ARYNews.tv | Urdu – Har Lamha Bakhabar

Tag: ُPAKIND

  • کشمیری عوام کی سفارتی، اخلاقی اور سیاسی حمایت جاری رکھیں گے، شاہ محمود

    کشمیری عوام کی سفارتی، اخلاقی اور سیاسی حمایت جاری رکھیں گے، شاہ محمود

    اسلام آباد : وزیر خارجہ شاہ محمود قریشی نے کہا ہے کہ بھارت سیاسی مقاصد کے لیے کشیدگی کو ہوا دے رہا ہے، کشمیری عوام کی سفارتی، اخلاقی اور سیاسی حمایت جاری رکھیں گے۔

    ان خیالات کا اظہار انہوں نے مشاورتی کونسل برائے امور خارجہ کے اجلاس سے خطاب کرتے ہوئے کیا، اسلام آباد میں وزیر خارجہ شاہ محمود قریشی کی زیرصدارت مشاورتی کونسل برائے امور خارجہ کا تیسرا اجلاس منعقد ہوا۔

    اجلاس میں تہمینہ جنجوعہ، سابق سفرا، خارجہ سیکرٹریز، ماہرین و دیگر نے شرکت کی، اجلاس میں پلوامہ واقعے کے بعد کشیدگی اور خطے میں امن وامان کی صورتحال پر مشاورت کی گئی۔

    اس موقع پر خطاب کرتے ہوئے وزیر خارجہ شاہ محمود قریشی نے کہا کہ پاکستان خطے میں امن کا خواہاں ہے اسی لیے وزیراعظم عمران خان نے بھارتی جارحیت کے باوجود اس کے جواب میں جذبہ خیرسگالی کا ثبوت دیا، وزیراعظم نے جذبہ خیرسگالی کے تحت بھارتی پائلٹ کو باعزت وطن واپس بھجوایا۔

    شاہ محمود قریشی کا کہنا تھا کہ بھارت میں عام اتخابات سے قبل سیاسی مقاصد کے حصول کے لیے مودی حکومت کشیدگی کو ہوا دے رہی ہے لیکن پاکستان کشمیری عوام کی سفارتی،اخلاقی اور سیاسی حمایت جاری رکھے گا۔

    وزیرخارجہ کی زیر صدارت مشاورتی کونسل کے اجلاس میں مقبوضہ کشمیر کی موجودہ صورتحال پر غور کیا گیا جبکہ عالمی برادری کی توجہ بھارتی مظالم کی جانب مبذول کرانے سے متعلق بھی مشاورت کی گئی۔

  • بھارتی فضائیہ کا ایک اورطیارہ راجھستان میں گرکرتباہ

    بھارتی فضائیہ کا ایک اورطیارہ راجھستان میں گرکرتباہ

     

    نئی دہلی: بھارتی فضائیہ کا ایک اور طیارہ راجھستان میں گر کر تباہ ہوگیا، طیارے کے گرنے کی وجہ تاحال معلوم نہیں ہوسکی۔

    تفصیلات کے مطابق آج گرنے والا یہ طیارہ مگ 21 ہے ، حادثے میں طیارے کا پائلٹ با حفاظت باہر نکلنے میں کامیاب ہوگیا ہے۔

    ذرائع کا کہنا ہے کہ یہ طیارہ بھارت کے علاقے راجھستان کے نل نامی ایئر بیس سے اڑا تھا۔ طیارہ راجھستان ہی کے علاقے بکنیر شوبا سر کی دھانی میں جا گرا ہے ۔

    بھارتی وزارت دفاع کا کہنا ہے کہ طیارے کا پائلٹ محفوظ ہے ، ابتدائی تفصیلات کے نتیجے میں معلوم ہوا کہ جہاز پرندہ ٹکرانے کے سبب کریش ہوا ہے تاہم واقعے کی تحقیقات جاری ہیں۔

