہر ہورہی ہے اور وہ اٹھ کر دوسری جانب جانے لگا کہ اہلیہ نے ہاتھ میں پکڑا ہوا لیپ ٹاپ اس کے سر پر مار دیا۔

    پولیس کے مطابق خاتون مسافر کی شناخت ٹیفنی میکلے مور کے نام سے ہوئی ہے جبکہ واقعے میں خوش قسمتی سے شوہر زخمی نہیں ہوا۔

    میامی ایئرپورٹ پولیس کی جانب سے جوڑے کو طیارے سے اتار دیا گیا اور شوہر کے خلاف کوئی شکایت درج نہیں کی گئی جبکہ اس کی اہلیہ کو میکلے مور کو طیارے سے آف لوڈ کردیا گیا۔

    ایئرلائن انتظامیہ نے اپنے بیان میں کہا کہ ہم شکر گزار ہیں پولیس نے فوری طور پر معاملے کو حل کرلیا۔

    یاد رہے کہ رواں سال مارچ میں مانچسٹر سے لسبن جانے والی فلائٹ میں کولڈ ڈرنک نہ دینے پرنشے میں دھت ہسپانوی خاتون نے طیارے میں ہنگامہ برپا کردیا تھا۔

    مسافروں کی جانب سے شکایت درج کرانے کے بعد کیپٹن کی جانب سے ایئرپورٹ حکام کو آگاہ کردیا گیا ہے، طیارے کی لینڈنگ کے بعد خاتون مسافر کو حراست میں لے لیا گیا تھا۔

  • ہیمامالنی کی پارلیمنٹ کے باہر جھاڑو لگانے کی ویڈیو وائرل

    ہیمامالنی کی پارلیمنٹ کے باہر جھاڑو لگانے کی ویڈیو وائرل

    نئی دہلی : حکمران جماعت بھارتیہ جنتا پارٹی (بی جے پی) کی رکن پارلیمنٹ اور بالی ووڈ کی ڈریم گرل ہیما مالنی نے جھاڑو لگا کر صفائی کی اہمیت اجاگر کی۔

    تفصیلات کے مطابق بالی ووڈ سابقہ ڈریم گرل و بھارتی سیاست دان ہیما مالنی نے حکمران جماعت کی صفائی مہم کے دوران بھارتی پارلیمنٹ کے باہر جھاڑو لگا کر ملک بھر کو صفائی کی تعلیم دی۔

    غیر ملکی خبر رساں ادارے کا کہنا تھا کہ بھارت کی موجود ہ سرکار آئے دن بھارت شہریوں کو صفائی ستھرائی کی اہمیت سے متعلق تعلیم دینے میں لگی رہتی ہے۔

    مقامی خبر رساں ادارے کا کہنا تھا کہ مودی سرکار کبھی ٹوائلٹ کی اہمیت کی مہم چلاتی ہے تو کبھی گلی محلوں میں صفائی کی اہمیت آگاہی فراہم کررہی ہے تو کبھی کچھ اور۔

    صفائی مہم کے تناظر میں ہیمامالنی بھی ساتھی ارکان پارلیمنٹ کے ساتھ لوک سبھاکے باہر جھاڑو لگانے پہنچیں تھیں تاہم نزاکت سے جھاڑو لگانے کے باعث انٹرنیٹ انہیں طنز و مزاح کا سامنا کرنا پڑرہا ہے۔

    عمر عبداللہ نامی صارف نے ٹویٹ میں طنز کیا کہ ’پارلیمنٹ ہاؤس پورے ملک کی صاف ترین جہگوں میں سے ایک ہے خاص طور پر جب سیشن جاری ہوتو وہاں کہاں جھاڑو دے رہے ہیں‘۔

    ایک صارف نے ٹویٹ کیا کہ ’انوراگ ٹھاکر اپنی کرکٹ کی صلاحیتوں کو استعمال کررہے ہیں جبکہ ہیمامالینی اپنی فنکاری کی صلاحیتوں کا استعمال کررہی ہیں‘۔

    خیال رہے کہ بھارت کی آبادی 130 کروڑ سے زائد ہے،وہاں صحت اور صفائی انتہائی اہم مسائل ہیں۔

