ARYNews.tv | Urdu – Har Lamha Bakhabar

Tag: ٔپنجاب

  • یونیورسٹیز میں وائس چانسلرز کی تعیناتی ، دو بڑی حکومتی جماعتوں میں ٹھن گئی

    یونیورسٹیز میں وائس چانسلرز کی تعیناتی ، دو بڑی حکومتی جماعتوں میں ٹھن گئی

    لاہور : پنجاب میں یونیورسٹیز میں وائس چانسلرز کے معاملے پر دو بڑی حکومتی جماعتوں میں ٹھن گئی، گورنر پنجاب کا کہنا ہے کہ وزیراعلی پنجاب کے تجویز کردہ ناموں میں بعض پر کرپشن کے الزامات ہیں۔

    تفصیلات کے مطابق پنجاب میں چودہ یونیورسٹیز میں وائس چانسلرز کی تعیناتی کے معاملے پر نون لیگ اور پیپلزپارٹی میں اختلافات سامنے آگئے۔

    گورنر پنجاب سردار سلیم حیدر نے وائس چانسلرز کی تقرری کیلئےوزیر اعلیٰ پنجاب مریم نواز کی بھیجی گئی سمری پراعتراض اٹھایا اور کہا وزیراعلی پنجاب کی جانب سے وائس چانسلرز کی تقرری کیلئے تین نام دیئےجاتےہیں لیکن انہوں نے صرف ایک نام بھیجا۔

    سلیم حیدر کا کہنا تھا کہ ان ناموں پرہمیں اطمینان نہیں، بعض کے خلاف کرپشن کےالزامات ہیں۔

    وزیر اطلات پنجاب عظمی بخاری نے اس پرردعمل دیتے ہوئے کہا گورنر صاحب وائس چانسلرز کی تقرری کے لیے سلیکشن کمیٹی کی منظوری کابینہ نے دی، گورنر کا کام اسمبلی اور کابینہ فیصلوں پرمہرلگانا ہوتا ہے۔

    عظمی بخاری کا کہنا تھا کہ کابینہ کے فیصلوں کو مسترد کرنے کا مجاز نہیں۔۔ آپ اپوزیشن کا رول ادا کرنے کی بجائے گورنرشپ کو آئینی عہدے تک محدود رہنے دیں، اپوزیشن کا رول ادا کرنے کیلئے پی ٹی آئی کافی ہے۔

  • 4 بچوں کو قتل کرنے والے باپ کو عدالت نے 4 بار سزائے موت سنا دی

    4 بچوں کو قتل کرنے والے باپ کو عدالت نے 4 بار سزائے موت سنا دی

    سرائےعالمگیر: 4 بچوں کو قتل کرنے والے باپ کو عدالت نے سزائے موت سنا دی۔

    تفصیلات کے مطابق گجرات کی تحصیل سرائے عالم گیر میں غربت سے تنگ 50 سالہ باپ ایوب نے دو سال قبل 3 بیٹیوں سمیت اپنے 4 بچوں کو قتل کر دیا تھا، ایڈیشنل سیشن جج نے قاتل باپ کو 4 بار سزائے موت اور 16 لاکھ جرمانے کی سزا سنائی۔

    مقتول بچیوں کی عمریں 6، 8 اور 10 سال تھیں، بیٹا معذور تھا جس کی عمر 12 سال تھی، مجرم ایوب کے خلاف 2018 میں قتل کا مقدمہ درج ہوا تھا۔

    یہ واقعہ تھانہ صدر کے علاقے ڈیرہ پہاڑیاں میں پیش آیا تھا، جب سنگ دل باپ نے اپنے 4 جگر گوشوں کو کلہاڑی کے وار سے ابدی نیند سلا دیا تھا، جب کہ ایک بچے نے بھاگ کر جان بچائی تھی، قتل ہونے والوں میں 12 سالہ علی شان، 10 سالہ زینب، 8 سالہ عشا، اور 6 سالہ ایمن شامل تھیں۔

    سنگ دل باپ نے بچوں کو کمرے میں بند کر کے کلہاڑی مار کر قتل کیا تھا، بعد ازاں اہل علاقہ نے اسے پکڑ کر پولیس کے حوالے کر دیا۔

  • گجرات، غربت سے تنگ باپ 4 بچوں سمیت نہر میں کود گیا

    گجرات، غربت سے تنگ باپ 4 بچوں سمیت نہر میں کود گیا

    گجرات: صوبہ پنجاب کے شہر گجرات میں غربت سے تنگ باپ چار بچوں سمیت نہر میں کود گیا۔

    تفصیلات کے مطابق صوبہ پنجاب کے شہر گجرات میں غربت سے پریشان باپ چار بچوں سمیت نہر میں کود گیا، شاویز نے 4 بچے موٹر سائیکل پر سوار کرکے نہر میں گرادی۔

    پولیس کا کہنا ہے کہ ریسکیو ٹیم نے باپ اور تین بچوں کو نہر سے زندہ باہر نکال لیا جبکہ چوتھے بیٹے کی تلاش کے لیے نہر میں ریسکیو آپریشن جاری ہے۔

    واضح رہے کہ رواں سال فروری میں گھریلو حالات سے تنگ آکر ماں نے مبینہ طور پر 2 بچیوں کو نہر میں پھینک دیا تھا، بچیوں کی عمریں ساڑھے سات سال اور تین سال تھیں۔

    مزید پڑھیں: غربت سے بدحال ماں نے دو بچیاں نہرمیں پھینک دیں

    یاد رہے کہ گزشتہ سال اکتوبر میں کراچی کے علاقے ناظم آباد میں غربت کے مارے رکشہ ڈرائیور نے سی این جی نہ ملنے پر رکشہ جلادیا، پمپ سے پیٹرول خریدا اور کچھ دور جاکر رکشے پر چھڑکا اور آگ لگائی اور خودسوزی کی کوشش کی جسے شہریوں نے ناکام بنادیا۔

    خیال رہے کہ غربت اور سماجی تفریق کے سبب ملک میں اس قسم کے واقعات بڑھتے ہی جارہے ہیں، غربت اور بیروزگاری سے تنگ آکر نوجوان بھی خودسوزی پر مجبور ہیں۔