    یاد رہے کہ 27 فروری کو پاک فضائیہ نے  بھارت کے دو طیارے لائن آف کنٹرول  کی خلاف ورزی پر مار گرائے تھے۔

    ایک طیارہ بھارتی مقبوضہ کشمیر کے علاقے بڈگام میں گرا، جبکہ دوسرا طیارہ پاکستان کی جانب گرا تھا۔ بھارتی علاقے میں گرنے والے طیارے کے دونوں پائلٹ موقع پر ہی ہلاک ہوگئے تھے جبکہ پاکستانی علاقے میں  گرنے والے جہاز کے  پائلٹ ابھی نندن کو حراست میں لے لیا  گیا  گیا تھا، جسے بعد میں جذبہ خیر سگالی کے تحت رہا کردیا گیا۔

    اس سے قبل 19 فروری کو بھارتی میڈیا کے مطابق فضائیہ کے ’سوریا کرن طیارے‘ ایرو انڈیا شو 2019 کی بنگلور میں ریہرسل کررہے تھے کہ اس دوران آپس میں ہوا میں ہی ٹکرا گئے اور ہوائی اڈے پر گر کر تباہ ہوگئے۔

    رواں سال اب تک بھارتی فضائیہ کے کل چھ جہاز اور ایک ہیلی کاپٹر مجموعی طور پر تباہ ہوچکے ہیں، جبکہ پائلٹس کا جانی نقصان اس کے علاوہ ہے۔

  • پاک بحریہ نے سمندری حدود میں موجود بھارتی آبدوز کاسراغ لگا کر داخلے کی کوشش ناکام بنادی

    پاک بحریہ نے سمندری حدود میں موجود بھارتی آبدوز کاسراغ لگا کر داخلے کی کوشش ناکام بنادی

    اسلام آباد : مستعدپاک بحریہ نےدشمن کی ایک اورچال ناکام بنادی، پاک بحریہ نے اپنے سمندری زون میں موجود بھارتی آبدوز کاسراغ لگاکر  داخل ہونے سے روک دیا ۔

    تفصیلات کے مطابق جنگی جنون میں مبتلا بھارت کو سمندری محاذ پر بھی ناکامی کا سامنا ہے، ترجمان پاک بحریہ کا کہنا ہے بھارتی آبدوزکاسراغ لگاکرپاکستان کے پانیوں میں داخل ہونے سے روک دیاگیا ہے، پاک بحریہ اعلیٰ پیشہ ورانہ مہارتوں کےساتھ ہردم چوکنا ہے۔

    پاک بحریہ نے بھارتی آبدوز کی موجودگی کو خفیہ رکھنے کی ہرکوشش کو ناکام بنایا، ترجمان بحریہ کا کہنا ہے کہ امن قائم رکھنےکی حکومتی پالیسی،بھارتی آبدوزکونشانہ نہیں بنایاگیا، بھارتی آبدوزکونشانہ نہ بنانا پاکستان کی امن پسندی کاغمازہے، واقعےسےسبق حاصل کرکےبھارت کوامن کی جانب راغب ہوناچاہیے۔

    ترجمان نے مزید کہا یہ اہم کارنامہ پاکستان نیوی کی اعلیٰ صلاحیتوں کامنہ بولتاثبوت ہے، پاکستان کی بحری سرحدوں کےدفاع کیلئےپاک بحریہ ہرلمحہ مستعدوتیارہے، کسی بھی جارحیت کامنہ توڑجواب دینےکی بھرپورصلاحیت رکھتےہیں۔

    پاک بحریہ ایک بٹن سےبھارتی آبدوزکوسمندرکی تہہ میں دفناسکتی تھی، کموڈور(ر)عبیداللہ