  • ماؤتھ واش استعمال کرکے واپس بوتل میں الٹنے اور شیلف میں رکھنے کی ویڈیو وائرل

    ماؤتھ واش استعمال کرکے واپس بوتل میں الٹنے اور شیلف میں رکھنے کی ویڈیو وائرل

    اگر آپ سپرمارکیٹ سے کوئی شہ خریدتے ہیں تو اچھی طرح چیک کرکے لیں کہ سیل پیک ہے یا نہیں، امریکا کی معروف سپر مارکیٹ میں اشیاء استعمال کرکے واپس شیلف میں رکھنے کی دوسری ویڈیو منظر عام پر آگئی، جس نے صارفین کو حیران کردیا۔

    تفصیلات کے مطابق سوشل میڈیا پر وائر ل ہونے والی دوسری ویڈیو میں دیکھا جاسکتا ہے کہ معروف امریکی سپر مارکیٹ وال مارٹ میں ایک خاتون نے صارف نے دانت اور منہ صاف کرنے والی اشیاء کے شیلف سے ایک ماؤتھ واش(منہ صارف کرنے والامحلول) اٹھایا اور منہ صاف کرنے کے بعد واپس بوتل میں کلّی کرکے ماؤتھ واش کی بوتل شیلف میں رکھ دی، جو ایک نفرت انگیز عمل ہے۔

    ویڈیو میں نظر آنے والی خاتون نے جس نے سپر مارکیٹ میں نازیبا حرکت کیمرے کے سامنے انجام دی اپنے سہلیوں سے کہتی نظر آتی ہیں کہ ’لڑکیوں یہ ایک برُی صبح تھی‘ جبکہ اس سے کچھ لمحے پہلے خاتون نے ایک بوتل کا ڈھکن کھول کر بھاری مقدار میں منہ کا

    اندرونی حصّہ صاف کرنے والا محلول اپنے منہ میں ڈالا اور کچھ لمحوں بعد واپس بوتل میں الٹ دیا تھا۔

    برطانوی خبر رساں ادارے کا کہنا تھا کہ سپر مارکیٹ کے اندر منہ صاف کرنے کی ویڈیو کو سماجی رابطے کی ویب سائٹ ٹویٹر پر اب تک 1 کروڑ 65 لاکھ افراد دیکھ چکےہیں۔

    سوشل میڈیا صارفین کی جانب سے خاتون کی وائرل ہونے والی ویڈیو خوفناک قرار دیا، ایک صارف نے تحریر کیا کہ ’اس کا حلّیہ دیکھو، مجھے تو گِھن آرہی ہے‘۔

    یاد رہے کہ اس قبل وال مارٹ کی ٹیکساس میں واقع برانچ میں بھی ایسا ہی ایک واقعہ پیش آیا تھا اس کی ویڈیو سوشل میڈیا پر وائرل ہوئی تھی،جس ویڈیو میں ایک لڑکی کو فریج سے بلو بیل کریمر نامی برانڈ کی آئسکریم کافیملی سائز پیکٹ نکال کر آئسکریم چاٹ کر واپس فریج میں رکھتے دیکھا گیا تھا۔

    ٹیکساس پولیس نے لڑکی کی حرکت رد عمل دیتے ہوئے کہا کہ کنژیومر اشیاء کے ساتھ چھیڑ چھاڑ کرنے کے جرم میں دوشیزہ کو 20 برس قید اور 10 ہزار ڈالر جرمانے کا سامنا کرنا پڑے گا۔

  • خاتون کی آئسکریم چکھ کر واپس رکھنے کی ویڈیو وائرل

    خاتون کی آئسکریم چکھ کر واپس رکھنے کی ویڈیو وائرل

    واشنگٹن : امریکی خاتون کی فیملی سائز آئس کریم پر چاٹ کر واپس فریج میں رکھنے کی ویڈیو وائرل ہوگئی، آئسکریم جھوٹی کرنے کے جرم میں خاتون کو کم از کم 20 سال قید ہوسکتی ہے۔

    تفصیلات کے مطابق کچھ روز سوشل میڈیا پر وائرل ہونے والی ویڈیو میں ایک خاتون کو فیملی سائز بلو بیل آئس کریم کا پیکٹ کھول کر چکھ لگانے اور واپس فریج میں رکھتے ہوئے دیکھا جاسکتا ہے۔

    برطانوی خبر رساں ادارے کا کہنا تھا کہ خاتون کو سپر مارکیٹ کی آئسکریم کو چاٹنے اور پھر واپس فریج میں رکھنے کے جرم میں 20 سال کی قید ہوسکتی ہے۔

