برطانیہ میں مقیم پاکستانی عید کے موقع پر وطن کو بہت یاد کرتے ہیں، ان کا کہنا ہے کہ لندن میں سب کچھ ہے مگر پاکستان جیسی عید کی رونق نہیں۔
عیدالاضحیٰ کے موقع پر اے آر وائی نیوز سے گفتگو کرتے ہوئے لندن میں مقیم ایک خاتون نے گفتگو کرتے ہوئے کہا کہ میری فیملی یہاں نہیں ہے تو وہ یاد آتی ہے، جیسے عید پر صبح صبح اٹھ کر شور ہوتا ہے، کپڑے استری کرو یا گھر میں میٹھے کی تیاری ہورہی ہوتی ہے وہ ساری چیزیں یہاں نہیں ہیں۔
تین سال پہلے برطانیہ آنے والے جوڑے نے بتایا کہ ہم لوگ کراچی سے برطانیہ آئے تھے، ہمارے رشتے دار، بہن بھائی اور دوست سب زیادہ تر پاکستان میں ہیں، جو روایتی چیزیں ہیں ہم انھیں مس کرتے ہیں۔
زیادہ تر لوگ عید کے موقع پر گھر میں بور ہونے کے بجائے کمیونٹی سینٹر سے ایسے ریسٹورنٹس کا رخ کرتے ہیں جہاں پاکستانیوں سمیت دوسرے افراد عید منانے اکٹھے ہوتے ہیں۔
ایک خاتون نے بتایا کہ ہماری عید گھر والوں سے دور ہوتی ہے مگر سب سے اچھی بات یہ ہے کہ یہاں جتنے بھی پاکستانی، بنگلہ دیشی، بھارتی اور ایرانی ہیں ہم ان کے ساتھ کمیونٹی عید مناتے ہیں۔
دنیا کی ہر ماں چاہتی ہے اسکا بیٹا دھیان سے موٹرسائیکل چلائے، مگر ایک ماں نے ایسا کہنے کے بعد اپنے بیٹے کی موٹرسائیکل کو کار سے ٹکر ماردی۔
سوشل میڈیا پر ایک دلچسپ ویڈیو وائرل ہورہی ہے جس میں ایک ماں اور بیٹے نے پارکنگ لاٹ میں ایک دوسرے کو الوداع کہا اور اپنی اپنی گاڑیوں میں سوار ہوگئے، ماں نے اپنے بیٹے کو تاکید کی کہ "حفاظت سے اور دیکھ بھال کر موٹرسائیکل چلانا”-
تاہم کچھ ہی لمحوں بعد، ماں نے آگے سڑک پر جاتے ہوئے بائیک پر سوار اپنے بیٹے کو ٹکر ماردی، وائرل ہونے والی ویڈیو میں دیکھا جاسکتا ہے کہ بیٹا جیسے ہی سگنل پر رکتا ہے ایک کار اسے پیچھے سے آکر ٹکر مارتی ہے۔
اس دوران موٹرسائیکل سوار بیٹا گر جاتا ہے پھر اٹھ کر ہاتھ کے اشارے سے غصے کا اظہار کرتا ہے، تاہم جب وہ پیچھے دیکھتا ہے تو پتا لگتا ہے یہ کوئی اور نہیں اس کی ماں ہے، اس دوران ماں نے کہا کہ "میں بہت معذرت خواہ ہوں، اوہ میرے خدا، اوہ میرے خدا، جیکب”۔
سوشل میڈیا پر وائرل ہونے والی یہ ویڈیو انٹرنیٹ صارفین کےلیے تفریح کا ذریع بن گئی، وائرل ویڈیو کو 4.6 ملین سے زیادہ ویوز مل چکے ہیں۔
ایک صارف نے کمنٹ کرتے ہوئے لکھا کہ "ماں، اسے مارنے کے بعد ‘میں نے تمہیں بتایا تھا کہ بائک خطرناک ہے’، ایک شخص نے لکھا کہ "ماں نے یہ نہیں کہا کہ وہ خود بھی محفوظ ڈرائیو کرے گی”۔