    پاک بحریہ نے بھارتی آبدوز کی فوٹیج بھی جاری کردیں ہیں ، کموڈور(ر)عبیداللہ نے کہا پاک بحریہ ایک بٹن سے بھارتی آبدوز کو سمندر کی تہہ میں دفنا سکتی تھی لیکن پاک بحریہ نے پاکستان کی امن کی پالیسی کے وژن کو آگے بڑھایا۔

    کموڈور(ر)عبیداللہ کا کہنا تھا کہ دشمن کی آبدوزہماری سرزمین کی جانب بڑھ رہی تھی، وزیراعظم عمران خان کااعلان ہے جنگ کی پالیسی ہے نہ جنگ چاہتے ہیں، پاک بحریہ نے دشمن کی آبدوز کو روکا بلکہ واپس جانے پر مجبور کیا۔

    انھوں نے مزید کہا پاک بحریہ بالکل مستعد ہے اور پوری طرح تیار ہے، جس آبدوز کو پکڑا گیا یہ جدید ترین ہے پھر بھی ہم سے نہ چھپ سکی، بھارتی آبدوز ایک سال پرانی ہے، نومبر2017 میں تیارکی گئی ہے۔

    کموڈور(ر)عبیداللہ کا کہنا تھا بھارتی جدیدآبدوز بھی خود کو ہماری بحریہ سے چھپانے میں ناکام رہی، پاک بحریہ کے سامنے بھارت کی جدید آبدوز بھی بے بس رہی۔

    خیال رہے نومبر 2016 کے بعد یہ دوسرا موقع ہے جب پاک بحریہ نے بھارتی آبدوز کا سراغ لگایا ہے۔

    واضح رہے 27 فروری کو پاکستان نے فضائی حدود کی خلاف ورزی پر بھارت کےدو طیارے مارگرائے تھے اور پائلٹ ابھی نندن کوگرفتارکرلیا تھا، جس کے بعد بھارت نے بھی طیاروں کی تباہی اور پائلٹ لاپتہ ہونے کا اعتراف کیا تھا۔

    ڈی جی آئی ایس پی آر نے بتایا تھا بھارتی طیارے پاکستانی حدود میں نشانہ بنائے، ایک طیارہ آزاد کشمیر دوسرا مقبوضہ کشمیر کی حدود میں گرایا۔

    اس سے قبل 26 فروری کو بھارتی طیاروں نے پاکستانی حدود کی خلاف ورزی کی ، تاہم پاک فضائیہ کی بروقت ایکشن پر بھاگنے پر مجبور ہوگئے تھے۔

  • نریندرمودی الیکشن جیتنے کیلئے بے گناہوں کے خون سے ہولی نہ کھیلیں، حمزہ شہباز

    نریندرمودی الیکشن جیتنے کیلئے بے گناہوں کے خون سے ہولی نہ کھیلیں، حمزہ شہباز

    لاہور : پنجاب اسمبلی میں اپوزیشن لیڈر حمزہ شہباز نے کہا ہے کہ مودی کو الیکشن جیتنا ہے تو  خون کی ہولی نہ کھیلیں بلکہ کوئی اور حربہ استعمال کریں، پاکستان کی تمام سیاسی جماعتیں ملکی معاملات پر متحد ہیں۔

    ان خیالات کا اظہار انہوں نے لاہور میں میڈیا سے گفتگو کرتے ہوئے کیا، حمزہ شہباز کا کہنا تھا کہ جب بھی قوم پرکڑا وقت آیا سب متحد ہوگئے، پاکستان کی تمام سیاسی جماعتیں ملکی سلامتی کے معاملات پر متحد ہیں۔

    انہوں نے کہا کہ وطن کیلئے قربانی دینے والے پاک فوج کے شہداء ان کی ماؤں کو سلام ہے، ہمیں جب بھی چیلنج کیا گیا تو مسلح افواج نے قوم کو مایوس نہیں کیا، حسن صدیقی جیسے نوجوان پذیرائی کے مستحق ہیں، پاکستان نے ہمیشہ امن کا پیغام دیا ہے۔

