ARYNews.tv | Urdu – Har Lamha Bakhabar

Tag: ویڈیو وائرل

  • اے ٹی ایم مشین سے 30 لاکھ کی چوری، ویڈیو وائرل

    اے ٹی ایم مشین سے 30 لاکھ کی چوری، ویڈیو وائرل

    بھارت میں تلنگانہ کے ضلع رنگاریڈی میں ملزمان نے انتہائی مہارت سے کارروائی کرتے ہوئے اے ٹی ایم مشین میں سے 30 لاکھ روپے کی رقم چرالی۔

    بھارتی میڈیا رپورٹس کے مطابق چار رکنی گروہ گزشتہ روز صبح ایک کار میں ایس بی آئی اے ٹی ایم پہنچا، نقاب پوش افراد نے سی سی ٹی وی کیمروں پر اسپرے کیا۔

    ملزمان نے ایمرجنسی سائرن کو بجنے سے روکنے کے لیے سینسر کے وائر بھی کٹ کردیئے، بعد ازاں انہوں نے کٹر اور لوہے کی سلاخوں کی مدد سے اے ٹی ایم کو توڑدیا۔

    رپورٹس کے مطابق چار منٹ کے اندر انہوں نے اے ٹی ایم توڑ کر رقم نکال لی۔ اس کے بعد با آسانی فرار ہونے میں کامیاب ہوگئے، مقامی افرادکی اطلاع کی بنیاد پر پولیس کے اعلی عہدیدار وہاں پہنچ گئے۔

    پولیس کا اس حوالے سے کہنا ہے کہ شواہد اکٹھے کرلئے ہیں، جبکہ مقدمہ درج کرکے ملزمان کی تلاش شروع کردی گئی ہے۔

    اس سے قبل بھی بھارت کے شہر نظام آباد میں اے ٹی ایم میں چوری کا واقعہ رونما ہوا تھا، چوروں نے اسٹیٹ بینک آف انڈیا کی اے ٹی ایم مشین توڑ کر 25 لاکھ لوٹ لئے تھے۔ چوری کی یہ واردات ریاست تلنگانہ ضلع نظام آباد میں پیش آئی۔

    بس اسٹینڈ کے نزدیک لگی اسٹیٹ بینک آف انڈیا کی اے ٹی ایم میں رات دیر گئے چار چور داخل ہوئے، جنہوں نے ماسک لگائے ہوئے تھے۔

    ملزمان نے انتہائی مہارت سے چوری کی واردات کی، پہلے سی سی ٹی وی کیمروں سے محفوظ رہنے کے لیے کیمروں پر اسپرے کیا گیا اس کے بعد اے ٹی ایم مشین کو توڑ کر 25 لاکھ روپے چوری کرلئے۔

    زیلنسکی نے امریکا کیلئے ویڈیو پیغام جاری کر دیا

    ملزمان رقم لوٹنے کے بعد وہاں سے با آسانی فرار ہونے میں کامیاب ہوگئے، اطلاع ملتے ہی مقامی پولیس پہنچ گئی۔ لٹیروں کی گرفتاری کے لیے خصوصی ٹیمیں تشکیل دی گئی ہیں۔

  • برقعہ پوش خاتون نے پیچھا کرنے والے نوجوان کی درگت بنادی، ویڈیو وائرل

    برقعہ پوش خاتون نے پیچھا کرنے والے نوجوان کی درگت بنادی، ویڈیو وائرل

    بھارت کے اترپردیش کے ایک بازار میں نوجوان برقعہ پوش خاتون کا پیچھا کرتے ہوئے غیر مناسب جملے کس رہا تھا، جس پر ناراض خاتون نے لڑکے کی درگت بنادی۔

    بھارتی میڈیا رپورٹس کے مطابق لڑکے کی پٹائی کی ویڈیو تیزی سے سوشل میڈیا پر وائرل ہورہی ہے، ویڈیو وائرل ہونے کے بعد کمشنریٹ پولیس حرکت میں آگئی اور نوجوان کو حراست میں لے لیا۔