پاکستان شوبز انڈسٹری کی معروف اداکارہ مومنہ اقبال کی نئی ویڈیو وائرل ہورہی ہے جس میں وہ لتا منگیشکر کے گانے پر لپسنگ کرتی نظر آرہی ہیں۔
فوٹو اینڈ ویڈیو شیئرنگ ایپ انسٹاگرام پر مومنہ اقبال نے نئی ویڈیو شیئر کی ہے جس میں وہ سر پر بندیا لگائے اور گلے میں بھاری نکلیس پہنے بھارتی لیجنڈ گلوکارہ لتا منگیشکر کے گانے ‘ان سے ملی نظر’ پر گنگناتے ہوئے ایکٹنگ کررہی ہیں۔
چند ہی گھنٹوں میں اداکارہ کی ویڈیو کو 40 ہزار سے زیادہ لوگ پسندیدگی کی سند دے چکے ہیں جبکہ مداح ان کی خوبصورتی کی تعریف کررہے ہیں۔
اس سے قبل ایک انٹرویو کے دوران اداکارہ مومنہ اقبال نے اعتراف کیا تھا کہ ان کے ہاتھ کی چائے کوئی نہیں پی سکتا۔
اے آر وائی ڈیجیٹل کے ڈرامہ سیریل ’دستک‘ میں منفی کردار نبھانے والی اداکارہ مومنہ اقبال کا کہنا تھا کہ انھیں چائے پینا بہت پسند ہے لیکن کوئی ان کے ہاتھ کی چائے پی نہیں سکتا۔
انھوں نے کہا کہ جب سے کام کے سلسلے میں کراچی آئی ہوں ہر وقت چائے پینے کی عادت ہی ہوگئی ہے، جب کچھ کرنے کو نہیں ہوتا تو چائے چاہیے ہوتی ہے لیکن اگر چائے بنانی پڑ جائے کوئی اسے پی نہیں سکتا ہے۔
مومنہ اقبال کا مزید کہنا تھا کہ میں جتنی بھی اچھی چائے بنانے کی کوشش کرتی ہوں مجھ سے بہت بری بنتی ہے۔
واضح رہے کہ اداکارہ مومنہ اقبال ان دنوں اے آر وائی ڈیجیٹل کے ڈرامہ سیریل ’دستک‘ میں منفی کردار نبھا رہی ہیں جس کی مرکزی کاسٹ میں سوہائے علی ابڑو، علی رضا، فیروز قادری، اسما عباس، لیلیٰ واسطی ودیگر شامل ہیں۔
فائنل ڈیسٹینیشن بلڈ لائنز نہ صرف فرنچائز میں بہترین فلم ثابت ہورہی ہے بلکہ باکس آفس پر سب سے کامیاب بھی ہے، اس میں دکھائے جانے والے موت کے مناظر دیکھنے والوں کو کچھ دیر کیلئے حقیقت سے دور کردیتے ہیں۔
14سال کے طویل وقفے کے بعد یہ ’ہارر سیریز‘ زبردست انداز میں واپس آئی ہے اور شائقین اس سے بے حد لطف اندوز بھی ہو رہے ہیں۔
’فائنل ڈیسٹینیشن : بلڈ لائنز‘ کی اصل جان وہی ہے جس نے اس سیریز کو مشہور کیا وہ ہے اس میں خوفناک، اچانک اور ناقابلِ فراموش اموات۔
فلم کی کہانی اسٹیفانی کے گرد گھومتی ہے جو موت سے بچنے کی ہر ممکن کوشش کرتی ہے لیکن جیسا کہ اس سیریز کی روایت ہے کہ کوئی بھی موت سے محفوظ نہیں رہتا۔
مذکورہ مضمون میں فلم ’فائنل ڈیسٹینیشن : بلڈ لائنز‘میں عکسبند کیے جانے والی سب سے ہولناک اموات پر نظر ڈالی گئی ہے جنہیں خوف اور خونریزی کے لحاظ سے درجہ بند کیا گیا ہے۔
اسٹیفانی اور چارلی کی موت