    اپوزیشن لیڈر پنجاب اسمبلی کا مزید کہنا تھا کہ بھارتی وزیر اعظم نریندر مودی کو اگر الیکشن جیتنا ہے تو بے گناہوں کے خون کی ہولی کھیلنے کے بجائے کوئی اور حربہ استعمال کریں، مودی جنگی جنون پیدا کرکے سستی شہرت حاصل نہ کریں۔

    انہوں نے مزید کہا کہ پاکستان اور بھارت سمیت دنیا بھر کا میڈیا مودی کے جنگی جنون پرانگلیاں اٹھارہا ہے۔

  • بھارتی فضاؤں کی بندش کے باعث پاکستان آنے والی پروازیں تعطل کا شکار

    بھارتی فضاؤں کی بندش کے باعث پاکستان آنے والی پروازیں تعطل کا شکار

    کراچی : بھارت نے اپنے جنگی جنون کے تناظر میں بھارتی فضاؤں کو پاکستان آنے والی پروازیں کیلئے بند کررکھا ہے جس کی وجہ سے پاکستانی اور بین الاقوامی ایئر لائنز کی پروازیں تعطل کا شکار ہیں۔

    تفصیلات کے مطابق بھارت نے اپنی فضا سے گزر کر پاکستان آنے والی پروازوں کے لئے فضائی حدود بند کررکھی ہیں، جس کے باعث ملائیشیا اور بنکاک میں موجود محصور پاکستانیوں کو دیار غیر میں سخت مشکلات کا سامنا کرنا پڑرہا ہے۔

    غیرملکی ایئرلائنز میں نشستوں کی کمی کی وجہ سے بھی محصور پاکستانیوں کی مشکلات میں اضافہ ہورہا ہے، بھارتی فضائی حدود کی بندش سے پی آئی اے کی پروازوں کا آپریشن بھی شدید متاثر ہورہا ہے۔

    اس حوالے سے ترجمان پی آئی اے کا کہنا ہے کہ پی آئی اے کی مسافروں کی واپسی کے لئے کوششیں جاری ہیں، کوالا لمپور کی دو،بنکاک کی ہفتہ وارچار پروازیں آپریٹ نہ ہوسکیں۔

    قومی ایوی ایشن پالیسی2019کے مسودہ کی منظوری

    علاوہ ازیں سول ایوی ایشن ہیڈ کوارٹرز میں اعلیٰ سطح کا اجلاس منعقد ہوا، اجلاس کی صدارت ڈی جی سول ایوی ایشن اتھارٹی شاہ رخ نصرت نے کی، اس موقع پر ایئرلائنز اور جنرل ایوی ایشن آپریٹرز کے سربراہوں اور نمائندے بھی موجود تھے۔

    اجلاس میں قومی ایوی ایشن پالیسی2019کے مسودہ کی منظوری دی گئی، اجلاس میں فیصلہ کیا گیا کہ نئی ایوی ایشن پالیسی کا مسودہ حتمی منظوری کیلئے وفاقی کابینہ کو بھیجا جائے گا۔

  • ہم سفارتی تعلقات میں کمزور ہیں، بھارت موقع ہاتھ سے جانے نہیں دیتا، مولا بخش چانڈیو

    ہم سفارتی تعلقات میں کمزور ہیں، بھارت موقع ہاتھ سے جانے نہیں دیتا، مولا بخش چانڈیو

    کراچی : پیپلزپارٹی کے مرکزی رہنما مولا بخش چانڈیو نے کہا ہے کہ بھارت تو اپنے ہاتھ سے کوئی موقع جانے نہیں دیتا، سفارتی تعلقات میں ہم کمزور ہیں اس بات کو تسلیم کرلیں۔