    وہ اپنی دوست پر ہنسی جس نے اسے وال مارٹ اسٹور میں گروسری خریدنے والوں کے ساتھ پرینک( مذاق)کرنے کو کہا تھا۔

    ٹیکساس پولیس نے انکشاف کیا ہے کہ خاتون پر صارفین کی مصنوعات کے ساتھ چھیڑ چھاڑ کرنے کا مقدمہ درج ہوگا جس کےباعث انہیں 20 برس جیل اور 10 ہزار ڈالر جرمانے کا سامنا کرنا پڑسکتا ہے۔

    غیر ملکی خبر رساں ادارے کا کہنا تھا کہ تحقیقات کار مذکورہ معاملے پر فورڈ اینڈ ڈرگ ایڈمنسٹریشن سے گفتگو کررہے ہیں، پولیس کا جاری بیان میں کہنا ہے کہ ’خاتون کے خلاف صارفین کی مصنوعات کے ساتھ چھیڑچھاڑ کرنے کے جرم میں سیکنڈ ڈگری مقدمے کے وارنٹ گرفتاری جاری کرنے سے قبل ہمارے جاسوس خاتون کی شناخت کی تصدیق کرنے پر کام کررہے ہیں‘۔

    برطانوی خبر رساں ادارے کا کہنا تھا کہ واقعے کی فوٹیج ایک ٹویٹر صارف نے اپنے اکاؤنٹ سے ان الفاظ ’یہ کیا نفسیاتی رویہ ہے ‘ کے ساتھ شیئر کی تھی۔

    ایک صارف کا کہنا تھا کہ ’مجھے سخت ناپسند ہے، اس پر مجرمانہ کارروائی کا مقدمہ درج ہونا چاہیے‘ ایک اور صارف نے جواب دیا کہ ’اسے لازمی گرفتار کرنا چاہیے‘۔

    ایک صارف نے لکھا کہ ’یہی وجہ ہے کہ میں آئسکریم خریدنے سے پہلے اچھی طرح دیکھ لیتی ہوں کہ اچھی طرح پلاسکٹ سے پیک ہے یا نہیں‘۔

    غیر ملکی خبر رساں ادارے کا کہنا تھا کہ مذکورہ ویڈیو 1 کروڑ صارفین نے دیکھی اور آئسکریم بنانے والی کمپنی بلو بیل کریمر نے کمنٹ کیا کہ ’ہم مذکورہ خاتون کو پکڑنے کی کوشش کریں‘،کمپنی کا کہنا تھا کہ’ اس طرح کا ہرگز قابل قبول نہیں ہے‘۔

  • شرارتی بچوں نے خود رکشہ چلا کر ڈرائیور کو پریشان کردیا، ویڈیو وائرل

    شرارتی بچوں نے خود رکشہ چلا کر ڈرائیور کو پریشان کردیا، ویڈیو وائرل

    لاہور : اسکول سے گھر واپسی پر شرارتی بچوں نے خود رکشہ چلا کر ڈرائیور کو پریشان کردیا، منظر کی ویڈیو سوشل میڈیا پر وائرل ہوگئی۔

    کہتے ہیں کہ بچپن کی شرارتیں ساری زندگی یاد رہتی ہیں، تقریباً ہر شخص اپنے بچپن میں کئی ایسی شرارتیں کرتا ہے جس کی یاد اس کو بڑھاپے تک آتی ہے۔

    کچھ اسی طرح اسکول سے واپس گھر واپس آنے والے بچوں کی شرارت سے رکشے والے کی شامت آگئی، اسکول سے گھر واپسی پر بچوں نے رکشے والے کو پریشان کردیا۔

    آپس کی لڑائی میں ایک بچہ رکشہ سے گر پڑا، ڈرائیور بچوں کو ڈانٹ رہا تھا کہ اس دوران دوسرے شرارتی بچوں نے خود رکشہ چلادیا،شرارتی کاکوں نے رکشے والے کو نچادیا۔

    سوشل میڈیا پر گردش کرتی ویڈیو میں دیکھا جاسکتا ہے کہ اسکول کے بچوں کی لڑائی میں ایک بچہ رکشے سے باہر آگرا، ڈرائیور بریک لگا کر اترا اوربچوں کو ڈانٹا شروع کردیا۔

    اتنے میں ایک بچے کوشرارت سوجھی وہ نظر بچا کر رکشہ ڈرائیور کی سیٹ پر چڑھ گیا دوسرا بچہ بھی ساتھ مل گیا اوررکشہ چلادیا, ڈرائیورنے بڑی مشکل سے لٹک کر رکشہ روکا، دونوں بچے اترکر بھاگ نکلے اور دور کھڑے ہوکر ڈرائیور کی بے بسی پر ہنستے رہے۔