اسٹیفانی اپنے بھائی چارلی کی موت کو سی پی آر کے ذریعے جھوٹا ثابت کرکے موت کو دھوکہ دینے کی کوشش کرتی ہے لیکن اچانک ایک ٹرین حادثے کے دوران ٹرک سے اڑ کر آنے والے لکڑی کے بڑے شہتیر ان دونوں کو کچل دیتے ہیں۔ یہ منظر بے حد خوفناک اور بے رحم ہے۔
اسٹیفانی کی نانی آئرس کی دردناک موت
جب وہ آخری بار اسٹیفانی کو خبردار کرنے کی کوشش کرتی ہیں تو ایک موسم کا رخ بتانے والا آلہ (ویدر وین) اڑ کر ان کے سر کے پار ہو جاتا ہے۔ اگرچہ یہ مختصر سا منظر ہے، مگر خونریزی کی حد تک خوفناک ہے۔
اسٹیفانی کی ماں ڈارلین ہے۔
ایک دھماکے سے بچنے کے بعد جب وہ چارلی کے ساتھ بھاگنے کی کوشش کرتی ہیں، تو ایک گرنے والا لیمپ پوسٹ ان پر آ گرتا ہے اور وہ کچل جاتی ہیں۔ ان کا انجام تکلیف دہ اور دیکھنے میں بہت افسوسناک ہے۔
اسٹیفانی اور چارلی کی کزن جولیا کی موت
ایک غلط سمت میں مارا گیا فٹبال اسے کچرے کے ڈبے میں پھینک دیتا ہے اور پھر وہ ایک کوڑے دان کے ٹرک کے پچھلے حصے میں کچلی جاتی ہے، یہ حادثہ نہ صرف چونکا دینے والا ہے بلکہ بے حد خوفناک بھی۔
بابی اور ایرک کی خوفناک موت
دونوں بھائی موت کو دھوکہ دینے کے لیے مونگ پھلی سے تیار کردہ بار استعمال کرنے کا منصوبہ بناتے ہیں، مگر ایرک ایک طاقتور ایم آر آئی مشین کی زد میں آ جاتا ہے اور ہلاک ہو جاتا ہے۔ بابی بچ جاتا ہے، لیکن فوراً بعد ایک دھاتی اسپرنگ اس کے سر میں گھس جاتا ہے، اور وہ بھی مر جاتا ہے۔ یہ منظر دل کو دل دہلا دینے والا ہے۔
خاندان کے ایک اور فرد ہاورڈ کی موت
ایک پکنک کے دوران وہ لان موور کے نیچے آ جاتا ہے، ٹوٹی ہوئی شیشے کی بوتل، ٹرامپولین کا حادثہ اور ایک آوارہ نلی، سب مل کر اسے انتہائی ہولناک انداز میں ہلاک کرتے ہیں۔
سب سے خوفناک اور دردناک موت ہے ایرک کی ہوئی
اس کے جسم میں موجود بے شمار پئیرسنگز کو ایم آر آئی مشین کا مقناطیسی کھنچاؤ ایک ایک کر کے نوچ لیتا ہے۔ اس کے بعد ایک وہیل چیئر اسے روند ڈالتی ہے، اور پھر وہ مشین کے اندر کھنچ کر ایک اذیت ناک موت کا شکار ہو جاتا ہے۔ یہ منظر ناقابلِ برداشت حد تک خوفناک ہے۔
بلڈ لائنز پچھلے سال اداکار ٹونی ٹوڈ کے انتقال کے بعد ان کی آخری فلمی کردار کی نشان دہی کرتی ہے، اس سے قبل تقریباً تمام پچھلی فلموں میں وہ بلڈ ورتھ کے کردار میں ظاہر ہوئے تھے، فلم برطانیہ میں 14 مئی اور امریکہ میں 16 مئی کو ریلیز کی جائے گی۔
پاکستان شوبز انڈسٹری کے معروف اداکار عمران عباس نے وطن کے محافظوں کو نئے انداز میں خراجِ تحسین پیش کیا ہے۔