    یہ بات انہوں نے کراچی میں میڈیا سے گفتگو کرتے ہوئے کیا، یہ بات انہوں نے کراچی میں میڈیا سے گفتگو کرتے ہوئے کہی، حالیہ پاک بھارت کشیدگی کے حوالے سے ان کا کہنا تھاکہ مولابخش چانڈیو نے کہا کہ ہمیں یہ بات تسلیم کرنا پڑے گی کہ ہم سفارتی تعلقات میں کمزور ہیں جبکہ بھارت ہمارے خلاف کوئی موقع ہاتھ سے جانے نہیں دیتا پاکستان کو اب بھی بہت محتاط رہنا پڑے گا۔

    ایک سوال کے جواب میں انہوں نے کہا کہ ہم نے حکومت سے جو مفاہمت کی یہ صرف پاکستان کی وجہ سے ہے، اپوزیشن اراکین نے جو مفاہمت کا ہاتھ بڑھایا ہے حکومت اس کو غنیمت سمجھے۔

    آپ مہنگائی کریں اور ہم آپ کا ساتھ دیں ایسا تو نہیں ہوگا، آپ ایوان میں تکبر کے ساتھ گھوم کربیٹھ جاتے ہیں، کیا کوئی ممبر بھی ایسا نہیں جس سے آپ ہاتھ ملانا پسند کریں؟

    آپ کسی سے ہاتھ ملانے کو تیار نہیں یہ جو آج ساتھ ہیں وہ کل نہیں ہوں گے، جس درخت پر پھل زیادہ ہوتے ہیں وہ جھکتا ہے۔

  • فضائی آپریشن کی بحالی کا کام جلد مکمل کیا جائے، ایئرمارشل ارشد ملک

    فضائی آپریشن کی بحالی کا کام جلد مکمل کیا جائے، ایئرمارشل ارشد ملک

    کراچی : سی ای او پی آئی اے ایئرمارشل ارشد ملک نے کہا ہے کہ پی آئی اے کارکنان و عملہ فضائی آپریشن کی بحالی کو جلد از جلد مکمل کرے، بیجنگ، کوالالمپور اور بنکاک کے لئے پروازیں عارضی طور پر بند رہیں گی۔

    تفصیلات کے مطابق پی آئی اے کا فضائی آپریشن ملک کے چار بڑے ایئرپورٹس پر معمول کے مطابق جاری ہے، سی ای او ایئرمارشل ارشد ملک نے ہدایات جاری کی ہیں کہ پی آئی اے کارکنان و عملہ بحالی آپریشن کو جلد از جلد مکمل کرے۔

    انہوں نے کہا کہ گزشتہ چار روز کے دوران فضائی بندش سے چار سو سے زائد پروازیں اور پچیس ہزار سے زائد مسافر متاثر ہوئے، پروازوں کی بحالی کے بعد تقریباً آٹھ ہزار مسافروں کو ان کی منزل مقصود تک پہنچا دیا گیا ہے۔

    ایئرمارشل ارشد ملک کا مزید کہنا تھا کہ فضائی حدود کی بندش کے دوران کراچی سے مسافروں کو زمینی راستے سے لاہور، پشاور، کوئٹہ اور اسلام آباد پہنچایا گیا۔

    بیرون ملک مختلف ممالک میں تعینات اسٹاف مسافروں کی سہولیات کے لئے ہر ممکن اقدامات کر رہا ہے، سی ای او کے مطابق پی آئی اے کی بیجنگ، کوالالمپور اور بنکاک کے لئے پروازیں عارضی طور پر بند رہیں گی،  انہوں نے کہا کہ ہم ایک ٹیم کے طور پر کام کر رہے ہیں، کم سے کم وقت میں مسافروں کو منزل مقصود تک پہنچائیں گے۔

  • بھارت کی ہٹ دھرمی : ہزاروں پاکستانی مسافر بنکاک ائیرپورٹ پر پھنس گئے

    بھارت کی ہٹ دھرمی : ہزاروں پاکستانی مسافر بنکاک ائیرپورٹ پر پھنس گئے

    کراچی : پاک بھارت کشیدگی کے باعث کئی پاکستانی شہری بنکاک ائیرپورٹ پر پھنس گئے، بھارت اپنی فضائی حدود استعمال کرنے کی اجازت نہیں دے رہا۔

