کراچی : محکمہ تعلیم سندھ نے صوبے بھر کے تعلیمی اداروں میں موسم سرماکی تعطیلا ت کے لیےتاریخوں کا اعلان کردیا۔
تفصیلات کےمطابق صوبہ سندھ کے تعلیمی اداروں میں 22دسمبر سے31دسمبر تک تعطیلات ہوں گی۔ تعلیمی ادارے تعطیلات کے بعد 2 جنوری سے کھلیں گے۔محکمہ تعلیم کے مطابق فیصلے کا اطلاق صوبے بھر کےتمام سرکاری ونجی تعلیمی اداروں پر ہوگا۔
خیال رہےکہ محکمہ تعلیم سندھ کی جانب سے موسم سرما کی تعطیلات کےمطابق اس طرح اسکول 11 دن کےلیےبند رہیں گےاور2جنوری کو تعلیمی ادارے معمول کےمطابق کھلیں گے۔
مزید پڑھیں:محکمہ تعلیم اورصحت کی کارکردگی پروزیراعلیٰ سندھ کی برہمی
یاد رہے کہ رواں سال 20اکتوبر کو وزیراعلیٰ سندھ نے محکمہ تعلیم اورمحکمہ صحت کی کارکردگی کے حوالے سے ایک اہم اجلاس میں ملیر کالج کی تعمیراور ڈاکٹرز ڈیوٹی سر انجام نہ دینے پر برہمی کا اظہار کیاتھا۔
مزید پڑھیں:سندھ، نہ اساتذہ نہ طالبات، اپنی نوعیت کا انوکھا اسکول
واضح رہے کہ گزشتہ روزشہری کی شکایت پر اوباڑو میں سیکنڈ سول جج نے گرلز پرائمری اسکول خانپور محلہ پر اچانک چھاپہ ماراتھا۔ چھاپے کے دوران انکشاف ہوا کہ اسکول کئی برسوں سے بند تھا اور اسکول میں نہ تو اساتذہ ہیں اور نہ ہی کوئی طالبات موجود ہیں۔