تفصیلات کے مطابق معروف اداکار عمران عباس نے موجودہ پاک بھارت تناؤ کے دوران وطن کے محافظوں کے لیے ایک دل کو چھو لینے والا خراجِ تحسین پیش کیا۔
اداکار عمران عباس نے اپنے سوشل میڈیا پلیٹ فارمز پر ’’اے وطن کے سجیلے جوانو‘‘ کا ترانہ پیش کیا، جو انہوں نے ان جوانوں کے نام کیا ہے جو اس مشکل گھڑی میں وطن کی سرحدوں کا دفاع کر رہے ہیں۔
عمران عباس کا وطن کے محافظوں کو خراجِ تحسین ایک نئے انداز سے وطن سے محبت کا اظہار کیا ہے۔
دوسری جانب مشہور اداکار اور پروڈیوسر نبیل ظفر نے جنگی جنون میں مبتلا بھارت کو کرارا جواب دیتے ہوئے کہا ہے کہ ہم اپنے وطن کا دفاع کرنا خوب جانتے ہیں۔
پوڈکاسٹ میں گفتگو کرتے ہوئے نبیل ظفر نے بھارتی جنگی جنونیوں اور انتہا پسندوں کو آئینہ دکھایا اور خطے میں امن کی اہمیت پر زور دیا ہے، جنگ جب ہوتی ہے، انسانیت ہارتی ہے، سرحد کے دونوں جانب معصوم لوگ جان سے جائیں گے اگر یہ معاملہ بگڑ گیا۔
ننھا شرارتی بچہ باڑ پھلانگ کر وائٹ ہاؤس میں داخل ہوگیا خفیہ ایجنسی کے اہلکار بھی بچے کی معصومیت پر فریفتہ گود میں اٹھا لیا۔
غیر ملکی میڈیا رپورٹ کے مطابق گزشتہ شام امریکی ایوان صدر ”وائٹ ہاؤس“ میں ایک کمسن بچہ سیکیورٹی کی خلاف ورزی کرتے ہوئے شمالی لان کے گرد لگی دھاتی باڑ کے درمیان سے نکل کر اندر داخل ہوگیا۔
خفیہ سروس کے اہلکار وں کی بچے کو گود میں اٹھائے باغ سے باہر جانے کی ویڈیو سوشل میڈیا پر خوب وائرل ہو رہی ہے۔
ویڈیو فوٹیج میں ایک مسلح سیکرٹ سروس افسر کو وائٹ ہاؤس کے لان میں چلتے ہوئے ایک نیلے رنگ کی ہوڈی پہنے چھوٹے بچے کو اٹھائے دیکھا جا سکتا ہے۔
ویڈیو میں دیکھا جاسکتا ہے کہ بعد میں وہ بچے باڑ کے قریب موجود ایک دوسرے افسر کے حوالے کر دیتا ہے، اس دوران دونوں بچے کو پیار دیکھتے رہے۔
پاکستان شوبز انڈسٹری کے معروف اداکار میکال ذوالفقار کو لائیو شو کے ان کی مداح نے شادی کی پیشکش کردی۔
میکال ذوالفقار ایک انتہائی مشہور پاکستانی اداکار ہیں جو اپنے دلکش انداز اور متعدد ہٹ ڈراموں میں شاندار پرفارمنس کے لیے مشہور ہیں۔
اداکار میکال فی الحال سنگل ہے اور اپنی دو پیاری بیٹیوں کی پرورش میں مصروف ہیں، اس سے پہلے اداکار کی شادی سارہ بھٹی سے ہوئی تھی لیکن دونوں نے علیحدگی اختیار کرلی۔
حال ہی میں اداکار میکال ذوالفقار نے اداکارہ و میزبان ندا یاسر کی رمضان ٹرانسمیشن میں شرکت کی جہاں انہوں نے اپنی ذاتی اور پیشہ ورانہ زندگی سمیت مختلف موضوعات پر گفتگو کی۔