    رپورٹس کے مطابق بیکن گنج تھانہ کے علاقے کے بازار میں ایک خاتون خریداری کے لیے گئی تھی، اس دوران ایک نوجوان خاتون کا پیچھا کرتے ہوئے جملے کسنے لگا، متاثرہ خاتون اس کی حرکتوں کو مسلسل نظر انداز کر رہی تھی، مگر جب وہ حد سے تجاوز کر گیا تو خاتون نے بیچ بازار میں نوجوان کو پکڑ لیا اور اس کی درگت بنادی۔

    برقعہ پوش خاتون نے تھپڑوں کی بارش کرتے ہوئے نوجوان کو زمین پر گرا دیا گیا۔ وائرل ویڈیو میں نوجوان خاتون کے سامنے بڑبڑاتے ہوئے دکھائی دے رہا ہے اور وہ تماشائیوں سے چھٹکارا پانے کی اپیل کرتا رہا ہے۔

    وائرل ہونے والے ویڈیو میں دیکھا جاسکتا ہے کہ ایک شخص نوجوان سے کہہ رہا ہے کہ تم بہت اداکاری کرتے ہو، یہاں سب تم سے پریشان ہیں۔ میں دیکھا جا سکتا ہے کہ متاثرہ خاتون نوجوان کو پیتے ہوئے اسے گھٹنوں پر بیٹھنے پر مجبور کر دیتی ہے۔

    پولیس کے مطابق نوجوان کی شناخت عدنان کے نام سے ہوئی ہے، ملزم نوجوان بجرایا کا رہنے والا ہے اور اسے گرفتار کر لیا گیا ہے۔ گھر والوں نے بتایا ہے کہ وہ ذہنی طور پر بیمار ہے اور اس کا علاج چل رہا ہے۔

  • دلہن کی رخصتی کے وقت عجیب حرکت، سسرالی بھڑک اُٹھے، ویڈیو وائرل

    دلہن کی رخصتی کے وقت عجیب حرکت، سسرالی بھڑک اُٹھے، ویڈیو وائرل

    بھارت میں اپنی شادی کی پانچویں سالگرہ منانے والے شخص نے دلہن کی رخصتی کی ویڈیو شیئر کی ہے، جس پر سوشل میڈیا صارفین کی جانب سے ملے جلے رد عمل کا اظہار کیا جارہا ہے۔

    بھارتی میڈیا رپورٹس کے مطابق ملک میں آج کل شادیوں کا سیزن چل رہا ہے، ایسے میں کئی جوڑے اپنی شادی کی سالگرہ مناتے ہوئے یادگار لمحات سوشل میڈیا پر شیئر کررہے ہیں۔

    رپورٹس کے مطابق ایسا ہی ایک واقعہ ایک شخص کی جانب سے سوشل میڈیا پر شیئر کیا گیا ہے، جس میں دلہن کی انوکھی رخصتی کو دیکھا جاسکتا ہے۔

    سوشل میڈیا پر شیئر کی گئی ویڈیو میں دیکھا جاسکتا ہے کہ شادی کی تمام رسومات روایتی طریقے سے ادا کی جا رہی ہیں۔ جیسے ہی پنڈت دلہن کو کہتا ہے کہ وہ ٹوکری سے چاول نکال کر اپنے والدین پر پھینکے، دلہن چاولوں کے ساتھ پوری ٹوکری ہی ان پر اچھال دیتی ہے۔

    رپورٹس کے مطابق دلہن کی اس حرکت پر پہلے تودلہا پیچھے مڑ کر حیرت سے دیکھتا ہے اور ہنس پڑتا ہے۔ دلہن کے والدین اور دیگر رشتہ دار بھی اس منظر سے لطف اندوز ہوتے ہیں۔

    مذکورہ ویڈیو نمیش دوشی نامی شخص نے شیئر کی، جس نے کیپشن میں لکھا کہ پانچ سال ہو گئے، لیکن رخصتی کا یہ حسین لمحہ آج بھی بالکل تازہ ہے، ایسا لگتا ہے جیسے کل ہی کی بات ہے۔

    سوشل میڈیا صارفین نے یہ ویڈیو وائرل ہونے کے بعد دلچسپ تبصرے کیے۔ ایک صارف کا کہنا تھا کہ ”لگتا ہے بہن نے کبھی وداعی کی رسومات نہیں دیکھی ہوں گی!“