    تفصیلات کے مطابق پاکستان اور بھارت کی سرحدوں پر موجودہ صورتحال اور کشیدگی کے باعث  دونوں ممالک کی فضاؤں سے گزرنے والی دنیا بھر کی پروازیں تعطل کا شکار ہیں۔

    بھارت کی روایتی ہٹ دھرمی کی وجہ سے بنکاک ائیرپورٹ پر تین ہزار پاکستانی مسافر  48 گھنٹوں سے واپس وطن جانے کے انتظار میں بیٹھے ہیں۔

    اس حوالے سے ذرائع کا کہنا ہے کہ تھائی ائیر سے پاکستان آنے والے مسافر گزشتہ48گھنٹوں سے ائیرپورٹ پر محصور ہیں جن میں خواتین اور بچے بھی شامل ہیں۔

    ائیرلائنز کا موقف ہے کہ بھارت اپنی فضائی حدود استعمال کرنے کی اجازت نہیں دے رہا، پاکستان کیلئے پروازیں بھارت کے اوپر سے جاتی ہیں جس کے باعث کئی پراوازیں تاخیر کا شکار ہیں۔

    مزید پڑھیں: پاکستان میں فضائی آپریشن کی بحالی کا سلسلہ شروع

    بنکاک ائیرپورٹ پر3ہزار پاکستانی وطن واپسی کے منتظر ہیں، متاثرہ پاکستانیوں نے سوشل میڈیا پر ویڈیو جاری کر دی۔

  • پاکستان اپنے دفاع میں کسی بھی جارحیت کا بھرپور جواب دے گا، جنرل قمر باجوہ

    پاکستان اپنے دفاع میں کسی بھی جارحیت کا بھرپور جواب دے گا، جنرل قمر باجوہ

    راولپنڈی : آرمی چیف جنرل قمر جاوید باجوہ نے صاف الفاظ میں دنیا پر واضح کر دیا ہے کہ  پاکستان اپنے دفاع میں کارروائی کا حق محفوظ رکھتا ہے، کسی بھی جارحیت کا بھرپور جواب دیں گے۔

    ان خیالات کا اظہار  انہوں نے امریکہ ، آسٹریلیا اور برطانیہ کے فوجی حکام اور مختلف ممالک کے سفیروں سے ٹیلی فونک گفتگو کرتے ہوئے کیا۔

    پاک فوج کے شعبہ تعلقات عامہ آئی ایس پی آر کے مطابق جنرل قمر جاوید باجوہ نے کمانڈر یو ایس سینٹ کام جنرل جوزف ووٹل، سی ڈی ایف آسٹریلیا جنرل اینگس جان کیمبل، برطانوی ہائی کمشنر تھامس ڈریو اور چینی سفیر یاؤژنگ سے پاک بھارت کشیدگی کے حوالے سے ٹیلی فونک رابطہ کیا ہے۔

    آرمی چیف نے امریکی فوجی حکام اور سفیروں سے حالیہ پاک بھارت کشیدگی کی صورتحال پر تفصیلی گفتگو کی، آرمی چیف نے خطے کے امن واستحکام پر ممکنہ منفی اثرات پر بھی تبادلہ خیال کیا۔

    مزید پڑھیں: ہم نے مؤثر جواب دے دیا، توقع ہے بھارت ہوش مندی کا مظاہرہ کرے گا: آرمی چیف

    جنرل قمر جاوید باجوہ کا کہنا تھا کہ پاکستان اپنے دفاع میں کسی بھی کارروائی کا حق محفوظ رکھتا ہے، پاکستان اپنے دفاع میں کسی بھی جارحیت کا بھرپور جواب دے گا، ہم اپنے دفاع سے غافل نہیں۔