اسی دوران لائیو کالز کا سلسلہ بھی چل رہا تھا، میکال کی ایک دیوانی مداح ارم نامی خاتون نے کال کر کے لائیو ٹی وی پر اداکار سے اپنے پسندیدگی کا اظہار کرتے ہوئے انہیں شادی کی پیشکش کردی۔
فون کرنے والی نے کہا کہ السلام علیکم، ندا مجھے میکال بہت پسند ہیں، اور میں اس سے شادی کرنا چاہتی ہوں، لیکن مجھے نہیں معلوم کہ میں اس سے شادی کیسے کروں؟
اپنے لائیو شو میں غیر متوقع سوال کے بعد ندا یاسر حیرت میں پڑگئیں اور فوری طور پر کال کاٹ دی تاہم میکال قہقے لگاتے اور مسکراتے نظر آئے۔
ندا نے جب میکال سے اس مداح کی بات پر ردعمل دینے کو کہا تو میکال نے کہا کہ اس طرح کی باتیں فون پر نہیں کی جاتیں میں آپ سے جب بھی ملوں گا تو جواب دوں گا، لیکن میں خوش ہوا۔
دوسری جانب میزبان ندا یاسر نے مداحوں کو اپنے جذبات پر قابو رکھنے کا مشورہ دیتے ہوئے کہا کہ یہ ان کی عام نہیں بلکہ رمضان ٹرانسمیشن ہے اس کا احترام کریں۔
واضح رہے کہ میکال ذوالفقار نے 2012 میں ماڈل و اداکارہ سارہ بھٹی سے شادی کی تھی تاہم دونوں کے درمیان 2017 میں علیحدگی ہوگئی تھی۔
ان کا فیس بک پوسٹ میں کہنا تھا کہ میری چھ سالہ شادی اختتام پذیر ہوگئی، طویل مدت دور رہنے اور کوششوں کے باوجود ہمارے درمیان معاملات حل نہیں ہوسکے۔
معروف گلوکار عاطف اسلم نے رمضان المبارک کی آمد کے ساتھ ہی اپنی آواز میں نعتیہ کلام ‘یانبی سلام علیک’ پیش کر دیا۔
عاطف اسلم ماہ رمضان کی مناسبت سے اس بابرکت مہینے میں کلام پیش کرتے ہیں اور اس بار ماہ صیام کی آمد کے ساتھ ہی گلوکار نے نعتیہ کلام ‘یانبی سلام علیک’ پیش کیا ہے جس کی ویڈیو انہوں نے یو ٹیوب پر اپ لوڈ کی۔
اس نعت کو عاطف اسلم نے تنہا نہیں بلکہ دو دیگرساتھی فنکاروں احسن پرویز مہدی اور کمیل جعفری کے ساتھ مل کر پیش کیا ہے، نعت کی یہ ویڈیو خوبصورت مناظر کے ساتھ پہاروں پر شوٹ کی گئی ہے جسے ان کے مداح پسند کررہے ہیں۔
عاطف اسلم نے اس سے قبل بھی رمضان المبارک میں ‘اللہ ہو’، ‘تاج دار حرم’، ‘مصطفیٰ جان رحمت پر لاکھوں سلام’ اور حمد ‘وہی خدا ہے’ پیش کی تھی جسے دنیا بھر میں پسند کیا گیا تھا۔
سوشل میڈیا کے دور میں لوگ عبادات کی تشہیر کرتے ہیں نماز کی ویڈیو بنانا اور براہ راست نشر کرنے سے متعلق سعودی مفتی اعظم کا فتوی آ گیا ہے۔
سوشل میڈیا کے پھیلاؤ نے عبادات کو بھی متاثر کرنا شروع کردیا ہے اور اب لوگ اپنی عبادات بالخصوص حج وعمرہ، حرمین شریفین میں نماز کی ادائیگی کی ویڈیوز بناتے اور شیئر کرتے بلکہ اب تو لائیو سوشل میڈیا پر نشر بھی کیا جاتا ہے۔