    دوسرے صارف نے تبصرہ کرتے ہوئے کہا کہ ”یہ تو کچھ زیادہ ہی ہو گیا، ویسے شادی کی سالگرہ مبارک ہو!“

    تیسرے صارف کا کہنا تھا کہ ”ایسی رخصتی پہلی بار دیکھی ہے، ہنسی روکنا مشکل ہو گیا!“۔۔

    سوشل میڈیا پر یہ ویڈیو تیزی سے وائرل ہورہی ہے اور اسے اب تک لاکھوں لائکس مل چکے ہیں، لوگوں نے دلہن کی منفرد وداعی پر نہ صرف ہنستے ہوئے ایموجیز پوسٹ کیے بلکہ جوڑے کو شادی کی سالگرہ کی مبارکباد یں بھی پیش کی جارہی ہیں۔

  • سمندر میں کشتی میں اچانک آگ بھڑک اُٹھی، ویڈیو وائرل

    سمندر میں کشتی میں اچانک آگ بھڑک اُٹھی، ویڈیو وائرل

    بھارت میں ممبئی کے علی باغ کے قریب سمندر میں ایک کشتی میں اچانک خوفناک آگ بھڑک اُٹھی، جس کی ویڈیو بھی سوشل میڈیا پر گردش کررہی ہے۔

    بھارتی میڈیا رپورٹس کے مطابق کشتی میں آگ لگنے کا واقعہ صبح کے وقت پیش آیا، اس دوران کشتی کا تقریباً 80 فیصد حصہ جل کر خاکستر ہوگیا۔ آگ کی لپیٹ میں آکر کشتی میں موجود مچھلی پکڑنے کے جال بھی جل کر راکھ ہوگئے۔

    رپورٹس کے مطابق کشتی پر 18 سے 20 ماہی گیر سوار تھے، تاہم خوش قسمتی کوئی جانی نقصان نہیں ہوا، آگ لگنے کی اصل وجہ تاحال معلوم نہیں ہوسکی، لیکن ابتدائی معلومات کے مطابق آگ ممکنہ طور پر شارٹ سرکٹ کے سبب لگی، کشتی ساکھر گاؤں کے رہائشی راکیش ماروتی گن کی بتائی جا رہی ہے۔

    کشتی کو مقامی لوگوں کی مدد سے کنارے تک پہنچایا گیا اور آگ کو بجھایا گیا، سوشل میڈیا پر وائرل ہونے والی ویڈیو میں دیکھا جا سکتا ہے کہ سمندر کے بیچ میں یہ شپ آگ کے شعلوں میں گھر گئی تھی، آگ کی شدت بہت زیادہ تھی، جس کے باعث آگ بجھانے میں مشکلات کا سامنا کرنا پڑا۔

    پولیس کا اس حوالے سے کہنا ہے کہ علی باغ کے ساحل سے تقریباً 6 سے 7 سمندری میل دور راکیش گن نامی ماہی گیر کی شپ میں علی الصبح 3 سے 4 بجے کے درمیان آگ لگنے کا واقعہ رونما ہوا، تاہم، انڈین کوسٹ گارڈ اور بھارتی نیوی کی بروقت کارروائی سے تمام 18 ماہی گیروں کی زندگیاں بچالی گئیں۔

    گلیشئر گرنے سے 47 مزدور دب گئے

    خبر رساں ایجنسی کی جانب سے جاری کی گئی ویڈیو میں دیکھا جاسکتا ہے کہ شپ مکمل طور پر تباہ شدہ حالت میں موجود ہے، اور سمندر میں ایک طرف جھکی ہوئی ہے۔

  • پاک بھارت میچ میں دپیکا پڈوکون کی ’پاکستانی ہم شکل‘ کی ویڈیو وائرل

    پاک بھارت میچ میں دپیکا پڈوکون کی ’پاکستانی ہم شکل‘ کی ویڈیو وائرل

    پاکستان کو آئی سی سی چیمپئنز ٹرافی 2025 کے اہم میچ میں بھارت سے شکست کا سامنا کرنا پڑا، جبکہ گزشتہ روز بنگلا دیش کے خلاف نیوزی لینڈ کی فتح کے بعد پاکستان ایونٹ سے باہر ہوگیا۔

