Tag: ُPahalgam

  • پاک بھارت کشیدگی میں ترکیہ کی طاقت کو دنیا میں سراہا جارہا ہے، طیب اردوان

    پاک بھارت کشیدگی میں ترکیہ کی طاقت کو دنیا میں سراہا جارہا ہے، طیب اردوان

    ترکیہ کے صدر رجب طیب اردوان نے کہا ہے کہ پاک بھارت کشیدگی میں ترکیہ کی طاقت اور وقار کو دنیا میں سراہا جارہا ہے۔

    تفصیلات کے مطابق ترکیہ کے صدر نے پاک بھارت جنگ بندی پر کہا کہ پاکستان اور بھارت کے درمیان جنگ بندی پر اطمینان کا اظہار کرتا ہوں، ہم نے واضح طور پر پاکستان کے برادرعوام کو اپنی حمایت کا یقین دلایا، اپنے بھائی شہباز شریف سے جو ملاقات کی وہ بہت اہم تھی۔

    ترک صدررجب طیب اردوان کا کہنا تھا کہ ہم اچھے اور برے وقت میں برادرملک پاکستان کیساتھ کھڑے رہیں گے، ہم ہمیشہ امن، سفارت کاری اور بات چیت کےلیے تیار ہیں۔

    ترکیہ میں کردستان ورکرز پارٹی نے ہتھیار ڈالنے اور خود کو تحلیل کرنے کا اعلان کردیا

    انھوں نے کہا کہ ایسا ماحول بنایا جاسکتا ہے جہاں ہر کوئی جیت جائے، پاک بھارت جنگی صورتحال میں ترکیہ کی طاقت اور وقار کو دنیا میں سراہا گیا۔

    اس سے قبل ترکیہ کے صدر رجب طیب اردوان نے وزیراعظم شہباز شریف سے ٹیلی فونک رابطہ کیا تھا انھوں نے بھارتی حملوں میں قیمتی جانوں کے ضیاع پر دلی تعزیت کا اظہار کیا تھا۔

    ان کا کہنا تھا کہ ترکیہ پاکستان کے دیرینہ دوست کے طور پر اپنا کردار ادا کرنے کو تیار ہے، ترک قوم پاکستان کے سفارتی اقدامات کی کامیابی کے لیے دعاگو ہے۔

    https://urdu.arynews.tv/turkey-backs-pakistan-condemns-indian-strikes-as-aggression/

  • کیا ٹرینیں معمول کے مطابق چل رہی ہیں؟ وفاقی وزیر ریلوے کا اہم بیان

    کیا ٹرینیں معمول کے مطابق چل رہی ہیں؟ وفاقی وزیر ریلوے کا اہم بیان

    اسلام آباد: پاکستان بھارت کشیدہ صورتحال کے تناظر میں وفاقی وزیر ریلوے حنیف عباسی نے اہم بیان جاری کرتے ہوئے کہا ہے کہ ٹرین آپریشن معمول کے مطابق جاری ہے۔

    تفصیلات کے مطابق وفاقی وزیر ریلوے حنیف عباسی نے ایک اہم بیان میں کہا ہے کہ پاکستان ریلویز کا ٹرین آپریشن معمول کے مطابق چل رہا ہے، تمام ٹرینیں چل رہی ہیں، کوئی ٹرین منسوخ نہیں کی گئی۔

    وزیر ریلوے کی ہدایت پر چیف ایگزیکٹو افسر پاکستان ریلویز خود ٹرین آپریشن کی نگرانی کر رہے ہیں، اور تمام کنٹرول آفسز سینٹرل کنٹرول آفس سے رابطے میں ہیں۔

    آپریشن بُنۡیَانٌ مَّرْصُوْص


    واضح رہے کہ پاکستان کی بھارتی جارحیت کے خلاف جوابی کارروائی جاری ہے، پاکستان کی جانب سے نماز فجر کے وقت آپریشن ’بُنۡیَانٌ مَّرْصُوْص‘ کا آغاز کیا گیا، آپریشن میں پاک فوج نے بھارت کے علاقے بیاس میں براہموس میزائل اسٹوریج سائٹ کو تباہ کر دیا ہے۔

    پاک فوج نے ادھم پور ایئربیس اور پٹھان کوٹ میں ایئر فیلڈ کو ملیامیٹ کر دیا، اس کے علاوہ اڑی سیکٹر میں بھارت کے سپلائی ڈپو کو نیست و نابود کر دیا، جوابی حملے میں بھارت کا بریگیڈ ہیڈ کوارٹرز کے جی ٹاپ کو بھی تباہ کر دیا گیا، آدم پور کی ایئر فیلڈ کو بھی تباہ کر دیا گیا ہے، جہاں سے بھارت نے امرتسر میں سکھوں، پاکستان اور افغاستان پر میزائل داغے گئے تھے۔