  • پاکستان کشمیریوں کی حمایت جاری رکھے گا، شہباز شریف

    پاکستان کشمیریوں کی حمایت جاری رکھے گا، شہباز شریف

    اسلام آباد: پارلیمنٹ کے مشترکہ اجلاس میں اپوزیشن شہباز شریف نے خطاب کرتے ہوئے کہا ہے کہ ہماری بہادرافواج پوری قوم کی تحسین کےحقدار ہیں، پاکستان کشمیریوں کی اخلاقی،سفارتی حمایت جاری رکھےگا۔

    تفصیلات کے مطابق پارلیمنٹ میں وزیر اعظم کے خطاب کے بعد گفتگو کرتے ہوئے شہباز شریف کا کہنا تھا کہ بھارت نےپرسوں ہماری سرحدی حدود کی خلاف ورزی کی، پاک فوج کے شاہینوں نے2بھارتی جہازگراکر1965کی یادتازہ کردی ہے۔

    ان کا کہنا ہے کہ ہماری بہادرافواج پوری قوم کی تحسین کےحقدار ہیں۔پوری پارلیمنٹ اورقوم کاپاک فوج کی کارکردگی پرسرفخرسےبلند ہوچکاہے، جس بہادری سےجواب دیاگیا ہے آج ثابت ہوگیا کہ پاک فوج پاکستان کےچپےچپےکی حفاظت کرسکتی ہے۔اپوزیشن لیڈر شہباز شریف نے کہا کہ جنگیں کسی مسئلےکاحل نہیں ہوتیں آخرمیں ٹیبل پربیٹھناہوتاہے۔مقبوضہ کشمیرکامسئلہ کشمیریوں کی خواہشات کےمطابق حل ہوناچاہیے، بھارت کوکشمیریوں کوان کاحق دیناہوگا،حق نہیں دیاتویہ مسئلہ حل نہیں ہوگا۔

    ان کا یہ بھی کہنا ہوگا کہ پاکستان کشمیریوں کی اخلاقی،سفارتی حمایت جاری رکھےگا، مقبوضہ کشمیرمیں ظلم کی انتہاکی جائےگی تو دنیا یقین کرلے کشمیرمیں کبھی امن نہیں ہوگا۔

    وزیر اعظم کا امن کی خاطر بھارتی پائلٹ کو کل رہا کرنے کا اعلان

    شہباز شریف نے کہا کہ پلواماواقعےمیں پاکستان کےملوث ہونےکامودی کاالزام ایک ڈھونگ ہے۔مقبوضہ کشمیرمیں گزشتہ4سال میں جو واقعات ہوئے کشمیرکی ہروادی میں برہان وانی اورڈارپیداہوں گے۔

    ان کا کہنا تھا کہ مودی نےپلواماواقعےکی آڑمیں ایک جنونی کیفیت پیداکردی ہے۔پاک بھارت کشیدگی پہلی مرتبہ نہیں ہوئی اس سےپہلےبھی جنگیں لڑی ہیں،بدقسمتی سےہمارےہمسائےنےپاکستان کوکبھی تسلیم نہیں کیا۔واجپائی نے لاہورمیں مینار پاکستان پر کھڑے ہوکر کہاتھا کہ آج تک پاکستان کو بھارت میں تسلیم نہیں کیا گیا ، آج پاکستان کودل سےتسلیم کرتےہیں۔

    انہوں نے پاک فضائیہ کے پائلٹ کا تذکرہ کرتے ہوئے کہا کہ بات مکمل نہیں ہوگی اگراسکواڈرن لیڈرحسن صدیقی کاذکرنہ کیاجائے، اسکواڈرن لیڈرحسن صدیقی قوم کےہیروہیں۔

    پاک بھارت کشیدگی جسےجڑی تمام تر خبریں