    رپورٹس کے مطابق بھارت سے پاکستان کی شکست کے بعد دبئی اسٹیڈیم میں موجود متعدد پاکستانی کرکٹ شائقین کی ویڈیوز سوشل میڈیا کی زینت بنیں، جو اپنے اپنے انداز میں غصے کا اظہار کررہے تھے۔

    ایسے میں ایک ویڈیو سامنے آئی جس میں فریال وقار نامی پاکستانی سپورٹر کو اسٹیڈیم سے باہر آکر میڈیا سے گفتگو کے دوران مسکراتے ہوئے اپنی مایوسی کا اظہار کرتے دیکھا جاسکتا ہے۔

    پاکستانی کرکٹ سپورٹر فریال وقار کی آنکھیں اور چہرے کے نقوش حیران کُن طور پر بھارتی اداکارہ دپیکا پڈوکون سے مماثلت رکھتے تھے جسے سوشل میڈیا صارفین نے فوری نوٹس کرلیا اور یہ ویڈیو دیکھتے ہی دیکھتے سوشل میڈیا پر وائرل ہوگئی۔

    دپیکا پڈوکون کی ہم شکل فریال نے میڈیا سے بات کرتے ہوئے کہا کہ وہ ٹیم کو سپورٹ کرنے اسٹیڈیم آئی تھیں لیکن قومی ٹیم کی کارکردگی دیکھ کر شدید مایوسی اور صدمہ ہوا ہے۔

    سابق کرکٹر کا شاہین، حارث اور نسیم سے پیچھا چھڑا کر آگے بڑھنے کا مطالبہ

    فریال کا کہنا تھا کہ پاکستان چیمپئنز ٹرافی سے باہر ہو گیا ہے، اس لیے دل بہت زیادہ اداس ہوگیا ہے، میں لاجواب ہوچکی ہوں، آج ہماری ٹیم نے کیا کیا ہے؟ ہم تو پہلے میچ میں شکست کے باوجود پورے جوش و خروش کے ساتھ آج پاکستان کو سپورٹ کرنے آئے تھے۔

    ویڈیو کے کمنٹس سیکشن میں سوشل میڈیا صارفین کی جانب سے دلچسپ تبصروں کا سلسلہ جاری ہے۔

  • ہانیہ عامر نے دیپیکا پڈوکون کی آئیکونک انٹری کو ری کریٹ کردیا، ویڈیو وائرل

    ہانیہ عامر نے دیپیکا پڈوکون کی آئیکونک انٹری کو ری کریٹ کردیا، ویڈیو وائرل

    پاکستان شوبز انڈسٹری کی معروف اداکارہ ہانیہ عامر نے بالی ووڈ کی حسینہ دیپیکا پڈوکون کا مشہورِ زمانہ آئیکونک انٹری کو ری کریٹ کرکے سب کی توجہ کا مرکز بن گئی۔

    ہانیہ عامر پاکستان شوبز انڈسٹری کی سپر اسٹار ہیں، اداکارہ کا نہ صرف پاکستان بلکہ ہندوستان میں بھی ایک بڑا نام ہے، انہوں نے کئی سپر ہٹ ڈراموں میں کام کیا تاہم ان کا حال ہی میں ختم ہونے والا ڈرمہ ’ کبھی میں کبھی تم‘ سے مزید شہرت حاصل کی۔

    دوسری جانب بالی ووڈ کی اداکارہ دیپیکا پڈوکون فلم ’اوم شانتی اوم‘ سے بالی ووڈ کی دنیا میں قدم رکھا، آج وہ شوبز کی سب سے مہنگی اداکارہ مانی جاتی ہیں، دپیکا پڈوکون نے بالی ووڈ میں جس طرح کی فلم سے ڈیبیو کیا تھا شاید ہر اداکارہ اسی طرح سے اپنے فلمی سفر کے آغاز کا خواب دیکھتی ہوگی، پہلی فلم کو آج بھی بڑی مقبولیت حاصل ہے۔