اس حوالے سے وزارت اسلامی امور، دعوت و رہنمائی کی طرف سے سوشل میڈیا کے ذریعے نماز اور لیکچر کی فلم بندی اور نشریات کو روکنے کا فیصلہ کیا گیا جس پر کچھ حلقوں کی جانب سے سوالات کیے گئے۔ اب سعودی عرب کے مفتی اعظم کی جانب سے اس حوالے سے دیا گیا فتویٰ سامنے آ گیا ہے۔
سعودی خبر رساں ایجنسی ایس پی اے کے مطابق مفتی اعظم اور سینئر علما کونسل کے چیئرمین شیخ عبدالعزیز آل الشیخ نے اس کو سنگین مسئلہ قرار دیا ہے۔
مفتی اعظم نے جاری کردہ فتویٰ میں کہا ہے کہ مساجد میں نماز، خطبات اور لیکچرز کی تصویر کشی کے ساتھ ساتھ نماز یا عبادات جیسے عبادات کی تصویر کشی کرنے کے احکام ہیں جو تصویر کھینچنے کی نیت اور مقصد کے مطابق مختلف ہیں۔
انہوں نے یہاں نبی کریم صلی اللہ علیہ وسلم کا یہ فرمان نقل کیا: مَنْ سَمَّعَ سَمَّعَ اللَّهُ بِهِ وَمَنْ يُرَائِي يُرَائِي اللَّهُ بِهِ۔ یعنی ’’جو شخص شہرت کی خاطر کوئی عمل کرتا ہے تو (روز قیامت) اللہ اس شخص کو (لوگوں کے سامنے) ذلیل فرمائے گا۔ اور جو دکھلاوا کرتا ہے تو اللہ اسے (لوگوں کو) دکھلا دے گا (کہ یہ شخص ریا کار ہے) ۔
انہوں نے مزید کہا کہ اخلاص اہم ہے اور یہ وہی چیز ہے جو صالحین کو تکلیف دیتی ہے۔ کیونکہ جو شخص جانتا ہے کہ ہر وہ عمل جس سے خدا کے رضا کی امید نہ ہو اسے کرنے والے کی طرف سے رد کر دیا جائے گا۔ قیامت کے دن اپنے آپ کو مفلس پانے سے پہلے ہی غور و فکر کرنے کی ضرورت ہے۔
مفتی اعظم شیخ عبدالعزیز آل الشیخ نے ائمہ اور مبلغین سے اپیل کی ہے کہ وہ اخلاص پر گہری نظر رکھیں اور منافقت اور شکوک و شبہات والی اشیا سے پرہیز کریں۔ ان مشکوک اشیا میں سوشل میڈیا چینلز اور مساجد کی ویب سائٹس کے ذریعے اپنی نمازوں اور لیکچرز کو نشر کرنا اور ان کی فلم بندی کرنا شامل ہے۔
کراچی: نارتھ کراچی میں 12 سالہ بچے نواز کی فائرنگ سے ہلاکت کا واقعہ پیش آیا ہے، نواز موبائل فون سے کوئی ویڈیو بنا رہا تھا۔
تفصیلات کے مطابق متوفی بچے کے ماموں فاروق نے میڈیا سے بات چیت کرتے ہوئے بتایا کہ گھر میں فائرنگ سے ہلاک ہونے والے 12 سالہ نواز کے والدین گھر سے باہر گئے ہوئے تھے، نواز موبائل فون سے کوئی ویڈیو بنا رہا تھا۔
قریبی رشتے دارنے بتایا کہ نواز والدین کی اکلوتی اولاد تھا وہ گھر میں مبینہ طور پرٹک ٹاک بنا رہا تھا، نواز واقعے کے وقت گھرمیں اکیلا تھا۔
