ARYNews.tv | Urdu – Har Lamha Bakhabar

Tag: ویکسینیشن سرٹیفکیٹ

  • بی آر ٹی میں سفر کے لیے آج سے اہم شرط

    بی آر ٹی میں سفر کے لیے آج سے اہم شرط

    پشاور: بس ریپڈ ٹرانزٹ (بی آر ٹی) میں سفر کے لیے اہم شرط عائد کر دی گئی، آج سے ان بسوں میں سفر ویکسینیشن سرٹیفکیٹ سے مشروط ہوگا۔

    تفصیلات کے مطابق ترجمان ٹرانس کا کہنا ہے کہ بی آر ٹی میں سفر کرونا ویکسینیشن سرٹیفکیٹ سے مشروط کر دیا گیا ہے۔

    آج سے کرونا ویکسینیشن سرٹیفکیٹ دکھا کر ہی بی آر ٹی میں سفر کیا جا سکے گا، ترجمان ٹرانس کا کہنا ہے کہ کرونا ویکسینیشن سرٹیفیکٹ نہ ہونے پر سفر کی اجازت نہیں ہوگی۔

    ترجمان نے بتایا کہ حکومتی احکامات پر بی آر ٹی میں 20 ستمبر تک ویکسینیشن کی ڈیڈ لائن دی گئی تھی، جو آج ختم ہو گئی ہے، فیصلے کے مطابق کرونا ویکسینیشن کی ایک ڈوز والے مسافر بی آر ٹی میں سفر کر سکیں گے۔

    پشاور: بی آر ٹی کی کامیابی کے بعد پرانی بسوں کو اسکریپ کرنے کا کام تیزی سے جاری

    واضح رہے کہ خیبر پختون خواہ کے دارالحکومت میں بس ریپڈ ٹرانزٹ (بی آر ٹی) منصوبہ شروع ہونے کے بعد پرانی ویگنوں اور ڈبلیو گیارہ بسوں میں عوامی سواری کا رجحان تقریباً ختم ہوگیا ہے۔

    اے آر وائی نیوز کے مطابق بی آر ٹی پشاور کا ڈبلیو گیارہ بسیں اور پرانی فورڈ ویگنوں کو کباڑ (اسکریپ) کرنے کا منصوبہ کامیابی کے ساتھ جاری ہے۔ ٹرانس پشاور کے ترجمان محمد عمیر خان کے مطابق بی آر ٹی جیسے جدید سفری سہولت کے بعد صوبائی دارالحکومت پشاور میں چلنے والی پرانی دھواں چھوڑنے والی بوسیدہ ڈبلیو گیارہ ٹائپ منی بسوں اور ویگنوں کو مرحلہ وار اسکریپ کرنے کا سلسلہ جاری ہے، اور اب تک 226 پرانی بسوں اور ویگنوں کو اسکریپ کیا جا چکا ہے۔

  • کویت: ویکسینیشن سرٹیفکیٹ میں ترمیم

    کویت: ویکسینیشن سرٹیفکیٹ میں ترمیم

    کویت سٹی: وزارت صحت نے ویکسینیشن سرٹیفکیٹ میں آسٹرازینیکا کا نام شامل کر دیا ہے۔

    تفصیلات کے مطابق کویتی وزارت صحت نے ویکسی نیشن سرٹیفیکیٹ میں ترمیم کر دی ہے، سرٹیفکیٹ میں آسٹرازینیکا کا نام بھی آکسفورڈ کے ساتھ شامل کر دیا گیا۔

    روزنامہ القبس کی رپورٹ میں کہا گیا ہے کہ کوئی بھی شہری یا رہائشی ویکسینیشن پلیٹ فارم سے دوبارہ ترمیم شدہ سرٹیفکیٹ نکال سکتا ہے، حکام کا کہنا تھا کہ سرٹیفکیٹ میں پہلے صرف آکسفورڈ لکھا گیا تھا۔

    حکام کے مطابق اس ترمیم کی وجہ یہ ہے کہ چند ممالک میں صرف آکسفورڈ سے اس ویکسین کو نہیں پہچانا جاتا، اس لیے اس کے ساتھ آسٹرازینیکا شامل کرنا پڑا، اب یہ ویکسین لگوانے والے اسی لنک کا حوالہ دے کر دوبارہ سرٹیفکیٹ حاصل کر سکتے ہیں۔

    خیال رہے کہ یہ ترمیم یورپی یونین کی جانب سے ایک اعلان کے بعد وزارت داخلہ کی جانب سے کروائی گئی ہے، جس میں کہا گیا تھا کہ کرونا ویکسینیشن پاسپورٹ ان لوگوں کو جاری کیا جائے گا جو وائرس کے خلاف مکمل ویکسینیٹڈ ہوں۔

    یورپی یونین سے کرونا ویکسینیشن پاسپورٹ کے حصول کے لیے مندرجہ ذیل 4 ویکسینز میں سے کوئی ایک لینا لازمی شرط ہے، جو کہ یورپی میڈیسن ایجنسی سے منظور شدہ ہیں۔

    ان کرونا ویکسینز میں فائزر بائیو این ٹیک، موڈرنا، آسٹرازینیکا آکسفورڈ، اور جانسن اینڈ جانسن شامل ہیں۔