    اس فلم میں دیپیکا پڈوکون نے دو کردار ادا کیے تھے ایک سپر اسٹار ’شانتی پریا‘ کا اور پھر اسی کی شکل والی عام لڑکی ’سینڈی‘ کا، اس فلم میں ان کے ہمراہ شاہ رخ خان نے مرکزی کردار ادا کیا تھا۔

    فلم کا ایک سین سب سے زیادہ مشہور ہوا تھا جس میں شانتی پریا ایوارڈ شو میں گلابی لباس پہن کر اپنی کار سے اترتی ہیں اور نزاکت سے بھرپور انداز میں اپنے مداحوں کو دیکھ کر ہاتھ ہلاتی ہیں۔

    ایسا ہی سین پاکستان کی اداکارہ ہانیہ عامر نے ری کریٹ کیا ہے، جس کی ویڈیو سوشل میڈیا پر خواب وائرل ہورہی ہے، ہانیہ نے اس سین کو کریٹ کرنے کے لیے گولڈن گاؤن پہن رکھا ہے جبکہ انہیں دیپیکا کی طرح گاڑی سے باہر نکلتے ہاتھ لہراتے ہوئے بھی دیکھا جاسکتا ہے۔

    ویڈیو سوشل میڈیا پر وائرل ہونے کے بعد صارفین کی جانب سے اس ویڈیو کو خوب پسند کیا جارہا ہے جبکہ صارف کا کہنا ہے کہ ہانیہ عامر کی انسپائریشن کوئی اور نہیں بلکہ بالی ووڈ اسٹار دیپیکا پڈوکون ہیں۔

  • کبریٰ اور گوہر کی مہندی کی فلمی ویڈیو وائرل

    کبریٰ اور گوہر کی مہندی کی فلمی ویڈیو وائرل

    پاکستانی شوبز انڈسٹری کی معروف اداکارہ کبریٰ خان اور گوہر رشید کا حال ہی مکہ مکرمہ میں نکاح ہوا ہے، تاہم اب جوڑے کی شیندی کی فلمی ویڈیو نے سوشل میڈیا صارفین کی توجہ اپنی جانب مبذول کرا لی۔

    گوہر رشید نے فوٹو اینڈ ویڈیو شیئرنگ پلیٹ فارم انسٹاگرام پر اپنی اور کبریٰ خان کی شیندی کی ویڈیو شیئر کی ہے، شیندی کی خوبصورت، فلمی و رومانوی ویڈیو نے صارفین کو اپنے حصار میں جکڑ لیا ہے۔

    مقدس مقام پر حال ہی میں شادی کرنے والی اس جوڑی کو سادگی سے نکاح کرنے پر خوب پیار ملا۔

     

    View this post on Instagram

     

    A post shared by Gohar Rasheed (@mirzagoharrasheed)

    تاہم اب اس جوڑی کو سوشل میڈیا کی صارفین کا تنقید کا سامنابھی کرنا پڑ رہا ہے، کیونکہ انہوں نے وطن واپس آنے کے بعد شادی کی دیگر تقریبات کا آغاز ناچ گانے سے کیا۔

    صرف فنکار جوڑی نے ہی شیندی کی تقریب میں ڈانس پرفارمنس نہیں دی بلکہ شوبز انڈسٹری سے جڑی کئی نامور شخصیات نے اس میں اپنا حصہ ڈالا اور ڈانس پرفارمنس سے تقریب کو چار چاند لگائے۔

    کبریٰ خان اور گوہر رشید نے مسجد الحرام میں نکاح کی خوبصورت ویڈیو شیئر کردی

    گوہر رشید نے ’خوش دل‘ کے کیپشن کے ساتھ اب اس تقریب کی ویڈیو انسٹا گرام پر شیئر کی ہے، جس کے کمنٹس میں تبصرہ کرتے ہوئے ان کے ساتھی فنکاروں سمیت دیگر عزیز و اقارب نے اس جوڑی کو شادی کی مبارک باد دی ہیں اور ان کے لیے نیک خواہشات کا اظہار کیا ہے۔