  • ملتان : مسافرکی بس ہوسٹس سے بدتمیزی اور دھمکیوں کی ویڈیو وائرل

    ملتان : مسافرکی بس ہوسٹس سے بدتمیزی اور دھمکیوں کی ویڈیو وائرل

    ملتان : بس ہوسٹس کے ساتھ مسافر کی بدتمیزی کی ویڈیو سوشل میڈیا پر وائرل ہوگئی، مسافر خود کوسرکاری اہلکارکہہ کر بس ہوسٹس کو دھمکاتارہا دیگر مسافروں کے بیچ بچاؤ کے باوجود مسافرکی اکڑ نہ گئی۔

    تفصیلات کے مطابق اسلام آباد سے لاہور جانے والی مسافر بس کی ایئر ہوسٹس کو دھمکانا مسافر کو مہنگا پڑگیا،ملتان سے اے آر وائی نیوز کے نمائندے طاہر خان کے مطابق محض پانی دیر سے دینے پر مسافر نے بس ہوسٹس پر شدید غصے کا اظہار  کیا۔

    مذکورہ مسافر نے  خاتون سے بد تمیزی کی اور بس سے باہر پھینکنے کی دھمکیاں دیں جس پر بس ہوسٹس آبدیدہ ہوگئی، بس میں موجود دیگر مسافروں نے سمجھانے کوشش کی تاہم مسافر اپنی روش سے باز ںہ آیا اور خود کو سرکاری افسر ظاہر کرکے سنگین نتائج کی دھمکیاں دیتا رہا۔

    بعد ازاں مسافروں نے موٹر وے پولیس کو کال کر کے بلا لیا، اور اس کی شکایت درج کراتے ہوئے کہا کہ اس کے ساتھ سفر نہیں کرسکتے جس پر مذکورہ مسافر کو بس سے اتار دیا گیا۔

  • تیونس کی گلوکارہ کی سورة الضحیٰ کی تلاوت کرتے ویڈیو وائرل

    تیونس کی گلوکارہ کی سورة الضحیٰ کی تلاوت کرتے ویڈیو وائرل

    تیونس : تیونس کی گلوکارہ کی خوبصورت آواز میں قرآن پاک کی تلاوت کرتے ویڈیو وائرل ہوگئی، سوشل میڈیا پر دعویٰ کیا جارہا تھا کہ یہ ویڈیو امریکی گلوکارہ لیڈی گاگا کی ہے جو غلط ثابت ہوئی، خوبصورت تلاوت کرنے والی خاتون گلوکارہ صوفیہ صادق کی ہے۔

    تفصیلات کے مطابق سوشل میڈیا پر وائرل ہونے والی سورة الضحیٰ کی تلاوت کرتی ہوئی خاتون کی ویڈیو کی حقیقت سامنے آگئی، سوشل میڈیا پر ایک ویڈیو تیزی سے وائرل ہورہی ہے، جس میں ایک خاتون سورة الضحیٰ کی انتہائی خوبصورت تلاوت کرتی ہوئی نظر آرہی ہے۔

    سوشل میڈیا پر دعویٰ کیا جارہا ہے کہ یہ ویڈیو امریکی گلوکارہ سٹیفنی جونز جو لیڈی گاگا کے نام سے جانی والی کی ہے۔

    سوشل میڈیا پر اس ویڈیو کو لاکھوں بار شیئر کیا جاچکا ہے اور طرح طرح کے دعوے کیے جارہے ہیں لیکن اگر کوئی بھی شخص لیڈی گاگا کو جانتا ہے تو وہ یہ یقین کرنے پر تیار نہیں ہوگا کیونکہ ویڈیو میں نظر آنے والی خاتون شکل سے 50 سال سے بھی زیادہ عمر کی لگ رہی ہیں جبکہ لیڈی گاگا کی عمر صرف 33 برس ہے۔

    انتہائی خوبصورت آواز میں تلاوت کرنے والی خاتون دراصل ایک مسلمان گلوکارہ ہے، جس کا تعلق تیونس سے ہے۔ صوفیہ صادق نامی اس گلوکارہ کی عمر 56 سال ہے اور یہ تیونس ہی نہیں بلکہ پوری عرب دنیا کا ایک بڑا نام ہیں۔