    آپریشن بنیان مرصوص : بھارت کی کئی اہم فوجی تنصیبات اور بجلی کا نظام تباہ


    وہ تمام بیسز جہاں سے پاکستان کے عوام اور مساجد پر حملے کیے گئے ان کو نشانہ بنایا جا رہا ہے، فوجی ایکشن کے علاوہ بھاررت کی بجلی تنصیبات پر بڑا سائبر اٹیک بھی کیا گیا، پاکستان نے سائبر اٹیک سے بھارت کے 70 فی صد بجلی گرڈ کو ناکارہ کر دیا، پاکستان نے دہرنگیاری میں بھارتی آرٹلری گن پوزیشن اور نگروٹا میں براہموس اسٹوریج سائٹ کو بھی تباہ کر دیا۔

    نگروٹا میں براہموس اسٹوریج سائٹ تباہ ہونے سے بھاری نقصانات کی اطلاعات ہیں، پاک فوج نے بھارت کی سورت گڑھ ایئر فیلڈ بھی ملیا میٹ کر دی، راجوڑی میں پاکستان میں دہشت گردی کروانے والا بھارتی ملٹری انٹیلیجینس کا تربیتی مرکز اور بھارت کی سرسہ ایئر فیلڈ کو تباہ کر دیا گیا۔


    پاک بھارت کشیدگی سے متعلق تمام خبریں

  • کیا دہشتگرد کے پاس اتناوقت ہوتا ہے وہ پوچھے تمہارا مذہب کیا ہے؟ بھارتی رکن اسمبلی

    کیا دہشتگرد کے پاس اتناوقت ہوتا ہے وہ پوچھے تمہارا مذہب کیا ہے؟ بھارتی رکن اسمبلی

    کانگریس رہنما وجےودتیوار نے پہلگام حملے کے بعد سوال کیا ہے کہ کیا دہشتگرد کے پاس اتناوقت ہوتا ہے وہ پوچھے تمہارا مذہب کیا ہے؟

    پہلگام فالس فلیگ آپریشن کے بعد بھارت کے اندر سے ہی اس کےخلاف آوازیں اٹھ رہی ہیں، کانگریس رہنما کی جانب س مودی سرکار سے سخت سوالات کیے گئے، بھارتی اپوزیشن جماعت کانگریس کے رکن قانون ساز اسمبلی نے مودی کو آڑے ہاتھوں لےلیا ہے۔

    کانگریس رہنما وجےودتیوار نے کہا کہ پہلگام حملے میں سرکار کی ناکامی اور انٹیلی جنس فیلئر پر کوئی بات نہیں کرتا، مذہب پوچھنے والی باتوں کا مقصد عوام کو بیوقوف بنانا ہے

    وجے ودتیوار کا مزید کہنا تھا کہ پہلگام واقعہ کی ذمہ داری کس کی ہے؟ ذمہ داری تو سرکار کو لینی چاہیے، پہلگام میں 27 لوگوں کی جان گئی، تمہاری سیکیورٹی کیوں نہیں تھی؟

    بھارتی رکن قومی اسمبلی نے کہا کہ حملہ کرنے والے 200 کلومیٹر تک اندر گھس آئے، تمہاری انٹیلی جنس کیا کررہی تھی؟ یہاں پر بات ہوتی ہے تو یہ کہ دہشتگردوں نے مذہب پوچھ کر مارا۔

  • بھارت کے پاس پاکستان کیخلاف  کوئی شواہد نہیں، سابق رکن بھارتی پارلیمنٹ

    بھارت کے پاس پاکستان کیخلاف کوئی شواہد نہیں، سابق رکن بھارتی پارلیمنٹ

    پہلگام فالس فلیگ حملے کے بعد بھارت کے اندر سے سوالات اٹھنے لگے ہیں، بھارت کے سابق رکن پارلیمنٹ نے کہا پاکستان کیخلاف کوئی ثبوت نہیں۔

    سابق رکن بھارتی پارلیمنٹ سمرنجیت سنگھ مان نے سوال اٹھایا کہ بھارتی ایجنسیاں کس طرح حملے کا پتہ لگانے میں ناکام رہیں؟ بھارت کے پاس پاکستان کیخلاف کوئی شواہد نہیں، بھارت اتنا معصوم نہیں، کینیڈا میں 3 سکھوں کو قتل کرایا

    سمرنجیت سنگھ مان نے کہا کہ امریکا میں گرپتونت سنگھ پنوں کو مارنے کی کوشش کی، بارڈر بند کرنے سے بھارتی پنجاب کی زراعت و معیشت متاثر ہوگی۔

    سابق رکن بھارتی پارلیمنٹ نے مزید کہا کہ بھارتی صدر کو چاہیے کہ حکومت کو برطرف کریں، بھارتی صدر ملک میں نئے انتخابات، پہلگام حملے کی آزادانہ تحقیقات کا حکم دیں۔

    دریں اثنا دفاعی ماہرین کا کہنا ہے کہ پہلگام حملے کے بعد بھارت سے اٹھنے والی آوازیں مودی کے جھوٹے الزامات کی واضح دلیل ہیں۔

    https://urdu.arynews.tv/pahalgam-attack-shahid-afridi-critisize-to-india/