  • لیڈی ڈاکٹر دریا میں ڈوب کر ہلاک، ویڈیو وائرل

    لیڈی ڈاکٹر دریا میں ڈوب کر ہلاک، ویڈیو وائرل

    بھارت میں حیدرآباد کے کوم پلی سے تعلق رکھنے والی نوجوان لیڈی ڈاکٹر تفریح کے دوران کرناٹک کے دریا میں ڈوب گئی، جس کی ویڈیو سوشل میڈیا پر گردش کررہی ہے۔

    بین الاقوامی خبر رساں ادارے کی رپورٹ کے مطابق 27 سالہ ڈاکٹر اننیا موہن راؤ اپنے دوستوں کے ساتھ تفریح کیلئے کرنا ٹک پہنچی تھی، منگل کی رات انہوں نے ایک گیسٹ ہاؤس میں قیام کیا۔

    رپورٹس کے مطابق لیڈی ڈاکٹر کے ہمراہ دیگر دو دوست ساتویک اور اشیتا بھی موجود تھے۔ اس دوران وہ وہاں تیرا کی میں مصروف تھے، کہ لیڈی ڈاکٹر نے تقریبا 20 فٹ اونچی چٹان سے دریا میں چھلانگ لگادی، مگر وہ باہر نہ نکل سکی۔

    امکان ظاہر کیا جارہا ہے کہ پانی کا بہاؤ تیز ہونے کے باعث وہ اپنا تواز برقرار نہ رکھ سکی اور دریا میں ڈوب گئی، اطلاع ملتے ہی گنگا وتی رورل پولیس وہاں پہنچی، ریسکیو ٹیموں اور غوطہ خوروں کو بھی طلب کر کے لیڈی ڈاکٹر کی تلاش کرنے کی کوشش کی گئی، تاہم گزشتہ روز خاتون کی لاش برآمد ہوئی۔

    پولیس کی بڑی کامیابی ’لیڈی ڈان‘ گرفتار

    ذرائع کا کہنا ہے کہ لیڈی ڈاکٹر جس وقت پانی میں چھلانگ لگا رہی تھی ان کے دوستوں نے اس کی ویڈیو بھی بنائی اور یہ منظر ریکارڈ ہوگیا جو سوشل میڈیا پر تیزی سے وائرل ہوگیا۔

  • ویڈیو: موبائل دھماکے سے پھٹ گیا

    ویڈیو: موبائل دھماکے سے پھٹ گیا

    برازیل میں پیش آنے والے ایک افسوسناک واقعے میں خاتون کی پینٹ کی جیب میں رکھا ہوا موبائل فون پھٹ گیا۔

    غیر ملکی ذرائع ابلاغ کے مطابق ایک خاتون اپنے شوہر کے ساتھ سپر مارکیٹ میں خریداری کر رہی تھی۔ اس دوران، اس کے پینٹ کی پچھلی جیب میں رکھا موبائل فون اچانک پھٹ گیا۔

    ویڈیو میں دیکھا جاسکتا ہے کہ دھماکے کی وجہ سے خاتون کی کمر اور ہاتھ بری طرح زخمی ہو گئے۔ واقعہ اتنا اچانک ہوا کہ خاتون کو سنبھلنے کا موقع بھی نہ ملا۔

    رپورٹس کے مطابق دھماکے کے بعد مارکیٹ میں موجود لوگ فوراً خاتون کی مدد کے لئے پہنچے، واقعہ وہاں لگے سی سی ٹی وی کیمروں میں قید ہو گیا، جس میں واضح طور پر دیکھا جا سکتا ہے کہ فون میں دھماکہ ہوتے ہی خاتون خوفزدہ ہو کر اچھل پڑی اور تکلیف سے چیخنے لگی۔

    یاد رہے کہ اس سے قبل بھارت کی ریاست بہار کے ضلع بھاگلپور میں ٹراؤزر کے جیب میں رکھا موبائل فون زوردار دھماکے سے پھٹنے کے باعث نوجوان شدید زخمی ہوگیا تھا۔

    متاثرہ نوجوان جے دیو یادو نے حسبِ معمول موبائل فون استعمال کرنے کے بعد اسے ٹراؤزر کے جیب میں رکھا اور کال آنے پر جیسے ہی جیب میں ہاتھ ڈالا تو وہ پھٹ گیا۔

    جے دیو یادو کے بھائی سنجے کمار یادو نے بتایا کہ اہل خانہ اچانک دھماکے کی آواز سن کر چونک گئے تھے، جب جے دیو یادو کے کمرے میں جا کر دیکھا تو وہ شدید زخمی حالت میں پڑا تھا، اس کے موبائل فون میں آگ لگی ہوئی تھی، بھائی کو فوراً اسپتال منتقل کیا جہاں اس کا علاج رہا۔

    سنجے کمار یادو نے کہا کہ شکر ہے بھائی نے موبائل فون کان پر نہیں رکھا تھا ورنہ بڑا نقصان ہو سکتا تھا۔

    ادھر، ناتھ نگر اسپتال کی انچارج ڈاکٹر انوپما سہائے نے کہا کہ ماضی میں بھی موبائل فون پھٹنے کے کئی واقعات پیش آ چکے ہیں۔

  • ایڈ شیرن کی بھارت میں ارجیت سنگھ کے ساتھ اسکوٹر سواری، ویڈیو وائرل

    ایڈ شیرن کی بھارت میں ارجیت سنگھ کے ساتھ اسکوٹر سواری، ویڈیو وائرل

    برطانوی گلوکار ایڈ شیرین کی گلوکار ارجیت سنگھ کے ساتھ اسکوٹر سواری کی ویڈیو سوشل میڈیا پر وائرل ہو رہی ہے۔

    برطانوی گلوکار ایڈ شیرن ان دنوں اپنے ’میٹ ٹور‘ کے لیے بھارت میں موجود ہیں، اس دوران وہ مغربی بنگال میں گلوکار اریجیت سنگھ کے آبائی شہر گئے، جہاں دونوں کو اسکوٹر سواری سے لطف اندوز ہوتے دیکھا گیا۔

    ایڈ شیرن اور ارجیت سنگھ اپنی سادگی اور پرفارمنس سے مداحوں کو حیران کرتے رہتے ہیں، گلوکار نے ہفتے کے آخر میں بنگلورو میں دو کنسرٹس بھی کیے۔

     

    View this post on Instagram

     

    A post shared by jyoti (@entertainmentworld1516)

    اب وہ گلوکار اریجیت سنگھ کے ساتھ ریاست مغربی بنگال کے مرشد آباد ضلع میں ان کے آبائی شہر جیا گنج میں دیکھے گئے ہیں، دونوں نے شام کو ایک ساتھ اسکوٹر کی سواری کا لطف اٹھایا، جس نے بہت سے مقامی باشندوں کو چونکا دیا۔

    انسٹاگرام پر وائرل ہونے والی ویڈیوز میں ایڈ شیرن کو اریجیت کے پیچھے بیٹھے اسکوٹر چلاتے ہوئے دیکھا گیا،  ان دونوں کے ساتھ کچھ اور دوست بھی تھے جو اپنے اپنے اسکوٹر پر سوار تھے۔

     

    View this post on Instagram

     

    A post shared by Ed Sheeran (@teddysphotos)

    ٹائمز آف انڈیا کی ایک رپورٹ میں کہا گیا ہے کہ دونوں گلوکاروں نے تقریباً پانچ گھنٹے اکٹھے گزارے اور بعد میں بھاگیرتھی ندی میں ایک گھنٹے کی کشتی سواری بھی کی۔

    بھارتی میڈیا کا کہنا ہے کہ یہ وقت انہوں نے عام شہریوں کی طرح بغیر کسی سیکیورٹی کے ساتھ گزارا، دوسری جانب ڈی آئی جی نے تصدیق کی کہ شیرن نے اضافی سیکیورٹی لینے سے انکار کیا تھا۔

    واضح رہے کہ اس سے پہلے بھی عالمی شہرت یافتہ گلوکار ایڈ شیران گلوبل سپر اسٹار دلجیت دوسانجھ کے ساتھ ممبئی میں منعقدہ لائیو کنسرٹ میں پنجابی گانا ‘لوَر’ گا کر شائقینِ موسیقی کے ہوش اڑا چکے ہیں۔